ನ್ಯೂಯಾರ್ಕ್ ನಗರದಲ್ಲಿ ದೀಪಾವಳಿ ಹಬ್ಬಕ್ಕೆ ಶಾಲೆಗೆ ರಜೆ ಘೋಷಣೆ
ನ್ಯೂಯಾರ್ಕ್, ಜೂನ್ 27: ಬೆಳಕಿನ ಹಬ್ಬ ದೀಪಾವಳಿಗೆ ನ್ಯೂಯಾರ್ಕ್ ನಗರದಲ್ಲಿ ಶಾಲೆಗಳಿಗೆ ರಜೆಯನ್ನು ನಿಗದಿಪಡಿಸಲಾಗಿದೆ ಎಂದು ಮೇಯರ್ ಎರಿಕ್ ಆಡಮ್ಸ್ ಘೋಷಿಸಿದ್ದಾರೆ.
ಕತ್ತಲೆಯ ಮೇಲೆ ಬೆಳಕಿನ ವಿಜಯದ ಸ್ಮರಣಾರ್ಥ ಸಾವಿರಾರು ನ್ಯೂಯಾರ್ಕ್ ನಿವಾಸಿಗಳು ಪ್ರತಿ ವರ್ಷ ದೀಪಾವಳಿಯನ್ನು ಆಚರಿಸುತ್ತಾರೆ. ದೇಶದ ಆಡಳಿತರೂಢ ಜನರು ಇತ್ತೀಚೆಗೆ ಅಮೆರಿಕಾದಲ್ಲಿ ಶಾಲೆಗಳಿಗೆ ದೀಪಾವಳಿ ಹಬ್ಬಕ್ಕೆ ರಜಾ ಘೋಷಿಸುವ ಕಾನೂನನ್ನು ಜಾರಿಗೊಳಿಸಿದ್ದರು. ಬಳಿಕ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಮೇಯರ್ ಎರಿಕ್ ಆಡಮ್ಸ್ ಈ ಕ್ಷಣವನ್ನು ಸ್ಥಳೀಯ ಕುಟುಂಬಗಳಿಗೆ ಮಹತ್ವದ ಗೆಲುವು ಎಂದು ಕರೆದರು. ದೀಪಾವಳಿ ಹಬ್ಬಕ್ಕೆ ಶಾಲೆಗಳಿಗೆ ರಜೆ ಕೊಡಿಸುವ ಹೋರಾಟದಲ್ಲಿ ಅಸೆಂಬ್ಲಿ ಸದಸ್ಯ ಜೆನಿಫರ್ ರಾಜ್ಕುಮಾರ್ ಮತ್ತು ಸಮುದಾಯದ ಮುಖಂಡರೊಂದಿಗೆ ನಿಂತಿದ್ದಕ್ಕಾಗಿ ನಾನು ತುಂಬಾ ಹೆಮ್ಮೆಪಡುತ್ತೇನೆ. ಹಬ್ಬ ಈ ವರ್ಷ ಸ್ವಲ್ಪ ಮುಂಚೆಯೇ ಇದೆ ಎಂದು ನನಗೆ ತಿಳಿದಿದೆ. ಎಲ್ಲರಿಗೂ ಶುಭ ದೀಪಾವಳಿ ಮೇಯರ್ ಟ್ವಿಟರ್ನಲ್ಲಿ ಬರೆದಿದ್ದಾರೆ.
#WATCH | Diwali to become school holiday in New York City, US
— ANI (@ANI) June 27, 2023
"I'm so proud to have stood with Assemblymember Jenifer Rajkumar and community leaders in the fight to make Diwali a school holiday. I know it's a little early in the year, but: Shubh Diwali," tweets Mayor Eric Adams… pic.twitter.com/TfrlU7KWwm
ಗವರ್ನರ್ ಕ್ಯಾಥಿ ಹೊಚುಲ್ ಅವರು ಮಸೂದೆಗೆ ಸಹಿ ಹಾಕುತ್ತಾರೆ ಎಂಬ ವಿಶ್ವಾಸವಿದೆ ಎಂದು ಮೇಯರ್ ಹೇಳಿದರು. ಈ ಕ್ರಮವನ್ನು ಇನ್ನೂ ಗವರ್ನರ್ ಕ್ಯಾಥಿ ಹೋಚುಲ್ ಅವರು ಕಾನೂನಾಗಿ ಮಾಡಬೇಕಾಗಿದೆ. ಹೊಸ ರಜಾದಿನವು ಶಾಲಾ ರಜೆಯ ಕ್ಯಾಲೆಂಡರ್ನಲ್ಲಿ "ಬ್ರೂಕ್ಲಿನ್-ಕ್ವೀನ್ಸ್ ಡೇ" ಅನ್ನು ಬದಲಿಸುತ್ತದೆ.
ಈ ಬಗ್ಗೆ ನ್ಯೂಯಾರ್ಕ್ ಸ್ಟೇಟ್ ಅಸೆಂಬ್ಲಿ ಸದಸ್ಯ, ಜೆನಿಫರ್ ರಾಜ್ಕುಮಾರ್ ಅವರು ಟ್ವೀಟ್ ಮಾಡಿ, "ಇಂದು ನ್ಯೂಯಾರ್ಕ್ ಮೇಯರ್ ಅವರೊಂದಿಗೆ ಸಿಟಿ ಹಾಲ್ನಲ್ಲಿ ನನ್ನ ಪತ್ರಿಕಾಗೋಷ್ಠಿ ನಡೆದಿದೆ. ಮೇಯರ್ ಎರಿಕ್ ಆಡಮ್ಸ್ ಅವರೊಂದಿಗೆ ದೀಪಾವಳಿಯನ್ನು ಶಾಲಾ ರಜಾದಿನವನ್ನಾಗಿ ಮಾಡುವ ಹೋರಾಟವನ್ನು ಮುನ್ನಡೆಸಲು ಮತ್ತು ಗೆಲ್ಲಲು ನಾನು ಹೆಮ್ಮೆಪಡುತ್ತೇನೆ ಎಂದು ತಿಳಿಸಿದ್ದಾರೆ.
ನೀವು ಈ ನಗರದ ಭಾಗವಾಗಿದ್ದೀರಿ. ನಿಮ್ಮನ್ನು ಹೊರಗಿನವರೆಂದು ಪರಿಗಣಿಸಲಾಗುವುದಿಲ್ಲ. ಈ ಕ್ಷಣವು ಸಾಂಕೇತಿಕ ಘೋಷಣೆಯನ್ನು ಪ್ರತಿನಿಧಿಸುತ್ತದೆ. ನೀವು ಎಲ್ಲಿಂದ ಬಂದಿದ್ದರೂ ಪರವಾಗಿಲ್ಲ. ನಾವು ಈಗ ನ್ಯೂಯಾರ್ಕ್ ಅನ್ನು ಪ್ರತಿಯೊಬ್ಬರಿಗೂ ಜಾಗವಿದೆ ಎಂದು ಹೇಳುತ್ತಿದ್ದೇವೆ ಎಂದು ಆಡಮ್ಸ್ ಹೇಳಿದರು.
ಈ ವರ್ಷ ನವೆಂಬರ್ 12 ರ ಭಾನುವಾರದಂದು ದೀಪಾವಳಿಯನ್ನು ಆಚರಿಸಲಾಗುತ್ತದೆ, ಆದ್ದರಿಂದ ಇದು 2024 ರಲ್ಲಿ ಮೊದಲ ಬಾರಿಗೆ ಶಾಲೆಗೆ ರಜೆ ಇರುತ್ತದೆ. ನ್ಯೂಯಾರ್ಕ್ ಟೈಮ್ಸ್ ಪ್ರಕಾರ, 2015 ರಲ್ಲಿ, ನಗರವು ಎರಡು ಪ್ರಮುಖ ಮುಸ್ಲಿಂ ರಜಾದಿನಗಳಾದ ಈದ್ ಅಲ್-ಫಿತರ್ ಮತ್ತು ಈದ್ ಅಲ್-ಅಧಾ ಗೌರವಾರ್ಥವಾಗಿ ಶಾಲೆಗಳಿಗೆ ರಜೆ ನೀಡುವುದಾಗಿ ಘೋಷಿಸಿತು.
Click it and Unblock the Notifications
Sign in with Google