ಮಂಡ್ಯ ಸಬ್ ರಿಜಿಸ್ಟ್ರಾರ್ ಕಚೇರಿ ಮೇಲೆ ಎಸಿಬಿ ದಾಳಿ

ಜಮೀನು ನೋಂದಾವಣೆ ಹಿನ್ನೆಲೆಯಲ್ಲಿ ರೈತನಿಂದ ಲಂಚ ಕೇಳಿದ ಆರೋಪದಡಿ ಇಬ್ಬರು ಅಧಿಕಾರಿಗಳನ್ನು ಬಂಧಿಸಿರುವ ಎಸಿಬಿ.

ಮಂಡ್ಯ, ಜೂನ್ 3: ರೈತನೊಬ್ಬನ ಬಳಿ ಲಂಚ ಕೇಳಿದ ಆರೋಪದ ಹಿನ್ನೆಲೆಯಲ್ಲಿ ಮಂಡ್ಯ ತಾಲೂಕಿನ ಉಪನೋಂದಾವಣಾಧಿಕಾರಿ ಕಚೇರಿಯ ಮೇಲೆ ದಾಳಿ ನಡೆಸಿದ ಭ್ರಷ್ಟಾಚಾರ ನಿಗ್ರಹ (ಎಸಿಬಿ) ಅಧಿಕಾರಿಗಳು ಉಪ ನೋಂದಾವಣಾಧಿಕಾರಿಗಳಾದ ನಾಗರಾಜ್ ಹಾಗೂ ರಾಮಾರಾಧ್ಯ ಎಂಬ ಅಧಿಕಾರಿಗಳನ್ನು ಬಂಧಿಸಿದ್ದಾರೆ.

ಜಮೀನು ನೋಂದಾವಣೆ ವಿಚಾರಕ್ಕೆ ಸಂಬಂಧಿಸಿದಂತೆ ಈ ಇಬ್ಬರು ಅಧಿಕಾರಿಗಳು ಆನಂದ್ ಎಂಬ ರೈತನಿಂದ ಮೂರು ಸಾವಿರ ರು. ಲಂಚ ಕೇಳಿದ್ದರು.

ಇದರಿಂದ ಬೇಸತ್ತಿದ್ದ ಆತ, ಎಸಿಬಿ ಅಧಿಕಾರಿಗಳಿಗೆ ದೂರು ಸಲ್ಲಿಸಿದ್ದ. ಈ ಹಿನ್ನೆಲೆಯಲ್ಲಿ ಉಪನೋಂದಾವಣಾಧಿಕಾರಿ ಕಚೇರಿಗೆ ಆಗಮಿಸಿದ ಎಸಿಬಿ ಅಧಿಕಾರಿಗಳು ಆನಂದ್ ನಿಂದ ಅಧಿಕಾರಿಗಳು ಲಂಚ ಸ್ವೀಕರಿಸುತ್ತಿದ್ದ ವೇಳೆ ದಾಳಿ ನಡೆಸಿ, ಬಂಧಿಸಿದ್ದಾರೆಂದು ವರದಿಯಾಗಿದೆ.

English summary

Anti Corruption Bureau (ACB) official raided Mandya Sub registrar office arrested two officials on allegations of bribe.