ಮತಗಟ್ಟೆ ಮಾಹಿತಿ ಪಡೆಯಲು ಎಸ್ಎಂಎಸ್ ಮಾಡಿ

Updated: Friday, April 11, 2014, 12:54 [IST]

ಬೆಂಗಳೂರು, ಏ. 11 : ಲೋಕಸಭೆ ಚುನಾವಣೆಗೆ ಮತದಾನ ಮಾಡಲು ಐದು ದಿನಗಳು ಬಾಕಿ ಉಳಿದಿವೆ. ಆದರೆ, ಯಾವ ಮತಗಟ್ಟೆಯಲ್ಲಿ ಮತದಾನ ಮಾಡಬೇಕು ಎಂದು ತಿಳಿದಿಲ್ಲವೆ ಒಂದು ಎಎಸ್ಎಂ ಮಾಡಿ ಸಾಕು. ಮತಗಟ್ಟೆ ಮಾಹಿತಿ ನಿಮ್ಮ ಕೈಸೇರುತ್ತದೆ.

ಮತದಾರರಿಗೆ ಮತಗಟ್ಟೆಯ ಬಗ್ಗೆ ಆಗುವ ಗೊಂದಲ ತಪ್ಪಿಸಲು ಎಸ್ಎಸ್ಎಂ ಮೂಲಕ ಮತಗಟ್ಟೆಯ ವಿಳಾಸ ತಿಳಿಸುವ ನೂತನ ವ್ಯವಸ್ಥೆಗೆ ರಾಜ್ಯ ಚುನಾವಣಾ ಆಯೋಗ ಚಾಲನೆ ನೀಡಿದೆ. ನಿಮ್ಮ ಮತದಾರರ ಗುರುತಿನ ಚೀಟಿ ಸಂಖ್ಯೆಯನ್ನು ಎಸ್ಎಂಎಸ್ ಮಾಡಿದರೆ, ನೀವು ಯಾವ ಮತಗಟ್ಟೆಯಲ್ಲಿ ಮತ ಚಲಾಯಿಸಬೇಕು ಎಂಬ ಮಾಹಿತಿಯು ಮೊಬೈಲ್ ಬರುತ್ತದೆ.

ಎಂಎಸ್ಎಸ್ ಮಾಡುವುದು ಹೇಗೆ? : ನಿಮ್ಮ ಮೊಬೈಲ್ ನಿಂದ 9243355223 ಎಸ್ಎಂಎಸ್ ಮಾಡಿ ನಿಮ್ಮ ಮತಗಟ್ಟೆ ಮಾಹಿತಿ ಪಡೆಯಬಹುದು. ಮೊದಲು KAEPIC ಎಂದು ಟೈಪ್ ಮಾಡಿ ನಂತರ ಸ್ಪೇಸ್ ಬಿಟ್ಟು ನಿಮ್ಮ ಚುನಾವಣಾ ಗುರುತಿನ ಚೀಟಿಯ ಸಂಖ್ಯೆಯನ್ನು ನಂಬರ್ ಗೆ 9243355223 ಎಸ್ಎಸ್ಎಂ ಮಾಡಬೇಕು.[ಚುನಾವಣಾ ಆಯೋಗದ ವೆಬ್ ಸೈಟ್ ನೋಡಿ]

ನಿಮ್ಮ ಮತಗಟ್ಟೆ ಯಾವುದು, ಎಲ್ಲಿ ಮತ ಚಲಾಯಿಸಬೇಕು ಮುಂತಾದ ಮಾಹಿತಿಗಳು ನಿಮ್ಮ ಮೊಬೈಲ್ ಗೆ ಸಂದೇಶ ರೂಪದಲ್ಲಿ ಬಂದು ಸೇರುತ್ತವೆ. ಕಳೆದ ವಿಧಾನಸಭೆ ಚುನಾವಣೆಯಲ್ಲಿಯೂ ಚುನಾವಣಾ ಆಯೋಗ ಇಂತಹ ವ್ಯವಸ್ಥೆಯನ್ನು ಜಾರಿಗೊಳಿಸಿ ಜನರಿಗೆ ಗೊಂದಲವಾಗದಂತೆ ಕ್ರಮ ಕೈಗೊಂಡಿತ್ತು. [ಸಿಎಂ ಸಿದ್ದುಗೆ ಚುನಾವಣಾ ಆಯೋಗ ಗುದ್ದು]

ಗೂಗಲ್‌ ಇಂಡಿಯಾ ಲೋಕಸಭಾ ಚುನಾವಣೆಯ ಸಂದರ್ಭದಲ್ಲಿ ರಾಜಕೀಯ ಸುದ್ದಿಗಳಿಗಾಗಿ ಹೊಸ ವೆಬ್‌ ಪುಟವನ್ನು ತೆರೆದಿದ್ದು ಇದಕ್ಕೆ ಹೊಸದಾಗಿ ಹಾಲಿ ಲೋಕಸಭಾ ಅಭ್ಯರ್ಥಿ‌ಗಳ ಬಗ್ಗೆ ಮಾಹಿತಿ ತಿಳಿಸಲು ಲೋಕಸಭಾ ಚುನಾವಣಾ ನಕ್ಷೆಯನ್ನು ಸೇರಿಸಿದೆ. [ಲೋಕಸಭಾ ಸದಸ್ಯರ ಸಾಧನೆಯನ್ನು ನೋಡಿ]