ಬೆಂಗಳೂರು ನಗರದಲ್ಲಿ ಗರಿಷ್ಠ ಸೆಂ.ಮೀ. ಮಳೆ

ಕರ್ನಾಟಕದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಹವಾಮಾನ ಇಲಾಖೆಯ ಪ್ರಕಾರ, ಬೆಂಗಳೂರು ನಗರದಲ್ಲಿ ಅತಿ ಹೆಚ್ಚು (5 ಸೆಂ.ಮೀ.) ಮಳೆ ಬಿದ್ದಿದ್ದರೆ, ಮಂಡ್ಯ, ಚಾಮರಾಜ ನಗರ ಮಂತಾದೆಡೆ ಕಡಿಮೆ (1 ಸೆಂ.ಮೀ. ) ಮಳೆ ಬಿದ್ದಿದೆ.

ಬೆಂಗಳೂರು, ಮೇ 22: ರಾಜ್ಯಾದ್ಯಂತ ಭಾನುವಾರ ಸಾಧಾರಣ ಮಳೆಯಾಗಿದ್ದ ಬೇಸಿಗೆ ಬಿಸಿಲಿನ ತಾಪವನ್ನು ಕೊಂಚ ಕಡಿಮೆ ಮಾಡಿದೆ.

ಈ ಬಗ್ಗೆ ಹವಾಮಾನ ಇಲಾಖೆಯು ರಾಜ್ಯದ ನಾನಾ ಭಾಗಗಳಲ್ಲಿ ನಗರಗಳಲ್ಲಿ ಬಿದ್ದ ಮಳೆಯ ಪ್ರಮಾಣವನ್ನು ಪ್ರಕಟಿಸಿದ್ದು, ಬೆಂಗಳೂರು ನಗರದಲ್ಲಿ ಅತಿ ಹೆಚ್ಚು (5 ಸೆಂ.ಮೀ.) ಮಳೆಯಾಗಿದ್ದು, ಕೊಡಗು, ಚಾಮರಾಜ ನಗರ, ಬೆಂಗಳೂರಿನ ಎಚ್ಎಎಲ್ ನಲ್ಲಿ ಕಡಿಮೆ (1 ಸೆಂ.ಮೀ. ) ಮಳೆ ಬಿದ್ದಿರುವುದಾಗಿ ತಿಳಿಸಿದೆ.

ಹವಾಮಾನ ಇಲಾಖೆ ಪ್ರಕಟಿಸಿದ ಪ್ರಾಂತ್ಯಾವಾರು ಮಳೆ ಪ್ರಮಾಣ ಈ ರೀತಿಯಲ್ಲಿದೆ.

- ಜಿಕೆವಿಕೆ (ಬೆಂಗಳೂರು ನಗರ) 5 ಸೆಂ.ಮೀ., ಸುಳ್ಯ (ದಕ್ಷಿಣ ಕನ್ನಡ), ಬೆಂಗಳೂರು ನಗರ ತಲಾ 4 ಸೆಂ.ಮೀ.

- ಭಾಗ ಮಂಡಲ, ಪೊನ್ನಂಪೇಟೆ (ಕೊಡಗು), ಸರಗೂರು (ಮೈಸೂರು), ಗೋಪಾಲ ನಗರ (ಬೆಂಗಳೂರು ನಗರ), ಚಿಂತಾಮಣಿ (ಚಿಕ್ಕಬಳ್ಳಾಪುರ) ತಲಾ 3 ಸೆಂ.ಮೀ.

- ಸೋಮವಾರ ಪೇಟೆ (ಕೊಡಗು), ನಂಜನಗೂಡು (ಮೈಸೂರು), ಬೇಗೂರು, ಕೊಳ್ಳೇಗಾಲ (ಚಾಮರಾಜ ನಗರ), ಚಿಂತಾಮಣಿ ಪಿಟಿಒ, ಶಿಡ್ಲಘಟ್ಟ (ಚಿಕ್ಕಬಳ್ಳಾಪುರ), ಮಾಗಡಿ (ರಾಮನಗರ) ತಲಾ 2 ಸೆಂ.ಮೀ

- ಬೆಳ್ತಂಗಡಿ, ಪುತ್ತೂರು (ದಕ್ಷಿಣ ಕನ್ನಡ), ನಾಪೋಕ್ಲು, ಕುಶಾಲನಗರ (ಕೊಡಗು), ಚಾಮರಾಜನ ನಗರ, ಯಳಂದೂರು (ಚಾಮರಾಜ ನಗರ ಜಿಲ್ಲೆ), ಬೆಳ್ಳೂರು, ಹೊನಾಕೆರೆ (ಮಂಡ್ಯ), ಮಂಡ್ಯ ನಗರ, ಹೆಸರು ಘಟ್ಟ, ಯಲಹಂಕ, ಬೆಂಗಳೂರು ಕಿಯಾಲ್, ಬೆಂಗಳೂರು ಎಚ್ ಎಎಲ್ ಎಪಿಗಳಲ್ಲಿ ತಲಾ 1 ಸೆಂ.ಮೀ. ಮಳೆಯಾಗಿದೆ.

ಮಳೆ ಪ್ರಮಾಣದ ಪಟ್ಟಿಯ ಜತೆಯಲ್ಲೇ, ನಾನಾ ಭಾಗಗಳಲ್ಲಿ ದಾಖಲಾದ ಉಷ್ಣಾಂಶ ಪ್ರಮಾಣವನ್ನೂ ಹವಾಮಾನ ಇಲಾಖೆ ಪ್ರಕಟಿಸಿದೆ.

- ರಾಜ್ಯದ ಕೆಲವೆಡೆ ಮಳೆಯಾಗುತ್ತಿದ್ದರೂ ಉತ್ತರ ಒಳನಾಡಿದ ಹಲವೆಡೆ ಬಿಸಿ ಗಾಳಿಯ ಪ್ರವಾಹ ಮುಂದುವರಿದಿದೆ. ಇದರ ಜತೆಯಲ್ಲೇ ದಕ್ಷಿಣ ಒಳನಾಡು ಹಾಗೂ ಕರಾವಳಿಯ ಕೆಲ ಭಾಗಗಳಲ್ಲಿ ಉಷ್ಣಾಂಶ ಹೆಚ್ಚಾಗಿಯೇ ಇತ್ತು.

- ಭಾನುವಾರ ಹಾಗೂ ಸೋಮವಾರ (ಮೇ 21 ಹಾಗೂ ಮೇ 22) ಕಲಬುರಗಿಯಲ್ಲಿ ಗರಿಷ್ಠ ಪ್ರಮಾಣದ ಉಷ್ಣಾಂಶ ದಾಖಲಾಗಿದೆ. ಭಾನುವಾರ 42.6 ಡಿಗ್ರಿ ಸೆಂಟಿಗ್ರೇಡ್ ದಾಖಲಾಗಿದ್ದರೆ, ಸೋಮವಾರ ಈ ಉಷ್ಣಾಂಶ ಮತ್ತಷ್ಟು ಹೆಚ್ಚಾಗಿ 43.6 ಡಿಗ್ರಿ ಸೆಂಟಿಗ್ರೇಡ್ ದಾಖಲಾಗಿದೆ.

English summary

The meteorological department of Karnataka has released the list of district and regional wise rain fall on May 21, 2017. Meanwhile, it has Gulbarga was the district which recorded hightest temperature on May 21, 2017.