ಜರ್ಮನಿಯ ನೈಟ್ ಕ್ಲಬ್ ನಲ್ಲಿ ಶೂಟೌಟ್, ಇಬ್ಬರು ಸ್ಥಳದಲ್ಲೇ ಸಾವು
ಮ್ಯೂನಿಚ್, ಜುಲೈ 30: ಜರ್ಮನಿಯ ಕಾನ್ಸ್ಟಾನ್ಸ್ ನಗರದ ನೈಟ್ ಕ್ಲಬ್ ನಲ್ಲಿ ಬಂದೂಕುಧಾರಿಯೊಬ್ಬ ಯದ್ವಾತದ್ವ ಗುಂಡಿನ ದಾಳಿ ನಡೆಸಿದ ಪರಿಣಾಮ ಇಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಮೂವರಿಗೆ ಗಂಭೀರ ಗಾಯಗಳಾಗಿವೆ. ಓರ್ವ ಪೊಲೀಸ್ ಅಧಿಕಾರಿಗೂ ಗಾಯವಾಗಿದೆ.
ಭಾನುವಾರ ಈ ಘಟನೆ ನಡೆದಿದ್ದು ಪೊಲೀಸರ ಪ್ರತಿದಾಳಿಗೆ ಗಂಭೀರ ಗಾಯಗೊಂಡಿದ್ದ ಬಂದೂಕುಧಾರಿ ನಂತರ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾನೆ ಎಂದು ತಿಳಿದು ಬಂದಿದೆ.
ಕಾನ್ಸ್ಟಾನ್ಸ್ ನಗರದ ಮಾಕ್ಸ್ ಸ್ಟ್ರೊಮೆಯರ್ ರಸ್ತೆಯಲ್ಲಿರುವ 'ಗ್ರೆ ನೈಟ್ ಕ್ಲಬ್'ನಲ್ಲಿ ಈ ದಾಳಿ ನಡೆದಿದೆ. ನೈಟ್ ಕ್ಲಬ್ ನಲ್ಲಿದ್ದ ಗ್ರಾಹಕರು ಅಡಗಿ ಕುಳಿತಿದ್ದರಿಂದ ಹೆಚ್ಚಿನ ಹಾನಿ ನಡೆದಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.
ಇನ್ನು ಹೆಚ್ಚಿನ ಬಂದೂಕುಧಾರಿಗಳು ಇದೇ ರೀತಿ ದಾಳಿಗೆ ನಗರದಲ್ಲಿ ಸಂಚು ರೂಪಿಸಿರಬಹುದು ಎಂಬ ಅನುಮಾನದ ಮೇಲೆ ನಗರಕ್ಕೆ ಹೆಲಿಕಾಪ್ಟರ್ ತರಿಸಿಕೊಳ್ಳಲಾಗಿದೆ. ಮತ್ತು ಭಿಗಿ ಪೊಲೀಸ್ ಭದ್ರತೆ ಒದಗಿಸಲಾಗಿದೆ.
Click it and Unblock the Notifications
Sign in with Google