Double Decker Flyover: ಮೆಟ್ರೋ ಮಾರ್ಗದ ಜೊತೆ ಡಬಲ್ ಡೆಕ್ಕರ್ ಫ್ಲೈಓವರ್ ನಿರ್ಮಾಣಕ್ಕೆ ಸಿದ್ಧತೆ, ಎಲ್ಲಿ?
ಬೆಂಗಳೂರು, ನವೆಂಬರ್, 21: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ನಮ್ಮ ಮೆಟ್ರೋ ರೈಲು ಹಾಗೂ ವಾಹನಗಳ ಸಂಚಾರಕ್ಕೆ ಅನುಕೂಲ ಆಗುವಂತೆ ಡಬಲ್ ಡೆಕ್ಕರ್ ಫ್ಲೈಓವರ್ಗಳನ್ನು ನಿರ್ಮಾಣ ಮಾಡಲು ಸ್ಥಳಗಳನ್ನು ಗುರುತಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಬೆಂಗಳೂರು ನಗರಾಭಿವೃದ್ಧಿ ಸಚಿವರೂ ಆಗಿರುವ ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಅವರು ತಿಳಿಸಿದ್ದಾರೆ.
ನೂತನವಾಗಿ ನಿರ್ಮಾಣವಾಗಲಿರುವ ಮೆಟ್ರೋ ಮಾರ್ಗ ಮತ್ತು ಇನ್ನೂ ಕಾಮಗಾರಿ ಆರಂಭ ಆಗದ ಕಡೆಗಳಲ್ಲಿ ಫ್ಲೈಓವರ್-ಕಂ-ಮೆಟ್ರೋ ಮಾರ್ಗ ನಿರ್ಮಿಸಲು ಉದ್ದೇಶಿಸಲಾಗಿದೆ. ಸಿಲ್ಕ್ ಬೋರ್ಡ್ ಜಂಕ್ಷನ್ನಲ್ಲಿ ಪ್ರಾಯೋಗಿಕವಾಗಿ ಈ ಕಾಮಗಾರಿ ಪ್ರಾರಂಭ ಮಾಡಲಾಗಿದೆ ಎಂದು ಡಿ.ಕೆ.ಶಿವಕುಮಾರ್ ಅವರು ಹೇಳಿದ್ದಾರೆ ಅಂತಾ ಪ್ರಜಾವಾಣಿ ವರದಿ ಮಾಡಿದೆ.
ರಾಗಿಗುಡ್ಡ ಮತ್ತು ಸೆಂಟ್ರಲ್ ಸಿಲ್ಕ್ ಬೋರ್ಡ್ ನಡುವಿನ ರಸ್ತೆ-ಕಂ-ಮೆಟ್ರೋ ಮೇಲ್ಸೇತುವೆಯನ್ನು ಉಲ್ಲೇಖಿಸಿದ ಅವರು, ನಗರದಲ್ಲಿ ಒಂದು ಫ್ಲೈಓವರ್ ಮತ್ತು ಮೆಟ್ರೋ ಮಾರ್ಗ ಇರಬೇಕು ಎಂದು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದೇನೆ. ಆದ್ದರಿಂದ ಸುರಂಗ ಮಾರ್ಗ ಯೋಜನೆ ವಿಳಂಬವಾಗಬಹುದು. ಇನ್ನು ಈ ಡಬಲ್ ಡೆಕ್ಕರ್ಗಳ ನಿರ್ಮಾಣ ವೆಚ್ಚವನ್ನು ಬಿಬಿಎಂಪಿ, ಬಿಡಿಎ ಹಾಗೂ ಬಿಎಂಆರ್ಸಿಎಲ್ ಹಂಚಿಕೆ ಮಾಡಿಕೊಳ್ಳಲಿವೆ ಎಂದು ತಿಳಸಿದ್ದಾರೆ.
ಈ ಮಾರ್ಗಗಳಲ್ಲಿ ಫೀಡರ್ ಬಸ್ಗಳ ಸೇವೆ
ರಾಜ್ಯ ರಾಜಧಾನಿ ಬೆಂಗಳೂರಿಗರ ದಿನನಿತ್ಯದ ಸಾರಿಗೆ ಜೀವನದ ಜೀವನಾಡಿಯಾಗಿ ಬಿಎಂಟಿಸಿ, ನಮ್ಮ ಮೆಟ್ರೋ ಕಾರ್ಯಾಚರಣೆ ನಡೆಸುತ್ತಿವೆ. ಹಾಗೆಯೇ ಇದೀಗ ನಗರದಲ್ಲಿ ನಮ್ಮ ಮೆಟ್ರೋಗೆ ಬಹುತೇಕ ಎಲ್ಲಾ ಮಾರ್ಗಗಳಿಂದಲೂ ಸಂಪರ್ಕ ಕಲ್ಪಿಸುವ ಉದ್ದೇಶದಿಂದ ನಿರ್ದಿಷ್ಟ ಮಾರ್ಗಗಳಿಗೆ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (BMTC)ಯು ಫೀಡರ್ ಬಸ್ಗಳನ್ನು ಪ್ರಾರಂಭ ಮಾಡಲು ನಿರ್ಧರಿಸಿದೆ.
ಬಿಎಂಟಿಸಿಯು ಮೆಟ್ರೋ ನಿಲ್ದಾಣಗಳನ್ನು ಸಂಪರ್ಕಿಸುವ ಹೊಸ ಫೀಡರ್ ಮಾರ್ಗಗಳನ್ನು ಪರಿಚಯಿಸಿದೆ. ಹಾಗಾದರೆ ಯಾವ್ಯಾವ ಮಾರ್ಗಗಳಲ್ಲಿ, ಯಾವ್ಯಾವ ಸಮಯಕ್ಕೆ ಈ ಫೀಡರ್ ಬಸ್ಗಳನ್ನು ಓಡಿಸಲು ನಿರ್ಧರಿಸಿದೆ ಎನ್ನುವ ಮಾಹಿತಿಯನ್ನು ಇಲ್ಲಿ ಗಮನಿಸಿ.
ನವೆಂಬರ್ 20 ರಿಂದ ಬಿಎಂಟಿಸಿ ಉತ್ತರ ಬೆಂಗಳೂರಿನಲ್ಲಿ ಏಳು ಹೊಸ ಮೆಟ್ರೋ ಫೀಡರ್ ಸೇವೆಗಳನ್ನು ಪರಿಚಯಿಸಿದೆ. ಹೊಸ ಮಾರ್ಗಗಳು ನೋಡುವುದಾದರೆ, MF-23E, MF-25 ಮತ್ತು MF 27 ಆಗಿವೆ. ಈ ಮಾರ್ಗದ ಬಿಎಂಟಿಸಿ ಬಸ್ ಯಾವ ಮಾರ್ಗದಲ್ಲಿ ಸಂಚಾರ ಮಾಡುತ್ತದೆ ಎನ್ನುವ ಮಾಹಿತಿಯನ್ನು ಕೆಳಗೆ ನೀಡಲಾಗಿದೆ ಗಮನಿಸಿ.
ಬೆಂಗಳೂರಿನಲ್ಲಿ ನಮ್ಮ ಮೆಟ್ರೋದ ಪರ್ಪಲ್ ಲೈನ್ನಲ್ಲಿ ಸಂಪೂರ್ಣವಾಗಿ ಕಾರ್ಯನಿರ್ವಹಿಸುವುದರೊಂದಿಗೆ, ಬೆಂಗಳೂರು ಮೆಟ್ರೋಪಾಲಿಟನ್ ಸಾರಿಗೆ ಸಂಸ್ಥೆ (BMTC) ಕೊನೆಯ ಮೈಲಿ ಸಂಪರ್ಕವನ್ನು ಹೆಚ್ಚಿಸಲು ವಿವಿಧ ಮೆಟ್ರೋ ನಿಲ್ದಾಣಗಳನ್ನು ಸಂಪರ್ಕಿಸುವ ಹೊಸ ಫೀಡರ್ ಮಾರ್ಗಗಳನ್ನು ಪರಿಚಯಿಸಿದೆ.
ಮಾರ್ಗ ಸಂಖ್ಯೆ MF-23E ಜಾಲಹಳ್ಳಿ ಮೆಟ್ರೋ ನಿಲ್ದಾಣವನ್ನು ಎಂಎಸ್ ಪಾಳ್ಯ ಮಾರ್ಗವಾಗಿ ಚಿಕ್ಕಬಾಣಾವರ, ಗಾಣಿಗರಹಳ್ಳಿ, ಗುಣಿ ಅಗ್ರಹಾರ ಮಾರ್ಗವಾಗಿ ಸಂಪರ್ಕ ಮಾಡುತ್ತದೆ. ಮಾರ್ಗ ಸಂಖ್ಯೆ MF-25 ನಾಗಸಂದ್ರದ ಮೂಲಕ ತಿಪ್ಪೇನಹಳ್ಳಿಗೆ 8ನೇ ಮೈಲಿ ಸಂಪರ್ಕಿಸುತ್ತದೆ.
ಮಾರ್ಗ ಸಂಖ್ಯೆ ಎಂಎಫ್ 27 ಜಾಲಹಳ್ಳಿ ಮೆಟ್ರೊ ನಿಲ್ದಾಣ ಮತ್ತು ಮಾಕಳಿಗೆ ಬಾಗಲಗುಂಟೆ, ಆಚಾರ್ಯ ಕಾಲೇಜು, ಆಲೂರು ಮೂಲಕ ಸಂಪರ್ಕ ಕಲ್ಪಿಸಲಿದೆ. BMTCಯು ಮಾದಾವರದಿಂದ ನೈಸ್ ರಸ್ತೆ (ಮಾರ್ಗ ಸಂಖ್ಯೆ 8C) ಮೂಲಕ ಎಲೆಕ್ಟ್ರಾನಿಕ್ ಸಿಟಿಗೆ ಹೊಸ ಮಾರ್ಗವನ್ನು ಪರಿಚಯಿಸಿದೆ.
ಬಿಎಂಟಿಸಿಯ ಈ ಕ್ರಮವು ಎಲೆಕ್ಟ್ರಾನಿಕ್ ಸಿಟಿಯ ಮಾಹಿತಿ ತಂತ್ರಜ್ಞಾನ ಮತ್ತು ಜೈವಿಕ ತಂತ್ರಜ್ಞಾನ ಕೇಂದ್ರದಲ್ಲಿ ಸಾವಿರಾರು ಉದ್ಯೋಗಿಗಳಿಗೆ ಸಹಾಯ ಮಾಡುತ್ತದೆ. ಬೆಂಗಳೂರಿನೊಳಗೆ ತನ್ನ ಬಸ್ಗಳ ದಟ್ಟಣೆಯನ್ನು ಕಡಿಮೆ ಮಾಡುತ್ತದೆ ಎಂದು ನಿರೀಕ್ಷಿಸುತ್ತದೆ. ಬೆಂಗಳೂರಿನಲ್ಲಿ ಹೊಸ ಮಾರ್ಗಗಳು ಮೇಲಿನವುಗಳ ಜೊತೆಗೆ, ಬಿಎಂಟಿಸಿ ಬೆಂಗಳೂರಿನಲ್ಲಿ ಹೊಸ ಬಸ್ ಮಾರ್ಗಗಳನ್ನು ಪರಿಚಯಿಸಿದೆ.
ಮೇಲಿನವುಗಳ ಜೊತೆಗೆ, BMTC ಬೆಂಗಳೂರಿನಲ್ಲಿ ಹೊಸ ಬಸ್ ಮಾರ್ಗಗಳನ್ನು ಪರಿಚಯಿಸಿದೆ. ನಿಗಮವು ಹೊಸ ಮಾರ್ಗ ಸಂಖ್ಯೆಗಳನ್ನು ಪರಿಚಯಿಸಿದ್ದು, ಅದು ನಾನ್ ಎಸಿ ಸೇವೆಗಳಾದ 515 A, 507 G, 290-EH ಆಗಿದೆ. ಮಾರ್ಗ ಸಂಖ್ಯೆ 515 ಎ ಉಳ್ಳಾಲ ಸ್ಯಾಟಲೈಟ್ ಪೇಟೆಯಿಂದ ಮುದ್ದೈಹನಪಾಳ್ಯ, ಅಂದ್ರಹಳ್ಳಿ, ಪೀಣ್ಯ 2ನೇ ಹಂತ, ಜಾಲಹಳ್ಳಿ ಕ್ರಾಸ್ ಮೂಲಕ ಯಶವಂತಪುರ ಟಿ.ಟಿ.ಎಂ.ಸಿಗೆ ತಲುಪಲಿದೆ.
ಮಾರ್ಗ ಸಂಖ್ಯೆ 507 ಜಿ ಕೆ.ಆರ್. ಪುರಂನಿಂದ ಟಿನ್ ಫ್ಯಾಕ್ಟರಿ, ಕಸ್ತೂರಿನಗರ, ಬಾಬುಸಪ್ಪಳ್ಯ, ಹೆಣ್ಣೂರು ಕ್ರಾಸ್, ಕೊತ್ತನೂರು, ಮತ್ತು ಕಣ್ಣೂರಿಗೆ ತಲುಪಲಿದೆ. ಮಾರ್ಗ ಸಂಖ್ಯೆ 290-ಇಹೆಚ್ ಶಿವಾಜಿನಗರ ಬಸ್ ನಿಲ್ದಾಣದಿಂದ ಕೋಗಿಲು, ಅಗ್ರಹಾರ ಲೇಔಟ್, ತಿರುಮೇನಹಳ್ಳಿ ಕ್ರಾಸ್, ನಾಗವಾರ ಮಾರ್ಗವಾಗಿ ಯಲಹಂಕ 5ನೇ ಹಂತಕ್ಕೆ ತಲುಪುತ್ತದೆ.
Click it and Unblock the Notifications
Sign in with Google