ಮಲ್ಪೆ ಬೀಚ್ ನಲ್ಲಿ ಎರಡು ದೋಣಿಗಳ ಪರಸ್ಪರ ಡಿಕ್ಕಿ
ಉಡುಪಿ, ಫೆಬ್ರವರಿ. 15 : ಮೀನುಗಾರಿಕೆಗೆ ತೆರಳಿದ್ದ 'ಸೀ- ಪರ್ಲ್' ಎಂಬ ಹೆಸರಿನ ದೋಣಿಗೆ 'ಅಲ್-ರಮೀಜ್' ಎಂಬ ಹೆಸರಿನ ಮತ್ತೊಂದು ದೋಣಿ ಡಿಕ್ಕಿ ಹೊಡೆದ ಘಟನೆ ಮಂಗಳವಾರ ತಡರಾತ್ರಿ ಮಲ್ಪೆಯಿಂದ ಸುಮಾರು 21 ನಾಟಿಕಲ್ ದೂರದಲ್ಲಿ ನಡೆದಿದೆ.
ಇದರಿಂದ 'ಸೀ- ಪರ್ಲ್ ' ಬೊಟ್ ಭಾಗಶಃ ಹಾನಿಯಾಗಿದ್ದು, ಇದರಲ್ಲಿದ್ದ ಆರು ಮಂದಿ ಮೀನುಗಾರರು ಅಪಾಯದಿಂದ ಪಾರಾಗಿದ್ದಾರೆ. ಉಳ್ಳಾಲ ಅಕ್ಕರೆಕೆರೆಯ ರಿಯಾಜ್ ಅಹ್ಮದ್ ಎಂಬವರಿಗೆ ಸೇರಿದ 'ಸೀ - ಪರ್ಲ್' ಬೋಟ್ ಈ ಅವಘಡಕ್ಕೀಡಾಗಿದೆ.
'ಅಲ್- ರಮೀಜ್' ಬೋಟ್ ಡಿಕ್ಕಿ ಹೊಡೆದ ಪರಿಣಾಮ 'ಸೀ-ಪರ್ಲ್' ಬೋಟ್ ಒಳಗೆ ನೀರು ನುಗ್ಗಿತ್ತು. ಅಪಾಯದ ಮುನ್ಸೂಚನೆ ಅರಿತ ತಕ್ಷಣ 'ಅಲ್ ರಮೀಜ್ ' ಬೋಟ್ ನವರು 'ಸೀ-ಪರ್ಲ್' ಬೋಟ್ ನಲ್ಲಿದ್ದವರನ್ನು ರಕ್ಷಿದ್ದಾರೆ.
ಅಲ್ಲದೆ ಸುಮಾರು ಒಂದು ಗಂಟೆಗಳ ಕಾಲ 'ಸೀ-ಪರ್ಲ್' ಬೋಟನ್ನು ಎಳೆದು ಸಮುದ್ರದ ದಡ ಸೇರಿಸಲು ಪ್ರಯತ್ನಿಸಿದರು. ಆದರೆ, ಹಗ್ಗ ತುಂಡಾದ ಪರಿಣಾಮ ಬೋಟನ್ನು ಎಳೆದು ದಡ ಸೇರಿಸುವ ಪ್ರಯತ್ನ ಕೈಗೂಡಲಿಲ್ಲ ಎನ್ನಲಾಗಿದೆ. 'ಸೀ-ಪರ್ಲ್' ಬೋಟ್ ನಲ್ಲಿದ್ದವರನ್ನು ಸುರಕ್ಷಿತವಾಗಿ ಮಂಗಳೂರು ಧಕ್ಕೆಗೆ ಸೇರಿಸಿದ್ದಾರೆ.
Click it and Unblock the Notifications
Sign in with Google