ವಿಶ್ವದ ಅತಿ ಉದ್ದದ ಗಂಗಾ ಎಕ್ಸ್ಪ್ರೆಸ್ ವೇ ಯೋಜನೆ ಘೋಷಿಸಿದ ಯೋಗಿ
ಲಕ್ನೋ, ಜನವರಿ 30: ಪ್ರಯಾಗ್ ರಾಜ್ ನಲ್ಲಿ ಕುಂಭಮೇಳದ ನಡುವೆಯೇ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಸಚಿವ ಸಂಪುಟ ಸಭೆ ನಡೆಸಿದ್ದಾರೆ. ಸಭೆಯಲ್ಲ್ ಕೈಗೊಂಡ ನಿರ್ಧಾರದಂತೆ ಉತ್ತರ ಪ್ರದೇಶ ಸರ್ಕಾರವು ವಿಶ್ವದ ಅತಿ ಉದ್ದದ ಗಂಗಾ ಎಕ್ಸ್ಪ್ರೆಸ್ ವೇ ಯೋಜನೆ ಘೋಷಿಸಿದೆ.
ಮಂಗಳವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ 36 ಸಾವಿರ ಕೋಟಿ ರೂ. ಮೊತ್ತದ ಗಂಗಾ ಏಕ್ಸ್ ಯೋಜನೆಗೆ ಒಪ್ಪಿಗೆ ನೀಡಲಾಗಿದೆ. ಮೀರತ್ ನಿಂದ ಆರಂಭವಾಗುವ ಎಕ್ಸ್ ಪ್ರೆಸ್ ವೇ ಅಮ್ರೋಹಾ, ಬುಲಂದ್ ಶಹರ್, ಬದೌನ್, ಶಹಜನ್ ಪುರ್, ಫರುಖಾಬಾದ್, ಹರ್ದೋಯಿ, ಕನೌಜ್, ಉನ್ನಾವೋ,ರಾಯ್ ಬರೇಲಿ, ಪ್ರತಾಪ್ ಘರ್ ಮೂಲಕ ಸಾಗಲಿದೆ ಅಂತಿಮವಾಗಿ ಪ್ರಯಾಗರಾಜ್ತಲುಪಲಿದೆ.. ಈ ಯೋಜನೆಗೆ ಕೇಂದ್ರ ಸರ್ಕಾರದ ನೆರವಿನ ಬಗ್ಗೆ ಮಾಹಿತಿಯಿಲ್ಲ.
ಉರಿಗೆ ಜಿಎಸ್ಟಿ ವಿನಾಯಿತಿ: ಮುಖ್ಯಮಂತ್ರಿ ಯೋಗಿ ಹಾಗೂ 28 ಸಚಿವರು ಸಂಪುಟ ಸಭೆ ಬಳಿಕ ಸರ್ಜಿಕಲ್ ಸ್ಟ್ರೈಕ್ ಆಧಾರಿತ 'ಉರಿ' ಚಿತ್ರ ವೀಕ್ಷಿಸಿದರು. ಸಂಪುಟ ಸಭೆಯಲ್ಲಿ ಈ ಚಿತ್ರಕ್ಕೆ ರಾಜ್ಯ ಜಿಎಸ್ಟಿ ವಿನಾಯಿತಿ ಘೋಷಿಸಲಾಗಿದೆ.
ಗಂಗಾ ಎಕ್ಸ್ಪ್ರೆಸ್ ವೇ ಅಂತರ: 600 ಕಿ.ಮೀ ಅಂತರವಾಗಿ, ಹೆದ್ದಾರಿ ಯೋಜನೆಗಾಗಿ 6,556 ಹೆಕ್ಟೇರು ಭೂ ಪ್ರದೇಶವನ್ನು ವಶಪಡಿಸಿಕೊಳ್ಳಲಾಗುತ್ತದೆ.
ಮಹರ್ಷಿ ವಾಲ್ಮೀಕಿ ಆಶ್ರಮ ಹಾಗೂ ಮಹರ್ಷಿ ಭಾರದ್ವಾಜ್ ಆಶ್ರಮದ ಅಭಿವೃದ್ಧಿ, ಬುಲಂದ್ ಖಂಡ್ ಎಕ್ಸ್ ಪ್ರೆಸ್ ವಿಸ್ತರಣೆ ಮುಂತಾದ ಯೋಜನೆಗಳಿಗೆ ಸಂಪುಟದಿಂದ ಸಮ್ಮತಿ ಸಿಕ್ಕಿದೆ. ಈ ನಡುವೆ ಜನಪ್ರಿಯ ಚಿತ್ರ 'ಉರಿ' ಗೆ ತೆರಿಗೆ ವಿನಾಯತಿ ನೀಡಲಾಗಿದೆ.
Click it and Unblock the Notifications
Sign in with Google