Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸತತ 19 ಬಾರಿ ಕೊರೊನಾ ಪರೀಕ್ಷೆ ಮಾಡಿದ್ರೂ ಫಲಿತಾಂಶ 'ಪಾಸಿಟಿವ್'
ತಿರುವನಂತಪುರಂ, ಏಪ್ರಿಲ್ 21: ಕೊರೊನಾ ವೈರಸ್‌ಗೆ ಇದುವರೆಗೂ ಯಾರೂ ಚಿಕಿತ್ಸೆ ಕಂಡುಹಿಡಿದಿಲ್ಲ. ಮನುಷ್ಯನ ದೇಹದಲ್ಲಿರುವ ರೋಗ ನಿರೋಧಕ ಶಕ್ತಿ ಮತ್ತು ವೈದ್ಯರು ನೀಡುವ ಕೆಲವು ನಿರ್ದಿಷ್ಟ ಚಿಕಿತ್ಸೆಗಳು ಈ ವೈರಸ್‌ನಿಂದ ಪಾರಾಗಲು ನೆರವಾಗುತ್ತಿದೆ.
Recommended Video
ಈ ಸೋಂಕು ಕಾಣಿಸಿಕೊಂಡರೆ 14 ದಿನ ಕ್ವಾರೆಂಟೈನ್ ಮಾಡಲಾಗುತ್ತೆ. ಬಳಿಕ ಕೊರೊನಾ ಪರೀಕ್ಷೆ ಮಾಡಿ ಆಗ ನೆಗಿಟಿವ್ ಬಂದರೆ ಅವರು ವೈರಸ್‌ನಿಂದ ಚೇತರಿಸಿಕೊಂಡಿದ್ದಾರೆ ಎಂದು ನಿರ್ಧರಿಸಲಾಗುತ್ತೆ. ಕೆಲವರಿಗೆ 14 ದಿನ, ಇನ್ನು ಕೆಲವರಿಗೆ 28 ದಿನ ಆಗಬಹುದು. ಒಂದು ಸಲ ಪರೀಕ್ಷಿಸಬಹುದು, ಎರಡು ಸಲ ಪರೀಕ್ಷಿಸಬಹುದು ಅಥವಾ ಆ ಪರೀಕ್ಷೆ ಐದು ಆಗಬಹುದು, ಹತ್ತು ಆಗಬಹುದು.
ಕೇರಳದಲೊಬ್ಬ ಮಹಿಳೆಯನ್ನು ಇದುವರೆಗೂ 19 ಬಾರಿ ಕೊರೊನಾ ಪರೀಕ್ಷೆ ಒಳಪಡಿಸಲಾಗಿದೆ. 19 ಸಲವೂ ಆಕೆಗೆ ಪಾಸಿಟಿವ್ ಬಂದಿದೆ ಎನ್ನುವುದು ವಿಶೇಷ ಪ್ರಕರಣ ಎನಿಸಿಕೊಂಡಿದೆ. ಮುಂದೆ ಓದಿ....
42 ದಿನದಿಂದ ಆಸ್ಪತ್ರೆಯಲ್ಲಿದ್ದಾರೆ
ಕೇರಳದ ಪಥನಮತ್ತಿಟ್ಟದಲ್ಲಿ 62 ವರ್ಷದ ಮಹಿಳೆಯಲ್ಲಿ ಸೋಂಕು ಪತ್ತೆಯಾಗಿತ್ತು. ಚಿಕಿತ್ಸೆಗಾಗಿ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. 42 ದಿನ ಕಳೆದರೂ ಆ ಮಹಿಳೆಯಲ್ಲಿ ಕೊರೊನಾ ಸೋಂಕು ಮಾಯವಾಗಿಲ್ಲ. ಇದು ಸಹಜವಾಗಿ ವೈದ್ಯರಿಗೆ ಸವಾಲು ಆಗಿದ್ದು, ಚಿಂತೆ ಹುಟ್ಟುಹಾಕಿದೆ.
ಲಕ್ಷಣ ಇಲ್ಲ, ಆದರೂ ಪಾಸಿಟಿವ್
''ಇಟಲಿಯಿಂದ ಭಾರತಕ್ಕೆ ಬಂದಿದ್ದ ಕುಟುಂಬದ ಜೊತೆ ಸಂಪರ್ಕದಲ್ಲಿದ್ದ ಕಾರಣ ಸೋಂಕಿಗೆ ತುತ್ತಾಗಿದ್ದಳು. ಇದುವರೆಗೂ 19 ಸಲ ಪರೀಕ್ಷೆ ಮಾಡಲಾಗಿದೆ. ಪಾಸಿಟಿವ್ ಬರ್ತಿದೆ. ರೋಗದ ಲಕ್ಷಣಗಳು ಕಾಣಿಸುತ್ತಿಲ್ಲ. ನಾವು ಹಲವು ವಿಧದಲ್ಲಿ ಔಷಧಗಳನ್ನು ನೀಡುತ್ತಿದ್ದೇವೆ'' ಎಂದು ಜಿಲ್ಲಾ ವೈದ್ಯಕೀಯ ಅಧಿಕಾರಿ ಡಾ.ಎನ್. ಶೀಜಾ ಹೇಳಿದ್ದಾರೆ.
ಮಾರ್ಚ್ 10ರಂದು ಆಸ್ಪತ್ರೆಗೆ ದಾಖಲು
'ಇಟಲಿ ಕುಟುಂಬದಿಂದ ಈ ಮಹಿಳೆಗೆ ಸೋಂಕು ತಗುಲಿದೆ. ಇಟಲಿಯ ಕುಟುಂಬದಲ್ಲಿ ಏಳು ಮಂದಿಗೆ ಕೊರೊನಾ ಪತ್ತೆಯಾಗಿದೆ. ಸದ್ಯಕ್ಕೆ ಆಕೆಯಲ್ಲಿ ರೋಗದ ಲಕ್ಷಣಗಳಿಲ್ಲ. ಆಕೆಯಿಂದ ಬೇರೆಯವರಿಗೆ ಸೋಂಕು ಹರಡುವ ಸಾಧ್ಯತೆ ಇದೆ. ಆದ್ದರಿಂದ ಮುಂದಿನ ಪರೀಕ್ಷೆ ಬಳಿಕ ನೆಗಿಟಿವ್ ಬಂದರೆ ಮಾತ್ರ ಆಕೆಯನ್ನು ಡಿಸ್ಚಾರ್ಜ್ ಮಾಡಲಾಗುವುದು' ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ
29 ದಿನಗಳ ಬಳಿಕ ನೆಗಿಟಿವ್ ಬಂದಿತ್ತು
ಇದಕ್ಕೂ ಮುಂಚೆ ದುಬೈನಿಂದ ಬಂದ ವ್ಯಕ್ತಿಯೊಬ್ಬರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿತ್ತು. 29 ದಿನಗಳ ಬಳಿಕ ಆತನಿಗೆ ಕೊವಿಡ್ ನೆಗಿಟಿವ್ ಬಂದಿತ್ತು. ಹಾಗಾಗಿ, ಕೊರೊನಾ ಎಂಬುದು ಇಷ್ಟೆ ದಿನದಲ್ಲಿ ಹೋಗುತ್ತೆ ಅಥವಾ ರೋಗಿ ಚೇತರಿಸಿಕೊಳ್ಳಬಹುದು ಎಂದು ಹೇಳಲು ಸಾಧ್ಯವಿಲ್ಲ.
ಕ್ವಾರೆಂಟೈನ್ ಅವಧಿಯೂ ಹೆಚ್ಚು
ವಿಶ್ವ ಆರೋಗ್ಯ ಸಂಸ್ಥೆ ಕೊರೊನಾ ವೈರಸ್‌ಗೆ ರೋಗಕ್ಕೆ 14 ದಿನಗಳ ಕಾಲಾವಧಿ ನಿಗದಿ ಮಾಡಿತ್ತು. ಆದರೆ, ಕೇರಳ ಸರ್ಕಾರ ಅದನ್ನು 28ನೇ ದಿನಕ್ಕೆ ವಿಸ್ತರಿಸಿಕೊಂಡಿದೆ ಎಂಬ ಮಾಹಿತಿ ಇದೆ. ಯಾಕಂದ್ರೆ, 14 ದಿನ ಮುಗಿದರೂ ಸೋಂಕು ಹೋಗುತ್ತಿಲ್ಲ ಎಂಬ ವರದಿ ಬಂದಿದೆ. ಹಾಗಾಗಿ, 28 ದಿನಗಳ ಬಳಿಕ ಪರೀಕ್ಷೆ ಮಾಡಿಸಿ, ನೆಗಿಟಿವ್ ಬಂದರೆ ಮಾತ್ರ ರೋಗಿಯನ್ನು ಕಳುಹಿಸಬಹುದು.
