ಕಲಬುರಗಿ ಪೊಲೀಸ್ ಭರ್ಜರಿ ಬೇಟೆ, ನಾಡಪಿಸ್ತೂಲ್ ಜಾಲ ಪತ್ತೆ
ಕಲಬುರಗಿ, ಡಿಸೆಂಬರ್ 4: ಜಿಲ್ಲೆಯ ವಿವಿಧ ಪೊಲೀಸ್ ಠಾಣೆಗಳ ವ್ಯಾಪ್ತಿಯಲ್ಲಿ ಆಕ್ರಮ ನಾಡ ಪಿಸ್ತೂಲ್ ಜಾಲವನ್ನು ಪತ್ತೆ ಹಚ್ಚುವಲ್ಲಿ ಪೊಲೀಸರು ಯಶ್ವಸಿಯಾಗಿದ್ದಾರೆ.
ಜಿಲ್ಲೆಯಲ್ಲಿ ನಾಡ ಪಿಸ್ತೂಲ್ ದಂಧೆ ಎಗ್ಗಿಲ್ಲದೆ ನಡೆಯುತ್ತಿದ್ದು, ಹಾಗಾಗ ನಾಡ ಪಿಸ್ತೂಲ್ ನಿಂದ ಗುಂಡಿನ ಸದ್ದುಗಳು ಕೇಳಿಬರುತ್ತಿದ್ದವು. ಇದರಿಂದ ಹೆಚ್ಚತ್ತು ಒಂದು ಜಾಲವನ್ನು ಹಿಡಿದು ಕಾರ್ಯಚರಣೆಗಿಳಿದ ಕಲಬುರಗಿ ಪೊಲೀಸರು ಎಂಟು ಜನರನ್ನು ಬಂಧಿಸಿ, 20 ನಾಡ ಪಿಸ್ತೂಲ್ ಹಾಗೂ 40 ಜೀವಂತ ಗುಂಡುಗಳನ್ನು ವಶಕ್ಕೆ ಪಡೆದಿದ್ದಾರೆ.
ಜಿಲ್ಲೆಯ ನೆಲೋಗಿ ಪೋಲಿಸ್ ಠಾಣೆ ವ್ಯಾಪ್ತಿ 3 ಕಂಟ್ರಿಮೇಡ್ ಪಿಸ್ತೂಲ್, 8 ಜೀವಂತ ಗುಂಡುಗಳು, ಅಫಜಲಪುರ ಠಾಣೆ 5 ನಾಡ ಪಿಸ್ತೂಲ್, 15 ಜೀವಂತ ಗುಂಡುಗಳು, ದೇವಲ ಗಾಣಾಗಾಪೂರದಲ್ಲಿ 4 ಕಂಟ್ರಿಮೇಡ್ ಪಿಸ್ತೂಲ್, 8 ಜೀವಂತ ಗುಂಡುಗಳು, ರಾಘವೇಂದ್ರ ನಗರ ಠಾಣೆ 2 ನಾಡ ಪಿಸ್ತೂಲ್, 6 ಜೀವಂತ ಗುಂಡುಗಳು, ಸ್ಟೇಷನ್ ಬಜಾರ ಠಾಣೆ 1 ರಿವಾಲ್ವಾರ್, 1 ನಾಡ ಪಿಸ್ತೂಲ್, 7 ಜೀವಂತ ಗುಂಡುಗಳು ಸಿಕ್ಕಿವೆ.
ಇವುಗಳೆಲ್ಲ ಉತ್ತರ ಪ್ರದೇಶ, ಬಿಹಾರ, ಮಧ್ಯಪ್ರದೇಶನಿಂದ ಸರಬರಾಜು ಆಗುತ್ತಿದೆ. ಬಂಧಿತರೆಲ್ಲರು ಜನರಲ್ಲಿ ಭಯ ಹುಟ್ಡಿಸುವ ವಾತಾವರಣ ಸೃಷ್ಡಿ ಮಾಡಿದ್ದರು.
ಕಲಬುರಗಿ ಮತ್ತು ಈಶಾನ್ಯ ವಲಯದ ಐಜಿಪಿ ವಲಯದಲ್ಲಿ ಉತ್ತಮ ಕಾರ್ಯಾಚರಣೆ ಮಾಡಿದ್ದವರಿಗೆ ಸೂಕ್ತ ಬಹುಮಾನದ ವ್ಯವಸ್ಥೆ ಮಾಡಲಾಗುವುದು ಎಂದು ಈಶಾನ್ಯ ವಲಯ ಐಜಿಪಿ ಅಲೋಕ ಕುಮಾರ ಅವರು ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
Click it and Unblock the Notifications
Sign in with Google