ನಕಲಿ ಸಂದೇಶ: ವಿದೇಶದಲ್ಲಿರುವ ಭಾರತೀಯರಿಗೆ ಸರ್ಕಾರದ ಮನವಿ
ನವ ದೆಹಲಿ, ಮೇ 5: ಕೇಂದ್ರ ಸರ್ಕಾರ ವಿದೇಶದಲ್ಲಿ ಸಿಕ್ಕಿ ಹಾಕಿಕೊಂಡಿರುವ ಭಾರತೀಯರನ್ನು ಕರೆ ತರುವ ಯೋಜನೆ ರೂಪಿಸಿದ ಕೆಲವೇ ಗಂಟೆಗಳಲ್ಲಿ ಫೇಕ್ ಸಂದೇಶವೊಂದು ವಾಟ್ಸ್ ಅಪ್ಗಳಲ್ಲಿ ಹರಿದಾಡುತ್ತಿದೆ.
ಈ ಸಂದೇಶದಲ್ಲಿ RESCUE FLIGHTS FROM INDIA ಎಂಬ ಶೀರ್ಷಿಕೆಯ ಅಡಿಯಲ್ಲಿ ಗೂಗಲ್ ಫಾಮ್ ರಚನೆ ಮಾಡಲಾಗಿದೆ. ವಿದೇಶದಲ್ಲಿ ಸಿಕ್ಕಿ ಹಾಕಿಕೊಂಡಿರುವ ಭಾರತೀಯರು ಈ ಫಾಮ್ನಲ್ಲಿ ವಿವರ ನೀಡಬೇಕು ಎಂದು ಕೆಲವು ಆನ್ ಲೈನ್ ಲಿಂಕ್ಗಳನ್ನು ನೀಡಲಾಗಿದೆ.
Fake: ಜಿಎಸ್ಟಿ ಮರುಪಾವತಿ ಬಗ್ಗೆ ಈ ಸಂದೇಶ ನಂಬಬೇಡಿ
ಆದರೆ, ಕೇಂದ್ರ ಸರ್ಕಾರ RESCUE FLIGHTS FROM INDIA ಎಂದು ರಚಿತವಾದ ಈ ಲಿಂಕ್ ಫೇಕ್ ಎಂದು ತಿಳಿಸಲಾಗಿದೆ. ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ, ನಿಮ್ಮ ವಿವರಗಳನ್ನು ನೀಡಬೇಡಿ ಎಂದು ಜನರಿಗೆ ಮಾಹಿತಿ ನೀಡಲಾಗಿದೆ.
ಕೊರೊನಾ ವೈರಸ್ ಲಾಕ್ಡೌನ್ ಕಾರಣದಿಂದಾಗಿ ವಿದೇಶದಲ್ಲಿ ಸಿಲುಕಿರುವ ಸುಮಾರು 14,800 ಭಾರತೀಯ ಪ್ರಜೆಗಳನ್ನು 64 ವಿಮಾನಗಳ ಮೂಲಕ ವಾಪಸ್ ಭಾರತಕ್ಕೆ ಕರೆ ತರಲು ಕೇಂದ್ರ ಸರ್ಕಾರವು ಯೋಜನೆ ರೂಪಿಸಿದೆ.
ಈ ವಿಶೇಷ ವಿಮಾನಗಳ ಮೂಲಕ ಯುಕೆ, ಯುಎಸ್, ಯುಎಇ, ಕತಾರ್, ಸಿಂಗಾಪುರ, ಸೌದಿ ಅರೇಬಿಯಾ, ಮಲೇಷ್ಯಾ, ಫಿಲಿಪೈನ್ಸ್, ಬಾಂಗ್ಲಾದೇಶ, ಬಹ್ರೇನ್, ಕುವೈತ್ ಮತ್ತು ಓಮನ್ ಈ 12 ದೇಶಗಳ ಭಾರತೀಯರನ್ನು ವಾಪಸ್ ಕರೆತರಲಾಗುತ್ತಿದೆ. ಮೇ 7 ರಿಂದ 13 ರವರೆಗೆ ಏರ್ ಇಂಡಿಯಾ ಮತ್ತು ಏರ್ ಇಂಡಿಯಾ ಎಕ್ಸ್ಪ್ರೆಸ್ ಈ ಕಾರ್ಯ ನಿರ್ವಹಿಸಲಿವೆ.