11 ಗಂಟೆ ವೇಳೆಗೆ ಯಾವ ಕ್ಷೇತ್ರದಲ್ಲಿ ಎಷ್ಟು ಮತದಾನವಾಗಿದೆ?
ಬೆಂಗಳೂರು, ಏಪ್ರಿಲ್ 18: ಇಂದು ಬೆಳಿಗ್ಗೆ ಏಳು ಗಂಟೆಗೆ ಪ್ರಾರಂಭವಾಗಿರುವ ಮತದಾನ ನಿಧಾನವಾಗಿ ಏರುಗತಿ ಪಡೆದುಕೊಳ್ಳುತ್ತಿದೆ.
11 ಗಂಟೆ ವೇಳೆಗೆ ಇಂದು ಚುನಾವಣೆ ನಡೆಯುತ್ತಿರುವ 14 ಕ್ಷೇತ್ರಗಳಲ್ಲಿ ಒಟ್ಟಾಗಿ 14.77 ಶೇಕಡಾ ಮತದಾನವಾಗಿದೆ. ಕೆಲವು ಕ್ಷೇತ್ರಗಳಲ್ಲಿ ಕಡಿಮೆ ಮತದಾನವಾಗಿದ್ದರೆ ಕೆಲವು ಕ್ಷೇತ್ರಗಳಲ್ಲಿ ಹೆಚ್ಚಾಗಿದೆ.
ಬೆಂಗಳೂರು ಮತದಾನಿಗಳು ಇನ್ನೂ ಚುರುಕಾಗಿಲ್ಲ ಎಂದು ಈವರೆಗಿನ ಅಂಕಿ-ಸಂಖ್ಯೆ ಹೇಳುತ್ತಿದೆ. ಬೆಂಗಳೂರು ಉತ್ತರ ಕ್ಷೇತ್ರದಲ್ಲಿ 11 ಗಂಟೆ ವರೆಗೆ ಕೇವಲ 9.98% ಮತದಾನವಾಗಿದೆ. ಬೆಂಗಳೂರು ದಕ್ಷಿಣ ಕ್ಷೇತ್ರದಲ್ಲಿ ಈವರೆಗೆ 19.36 % ಮತದಾನವಾಗಿದೆ. ಬೆಂಗಳೂರು ಕೇಂದ್ರ ಕ್ಷೇತ್ರದಲ್ಲಿ ಕೇವಲ 7.54% ಮತದಾನವಾಗಿದೆ.
ಬೆಂಗಳೂರು ಗ್ರಾಮಾಂತರ ಕ್ಷೇತ್ರದಲ್ಲಿ 8.10% ಮತದಾನ ಆಗಿದೆ. ಚಿಕ್ಕಬಳ್ಳಾಪುರದಲ್ಲಿ 9.62% ಮತಚಲಾವಣೆ ಆಗಿದೆ. ಪ್ರಮುಖ ಚುನಾವಣಾ ಕಣ ಮಂಡ್ಯದಲ್ಲಿ 11 ಗಂಟೆ ವರೆಗೆ ಆಗಿರುವ ಮತದಾನ ಕೇವಲ 11.16%.
ಹಾಸನದಲ್ಲಿ 16.44%, ಚಿತ್ರದುರ್ಗದಲ್ಲಿ 16.75%, ಕೋಲಾರದಲ್ಲಿ 12.59% , ಚಾಮರಾಜನಗರದಲ್ಲಿ 12.91%, ತುಮಕೂರಿನಲ್ಲಿ 19.88%, ಮೈಸೂರಿನಲ್ಲಿ 19.18% ಮತದಾನವಾಗಿದೆ.
ಉಡುಪಿ-ಚಿಕ್ಕಮಗಳೂರು ಕ್ಷೇತ್ರದಲ್ಲಿ ಅತಿ ಹೆಚ್ಚು 27.04% ಮತದಾನವಾಗಿದ್ದರೆ, ದಕ್ಷಿಣ ಕನ್ನಡ ಕ್ಷೇತ್ರದಲ್ಲಿ 25.63% ಮತ ಚಲಾವಣೆ ಆಗಿದೆ. ಈ ಎರಡು ಕ್ಷೇತ್ರಗಳಲ್ಲಿ ಉಳಿದವುಗಳಿಗಿಂತಲೂ ಹೆಚ್ಚಿನ ಮತದಾನವಾಗಿದೆ.
ಈ ಅಂಕಿ-ಸಂಖ್ಯೆ ಬೆಳಿಗ್ಗೆ 7 ಗಂಟೆ ಇಂದ 11 ಗಂಟೆ ವರೆಗು ಆಗಿರುವ ಮತದಾನದ್ದು ಮಾತ್ರವೇ. ಸಂಜೆ ಆರು ಗಂಟೆ ವರೆಗೂ ಮತದಾನ ನಡೆಯಲಿದ್ದು, ಮತದಾನ ಇನ್ನಷ್ಟು ಚುರುಕಾಗುವ ಎಲ್ಲ ಸಂಭವ ಇದೆ.
Click it and Unblock the Notifications
Sign in with Google