ನಾನೋದಿದ 'ಹರಿ'ಕಥೆ; ಒಂದು ಕಂದಪದ್ಯ

ಕೊನೆಗು ಸಮಯವೊದಗಿ ಕಲಿತ

ಕನ್ನಡದಿ ರಚಿಸಿದ ಕವಿತೆಗಳ ಜನವೊಪ್ಪೀ

ಮನದುಂಬಿ ಹರಸಿದೊಡದುವೆ

ಎನಿತೋ ತಾಯ್ನುಡಿಗೆ ಸೇವೆ ಸಲ್ಲಿಸಿದಂತೇ || 1 ||

ಕಲಿಯುವರಿಗೆಲ್ಲ ಸುಲಬದ
ಕಲೆಯಾಲೆಮನೆಯು ನವೀನ ಅಂತರ್ಜಾಲಾ
ಹಲವಂಕಣ ಅನಿಸಿಕೆ ಕವನ
ಕಾಲದ ರಸಿಕರಭಿಲಾಷೆಯನು ತಿಳಿಸುವುವೂ || 2 ||

ಅದನಿಂದೂ ತಡಕುತಿರಲು
ವಿಧಿವಶರಾದ ಹರಿ ಕಥೆಯು ಮನವ ಸೆಳೆಯಿತೂ |
ಓದೋದಿ ನಮಿಸಿದೆನವರ
ಸಾದನೆ ತಾಯ್ನುಡಿಯ ಸಿರಿಯ ಹರಡಿದ ಹಿರಿಮೇ || 3 ||

ಹರಿಯೆಂಬಾ ಅನಿವಾಸಿಯು
ಸಿರಿನುಡಿ ಪದವಿಧರೆಯರಸಿ ವರಿಸಿದನಂತೇ || 4 ||
ವಿರಳ ವಿರಾಮದ ವೇಳೆಯ
ಊರನುಡಿ ಮಹಿಮೆಯ ಹಾಡುತ ಕಳೆದನಂತೇ

ಹೊರನಾಡ ಕನ್ನಡಿಗರಲಿ
ಬರೆವಾಸೆಯ ಬೀಜ ಬಿತ್ತಿ ಮೊಳಸಿದನಂತೇ
ಬರೆದ ಬರಹ ಸವಿಯಾದೊಡೆ
ಹರುಷವ ಪಾಯಸವನುಂಡು ತೋರಿದನಂತೇ || 5 ||

ಮಾಸಿಕೆಯ ಬಯಸಿದ ಜನಕೆ
ಹೊಸ ರುಚಿಯ ಅಮೇರಿಗನ್ನಡ ರಚಿಸಿದನಂತೇ |
ತುಸವಾದರೂ ಕೊಡುಗೆಗಳು
ಕಿಸೆಕಾಸಿನಲಿ ಬಹುಮಾನ ಹಂಚಿದನಂತೇ || 6 ||

ನಾಡಿನ ಸೇವೆಗಳೊಡನೇ
ಸಡಗರ ಸಂಬ್ರಮದ ದೇವ ಪೂಜೆಯ ವಿಧಿಯಾ |
ಉಡುಗರೆಯ ಪುಸ್ತಕ ನೆನೆದು
ಒಡನಾಡಿಗಳಿವನ ಬೀಳ್ಕೋಡುವುದದು ಸಹಜಾ || 7||