ವೀಡಿಯೋ ವೈರಲ್, ಬಾಟಲಿಯಿಂದ ನೀರು ಕುಡಿಯುತ್ತಿರುವ ಕಾಳಿಂಗ ಸರ್ಪ

ಬೆಂಗಳೂರು, ಮಾರ್ಚ್ 30: ಬೇಸಿಗೆಯ ದಾಹಕ್ಕೆ ಬಳಲಿ ಬಾಟಲಿಯಿಂದ ನೀರು ಕುಡಿಯುತ್ತಿರುವ ಬೃಹತ್ ಕಾಳಿಂಗ ಸರ್ಪದ ವಿಡಿಯೋ ವೈರಲ್ ಆಗಿದೆ.

ಅಷ್ಟಕ್ಕೂ ಈ ಘಟನೆ ನಡೆದಿದ್ದು ಕರ್ನಾಟಕದಲ್ಲೇ. ಉತ್ತರ ಕನ್ನಡ ಜಿಲ್ಲಯ ಕೈಗಾದ ಕದ್ರಿ ಗ್ರಾಮಕ್ಕೆ ಕಾಳಿಂಗ ಸರ್ಪವೊಂದು ಬಂದಿತ್ತು. 12 ಅಡಿಗಳ ಕಾಳಿಂಗ ಸರ್ಪ ನೋಡಿ ಇಲ್ಲಿನ ಗ್ರಾಮಸ್ಥರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದರು.[ಭೀಕರ ಬರಗಾಲದಲ್ಲೂ 'ಶ್ರಮಬಿಂದು ಸಾಗರ'ದಲ್ಲಿ ನೀರೋ ನೀರು]

ಸ್ಥಳಕ್ಕೆ ಬಂದ ಅರಣ್ಯ ಇಲಾಖೆ ಅಧಿಕಾರಿಗಳು ಹಾವನ್ನು ರಕ್ಷಿಸಿದರು. ಈ ವೇಳೆ ಅಧಿಕಾರಿಯೊಬ್ಬರು ಧೈರ್ಯ ಮಾಡಿ ನೀರಿನ ಬಾಟಲಿಯನ್ನು ಕಾಳಿಂಗ ಸರ್ಪದತ್ತ ಚಾಚಿದ್ದಾರೆ. ಅಧಿಕಾರಿಯ ಆಹ್ವಾನಕ್ಕೆ ಸ್ಪಂದಿಸಿ ಕಾಳಿಂಗ ಸರ್ಪ ಬಾಟಲಿಗೆ ಬಾಯಿ ಹಾಕಿ ನೀರು ಕುಡಿಯಲು ಆರಂಭಿಸಿದೆ.[ಚರಂಡಿ ದಾಟಲು ಸ್ಥಳೀಯರ ಹೆಗಲೇರಿದ ರಾಯಚೂರು ಜಿ.ಪಂ ಸಿಇಒ]

ಈ ವಿಡಿಯೋವನ್ನು ಅಲ್ಲೇ ಇದ್ದವರು ತಮ್ಮ ಮೊಬೈಲ್ ನಲ್ಲಿ ಶೂಟ್ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯ ಬಿಟ್ಟಿದ್ದಾರೆ. ಮಾರ್ಚ್ 24ರಂದು ರೆಕಾರ್ಡ್ ಮಾಡಿದ ಈ ವಿಡಿಯೋ ಇದೀಗ ವೈರಲ್ ಆಗಿದೆ.

English summary

Drought hit villagers in Karnataka's Kaiga made King Cobra drink water from a bottle on March 24th.