ಕರ್ಫ್ಯೂ ಬಳಿಕ ಬಸ್ ಸಂಚಾರ ಆರಂಭ; 82,127 ಜನರ ಪ್ರಯಾಣ

ಬೆಂಗಳೂರು, ಮೇ 25 : ಭಾನುವಾರ ಕರ್ಫ್ಯೂ ಇದ್ದ ಕಾರಣ ಸರ್ಕಾರಿ ಬಸ್ ಸಂಚಾರ ಸ್ಥಗಿತವಾಗಿತ್ತು. ಸೋಮವಾರ ಪುನಃ ಬಸ್ ಸಂಚಾರ ನಡೆಸಿದ್ದು, 82,127 ಜನರು ಪ್ರಯಾಣಿಸಿದ್ದಾರೆ.

ಕೆಎಸ್ಆರ್‌ಟಿಸಿ ಈ ಕುರಿತು ಮಾಹಿತಿ ನೀಡಿದೆ. ಮೇ 19 ರಿಂದ 25ರ ತನಕ ಒಟ್ಟು 15,238 ಬಸ್‌ಗಳು ಸಂಚಾರ ನಡೆಸಿದ್ದು, 4,61,449 ಜನರು ಸಂಚಾರವನ್ನು ನಡೆಸಿದ್ದಾರೆ.

ಸೋಮವಾರ 300 ಬಸ್‌ಗಳನ್ನು ಓಡಿಸಲು ತೀರ್ಮಾನಿಸಲಾಗಿತ್ತು. 2826 ಬಸ್‌ಗಳು ಸಂಚಾರ ನಡೆಸಿವೆ. ಬೆಂಗಳೂರು ನಗರದಿಂದ 617 ಬಸ್ ಸಂಚಾರ ನಡೆಸಿದ್ದು, 10,980 ಜನರು ಪ್ರಯಾಣ ಬೆಳೆಸಿದ್ದಾರೆ.

ಮುಂಗಡ ಟಿಕೆಟ್ ಬುಕ್ ಮಾಡಿಕೊಂಡು ಸಂಚಾರ ನಡೆಸಲು ಅವಕಾಶವನ್ನು ನೀಡಲಾಗಿದೆ. ಸೋಮವಾರ 8190 ಜನರು ಮುಂಗಡ ಟಿಕೆಟ್ ಬುಕ್ ಮಾಡಿದ್ದರು. ಮೇ 26ರಂದು ಸಂಚಾರ ನಡೆಸಲು 4002 ಜನರು ಟಿಕೆಟ್ ಕಾಯ್ದಿರಿಸಿದ್ದಾರೆ.

ಸೋಮವಾರ ಬೆಂಗಳೂರು ನಗರದಿಂದ ಬಾಲಗಕೋಟೆ, ಬಳ್ಳಾರಿ, ಬೆಳಗಾವಿ, ಚಾಮರಾಜನಗರ, ಚಿಕ್ಕಬಳ್ಳಾಪುರ, ಚಿಕ್ಕಮಗಳೂರು, ಚಿತ್ರದುರ್ಗ, ದಾವಣಗೆರೆ, ಧಾರವಾಡ, ಗದಗ, ಹೊಸಕೋಟೆ, ಕಲಬುರ್ಗಿ, ಕೊಪ್ಪಳ, ಹಾಸನ ಮುಂತಾದ ಜಿಲ್ಲೆಗಳಿಗೆ ಸಂಚಾರ ನಡೆಸಿದ್ದಾರೆ.

pic.twitter.com/QKT2djzHAx

— KSRTC (@KSRTC_Journeys) May 25, 2020

ಬಸ್ ಸಂಚಾರದ ವಿವರ: ಮೇ 19ರಂದು 1606 ಬಸ್, ಮೇ 20 ರಂದು 2633 ಬಸ್, ಮೇ 21ರಂದು 2732 ಬಸ್, ಮೇ 22ರಂದು 2660 ಬಸ್, ಮೇ 23ರಂದು 2781 ಬಸ್ ಮತ್ತು ಮೇ 25ರಂದು 2826 ಬಸ್‌ಗಳು ರಾಜ್ಯದಲ್ಲಿ ಸಂಚಾರ ನಡೆಸಿವೆ.

English summary

KSRTC run 2826 bus on May 25, 2020. 82,127 passengers traveled on one day. Government bus operation started after curfew on May 24.