ಇನ್ನೂ 15 ನಗರಗಳಲ್ಲಿ ಮೆಟ್ರೋ ಸೇವೆ ವಿಸ್ತರಣೆ: ಸಚಿವ

Published: Tuesday, October 30, 2018, 14:40 [IST]

ನವದೆಹಲಿ, ಅಕ್ಟೋಬರ್ 30: ಭಾರತದಲ್ಲಿ ಸದ್ಯಕ್ಕೆ ವಿವಿಧ ನಗರಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವ 515 ಕಿ.ಮೀ. ಮೆಟ್ರೋ ವ್ಯಾಪ್ತಿಯಿದ್ದು, ಇನ್ನೂ 15 ನಗರಗಳಲ್ಲಿ, 660 ಕಿ.ಮೀ. ಜಾಲವನ್ನು ರೂಪಿಸಲಾಗುವುದು ಎಂದು ಕೇಂದ್ರ ಸಚಿವ ಹರ್ ದೀಪ್ ಸಿಂಗ್ ಪುರಿ ಹೇಳಿದ್ದಾರೆ.

ಗೃಹ ಹಾಗೂ ನಗರ ವ್ಯವಹಾರಗಳ ಸಚಿವಾಲಯದ ಜತೆಗೆ ಇರುವ ಸಮಾಲೋಚಕ ಸಮಿತಿ ಸದಸ್ಯರ ಜತೆಗೆ ಸಂವಾದ ನಡೆಸಿದ ಅವರು, ನಗರ ಸಾರಿಗೆಗಾಗಿ ಭಾರತದಲ್ಲಿ ಕೈಗೆತ್ತಿಕೊಳ್ಳಲಿರುವ ಯೋಜನೆಗಳ ಬಗ್ಗೆ ಮಾಹಿತಿ ನೀಡಿದರು. 2017ರ ಮೆಟ್ರೋ ರೈಲು ನೀತಿಗೆ ಒಳಪಟ್ಟಂತೆ ರಾಜ್ಯ ಸರಕಾರಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಿಗೆ ವಿಸ್ತೃತ ಯೋಜನಾ ವರದಿ ಸಲ್ಲಿಸಲು ಸೂಚನೆ ನೀಡಲಾಗಿದೆ.

ವಸತಿ ಹಾಗೂ ನಗರ ವ್ಯವಹಾರಗಳ ಖಾತೆ ರಾಜ್ಯ ಸಚಿವ ಹರ್ದೀಪ್ ಎಸ್ ಪುರಿ ಮಾತನಾಡಿ, 15 ನಗರಗಳಲ್ಲಿ 664 ಕಿ.ಮೀ.ಗೂ ಹೆಚ್ಚು ವ್ಯಾಪ್ತಿಯಲ್ಲಿ ಮೆಟ್ರೋ ಯೋಜನೆಗಳು ವಿವಿಧ ಹಂತಗಳಲ್ಲಿವೆ. 515 ಕಿ.ಮೀಗೂ ಹೆಚ್ಚು ವ್ಯಾಪ್ತಿಯಲ್ಲಿ ಮೆಟ್ರೋ ಕಾರ್ಯಾಚರಣೆ ನಡೆಯುತ್ತಿದೆ ಎಂದು ತಿಳಿಸಿದ್ದಾರೆ.