ದೇಶದಲ್ಲಿ ಕಡಿಮೆ ದಿನ ಮುಖ್ಯಮಂತ್ರಿಯಾದವರ ಪಟ್ಟಿ!
ಬೆಂಗಳೂರು, ಮೇ 20 : ಕರ್ನಾಟಕದ 24ನೇ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಬಹುಮತ ಕೊರತೆಯ ಕಾರಣಕ್ಕೆ ಬಿಜೆಪಿ ಸರ್ಕಾರ ಮೂರೇ ದಿನದಲ್ಲಿ ಪತನಗೊಂಡಿದೆ.
ಮೇ 17ರ ಗುರುವಾರ ಪ್ರಮಾಣ ವಚನ ಸ್ವೀಕರಿಸಿದ್ದ ಯಡಿಯೂರಪ್ಪ ಅವರು ಮೇ 19ರಂದು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಈ ಮೂಲಕ ಮೂರು ದಿನ ಮುಖ್ಯಮಂತ್ರಿಯಾಗಿದ್ದರು.
ಮೂರೇ ದಿನಕ್ಕೆ ಕುರ್ಚಿ ಬಿಟ್ಟು ಹೊಸ ದಾಖಲೆ ಬರೆದ ಯಡಿಯೂರಪ್ಪ
ಹಿಂದೆ ಬಿ.ಎಸ್.ಯಡಿಯೂರಪ್ಪ ಅವರು 7 ದಿನಗಳ ಕಾಲ ಮುಖ್ಯಮಂತ್ರಿಯಾಗಿದ್ದರು. ಆದರೆ, ಕಡಿಮೆ ಅವಧಿಗೆ ಮುಖ್ಯಮಂತ್ರಿಯಾದವರು ಯಡಿಯೂರಪ್ಪ ಮಾತ್ರವಲ್ಲ. ದೇಶದಲ್ಲಿ ಹಲವು ನಾಯಕರು ಹೀಗಿ ಕಡಿಮೆ ಅವಧಿಗೆ ಮುಖ್ಯಮಂತ್ರಿಯಾಗಿದ್ದಾರೆ.
ಸರ್ಕಾರ ರಚನೆಗೆ ಬಿಜೆಪಿ ಏನೆಲ್ಲಾ ಮಾಡಿತು, ಸೋತಿತು!
ಕಡಿಮೆ ಅವಧಿಯ ಮುಖ್ಯಮಂತ್ರಿಗಳ ಪಟ್ಟಿ
* ಜಗದಂಬಿಕಾ ಪಟೇಲ್ : 1988ರಲ್ಲಿ 1 ದಿನದ ಕಾಲ ಉತ್ತರ ಪ್ರದೇಶದ ಸಿಎಂ ಆಗಿದ್ದರು.
* ಬಿ.ಎಸ್.ಯಡಿಯೂರಪ್ಪ ಅವರು 2007ರಲ್ಲಿ 7 ದಿನಗಳ ಕಾಲ ಮುಖ್ಯಮಂತ್ರಿಯಾಗಿದ್ದರು
* 1968ರಲ್ಲಿ ಸತೀಶ್ ಪ್ರಸಾದ್ ಅವರು ಬಿಹಾರ ಸಿಎಂ ಆಗಿ 7 ದಿನಗಳ ಕಾಲ ಕೆಲಸ ಮಾಡಿದ್ದರು
* 1998ರಲ್ಲಿ ಎಸ್.ಸಿ.ಮರಾಕ್ ಅವರು 13 ದಿನ ಮೇಘಾಲಯದ ಸಿಎಂ ಆಗಿದ್ದರು.
* ಜಾನಕಿ ರಾಮಚಂದ್ರನ್ ಅವರು 1988ರಲ್ಲಿ 23 ದಿನ ತಮಿಳುನಾಡಿನ ಸಿಎಂ ಆಗಿದ್ದರು.
* ಸಿ.ಎಚ್.ಮಹಮ್ಮದ್ ಕೋಯಾ ಅವರು 1975ರಲ್ಲಿ 45 ದಿನ ಕೇರಳದ ಸಿಎಂ ಆಗಿದ್ದರು