ಅಭಿವೃದ್ಧಿಯಾಗಲಿರುವ ರಾಜ್ಯ ಹೆದ್ದಾರಿಗಳ ಪಟ್ಟಿ

Updated: Wednesday, May 6, 2015, 12:50 [IST]

ಬೆಂಗಳೂರು, ಮೇ 6 : ಕರ್ನಾಟಕ ಸರ್ಕಾರ 4,600 ಕೋಟಿ ವೆಚ್ಚದಲ್ಲಿ ರಾಜ್ಯದ ಹೆದ್ದಾರಿಗಳನ್ನು ಅಭಿವೃದ್ಧಿಪಡಿಸುವ ಯೋಜನೆಗೆ ಅಂತಿಮ ಒಪ್ಪಿಗೆ ನೀಡಿದೆ. 2018ರ ವೇಳೆಗೆ ಈ ಕಾಮಗಾರಿಗಳನ್ನು ಪೂರ್ಣಗೊಳಿಸುವ ಗುರಿ ಹೊಂದಲಾಗಿದೆ.

ಲೋಕೋಪಯೋಗಿ ಸಚಿವ ಡಾ.ಎಚ್.ಸಿ.ಮಹದೇವಪ್ಪ ಅವರು ಈ ಕುರಿತು ಮಾಹಿತಿ ನೀಡಿದ್ದಾರೆ. ಏಷ್ಯನ್ ಅಭಿವೃದ್ಧಿ ಬ್ಯಾಂಕ್ ನೆರವಿನೊಂದಿಗೆ ಕರ್ನಾಟಕ ರಾಜ್ಯ ಹೆದ್ದಾರಿ ಅಭಿವೃದ್ಧಿ ಯೋಜನೆಯಡಿ ರಾಜ್ಯ ಸರ್ಕಾರ ಹೆದ್ದಾರಿಗಳನ್ನು ಅಭಿವೃದ್ಧಿಪಡಿಸಲಿದೆ. [ಬೆಂ-ಮೈ ಆರು ಪಥದ ರಸ್ತೆ : ಅಧ್ಯಯನ ವರದಿಯಲ್ಲೇನಿದೆ?]

4,600 ಕೋಟಿ ವೆಚ್ಚದಲ್ಲಿ ರಾಜ್ಯದ 1,361 ಕಿ.ಮೀ. ಹೆದ್ದಾರಿಯನ್ನು ಸರ್ಕಾರ ಅಭಿವೃದ್ಧಿಪಡಿಸಲಿದೆ. ಬಾಗಲಕೋಟೆ, ಉತ್ತರ ಕನ್ನಡ, ಶಿವಮೊಗ್ಗ, ಉಡುಪಿ, ದಕ್ಷಿಣ ಕನ್ನಡ, ಕೋಲಾರ, ಮೈಸೂರು, ಚಾಮರಾಜಗರ, ತುಮಕೂರು ಮುಂತಾದ ಜಿಲ್ಲೆಗಳಲ್ಲಿರುವ ಹೆದ್ದಾರಿಗಳು ಅಭಿವದ್ಧಿಯಾಗಲಿದೆ. [ಶಿರಾಡಿ ಘಾಟ್ ಕಾಂಕ್ರಿಟ್ ರಸ್ತೆ ಕಾಮಗಾರಿ ಚಿತ್ರಗಳು]

ಅಭಿವೃದ್ಧಿಯಾಗಲಿರುವ ಹೆದ್ದಾರಿಗಳು

* ಬಾಗಲಕೋಟೆ-ಗದಗ-ಶಿರಹಟ್ಟಿ-ರಾಣೆಬೆನ್ನೂರು-ಹೊನ್ನಾಳಿ (286 ಕಿ.ಮೀ)
* ಟಿ.ನರಸೀಪುರ-ಮಲೆಮಹದೇಶ್ವರ ಬೆಟ್ಟ-ಪಾಲಾರ್ ತಮಿಳುನಾಡು ಗಡಿಯ ತನಕ (118 ಕಿ.ಮೀ)
* ಉಪ್ಪಿನ ಬೆಟಗೇರಿ-ಶಿವಮೊಗ್ಗ-ಶೃಂಗೇರಿ-ಸೋಮವಾರ ಪೇಟೆ ಕೇರಳ ಗಡಿಯ ತನಕ (507 ಕಿ.ಮೀ)
* ಕುಮುಟಾ-ಶಿರಸಿ-ಎಕ್ಕುಂಡಿ (79 ಕಿ.ಮೀ)
* ಚಿತ್ರದುರ್ಗ-ಚೆಳ್ಳಕೆರೆ-ಪಾವಗಡ ಆಂಧ್ರಪ್ರದೇಶ ಗಡಿಯ ತನಕ (110 ಕಿ.ಮೀ)
* ಚಿಂತಾಮಣಿ-ಸಿ.ಜೆ.ಹಳ್ಳಿ-ಮಾಗಡಿ-ಕೆ.ಆರ್.ಪೇಟೆ-ಸೋಮವಾರ ಪೇಟೆ (279)