ವಿಡಿಯೋ ವೈರಲ್; ಬೈಕ್ ನಲ್ಲಿ ಬಂದು ಸರ ಕಸಿದವನ ಕಾಲರ್ ಹಿಡಿದು ಜಾಡಿಸಿದ ಮಹಿಳೆ

ದೆಹಲಿ, ಸೆಪ್ಟೆಂಬರ್ 4: ದಾರಿಯಲ್ಲಿ ತನ್ನ ಮಗಳೊಂದಿಗೆ ರಸ್ತೆ ದಾಟುತ್ತಿದ್ದ ಸಂದರ್ಭ ಬೈಕ್ ನಲ್ಲಿ ಬಂದು ಸರ ಕಿತ್ತುಕೊಂಡವನನ್ನು ಹಿಡಿದು ಜಾಡಿಸಿದ ಮಹಿಳೆಯ ವಿಡಿಯೋ ಇದೀಗ ಎಲ್ಲೆಲ್ಲೂ ವೈರಲ್ ಆಗಿದೆ.

ದೆಹಲಿಯ ನಂಗ್ಲಾಯ್ ಎಂಬ ಪ್ರದೇಶದಲ್ಲಿ ಮಹಿಳೆಯೊಬ್ಬರು ತನ್ನ ಮಗಳೊಂದಿಗೆ ರಸ್ತೆ ದಾಟುತ್ತಿದ್ದರು. ಈ ಸಂದರ್ಭ ಬೈಕಿನಲ್ಲಿ ಬಂದ ಇಬ್ಬರು ಹೆಲ್ಮೆಟ್ ಧಾರಿಗಳು ಆ ಮಹಿಳೆ ಕುತ್ತಿಗೆಯಲ್ಲಿದ್ದ ಸರವನ್ನು ಕಿತ್ತುಕೊಂಡಿದ್ದಾರೆ. ಇನ್ನೇನು ಮುಂದೆ ಹೋಗಬೇಕು ಎನ್ನುವಷ್ಟರಲ್ಲಿ ಹಿಂದೆ ಕುಳಿತವನ ಕಾಲರ್ ಹಿಡಿದು ಬೈಕ್ ನಿಂದ ಬೀಳಿಸಿದ ಆ ಮಹಿಳೆ ಆತನನ್ನು ಗಟ್ಟಿಯಾಗಿ ಹಿಡಿದು ಜಾಡಿಸಿದ್ದಾಳೆ.

#WATCH: Bike borne chain snatchers caught red-handed by a woman and her daughter in Nangloi, Delhi on August 30. The chain snatchers were later arrested by police. pic.twitter.com/vdLpztOKYw

— ANI (@ANI) September 3, 2019

ಇಷ್ಟಕ್ಕೂ ಬಿಡದ ಆತ ತಪ್ಪಿಸಿಕೊಳ್ಳಲು ಜಗ್ಗಾಡಿದ್ದಾನೆ. ಆದರೆ ಆತನನ್ನು ಎಳೆದು ಥಳಿಸಿದ್ದಾರೆ ಮಹಿಳೆ ಮತ್ತು ಮಗಳು. ಇದನ್ನು ನೋಡಿ ಗಾಬರಿಗೊಂಡು ಮತ್ತೊಬ್ಬ ಓಟ ಕಿತ್ತಿದ್ದು, ಈ ದೃಶ್ಯ ನೋಡುತ್ತಿದ್ದಂತೆ ರಸ್ತೆ ಬದಿ ಇದ್ದ ಎಲ್ಲರೂ ಆ ಯುವಕನನ್ನು ಹಿಡಿದು ಥಳಿಸಿದ್ದಾರೆ. ನಂತರ ಅವರನ್ನು ಪೊಲೀಸರಿಗೆ ಒಪ್ಪಿಸಲಾಗಿದೆ.

ಆಗಸ್ಟ್ 30ಕ್ಕೆ ಈ ಪ್ರಕರಣ ನಡೆದಿದ್ದು, ಸಿಸಿಟಿವಿಯಲ್ಲಿ ಸೆರೆಸಿಕ್ಕಿದ್ದ ಈ ದೃಶ್ಯ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವೀರ ಮಹಿಳೆಯ ಧೈರ್ಯಕ್ಕೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

English summary

A video of a woman thrashed a chain snatcher in dehli gone viral now. A woman was crossing the road with her daughter in the Nanglai area of ​​Delhi. The two helmet bearers on the bike had snatched the woman's chain.