ಮೈಸೂರು ದೊಡ್ಡಕೆರೆ ಮೈದಾನ ಒಡೆಯರ್ ವಶಕ್ಕೆ

ಮೈಸೂರು, ಸೆಪ್ಟೆಂಬರ್ 2: ಕೋರ್ಟ್ ಆದೇಶದಂತೆ ಮೈಸೂರು ಹೃದಯಭಾಗದಲ್ಲಿ, ವಸ್ತುಪ್ರದರ್ಶನ ಪ್ರಾಧಿಕಾರದ ಬಳಿಯಿದ್ದ ದೊಡ್ಡಕೆರೆ ಮೈದಾನವನ್ನು ರಾಜವಂಶಸ್ಥೆ ಪ್ರಮೋದಾದೇವಿ ಒಡೆಯರ್ ತಮ್ಮ ಸುಪರ್ದಿಗೆ ಪಡೆದುಕೊಂಡಿದ್ದಾರೆ.

ಸುಮಾರು 10 ಎಕರೆ 35 ಗುಂಟೆ ಪ್ರದೇಶ ಒಡೆಯರ್ ಗೆ ಸೇರಬೇಕಾಗಿದ್ದು, ಈ ಬಗ್ಗೆ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯುತ್ತಿತ್ತು. ಅಲ್ಲದೆ ಈ ಪ್ರದೇಶ ಒಡೆಯರ್ ಕುಟುಂಬಕ್ಕೆ ಸೇರಬೇಕೆಂದು ಹೈಕೋರ್ಟ್ ತೀರ್ಪು ನೀಡಿ 8 ವಾರದೊಳಗೆ ಪ್ರಮೋದಾದೇವಿ ಅವರ ಹೆಸರಿಗೆ ಖಾತೆ ಮಾಡಿಸಿಕೊಡುವಂತೆ ಮೇ ತಿಂಗಳಿನಲ್ಲಿ ಕಂದಾಯ ಇಲಾಖೆಗೆ ಸೂಚಿಸಿತ್ತು.[ಏನು ತಿಂತೀರಿ, ಎಷ್ಟು ತಿಂತೀರಿ, ದಸರಾ ಆಹಾರ ಮೇಳಕ್ಕೆ ಬನ್ರೀ..]

ಈ ನಡುವೆ 8 ವಾರದೊಳಗಾಗಿ ಕಂದಾಯ ಇಲಾಖೆ ನಿಮ್ಮ ಹೆಸರಿಗೆ ಖಾತೆ ಮಾಡಿಕೊಡದಿದ್ದರೆ ನೀವೇ ಆ ಜಾಗವನ್ನು ಸುಪರ್ದಿಗೆ ಪಡೆಯಬಹುದು ಎಂಬ ಹೈಕೋರ್ಟ್ ಸೂಚನೆ ಹಿನ್ನೆಲೆಯಲ್ಲಿ ಪ್ರಮೋದಾ ದೇವಿಯವರು ಮೈದಾನವನ್ನು ವಶಕ್ಕೆ ಪಡೆದಿದ್ದಾರೆ. ಜೆಸಿಬಿ ಯಂತ್ರಗಳಿಂದ ಸ್ವಚ್ಛಗೊಳಿಸಿ, ತಂತಿ ಬೇಲಿ ಹಾಕಿಸಲಾಗುತ್ತಿದೆ.

ದೊಡ್ಡಕೆರೆ ಮೈದಾನದಲ್ಲಿನ 10 ಎಕರೆ 35 ಗುಂಟೆ ಪ್ರದೇಶವನ್ನು ಆದೇಶ ಹೊರಡಿಸಿದ 8 ವಾರಗಳೊಳಗಾಗಿ ರಾಣಿ ಪ್ರಮೋದಾ ದೇವಿಯವರ ಹೆಸರಿಗೆ ಖಾತೆ ಮಾಡಿಸಿಕೊಡುವಂತೆ ಮೇ 3ರಂದು ಹೈಕೋರ್ಟ್ ಕಂದಾಯ ಇಲಾಖೆಗೆ ಸೂಚಿಸಿತ್ತು. ಆದರೆ ಕಂದಾಯ ಅಧಿಕಾರಿಗಳು ಖಾತೆ ಮಾಡಿರಲಿಲ್ಲ.[ಮೈಸೂರು ದಸರಾ ಸಮಿತಿಗಳಿಗೆ ಅಧಿಕಾರಿಗಳ ನೇಮಕ]

ಸಾಮಾನ್ಯವಾಗಿ ದಸರಾ ಸಂದರ್ಭದಲ್ಲಿ ಇದೇ ಮೈದಾನದಲ್ಲಿ ವಾಹನಗಳ ನಿಲುಗಡೆಗೆ ಅವಕಾಶ ಮಾಡಿಕೊಡಲಾಗುತ್ತಿತ್ತು. ಈ ಬಾರಿಯೂ ಅದಕ್ಕೆ ತಡೆಯೊಡ್ಡುವುದಿಲ್ಲ ಎಂದು ಪ್ರಮೋದಾದೇವಿ ಒಡೆಯರ್ ತಿಳಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಮುಂದೇನಾಗುತ್ತದೋ ಕಾದು ನೋಡಬೇಕಾಗಿದೆ.

English summary

Karnataka High Court directing the Mysuru City Corporation (MCC) to issue a khata of Mysuru Doddakere maidan in the name of Pramoda Devi, set a deadline of eight weeks for issue of khata. After the deadline maidan possesion takes by Rani Pramoda devi.