ಅಪಘಾತ ತಪ್ಪಿಸಲು ಮಂಗಳೂರಿನಲ್ಲಿ 16 ಹೊಸ ಟ್ರಾಫಿಕ್ ಬ್ಲಿಂಕರ್ ಅಳವಡಿಕೆ

ಮಂಗಳೂರು, ಮೇ 13: ಮಂಗಳೂರು ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಯಲ್ಲಿ ಹೊಸದಾಗಿ 16 ಟ್ರಾಫಿಕ್ ಬ್ಲಿಂಕರ್‍ಗಳನ್ನು ಅಳವಡಿಸಲು ನಿರ್ಧರಿಸಲಾಗಿದೆ. ಇದನ್ನು ನಗರದ ಅಪಘಾತ ವಲಯದಲ್ಲಿ ಅಳವಡಿಸಲು ನಿರ್ಧರಿಸಲಾಗಿದೆ.

ಈ ಬಗ್ಗೆ ಕಮಿಷನರ್ ಸಂದೀಪ್ ಪಾಟೀಲ್ ಮಾಹಿತಿ ನೀಡಿದ್ದು, ನಗರದಲ್ಲಿ ಆಗಾಗ ಅವಘಡಗಳು ನಡೆಯುತ್ತಿರುವ ಅಡ್ಡರಸ್ತೆ, ಸರ್ಕಲ್, ಜಂಕ್ಷನ್ ಗಳನ್ನು ಗುರುತಿಸಿ ಸಾರ್ವಜನಿಕರು ಮಾಹಿತಿ ನೀಡಿದರೆ ಅಂತಹ ಪ್ರದೇಶಗಳಲ್ಲಿ ಟ್ರಾಫಿಕ್ ಬ್ಲಿಂಕರ್ ಅಳವಡಿಕೆ ಮಾಡಲಾಗುವುದು ಎಂದು ತಿಳಿಸಿದರು.

ಸೋಲಾರ್ ಶಕ್ತಿಯ ಸಹಾಯದಿಂದ ಕಾರ್ಯಾಚರಿಸುತ್ತಿರುವ ಈ ಟ್ರಾಫಿಕ್ ಬ್ಲಿಂಕರ್ ಗಳಿಂದ ವಾಹನ ಸವಾರರಿಗೆ ಹೆಚ್ಚು ಅನುಕೂಲವಾಗಲಿದ್ದು, ಸಾಗುವ ರಸ್ತೆಯ ಬಗ್ಗೆ ಮುನ್ಸೂಚನೆ ನೀಡಲಿದೆ. ವೇಗವಾಗಿ ಬರುತ್ತಿರುವ ವಾಹನಗಳ ವೇಗ ನಿಯಂತ್ರಿಸಿ ಸಾಗಲು ಈ ಬ್ಲಿಂಕರ್ ಅನುಕೂಲವಾಗಲಿದೆ ಮತ್ತು ಅಪಘಾತಗಳನ್ನು ತಪ್ಪಿಸಬಹುದಾಗಿದೆ ಎಂದು ಸಂದೀಪ್ ಪಾಟೀಲ್ ಅಭಿಪ್ರಾಯಪಟ್ಟಿದ್ದಾರೆ.

English summary

Mangaluru city police have decided to install 16 new solar traffic blinker across the city.