ಭೂತಾನ್ ಮಕ್ಕಳ ಮುಗ್ಧತೆ, ಪ್ರೀತಿ ಮತ್ತು ಬಿಡಿ ಚಿತ್ರಗಳು

By ಓಂ

Updated: Sunday, August 21, 2016, 16:26 [IST]

ಭೂತಾನ್ ನಲ್ಲಿ ಮಕ್ಕಳು ಸಿಕ್ಕಾಗೆಲ್ಲಾ ನನ್ನ ಜೇಬಲ್ಲಿಟ್ಟುಕೊಂಡಿದ್ದ ಚಾಕೋಲೆಟ್ ಗಳನ್ನು ಕೊಡುತ್ತಿದ್ದೆ. ಎರಡೂ ಕೈ ಜೋಡಿಸಿ, ಪ್ರೀತಿಯಿಂದ ನಾವು ಕೊಡುವ ಚಾಕೋಲೆಟ್ ಅಥವಾ ತಿಂಡಿಯನ್ನು ಅವರು ಪಡೆಯುವ ರೀತಿ ಕಂಡು ಸಂಕೋಚವಾಗುತ್ತಿತ್ತು.

ಅವರು ನಮ್ಮಿಂದ ತಿಂಡಿಯನ್ನಲ್ಲ, ಪ್ರೀತಿಯನ್ನು ಪಡೆಯುವಂತೆ ಭಾಸವಾಗುತ್ತಿತ್ತು. ನಾನು ಕೊಟ್ಟದ್ದು ದೊಡ್ಡದಲ್ಲ, ಅವರು ಸ್ವೀಕರಿಸಿದ್ದು ದೊಡ್ಡದು. ಅವರು ಸ್ವೀಕರಿಸಿದ ರೀತಿ ನನ್ನನ್ನು ಸಣ್ಣವನ್ನಾಗಿಸಿತ್ತು. ತೆಗೆದುಕೊಳ್ಳುವವರು ಅಷ್ಟು ಪ್ರೀತಿಯಿಂದ ಪಡೆದರೆ, ಕೊಡುವವರು ಮತ್ತಷ್ಟು ಪ್ರೀತಿಯಿಂದ ಕೊಡಬೇಕೆಂಬ ಪಾಠವನ್ನು ಅವರು ಕಲಿಸಿದರು.[ಮದುವೆ ತಡವಾಗಿದ್ದರೆ ಕಾಣಿರಿ ನಿತ್ಯ ಕಲ್ಯಾಣ ಪೆರುಮಾಳ್]

ಅಲ್ಲಿ ಝೋಂಗ್ ಒಳಗೆ ಸಿಕ್ಕ ಹುಡುಗರಿಗೆ ಚಾಕೋಲೆಟ್ ಕೊಟ್ಟಾಗ ಒಬ್ಬ, ನನಗೆ ಹೊರಗೆ ಕೊಟ್ಟಿದ್ದೀರಿ, ಬೇಡ' ಎಂದು ನಿರಾಕರಿಸಿದ. ಎರಡನೇ ಬಾರಿ ಬೇಡ ಎನ್ನುವ ಅವನ ಸೌಜನ್ಯ ಕಂಡು ಖುಷಿಯಾಗಿ ಒತ್ತಾಯ ಮಾಡಿ ಚಾಕೋಲೇಟ್ ಕೊಟ್ಟೆ.