ಕಿರಿಕಿರಿ ಎಂದು ಅಕ್ಕನ ಮಗಳನ್ನೇ ಉರುಳಿ ಹಾಕಿ ಕೊಂದ ಚಿಕ್ಕಮ್ಮ

ಉತ್ತರ ಕನ್ನಡ, ಏಪ್ರಿಲ್ 09: ಅಕ್ಕನ ಮಗಳನ್ನು ಸಾಕುವುದು ಕಿರಿಕಿರಿ ಎಂದು ಆಕೆಯನ್ನು ಸೀರೆಯಿಂದ ಉರುಳು ಹಾಕಿ ಕೊಲೆ ಮಾಡಿರುವ ಅಮಾನವೀಯ ಘಟನೆ ತಾಲೂಕಿನ ತೇರಗಾಂವದಲ್ಲಿ ನಡೆದಿದೆ.

ಧಾರವಾಡ ಜಿಲ್ಲೆಯ ಕಲಘಟಗಿ ತಾಲೂಕಿನ ಸೋಮನಿಂಗ ನೆಲ್ಲುಡಿಯ ಪತ್ನಿ 4 ವರ್ಷಗಳ ಹಿಂದೆ ಸಾವನ್ನಪ್ಪಿದ್ದು, ಆಕೆಯ 5 ವರ್ಷದ ಮಗಳನ್ನು ಸೋಮನಿಂಗನ ಹೆಂಡತಿಯ ತಂಗಿ ಸಾವಿತ್ರಿ ಎಂಬಾಕೆ ತನ್ನೊಂದಿಗೆ ತೇರಗಾಂವದ ಮನೆಗೆ ಕರೆದುಕೊಂಡು ಬಂದು ಸಾಕಿಕೊಂಡಿದ್ದಳು.

ಈಕೆಗೆ ಐದು ವರ್ಷದ ಹಾಗೂ ಮೂರು ವರ್ಷದ ಗಂಡು ಮಕ್ಕಳಿದ್ದಾರೆ. ಅವರೊಂದಿಗೆ ಈ ಹುಡುಗಿಯನ್ನೂ ಸಾಕುವುದು ಕಿರಿಕಿರಿ ಎಂಬ ಕಾರಣಕ್ಕೆ ಸೀರೆಯಿಂದ ಕೊರಳಿಗೆ ಉರುಳು ಹಾಕಿ ಕೊಲೆ ಮಾಡಿದ್ದಾಳೆ. ಸಾವಿತ್ರಿಯನ್ನು ಪೊಲೀಸರು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ತನಿಖೆ ಮುಂದುವರೆದಿದೆ.

English summary

A girl murdered in teragav of uttara kannada district,