KPSC Recruitment: KAS ಮೇನ್ಸ್ ಪರೀಕ್ಷೆಗಳ ವೇಳಾಪಟ್ಟಿ ರಿಲೀಸ್: ದಿನಾಂಕ ಸಮಯ ತಿಳಿಯಿರಿ

ಬೆಂಗಳೂರು, ಏಪ್ರಿಲ್ 18: ರಾಜ್ಯಾದ್ಯಂತ ಪ್ರಶ್ನೆ ಪತ್ರಿಕೆಗಳಲ್ಲಿನ ಲೋಪದೋಷ ವಿಚಾರವಾಗಿ ಸದ್ದು ಮಾಡಿದ್ದ 'ಕರ್ನಾಟಕ ಲೋಕಸೇವಾ ಆಯೋಗದ (KPSC)' 384 ಹುದ್ದೆಗಳ ನೇಮಕಾತಿಗೆ ಸಂಬಂಧಿಸಿದಂತೆ ಮುಖ್ಯ ಪರೀಕ್ಷೆ ವೇಳಾಪಟ್ಟಿ ಪ್ರಕಟಿಸಲಾಗಿದೆ. ಗ್ರೂಪ್ ಎ ಮತ್ತು ಗ್ರೂಪ್ ಬಿ ವೃಂದ ಮುಖ್ಯ ಪರೀಕ್ಷೆ ಮೇ ತಿಂಗಳಲ್ಲಿ ನಡೆಯಲಿದೆ ಎಂಬುದು ಆಯೋಗವು ಗುರುವಾರ ಬಿಡುಗಡೆ ಮಾಡಿದ ವೇಳಾಪಟ್ಟಿಯಲ್ಲಿ ತಿಳಿಸಿದೆ.

ಪೂರ್ವ ಭಾವಿ ಪರೀಕ್ಷೆ ಬರೆದಿದ್ದ 'ಕರ್ನಾಟಕ ಲೋಕಸೇವಾ ಆಯೋಗದ (KPSC)' ಅಭ್ಯರ್ಥಿಗಳು ಮೇ 3, 5, 7 ಹಾಗೂ 09 ರಂದು ಮುಖ್ಯ ಪರೀಕ್ಷೆ (ಮೇನ್ಸ್) ಬರೆಯಲಿದ್ದಾರೆ. ಈ ಅಭ್ಯರ್ಥಿಗಳು ಈಗಾಗಲೇ ಕೆಪಿಎಸ್‌ಸಿ ಲೋಪದೋಷದಿಂದ ಎರಡು ಭಾರಿ ಪೂರ್ವ ಸಿದ್ಧತಾ ಪರೀಕ್ಷೆ ಬರೆದವರಾಗಿದ್ದಾರೆ. ಆ ಪರೀಕ್ಷೆ 2024ರ ಡಿಸೆಂಬರ್ ಅಂತ್ಯಕ್ಕೆ ಜರುಗಿತ್ತು.

KPSC ಮುಖ್ಯ ಪರೀಕ್ಷೆ ವೇಳಾಪಟ್ಟಿ ನೋಡುವುದಾದರೆ, ಅರ್ಹತಾ ಪರೀಕ್ಷೆಯ ಕನ್ನಡ ಮೇ 3 ರಂದು ಬೆಳಗ್ಗೆ 10 ಗಂಟೆಯಿಂದ ರಿಂದ 12 ಗಂಟೆವರೆಗೆ ನಡೆಯಲಿದೆ. ಇಂಗ್ಲಿಷ್ ಪರೀಕ್ಷೆಯು ಸಹ ಅದೇ ದಿನ ಮಧ್ಯಾಹ್ನ 2 ಗಂಟೆಯಿಂದ ರಿಂದ ಸಂಜೆ 4 ಗಂಟೆಯವರೆಗೆ ನಡೆಯಲಿದೆ ಎಂದು ಆಯೋಗ ಮಾಹಿತಿ ನೀಡಿದೆ.

ಮುಖ್ಯ ಪರೀಕ್ಷೆಯ ವೇಳಾಪಟ್ಟಿ

ಮೇ 3 ರಂದು ಕನ್ನಡ ಮತ್ತು ಇಂಗ್ಲಿಷ್ ಪತ್ರಿಕೆ ಬೆಳಗ್ಗೆ 10- 12 ಮತ್ತು ಮಧ್ಯಾಹ್ನ 2-4 ಗಂಟೆಯವರೆಗೆ

ಮೇ 5 ರಂದು ಪತ್ರಿಕೆ : 1 (ಪ್ರಬಂಧ) ಬೆಳಗ್ಗೆ 10 ಗಂಟೆಯಿಂದ 1 ಗಂಟೆಯವರೆಗೆ

ಮೇ 7 ಕ್ಕೆ ಪತ್ರಿಕೆ : 2 (ಸಾಮಾನ್ಯ ಅಧ್ಯಯನ) ಬೆಳಗ್ಗೆ 9 ಗಂಟೆಯಿಂದ 12

ಮೇ 7 ರಂದು ಪತ್ರಿಕೆ : 3 (ಸಾಮಾನ್ಯ ಅಧ್ಯಯನ-2) ಮಧ್ಯಾಹ್ನ 2 ಗಂಟೆಯಿಂದ 5 ಗಂಟೆಯವರೆಗೆ

ಮೇ 9 ಕ್ಕೆ ಪತ್ರಿಕೆ : 4 (ಸಾಮಾನ್ಯ ಅಧ್ಯಯನ-3) ಬೆಳಗ್ಗೆ 9 ಗಂಟೆಯಿಂದ 12

ಮೇ 9 ರಂದು ಪತ್ರಿಕೆ : 5 (ಸಾಮಾನ್ಯ ಅಧ್ಯಯನ-4) ಮಧ್ಯಾಹ್ನ 2 ರಿಂದ ಸಂಜೆ 5 ಗಂಟೆಯವರೆಗೆ ಪರೀಕ್ಷೆಗಳು ಜರುಗಲಿವೆ ಎಂದು ವೇಳಾಪಟ್ಟಿ ತಿಳಿಸಿದೆ.

ಕೆಪಿಎಸ್ ಮುಖ್ಯ ಪರೀಕ್ಷೆ ಬರೆಯುವವರು ಹೆಚ್ಚಿನ ಮಾಹಿತಿಗೆ ನೀವು ಕರ್ನಾಟಕ ಲೋಕಸೇವಾ ಆಯೋಗದ ಅಧಿಕೃತ ವೆಬ್‌ಸೈಟ್ https://kpsc.kar.nic.in/ ಗೆ ಭೇಟಿ ನೀಡಬಹುದಾಗಿದೆ.

English summary

KPSC Recruitment KAS Mains Exam 2025: KPSC has released schedule for 384 probationers mains exam, KAS mains exam on May 3, 5, 7 and May 9th, Candidates Know more,