ಮಂಗಳೂರು ಕೋಸ್ಟ್ ಗಾರ್ಡ್ ಪಡೆಗೆ 'ಇಂಟರ್ಸೆಪ್ಟರ್ ಬೋಟ್' ಆನೆ ಬಲ
ಮಂಗಳೂರು, ಫೆಬ್ರವರಿ 1: ಕೋಸ್ಟ್ ಗಾರ್ಡ್ ಪಡೆಗೆ ನೂತನ ಅತ್ಯಾಧುನಿಕ ಇಂಟರ್ಸೆಪ್ಟರ್ ಬೋಟ್ ಹಸ್ತಾಂತರಿಸಲಾಗಿದೆ.
ಭಾರತೀಯ ಡಿಫೆನ್ಸ್ ಅಂಡ್ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ (ಬಿಡಿಎಲ್) ಸಂಸ್ಥೆಯ ಭಾರತ್ ಮಂಗಳೂರು ಯಾರ್ಡ್ ನಲ್ಲಿ ತಯಾರಾದ ನೂತನ ಮಾದರಿಯ ಇಂಟರ್ಸೆಪ್ಟರ್ ಬೋಟನ್ನು ಕೋಸ್ಟ್ ಗಾರ್ಡ್ ಗೆ ಬುಧವಾರ ಹಸ್ತಾಂತರಿಸಲಾಗಿದೆ .
ಈ ಇಂಟರ್ಸೆಪ್ಟರ್ ಬೋಟ್ ಫೆಬ್ರವರಿ 20 ರಿಂದ ಸಮುದ್ರದಲ್ಲಿ ಕಣ್ಗಾವಲು ಕಾರ್ಯಚರಣೆಯಲ್ಲಿ ನಿರತವಾಗಲಿದೆ. ಈ ಬೋಟ್ 5-410 ಸರಣಿಯ ಇಂಟರ್ಸೆಪ್ಟರ್ ಬೋಟ್ ಆಗಿದ್ದು ಗಂಟೆಗೆ 35 ನಾಟಿಕಲ್ ಮೈಲ್ ಕ್ರಮಿಸುವ ಶಕ್ತಿ ಹೊಂದಿದೆ. ಅಪಾಯದಲ್ಲಿರುವ ಮೀನುಗಾರರ ರಕ್ಷಣೆ ಹಾಗೂ ಸಮುದ್ರ ಕಳ್ಳಸಾಗಾಣಿಕೆ ತಡೆ ಮತ್ತಿತರ ಕಾರ್ಯಾಚರಣೆಗೆ ಈ ಬೋಟ್ ಸಹಾಯ ಮಾಡಲಿದೆ.
ಈ ಇಂಟರ್ಸೆಪ್ಟರ್ ಬೋಟ್ ಎರಡು ಪ್ರಬಲ ಇಂಜಿನ್ ಗಳನ್ನು ಹೊಂದಿದ್ದು ಅಲ್ಯುಮಿನಿಯಂ ಹಾಲ್ ನಿಂದ ತಯಾರಿಸಲಾಗಿದೆ. 28 ಮೀ. ಉದ್ದ ಹಾಗು 60 ಟನ್ ಭಾರವಿರುವ ಈ ಇಂಟರ್ಸೆಪ್ಟರ್ ಬೋಟ್ 11 ಸಿಬ್ಬಂದಿಗಳನ್ನು ಗಸ್ತು ಕಾರ್ಯಕ್ಕೆ ಕೊಂಡೊಯ್ಯುವ ಸಾಮರ್ಥ್ಯ ಹೊಂದಿದೆ.
Click it and Unblock the Notifications
Sign in with Google