ಚಾಮುಂಡಿ ಬೆಟ್ಟದ ದೇವಾಲಯದಲ್ಲಿ ಹರಕೆ ಸೀರೆ ಮಾರಾಟದಿಂದ ಬರುವ ಆದಾಯವೆಷ್ಟು?

ಮೈಸೂರು, ಅಕ್ಟೋಬರ್. 26: ಚಾಮುಂಡಿಬೆಟ್ಟಕ್ಕೆ ದಿನನಿತ್ಯ ಸಾವಿರಾರು ಜನರು ಬಂದು ತಾಯಿಯ ದರ್ಶನ ಪಡೆದು ಹೋಗುತ್ತಾರೆ. ಹೀಗೆ ಬಂದ ಭಕ್ತಾದಿಗಳು ಸಮರ್ಪಿಸಿದ ಹರಕೆ ಸೀರೆಗಳ ಮಾರಾಟದಿಂದ ದೇವಸ್ಥಾನಕ್ಕೆ ಒಂದು ವರ್ಷದಲ್ಲಿ ಸುಮಾರು 1 ಕೋಟಿ ರೂ.ವರೆಗೆ ಆದಾಯ ಬರುತ್ತದೆ.

ವಿಶೇಷ ದಿನಗಳೂ ಸೇರಿದಂತೆ ವರ್ಷವಿಡೀ ದೇವಸ್ಥಾನಕ್ಕೆ ಭೇಟಿ ನೀಡುವ ಭಕ್ತರು ಶ್ರೀ ಚಾಮುಂಡೇಶ್ವರಿ ಅಮ್ಮನವರಿಗೆ ರೇಷ್ಮೆ, ಕಾಟನ್ ಸೇರಿದಂತೆ 300 ರೂ.ನಿಂದ 10,000 ರೂ.ಗಳ ಬೆಲೆಯ ಸೀರೆಗಳನ್ನು ಹರಕೆಯಾಗಿ ಸಮರ್ಪಿಸಿ ರಶೀದಿ ಪಡೆಯುತ್ತಾರೆ.

ಪ್ರತಿ ವರ್ಷ ಅಂದಾಜು 1 ರಿಂದ 2 ಕೋಟಿ ರೂ.ಆದಾಯ ಈ ಹರಕೆ ಸೀರೆ ಮಾರಾಟದಲ್ಲಿ ಬರುತ್ತದೆ. ಈ ಆದಾಯವನ್ನು ಅನ್ನ ದಾಸೋಹಕ್ಕೆ ಬಳಸುತ್ತಾರೆ.

ಇತ್ತ ಭಕ್ತರಲ್ಲಿ ಹರಕೆ ಸೀರೆಯನ್ನು ತೆಗೆದುಕೊಂಡರೆ ಒಳ್ಳೆಯದಾಗುವುದಿಲ್ಲ ಎಂಬ ಭಾವನೆಯಿದೆ. ಆದರೆ ಈ ಭಾವನೆ ಸುಳ್ಳು. ಈ‌ ಸೀರೆಯನ್ನು ಕೊಂಡುಕೊಂಡರೆ ದೇವರ ಆಶೀರ್ವಾದ ದೊರೆಯುತ್ತದೆ. ಪ್ರಸಾದದ ರೂಪದಲ್ಲಿ ಕುಂಕುಮ ಪಡೆದ ಹಾಗೆ, ಹರಕೆ ಸೀರೆಗಳನ್ನು ಪ್ರಸಾದದ ರೀತಿಯಲ್ಲೆ ಪಡೆದುಕೊಳ್ಳುತ್ತಾರೆ ಎನ್ನುತ್ತಾರೆ ಲೆಕ್ಕ ಪರಿಶೋಧಕರು.

ದೇಶದ ಶ್ರೀಮಂತ ದೇವಸ್ಥಾನಗಳಲ್ಲಿ ಚಾಮುಂಡಿ ಬೆಟ್ಟದ ದೇವಾಲಯವೂ ಒಂದು. ಅಷ್ಟೇ ಅಲ್ಲದೇ, ವಿವಿಧ ಧಾರ್ಮಿಕ ಕೈಂಕರ್ಯ, ವಿಶೇಷ ಪೂಜೆ, ಹುಂಡಿ, ಅಲಂಕಾರಗಳಿಂದ ಹಾಗೂ ಭಕ್ತರಿಂದ ಬರುವ ವಿವಿಧ ರೂಪದ ಸೇವಾ ಶುಲ್ಕಗಳೂ ಸಹ ದೇವಾಲಯದ ಸಂಪನ್ಮೂಲವನ್ನು ಹೆಚ್ಚಿಸುತ್ತದೆ ಎಂದು ಮೂಲಗಳು ತಿಳಿಸಿವೆ.

English summary

By selling harake saree Mysore Chamundi temple has a revenue of up to Rs 1 crore a year.