ಮಾಸ್ಕೋ, ಮೇ 23: ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಸೇರಿದಂತೆ ಸುಮಾರು ಒಂದು ಸಾವಿರ ಮಂದಿ ರಷ್ಯನ್ ನಾಗರಿಕರ ಪ್ರವೇಶವನ್ನು ಕೆನಡಾ ಸರಕಾರ ನಿರ್ಬಂಧಿಸಿದೆ. ಉಕ್ರೇನ್ ಮೇಲೆ ರಷ್ಯಾ ಎಡಬಿಡದೆ ಯುದ್ಧ ನಡೆಸುತ್ತಿರುವ ಹಿನ್ನೆಲೆಯಲ್ಲಿ ಕೆನಡಾ ಈ ಕ್ರಮ ಕೈಗೊಂಡಿದೆ ಎಂದು ಕೆನಡಾದ ಸಾರ್ವಜನಿಕ ಸುರಕ್ಷತೆ ಸಚಿವ ಮಾರ್ಕೊ ಮೆಂಡಿಸಿನೋ ಮಂಗಳವಾರ ತಿಳಿಸಿದರು.
ಉಕ್ರೇನ್ ವಿರುದ್ಧ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಯುದ್ಧ ಘೋಷಿಸಿ, ಸುಮಾರು ಒಂದು ತಿಂಗಳಿಗೂ ಅಧಿಕ ಕಾಲದಲ್ಲಿ ಉಕ್ರೇನ್ ದೇಶದ ಪ್ರಮುಖ ನಗರಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಕೀವ್ ನಗರವನ್ನು ಉಕ್ರೇನ್ ತನ್ನ ವಶಕ್ಕೆ ಮರಳಿ ಪಡೆದಿರುವುದಾಗಿ ಘೋಷಿಸಿಕೊಂಡಿದೆ.
ನೆರೆಯ ಉಕ್ರೇನ್‌ಗೆ ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ "ವಿಶೇಷ ಮಿಲಿಟರಿ ಕಾರ್ಯಾಚರಣೆ" ಫೆಬ್ರವರಿ 24 ರಂದು ಪ್ರಾರಂಭವಾಯಿತು, ರಷ್ಯಾದ ಸೈನ್ಯವು ಬೆಲಾರಸ್‌ನಿಂದ ಉತ್ತರಕ್ಕೆ ಮತ್ತು ರಷ್ಯಾದಿಂದ ಪೂರ್ವಕ್ಕೆ ಆಕ್ರಮಣ ಮಾಡಿತು. ಯುಎಸ್ ಅಧಿಕಾರಿಗಳ ಪ್ರಕಾರ ರಷ್ಯಾದ ಪಡೆಗಳು ಉಕ್ರೇನಿಯನ್ನರಿಂದ "ಕಠಿಣ ಪ್ರತಿರೋಧ" ವನ್ನು ಎದುರಿಸುತ್ತಿವೆ.
ರಷ್ಯಾದ ದಾಳಿ ನಡುವೆಯೂ ಉಕ್ರೇನ್‌ನ ಅಧ್ಯಕ್ಷ ಶಾಂತಿ ಕಾಪಾಡುವಂತೆ ಜನತೆಗೆ ಮನವಿ ಮಾಡಿಕೊಂಡಿದ್ದು, ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಜೊತೆ ಶಾಂತಿ ಮಾತುಕತೆಗೆ ಸಿದ್ಧ ಎಂದಿದ್ದಾರೆ.
Livingstone ಆಟಕ್ಕೆ ಗಾಬರಿಯಾದ ಗುಜರಾತ್ | Oneindia Kannada
ಉಕ್ರೇನಿನ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ದೇಶದ ಜನತೆಯನ್ನು ಉದ್ದೇಶಿಸಿ ಭಾವನಾತ್ಮಕವಾಗಿ ಮಾತನಾಡಿ, ದೇಶವು ರಷ್ಯಾಕ್ಕೆ ಅಪಾಯವನ್ನುಂಟುಮಾಡುತ್ತದೆ ಎಂಬ ರಷ್ಯಾ ಆರೋಪವನ್ನು ನಿರಾಕರಿಸಿದರು, ರಷ್ಯಾದ ಆಕ್ರಮಣವು ಹತ್ತಾರು ಸಾವಿರ ಜೀವಗಳನ್ನು ಬಲಿಪಡೆದುಕೊಂಡಿದೆ ಎಂದು ವಿಷಾದ ವ್ಯಕ್ತಪಡಿಸಿದರು.
Newest FirstOldest First
6:27 PM, 23 May
ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಸೋಮವಾರ ದಾವೋಸ್‌ನಲ್ಲಿ ನಡೆದ ಜಾಗತಿಕ ಸಭೆಯಲ್ಲಿ ಸಭೆಯಲ್ಲಿ ಮಾತನಾಡಿ, 'ಜಗತ್ತು ಒಂದು ಮಹತ್ವದ ತಿರುವನ್ನು ಎದುರಿಸುತ್ತಿದೆ. ಇದು ಇತರ ದೇಶಗಳಿಗೆ ಎಚ್ಚರಿಕೆಯಾಗಿದೆ. ಹೀಗಾಗಿ ರಷ್ಯಾ ವಿರುದ್ಧ ನಿರ್ಬಂಧಗಳನ್ನು ಹೆಚ್ಚಿಸಬೇಕಾಗಿದೆ' ಎಂದು ಹೇಳಿದರು. "ಇತಿಹಾಸ ಒಂದು ಮಹತ್ವದ ಘಟ್ಟದಲ್ಲಿದೆ... ಇದು ನಿಜವಾಗಿಯೂ ವಿವೇಚನಾರಹಿತ ಶಕ್ತಿಯು ಜಗತ್ತನ್ನು ಆಳುತ್ತದೆಯೇ ಎಂದು ನಿರ್ಧರಿಸುವ ಕ್ಷಣವಾಗಿದೆ" ಎಂದು ಝೆಲೆನ್ಸ್ಕಿ ವಿಡಿಯೋ ಲಿಂಕ್ ಮೂಲಕ ಭಾಷಣದಲ್ಲಿ ಹೇಳಿದರು.
4:50 PM, 23 May
ಸ್ವಿಟ್ಜರ್ಲೆಂಡ್‌ನ ದಾವೋಸ್‌ನಲ್ಲಿ ನಡೆದ ವಿಶ್ವ ಆರ್ಥಿಕ ಸಭೆಯಲ್ಲಿ ಕಾರ್ಪೊರೇಟ್ ಅಧಿಕಾರಿಗಳು, ಸರ್ಕಾರಿ ಅಧಿಕಾರಿಗಳು ಮತ್ತು ಇತರ ವಿಐಪಿಗಳಿಗೆ ಮೊದಲ ವರ್ಚುವಲ್ ಭಾಷಣದಲ್ಲಿ ಮಾತನಾಡಿದ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ರಷ್ಯಾ ವಿರುದ್ಧ ಗರಿಷ್ಠ ನಿರ್ಬಂಧಗಳಿಗೆ ಕರೆ ನೀಡಿದರು.
3:10 PM, 23 May
"1993ರ ಯಮಾಲ್ ಮೇಲಿನ ಅಂತರ್ ಸರ್ಕಾರಿ ಅನಿಲ ಒಪ್ಪಂದವನ್ನು ಪೋಲೆಂಡ್ ಖಂಡಿಸುತ್ತದೆ" ಎಂದು ಮೊಸ್ಕ್ವಾ ಟ್ವೀಟ್ ಮಾಡಿದ್ದಾರೆ. "ಉಕ್ರೇನ್ ವಿರುದ್ಧ ರಷ್ಯಾದ ಆಕ್ರಮಣವು ರಷ್ಯಾದ ಅನಿಲದಿಂದ ಸಂಪೂರ್ಣ ಸ್ವಾತಂತ್ರ್ಯದ ದಿಕ್ಕಿನಲ್ಲಿ ಪೋಲಿಷ್ ಸರ್ಕಾರದ ನಿರ್ಣಯವನ್ನು ದೃಢಪಡಿಸಿದೆ."
2:25 PM, 23 May
ಉಕ್ರೇನ್ ವಿರುದ್ಧ ರಷ್ಯಾದ ಒಕ್ಕೂಟದ ಆಕ್ರಮಣವು ಸುರಕ್ಷತೆ ಮತ್ತು ರಕ್ಷಣೆಯ ವಿಷಯದಲ್ಲಿ ಇಡೀ ಯುರೋಪಿಯನ್ ಒಕ್ಕೂಟಕ್ಕೆ ಎಚ್ಚರಿಕೆಯ ಕರೆಯಾಗಿ ಕಾರ್ಯನಿರ್ವಹಿಸುತ್ತದೆ ಎಂದು EU ಉನ್ನತ ಪ್ರತಿನಿಧಿ ಜೋಸೆಪ್ ಬೊರೆಲ್ ಹೇಳಿದರು.
1:17 PM, 23 May
ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರು ಮುಂದಿನ ವಾರ ದಾವೋಸ್ ಫೋರಮ್‌ನಲ್ಲಿ ಭಾಗವಹಿಸಲಿದ್ದಾರೆ, ಅಲ್ಲಿ ಅವರು ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಮತ್ತು ಇಂಡೋನೇಷ್ಯಾದ ರಾಜಕಾರಣಿಗಳು ಮತ್ತು ತಜ್ಞರೊಂದಿಗೆ ಸಂವಾದ ನಡೆಸಲಿದ್ದಾರೆ.
1:17 PM, 23 May
ಉಕ್ರೇನ್‌ಗೆ ಯುಎಸ್ ಮಿಲಿಟರಿ ಬೆಂಬಲವನ್ನು ನೀಡುವುದನ್ನು ತಡೆಯಲು ರಷ್ಯಾಕ್ಕೆ ಸಾಧ್ಯವಾಗುವುದಿಲ್ಲ ಎಂದು ಶ್ವೇತಭವನವು ಹೇಳಿದೆ.
11:06 AM, 23 May
ಉಕ್ರೇನ್‌ಗೆ ನಿರ್ಣಾಯಕ ಆಹಾರ ಮತ್ತು ಮಾನವೀಯ ಪರಿಹಾರವನ್ನು ತರಲು ಪ್ರಯತ್ನಗಳನ್ನು ದ್ವಿಗುಣಗೊಳಿಸಲು ಪ್ರಧಾನ ಮಂತ್ರಿ ಬದ್ಧರಾಗಿದ್ದಾರೆ ಎಂದು ಡೌನಿಂಗ್ ಸ್ಟ್ರೀಟ್ ಹೇಳಿಕೆ ನೀಡಿದೆ.
11:05 AM, 23 May
ಆಹಾರ ಮತ್ತು ಮಾನವೀಯ ನೆರವಿನೊಂದಿಗೆ ಉಕ್ರೇನ್‌ಗೆ ಸಹಾಯ ಮಾಡುವ ಪ್ರಯತ್ನಗಳನ್ನು ಹೆಚ್ಚಿಸಲು ದೇಶದ ಪ್ರಧಾನ ಮಂತ್ರಿ ಬೋರಿಸ್ ಜಾನ್ಸನ್ ಪ್ರತಿಜ್ಞೆ ಮಾಡುತ್ತಾರೆ ಎಂದು ಬ್ರಿಟಿಷ್ ಪ್ರಧಾನ ಮಂತ್ರಿ ಕಚೇರಿ ಹೇಳಿದೆ.
9:29 AM, 23 May
ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧ ಪ್ರಾರಂಭವಾದ ನಂತರ ಉಕ್ರೇನ್ ಸಂಸತ್ತಿನಲ್ಲಿ ಭಾಷಣ ಮಾಡಿದ ಮೊದಲ ವಿದೇಶಿ ನಾಯಕ ಎಂಬ ಕೀರ್ತಿಗೆ ಪೋಲೆಂಡ್‌ನ ಅಧ್ಯಕ್ಷರು ಪಾತ್ರರಾಗಲಿದ್ದಾರೆ. ಉಕ್ರೇನ್ ರಾಜಧಾನಿ ಕೀವ್‌ಗೆ ಪೋಲೆಂಡ್ ಅಧ್ಯಕ್ಷ ಆಂಡ್ರೇ ಡೂಡ ಭಾನುವಾರ ಭೇಟಿ ನೀಡಿದ್ದಾರೆ.
8:17 AM, 23 May
ಉಕ್ರೇನ್ ದೇಶದ ಪೂರ್ವ ಮತ್ತು ದಕ್ಷಿಣದಲ್ಲಿ ರಷ್ಯಾ ತನ್ನ ದಾಳಿಯನ್ನು ಹೆಚ್ಚಿಸುತ್ತಿದೆ. ಮಾಸ್ಕೋಗೆ ಕದನ ವಿರಾಮ ಅಥವಾ ಯಾವುದೇ ಪ್ರಾದೇಶಿಕ ರಿಯಾಯಿತಿಗಳನ್ನು ನೀಡುವಂತೆ ಉಕ್ರೇನ್ ಬೇಡಿಕೆ ಇಟ್ಟಿದೆ ಎಂಬ ವರದಿಗಳನ್ನು ಉಕ್ರೇನ್ ಸ್ಪಷ್ಟವಾಗಿ ತಳ್ಳಿಹಾಕಿದೆ.
7:16 AM, 23 May
ಆಫ್ರಿಕನ್ ಯೂನಿಯನ್ ಮುಖ್ಯಸ್ಥರು ಮಾಸ್ಕೋ, ಉಕ್ರೇನ್ ರಾಜಧಾನಿ ಕೀವ್‌ಗೆ ಭೇಟಿ ನೀಡುವುದಾಗಿ ಘೋಷಣೆ ಮಾಡಿದ್ದಾರೆ. ಮತ್ತೊಂದು ಕಡೆ ಪೋಲಿಷ್ ನಾಯಕ ಕೀವ್‌ಗೆ ಭೇಟಿ ನೀಡಿದ್ದು, ರಷ್ಯಾ-ಉಕ್ರೇನ್ ನಡುವಿನ ಯುದ್ಧದಲ್ಲಿ ಉಕ್ರೇನ್‌ಗೆ ಬೆಂಬಲವನ್ನು ಘೋಷಣೆ ಮಾಡಿದ್ದಾರೆ.
6:14 AM, 23 May
ರಷ್ಯಾ-ಉಕ್ರೇನ್ ಯುದ್ಧದ ಪರಿಣಾಮ ಯುರೋಪ್ ದೇಶಗಳಿಗೆ ಗ್ಯಾಸ್ ಪೂರೈಕೆಯಲ್ಲಿ ತೊಂದರೆ ಆಗಲಿದೆ ಎಂದು ಅಂದಾಜಿಸಲಾಗಿತ್ತು. ಆದರೆ ಉಕ್ರೇನ್ ಮೂಲಕ ಯುರೋಪ್‌ಗೆ ಅನಿಲ ಪೂರೈಕೆಯನ್ನು ಮುಂದುವರೆಸಲಾಗಿದೆ ಎಂದು ರಷ್ಯಾದ ಅನಿಲ ಉತ್ಪಾದಕ ಕಂಪನಿ ಗಾಜ್ಪ್ರೊಮ್ ಹೇಳಿದೆ. ಯುದ್ಧ ಆರಂಭವಾದ ಬಳಿಕ ರಷ್ಯಾ ಮೇಲೆ ಹಲವಾರು ರಾಷ್ಟ್ರಗಳು ಆರ್ಥಿಕ ನಿರ್ಬಂಧಗಳನ್ನು ಹೇರಿದ್ದರೂ ಸಹ ಗ್ಯಾಸ್ ಪೂರೈಕೆಯಲ್ಲಿ ಯಾವುದೇ ಅಡೆತೆಡೆ ಮಾಡಿಲ್ಲ.
7:51 PM, 22 May
ಯುದ್ಧವಿರಾಮಕ್ಕೆ ಉಕ್ರೇನ್ ನಕಾರ
ಉಕ್ರೇನ್ ದೇಶದಲ್ಲಿ ರಷ್ಯಾದ ತೀವ್ರ ದಾಳಿ ಮುಂದುವರಿದಿದೆ. ಪಾಶ್ಚಿಮಾತ್ಯ ದೇಶಗಳ ಆರ್ಥಿಕ ನಿಷೇಧ ಕ್ರಮಗಳಿಗೆ ಬದಲಾಗಿ ರಷ್ಯಾ ಕೂಡ ವಿವಿಧ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಫಿನ್ಲೆಂಡ್ ದೇಶಕ್ಕೆ ಗ್ಯಾಸ್ ಸರಬರಾಜು ನಿಲ್ಲಿಸಿದೆ. ಇದೇ ವೇಳೆ, ರಷ್ಯಾ ಜೊತೆ ಮಾತುಕತೆಗೆ ಕೂರುವ ಅಥವಾ ಯುದ್ಧವಿರಾಮ ಘೋಷಿಸುವ ನಿರ್ಧಾರವನ್ನು ಉಕ್ರೇನ್ ತಳ್ಳಿಹಾಕಿದೆ.
7:49 PM, 22 May
ಉಕ್ರೇನ್‌ನ ಪೂರ್ವ ಮತ್ತು ದಕ್ಷಿಣ ಭಾಗದ ಪ್ರದೇಶಗಳಾದ ಡೊಂಬಾಸ್ ಮತ್ತು ಮಿಕೋಲೇವ್‌ನಲ್ಲಿ ರಷ್ಯಾದ ವೈಮಾನಿಕ ಮತ್ತು ಆರ್ಟಿಲರಿ ದಾಳಿಗಳು ನಿರಂತರವಾಗಿ ನಡೆದಿದೆ. ಉಕ್ರೇನ್ ಸೇನಾ ಪಡೆಯ ಕಮ್ಯಾಂಡ್ ಸೆಂಟರ್‌ಗಳು, ಮದ್ದುಗುಂಡು ಸಂಗ್ರಹ ಕೇಂದ್ರಗಳು ರಷ್ಯನ್ ದಾಳಿಯ ಪ್ರಮುಖ ಗುರಿಗಳಾಗಿವೆ.
5:49 PM, 22 May
ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಯುದ್ಧ ಪೀಡಿತ ಉಕ್ರೇನ್‌ಗೆ ಹೆಚ್ಚುವರಿಯಾಗಿ 40 ಬಿಲಿಯನ್ ಡಾಲರ್ ನೆರವು ನೀಡುವ ಪ್ರಸ್ತಾವನೆಗೆ ಸಹಿ ಹಾಕಿದ್ದಾರೆ. ರಷ್ಯಾ-ಉಕ್ರೇನ್ ಯುದ್ದ ಆರಂಭಗೊಂಡ ಬಳಿಕ ಅಮೆರಿಕ ನಿರಂತರವಾಗಿ ಉಕ್ರೇನ್‌ಗೆ ಆರ್ಥಿಕ, ಸೇನಾ ನೆರವು ನೀಡುತ್ತಿದೆ.
1:11 PM, 22 May
ಉಕ್ರೇನ್‌ನ ಬಂದರು ನಗರ ಮಾರಿಯುಪೋಲ್‌ನ ಅಜೋವ್‌ಸ್ಟಾಲ್ ಉಕ್ಕಿನ ಘಟಕದಲ್ಲಿ ಅಡಗದ್ದ ಉಕ್ರೇನ್ ಸೈನಿಕರ ಕೊನೆಯ ಗುಂಪು ಸಹ ಶರಣಾಗಿದೆ. 531 ಸೈನಿಕರು ಶರಣಾಗುವ ಮೂಲಕ ವಾರಗಳಿಂದ ನಡೆದಿದ್ದ ದಾಳಿ ಅಂತ್ಯವಾಗಿದೆ. ರಷ್ಯಾದ ರಕ್ಷಣಾ ಸಚಿವಾಲಯ ಈ ಕುರಿತು ಹೇಳಿಕೆ ನೀಡಿದ್ದು, ಉಕ್ಕಿನ ಘಟಕದಲ್ಲಿದ್ದ 2,439 ಉಕ್ರೇನಿಯನ್ ಸೈನಿಕರು ಶರಣಾಗಿದ್ದಾರೆ ಎಂದು ತಿಳಿಸಿದೆ.
12:03 PM, 22 May
ಮಾರಿಯುಪೋಲ್ ಸಂಪೂರ್ಣವಾಗಿ ವಶಪಡಿಸಿಕೊಳ್ಳುವ ಪ್ರಕ್ರಿಯೆ ಪೂರ್ಣಗೊಂಡಿದೆ ಎಂದು ರಷ್ಯಾ ಹೇಳಿದೆ. ಉಕ್ರೇನ್‌ನೊಂದಿಗಿನ ಯುದ್ಧದಲ್ಲಿ ಇದು ಅತಿದೊಡ್ಡ ವಿಜಯವಾಗಿದೆ. ಬಂದರು ನಗರವನ್ನು ವಶಪಡಿಸಿಕೊಳ್ಳುವ ವಾರಗಳ ಪ್ರಕ್ರಿಯೆ ಪೂರ್ಣಗೊಂಡಿದೆ ಎಂದು ರಷ್ಯಾದ ರಕ್ಷಣಾ ಸಚಿವ ಸೆರ್ಗೆಯ್ ಶೋಯಿಗು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್‌ಗೆ ವರದಿ ನೀಡಿದ್ದಾರೆ.
10:44 AM, 22 May
ರಷ್ಯಾ ಉಕ್ರೇನ್ ಮೇಲಿನ ದಾಳಿಯನ್ನು ತೀವ್ರಗೊಳಿಸುವ ಸೂಚನೆ ನೀಡಿದೆ. ಇಸ್ಕಾಂಡರ್ ಕ್ಷಿಪಣಿ ಲಾಂಚರ್‌ಗಳನ್ನು ಬೆಲ್ಗೊರೊಡ್ ಒಬ್ಲಾಸ್ಟ್‌ ಪ್ರದೇಶದಲ್ಲಿ ನಿಯೋಜಿಸುತ್ತಿದೆ.
ಉಕ್ರೇನ್‌ನ ಸಶಸ್ತ್ರ ಪಡೆಗಳ ಜನರಲ್ ಈ ಕುರಿತು ಮಾಹಿತಿ ನೀಡಿದ್ದಾರೆ. ಇಸ್ಕಾಂಡರ್-ಎಂ ಶ್ರೇಣಿಯ ಬ್ಯಾಲಿಸ್ಟಿಕ್ ಕ್ಷಿಪಣಿ ಲಾಂಚರ್‌ಗಳನ್ನು ರಷ್ಯಾ ಬೆಲ್ಗೊರೊಡ್ ಒಬ್ಲಾಸ್ಟ್‌ನಲ್ಲಿ ನಿಯೋಜಿಸಿದೆ. ಇದು ಉಕ್ರೇನ್ ಗಡಿಯಿಂದ 20 ಮೈಲಿಗಳಿಗಿಂತ ಕಡಿಮೆ ದೂರದಲ್ಲಿದೆ ಎಂದು ಹೇಳಿದ್ದಾರೆ.
9:36 AM, 22 May
ರಷ್ಯಾದ ಗಾಜ್ಪ್ರೊಮ್ ಪ್ರದೇಶದಿಂದ ಪಕ್ಕದ ಫಿನ್‌ಲ್ಯಾಂಡ್‌ಗೆ ಅನಿಲ ರಫ್ತುಗಳನ್ನು ನಿಲ್ಲಿಸಲಾಗಿದೆ. ರಷ್ಯಾ ಈಗಾಗಲೇ ಅನಿಲ ಪೂರೈಕೆ ಸ್ಥಗಿತಗೊಳಿಸುವುದಾಗಿ ಎಚ್ಚರಿಕೆ ನೀಡಿತ್ತು. ಉಕ್ರೇನ್ ಮೇಲೆ ರಷ್ಯಾ ಆಕ್ರಮಣ ಆರಂಭವಾದ ಮೇಲೆ ರಷ್ಯಾ ಮೇಲೆ ಅನೇಕ ದೇಶಗಳು ಆರ್ಥಿಕ ನಿರ್ಬಂಧ ಹೇರಿವೆ.
8:02 AM, 22 May
ರಷ್ಯಾ ಪಡೆಗಳು ಉಕ್ರೇನ್‌ನ ಲುಹಾನ್ಸ್ಕ್ ಪ್ರದೇಶದಲ್ಲಿನ ಸೆವೆರೊಡೊನೆಟ್ಸ್ಕ್ ವಶಪಡಿಸಿಕೊಳ್ಳಲು ಅಂತಿಮ ಪ್ರಯತ್ನಗಳನ್ನು ನಡೆಸುತ್ತಿವೆ. ಮತ್ತೊಂದು ಕಡೆ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಮಾರಿಯುಪೋಲ್‌ನ ಅಜೋವ್‌ಸ್ಟಲ್ ಉಕ್ಕು ಸ್ಥಾವರದಲ್ಲಿ ಶರಣಾದ ತನ್ನ ಸೈನಿಕರನ್ನು ವಿನಿಮಯ ಮಾಡಿಕೊಳ್ಳಲು ಸಿದ್ಧವಾಗಿದೆ ಎಂದು ರಷ್ಯಾಗೆ ಸಂದೇಶ ರವಾನೆ ಮಾಡಿದ್ದಾರೆ.
"ನಮ್ಮ ನೆಲದ ಮೇಲೆ ರಷ್ಯಾದ ಪೂರ್ಣ ಪ್ರಮಾಣದ ಆಕ್ರಮಣದ ಮೊದಲ ದಿನಗಳಿಂದಲೂ ಪೋರ್ಚುಗಲ್ ಉಕ್ರೇನ್‌ಗೆ ಸಹಾಯ ಮಾಡುತ್ತಿದೆ,” ಎಂದು ಝೆಲೆನ್ಸ್ಕಿ ತಿಳಿಸಿದ್ದಾರೆ.
10:45 PM, 21 May
ಪೋರ್ಚುಗಲ್‌ನ ಪ್ರಧಾನ ಮಂತ್ರಿ ಆಂಟೋನಿಯೊ ಕೋಸ್ಟಾ ಅವರು ಇಂದು ಕೀವ್‌ಗೆ ಭೇಟಿ ನೀಡಿದರು. ಉಕ್ರೇನಿಯನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರೊಂದಿಗೆ ಜಂಟಿಯಾಗಿ ಕಾಣಿಸಿಕೊಂಡು ಸಹಾಯದ ಕುರಿತು ಚರ್ಚಿಸಿದರು ಎಂದು ಅಧ್ಯಕ್ಷರ ಕಚೇರಿ ಹೇಳಿಕೆಯಲ್ಲಿ ತಿಳಿಸಿದೆ.
5:02 PM, 21 May
ಉಕ್ರೇನ್ ಪ್ರಧಾನಿ ವೊಲೋಡಿಮಿರ್ ಝೆಲೆನ್ಸ್ಕಿ ಆಹ್ವಾನದ ಮೇರೆಗೆ ಪೋರ್ಚುಗಲ್ ಪ್ರಧಾನಿ ಶನಿವಾರ ಉಕ್ರೇನ್‌ನ ಕೀವ್ ನಗರ ತಲುಪಿದ್ದಾರೆ. ನಾವು ರಷ್ಯಾದ ಆಕ್ರಮಣವನ್ನು ಬಲವಾಗಿ ಖಂಡಿಸುತ್ತೇವೆ. ಉಕ್ರೇನ್ ಮತ್ತು ಈ ದೇಶದ ಜನರಿಗೆ ಬೆಂಬಲವಾಗಿ ನಾನು ಇಲ್ಲಿಗೆ ಬಂದಿರುವುದಾಗಿ ಪೋರ್ಚುಗಲ್ ಪ್ರಧಾನಿಗಳು ಹೇಳಿದ್ದಾರೆ.
4:57 PM, 21 May
ಉಕ್ರೇನ್‌ನ ಕೀವ್ ನಗರದ ಪಶ್ಚಿಮಕ್ಕಿರುವ ಝೈಟೊಮೈರ್ ಪ್ರದೇಶದಲ್ಲಿ ಪಾಶ್ಚಿಮಾತ್ಯ ದೇಶಗಳಿಂದ ಸರಬರಾಜು ಆಗುತ್ತಿದ್ದ ಶಸ್ತ್ರಾಸ್ತ್ರ ಸಂಗ್ರಹವನ್ನು ನಾಶ ಮಾಡಿರುವುದಾಗಿ ರಷ್ಯಾ ಮಿಲಿಟರಿ ಶನಿವಾರ ಹೇಳಿದೆ.
4:55 PM, 21 May
APEC ಸಭೆಯಿಂದ ಅಮೆರಿಕ ಹೊರಕ್ಕೆ
ಏಷ್ಯಾ ಪೆಸಿಫಿಕ್ ಆರ್ಥಿಕ ಸಹಕಾರ ಸಭೆಯೊಂದರಿಂದ ಅಮೆರಿಕ ಸೇರಿದಂತೆ ಹಲವು ದೇಶಗಳ ಪ್ರತಿನಿಧಿಗಳು ಹೊರಬಂದಿದ್ದಾರೆ. ಉಕ್ರೇನ್ ಮೇಲೆ ರಷ್ಯಾ ನಡೆಸಿರುವ ಆಕ್ರಮಣವನ್ನು ಖಂಡಿಸಿ ಈ ನಡೆ ಇಡಲಾಗಿದೆ. ಬ್ಯಾಂಕಾಕ್‌ನಲ್ಲಿ ಎಪೆಕ್ ಸಭೆ ನಡೆಯುತ್ತಿದೆ.
2:32 PM, 21 May
ವಿದೇಶೀ ಏಜೆಂಟ್ ಪಟ್ಟಿಗೆ ಚೆಸ್ ಚಾಂಪಿಯನ್
ಉಕ್ರೇನ್‌ನ ಕಲೂಶ್ ಆರ್ಕೆಸ್ಟ್ರಾ ಎಂಬ ಸಂಗೀತ ತಂಡ ಯೂರೋವಿಷನ್ ಗಾಯನ ಸ್ಪರ್ಧೆಯನ್ನು ಗೆದ್ದಿದೆ. ತನ್ನ ದೇಶದ ಸೈನಿಕರಿಗೆ ಹಣದ ದೇಣಿಗೆ ಸಂಗ್ರಹಿಸಲು ಈ ತಂಡ ಯೂರೋಪ್‌ನಾದ್ಯಂತ ಪ್ರವಾಸ ಕೈಗೊಳ್ಳಲು ನಿಶ್ಚಯಿಸಿದೆ.
ಮಾಜಿ ವಿಶ್ವ ಚೆಸ್ ಚಾಂಪಿಯನ್ ಗ್ಯಾರಿ ಕಾಸ್ಪರೋವ್ ಅವರನ್ನು ವಿದೇಶೀ ಏಜೆಂಟ್‌ಗಳ ಪಟ್ಟಿಗೆ ಸೇರಿಸಿದ ರಷ್ಯಾ ಸರಕಾರ. ಸಾರ್ವಕಾಲಿಕ ಶ್ರೇಷ್ಠ ಚೆಸ್ ಆಟಗಾರನೆಂದು ಪರಿಗಣಿತವಾಗಿರುವ ಕ್ಯಾಸ್ಪರೋವ್ ಮೊದಲಿಂದಲೂ ಪುಟನ್ ಸರಕಾರದ ಕಟುವಿಮರ್ಶಕರಾಗಿರುವವರು.
2:29 PM, 21 May
ಉಕ್ರೇನ್‌ನ ಕಲೂಶ್ ಆರ್ಕೆಸ್ಟ್ರಾ ಎಂಬ ಸಂಗೀತ ತಂಡ ಯೂರೋವಿಷನ್ ಗಾಯನ ಸ್ಪರ್ಧೆಯನ್ನು ಗೆದ್ದಿದೆ. ತನ್ನ ದೇಶದ ಸೈನಿಕರಿಗೆ ಹಣದ ದೇಣಿಗೆ ಸಂಗ್ರಹಿಸಲು ಈ ತಂಡ ಯೂರೋಪ್‌ನಾದ್ಯಂತ ಪ್ರವಾಸ ಕೈಗೊಳ್ಳಲು ನಿಶ್ಚಯಿಸಿದೆ.
11:40 AM, 21 May
ಕ್ಯಾನಸ್ ಚಿತ್ರೋತ್ಸವದಲ್ಲಿ ಬೆತ್ತಲೆ ಪ್ರತಿಭಟನೆ
ಫ್ರಾನ್ಸ್ ದೇಶದಲ್ಲಿ ನಡೆಯುತ್ತಿರುವ ಕ್ಯಾನಸ್ ಚಲನಚಿತ್ರೋತ್ಸವ ಸಂದರ್ಭದಲ್ಲಿ ಮಹಿಳೆಯೊಬ್ಬಳು ಬೆತ್ತಲಾಗಿ ಓಡುತ್ತಾ ರಷ್ಯಾ ವಿರುದ್ಧ ಪ್ರತಿಭಟನೆ ನಡೆಸಿದ ಘಟನೆ ಬೆಳಕಿಗೆ ಬಂದಿದೆ. ಜಾರ್ಜ್ ಮಿಲ್ಲರ್ ನಿರ್ದೇಶನದ "ಥ್ರೀ ಥೌಸೆಂಡ್ ಇಯರ್ಸ್ ಆಫ್ ಲಾಂಗಿಂಗ್" ಎಂಬ ಸಿನಿಮಾ ಶೋ ಮುಂಚಿನ ರೆಡ್ ಕಾರ್ಪೆಟ್ ಮೆರವಣಿಗೆ ಸಂದರ್ಭದಲ್ಲಿ ಈ ಮಹಿಳೆ ತನ್ನ ಬಟ್ಟೆ ಹರಿದುಕೊಂಡು ಕಾರ್ಪೆಟ್ ಮೇಲೆ ಓಡಿದ್ದಾಳೆ. ಉಕ್ರೇನ್ ಬಾವುಟದಿಂದ ತನ್ನ ಗುಪ್ತಾಂಗವನ್ನು ಮುಚ್ಚಿಕೊಂಡಿದ್ದು ಬಿಟ್ಟರೆ ಈಕೆ ಸಂಪೂರ್ಣ ಬೆತ್ತಳಾಗಿದ್ದಳು. ಬೆನ್ನ ಕೆಳಗನ ಭಾಗದಲ್ಲಿ "ನಮ್ಮ ಮೇಲಿನ ಅತ್ಯಾಚಾರ ನಿಲ್ಲಿಸಿ" ಎಂದು ಬರೆದಿದ್ದಳು. ತನ್ನ ಕಾಲಿಗೆ ಈಕೆ ಕೆಂಪು ಬಣ್ಣದಿಂದ ಪೇಂಟ್ ಮಾಡಿಕೊಂಡಿದ್ದಳು. ನಮ್ಮನ್ನು ರೇಪ್ ಮಾಡಬೇಡಿ ಎಂದು ಕೂಗತ್ತಾ ಈಕೆ ರೆಡ್ ಕಾರ್ಪೆಟ್ ಮೇಲೆ ಓಡಿದ್ದಳು.
10:15 AM, 21 May
ಮಾರ್ಚ್‌ನಲ್ಲಿ ರಷ್ಯಾ ವಿನಾಶಕಾರಿ ಬಾಂಬ್ ಅನ್ನು ಹಾಕಿದ ಮಾರಿಯುಪೋಲ್ ಥಿಯೇಟರ್‌ನಿಂದ ಎಲ್ಲಾ ಜನರ ದೇಹಗಳನ್ನು ರಷ್ಯಾ ಹೊರತೆಗೆದಿದೆ ಎಂದು ಮಾರಿಯುಪೋಲ್ ಮೇಯರ್‌ನ ಸಲಹೆಗಾರ ಹೇಳಿದ್ದಾರೆ. ವರದಿಯ ಪ್ರಕಾರ, ಸುಮಾರು 300 ಜನರು ಚಿತ್ರಮಂದಿರದಲ್ಲಿ ಆಶ್ರಯ ಪಡೆದಿದ್ದರು ಮತ್ತು ರಷ್ಯಾದ ಬಾಂಬ್ ದಾಳಿಯಲ್ಲಿ ಎಲ್ಲಾ 300 ಜನರು ಸಾವನ್ನಪ್ಪಿದ್ದಾರೆ.
10:14 AM, 21 May
ಉಕ್ರೇನ್‌ನ ಅಧ್ಯಕ್ಷ ಝೆಲೆನ್ಸ್ಕಿ ಅವರು ತಡರಾತ್ರಿ ಬಿಡುಗಡೆ ಮಾಡಿದ ತಮ್ಮ ನಿಯಮಿತ ವಿಡಿಯೊದಲ್ಲಿ ರಷ್ಯಾ ಉಕ್ರೇನ್‌ನಲ್ಲಿ ವಿನಾಶವನ್ನು ಉಂಟುಮಾಡಿದೆ ಮತ್ತು ಡಾನ್‌ಬಾಸ್ ಅನ್ನು ಸಂಪೂರ್ಣವಾಗಿ ಹಾಳುಮಾಡಿದೆ ಎಂದು ಹೇಳಿದ್ದಾರೆ. ಇದರೊಂದಿಗೆ, ದಾಳಿಯಲ್ಲಿ ಉಕ್ರೇನ್‌ನಲ್ಲಿ ಉಂಟಾದ ಹಾನಿಯನ್ನು ರಷ್ಯಾ ಸರಿದೂಗಿಸಬೇಕು ಎಂದು ಉಕ್ರೇನ್ ಅಧ್ಯಕ್ಷರು ಹೇಳಿದ್ದಾರೆ.
READ MORE
10:22 AM, 24 Feb
ಉಕ್ರೇನ್ ಮೇಲೆ ಆಕ್ರಮಣ ಮಾಡಲು ಚೀನಾ ತನ್ನ ಸೇನೆಯನ್ನು ಜಮಾವಣೆ ಮಾಡುತ್ತಿರುವ ಬೆನ್ನಲ್ಲೇ ಸಭೆ ನಡೆಸಿರುವ ಉಕ್ರೇನ್ ದೇಶದಲ್ಲಿ 30 ದಿನಗಳ ಕಾಲ ತುರ್ತು ಪರಿಸ್ಥಿತಿ ವಿಧಿಸಲು ನಿರ್ಧರಿಸಿದೆ. ಈ ತುರ್ತು ಪರಿಸ್ಥಿತಿ ಡೊನೆಟಸ್ಕ್‌ ಮತ್ತು ಲುಹಾನ್ಸ್ಕ್ ಪ್ರದೇಶಗಳನ್ನು ಹೊರತು ಪಡಿಸಿ ದೇಶಾದ್ಯಂತ ಅನ್ವಯವಾಗಲಿದೆ. ತುರ್ತು ಪರಿಸ್ಥಿತಿಯ ಸಮಯದಲ್ಲಿ ವಾಹನಗಳ ಓಡಾಟವನ್ನು ನಿರ್ಬಂಧಿಸಲಾಗಿರುತ್ತದೆ.
10:23 AM, 24 Feb
ಉಕ್ರೇನ್ ಮೇಲೆ ರಷ್ಯಾ ದಾಳಿ ಆರಂಭಿಸಿದೆ ಎಂದು ಆರೋಪಿಸಿರುವ ಅಮೆರಿಕದ ವಿದೇಶಾಂಗ ಸಚಿವ ಟೋನಿ ಬ್ಲಿಂಕನ್‌, ರಷ್ಯಾದ ವಿದೇಶಾಂಗ ಸಚಿವ ಸೆರ್ಗೇಯ್‌ ಲ್ಯಾವ್ರೋವ್ ಅವರೊಂದಿಗೆ ಬುಧವಾರ ನಿಗದಿಯಾಗಿದ್ದ ಸಭೆಯಲ್ಲಿ ರದ್ದು ಮಾಡಿದ್ದಾರೆ.
10:24 AM, 24 Feb
ಉಕ್ರೇನ್ ಮೇಲೆ ಆಕ್ರಮಣಕ್ಕೆ ಮುಂದಾಗಿರುವ ರಷ್ಯಾಕ್ಕೆ ತೀಕ್ಷ್ಣ ಪ್ರತಿಕ್ರಿಯೆ ನೀಡುವುದಕ್ಕಾಗಿ ಮತ್ತಷ್ಟುದೇಶಗಳು ರಷ್ಯಾದ ಮೇಲೆ ನಿರ್ಬಂಧ ವಿಧಿಸಿವೆ. ರಷ್ಯಾದೊಂದಿಗಿನ ವ್ಯಾಪಾರ ವಹಿವಾಟಿಗೆ ನಿರ್ಬಂಧ ವಿಧಿಸಿದ್ದ ಅಮೆರಿಕಾ ಆರ್ಥಿಕವಾಗಿ ಬುಧವಾರ ಮತ್ತಷ್ಟುನಿರ್ಬಂಧ ವಿಧಿಸಿದೆ. ಇದರೊಂದಿಗೆ ಜರ್ಮನಿ, ಜಪಾನ್‌, ಕೆನಡಾಗಳು ಸಹ ನಿರ್ಬಂಧ ಘೋಷಿಸಿವೆ.
10:27 AM, 24 Feb
ಕೈವ್ ಬಳಿ ಕ್ಷಿಪಣಿ ಸ್ಫೋಟಗೊಂಡಿದೆ.
10:28 AM, 24 Feb
ರಷ್ಯಾದ ಆಕ್ರಮಣ ಶುರುವಾಗಿರುವ ಬಗ್ಗೆ ಉಕ್ರೇನ್ ಆಂತರಿಕ ಸಚಿವಾಲಯ ದೃಢಪಡಿಸಿದೆ.
10:29 AM, 24 Feb
Air India flight AI1947 is coming back to Delhi due to NOTAM (Notice to Air Missions) at, Kyiv, Ukraine. pic.twitter.com/C6OKj7xMF9
ಕೈವ್‌ನಲ್ಲಿ ಯುದ್ಧ ಆರಂಭವಾದ ಹಿನ್ನೆಲೆಯಲ್ಲಿ ಭಾರತದಿಂದ ತೆರಳಿದ್ದ ಏರ್ ಇಂಡಿಯಾ ವಿಮಾನ ದೆಹಲಿಗೆ ವಾಪಸಾಗುತ್ತಿದೆ.
10:31 AM, 24 Feb
ಪುಟಿನ್ ಉಕ್ರೇನ್‌ನಲ್ಲಿ ಯುದ್ಧ ಘೋಷಿಸುತ್ತಿದ್ದಂತೆ, ಸೆನ್ಸೆಕ್ಸ್ 1400 ಅಂಕಕ್ಕಿಂತ ಹೆಚ್ಚು ಕುಸಿದಿದೆ.
10:35 AM, 24 Feb
ಕೈವ್ ಸಮೀಪದ ವಸಿಲ್ಕೊವ್ಸ್ಕಿ ವಾಯುನೆಲೆಯಲ್ಲಿ ಕ್ಷಿಪಣಿ ದಾಳಿ ನಡೆದಿದೆ ಎಂದು ಉಕ್ರೇನ್ ಆಂತರಿಕ ಸಚಿವ ಆಂಟನ್ ತಿಳಿಸಿದ್ದಾರೆ.
10:37 AM, 24 Feb
ಇಂದು ಸಂಜೆ ಶ್ವೇತಭವನದಿಂದ ಪರಿಸ್ಥಿತಿ ಮೇಲ್ವಿಚಾರಣೆ ಮಾಡುತ್ತೇನೆ, ಭದ್ರತಾ ತಂಡದಿಂದ ಮಾಹಿತಿ ಪಡೆಯುತ್ತೇನೆ, ನ್ಯಾಟೋ ಮಿತ್ರರಾಷ್ಟ್ರದೊಂದಿಗೆ ಸಮನ್ವಯ ಸಾಧಿಸುತ್ತೇನೆ ಎಂದು ಅಮೆರಿಕ ಅಧ್ಯಕ್ಷ ಜೋ ಬೈಡನ್ ತಿಳಿಸಿದ್ದಾರೆ.
10:44 AM, 24 Feb
A special flight from Ukraine comprising Indian nationals including students lands in Delhi. Visuals from IGI Airport. #UkraineRussiaCrisis
Russia President Vladimir Putin this morning declared a 'military operation' in Ukraine. pic.twitter.com/Kl8PFGAD8v
ಉಕ್ರೇನ್‌ನಿಂದ ಭಾರತೀಯರನ್ನು ಹೊತ್ತು ಬಂದ ಏರ್ ಇಂಡಿಯಾ ವಿಮಾನ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಳಿದಿದೆ.
10:48 AM, 24 Feb
"The situation where I was living is fine as the place is far from the border. But our embassy told us to leave; came back after the advisory was issued," says an MBBS student who returned from Ukraine in the wake of #RussiaUkraineConflictpic.twitter.com/P2bvRJErql
ನಾವಿದ್ದ ಸ್ಥಳವು ಗಡಿಯಿಂದ ತುಂಬಾ ದೂರದಲ್ಲಿತ್ತು, ಯಾವುದೇ ತೊಂದರೆಯಾಗಿರಲಿಲ್ಲ, ಆದರೆ ನಮ್ಮ ರಾಯಭಾರ ಕಚೇರಿ ನಮ್ಮನ್ನು ದೇಶಬಿಟ್ಟು ಹೊರಡುವಂತೆ ಸಲಹೆ ನೀಡಿತ್ತು, ಹಾಗಾಗಿ ಬಂದಿದ್ದೇವೆ ಎಂದು ಎಂಬಿಬಿಎಸ್ ವಿದ್ಯಾರ್ಥಿಯೊಬ್ಬರು ಹೇಳಿದ್ದಾರೆ.
10:49 AM, 24 Feb
ಉಕ್ರೇನ್ ಅನ್ನು ವಶಪಡಿಸಿಕೊಳ್ಳುವ ಯಾವುದೇ ಯೋಜನೆ ಹೊಂದಿಲ್ಲ ಎಂದು ಪುಟಿನ್ ಹೇಳಿದ್ದಾರೆ, ಉಕ್ರೇನ್ ಜನತೆ ದೇಶವನ್ನು ನಡೆಸುವವರನ್ನು ಮುಕ್ತವಾಗಿ ಆಯ್ಕೆ ಮಾಡಲು ಸಾಧ್ಯವಾಗುತ್ತದೆ ಎಂದರು.
10:49 AM, 24 Feb
ರಷ್ಯಾದ ಪಡೆಗಳು ಒಡೆಸ್ಸಾದಲ್ಲಿ ಇಳಿದು ಗಡಿಯನ್ನು ದಾಟಿವೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
10:56 AM, 24 Feb
ಯುಎನ್ ಸೆಕ್ಯುರಿಟಿ ಕೌನ್ಸಿಲ್‌ನ ತುರ್ತು ಸಭೆಯಲ್ಲಿ ಪೂರ್ವ ಉಕ್ರೇನ್‌ನ ಡಾನ್‌ಬಾಸ್ ಪ್ರದೇಶದಲ್ಲಿ ಮಿಲಿಟರಿ ಕ್ರಮ ಕೈಗೊಳ್ಳುವ ರಷ್ಯಾದ ನಿರ್ಧಾರವನ್ನು ವಿಶ್ವಸಂಸ್ಥೆಯ ರಷ್ಯಾದ ರಾಯಭಾರಿ ವಾಸಿಲಿ ಅಲೆಕ್ಸೆವಿಚ್ ನೆಬೆನ್ಜ್ಯಾ ಸಮರ್ಥಿಸಿಕೊಂಡಿದ್ದಾರೆ.
10:58 AM, 24 Feb
ಎಲ್ಲಾ ವಹಿವಾಟುಗಳನ್ನು ಸ್ಥಗಿತಗೊಳಿಸಿರುವುದಾಗಿ ಮಾಸ್ಕೋ ಸ್ಟಾಕ್ ಎಕ್ಸ್‌ಚೇಂಜ್ ತಿಳಿಸಿದೆ.
11:01 AM, 24 Feb
G7 ಮತ್ತು ಇತರೆ ಯುನೈಟೆಡ್ ಸ್ಟೇಟ್ ಮಿತ್ರ ರಾಷ್ಟ್ರಗಳಿಂದ ತೀವ್ರ ನಿರ್ಬಂಧ ವಿಧಿಸುವುದಾಗಿ ಅಮೆರಿಕಾ ಅಧ್ಯಕ್ಷ ಜೋ ಬಿಡೆನ್ ರಷ್ಯಾಗೆ ಎಚ್ಚರಿಕೆ ನೀಡಿದ್ದಾರೆ.
11:08 AM, 24 Feb
ಉಕ್ರೇನಿಯನ್ ಮೂಲಸೌಕರ್ಯ ಮತ್ತು ದೇಶದ ಗಡಿ ಭದ್ರತಾ ಪಡೆ ಮೇಲೆ ರಷ್ಯಾ ಕ್ಷಿಪಣಿ ದಾಳಿ ನಡೆಸಿದೆ ಮತ್ತು ಅನೇಕ ನಗರಗಳಲ್ಲಿ ಸ್ಫೋಟಗಳು ಕೇಳಿಬಂದಿವೆ ಎಂದು ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಗುರುವಾರ ಹೇಳಿದ್ದಾರೆ.
11:13 AM, 24 Feb
ರಷ್ಯಾದ ಮಿಲಿಟರಿ ಕಾರ್ಯಾಚರಣೆಯ ಉದ್ದೇಶ ಉಕ್ರೇನಿಯನ್ ರಾಜ್ಯವನ್ನು ನಾಶಪಡಿಸುವುದಾಗಿದೆ ಎಂದು ಉಕ್ರೇನಿಯನ್ ವಿದೇಶಾಂಗ ಸಚಿವಾಲಯ ಹೇಳಿದೆ.
11:26 AM, 24 Feb
ರಷ್ಯಾ ಮತ್ತು ಉಕ್ರೇನ್ ಯುದ್ಧದ ಬಗ್ಗೆ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ ಭಾರತವು ಕಳವಳ ವ್ಯಕ್ತಪಡಿಸಿದೆ.
11:36 AM, 24 Feb
ಕೀವ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಕನಿಷ್ಠ 5 ವೈಮಾನಿಕ ದಾಳಿಗಳು ನಡೆದಿವೆ ಎಂದು ಉಕ್ರೇನಿಯನ್ ಅಧ್ಯಕ್ಷರ ಕಚೇರಿ ಹೇಳಿದೆ.
11:37 AM, 24 Feb
"ಉಕ್ರೇನ್‌ನಲ್ಲಿನ ಭೀಕರ ಘಟನೆಗಳಿಂದ ದಿಗ್ಭ್ರಮೆಗೊಂಡಿರುವುದಾಗಿ ಯುಕೆ ಪ್ರಧಾನಿ ಬೋರಿಸ್ ಜಾನ್ಸನ್ ಹೇಳಿದ್ದಾರೆ. ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ "ಈ ಅಪ್ರಚೋದಿತ ದಾಳಿಯನ್ನು ಪ್ರಾರಂಭಿಸುವ ಮೂಲಕ ರಕ್ತಪಾತ ಮತ್ತು ವಿನಾಶದ ಮಾರ್ಗವನ್ನು ಆರಿಸಿಕೊಂಡಿದ್ದಾರೆ" ಎಂದಿದ್ದಾರೆ.
11:38 AM, 24 Feb
ಲುಹಾನ್ಸ್ಕ್ ಪ್ರದೇಶದಲ್ಲಿ ರಷ್ಯಾದ ಐದು ವಿಮಾನಗಳು ಮತ್ತು ರಷ್ಯಾದ ಹೆಲಿಕಾಪ್ಟರ್ ಅನ್ನು ಹೊಡೆದುರುಳಿಸಲಾಗಿದೆ ಎಂದು ಉಕ್ರೇನ್ ಮಿಲಿಟರಿ ಹೇಳಿದೆ.
11:45 AM, 24 Feb
ಉಕ್ರೇನ್ ವಾಯುನೆಲೆ, ವಾಯು ಪಡೆಯನ್ನು ನಾಶಪಡಿಸಿದೆ ಎಂದು ರಷ್ಯಾ ಹೇಳಿಕೊಂಡಿದೆ.
11:55 AM, 24 Feb
ಉಕ್ರೇನ್‌ನ ವಾಯು ನೆಲೆಗಳು ಮತ್ತು ಮಿಲಿಟರಿ ಮೂಲಸೌಕರ್ಯಗಳನ್ನು ತಟಸ್ಥಗೊಳಿಸಲಾಗಿದೆ ಎಂದು ರಷ್ಯಾದ ರಕ್ಷಣಾ ಸಚಿವಾಲಯವು ತಿಳಿಸಿದೆ.
12:04 PM, 24 Feb
ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರು ರಾಷ್ಟ್ರವನ್ನುದ್ದೇಶಿಸಿ ಮಾಡಿದ ಭಾಷಣದಲ್ಲಿ, ರಷ್ಯಾ ದಾಳಿಯ ಬಗ್ಗೆ ಮಾತನ್ನಾಡಿದ್ದಾರೆ. ಆದರೆ ರಷ್ಯಾದಿಂದ ಉಕ್ರೇನ್ ರಕ್ಷಿಸಿಕೊಳ್ಳುವುದು ನಮ್ಮ ಪ್ರಥಮ ಆದ್ಯತೆ” ಎಂದಿದ್ದಾರೆ. ಜೊತೆಗೆ ಈ ಯುದ್ಧದಲ್ಲಿ ಮಧ್ಯ ಪ್ರವೇಶಿಸುವಂತೆ ವಿಶ್ವಸಂಸ್ಥೆಗೆ ಅವರು ಮನವಿ ಮಾಡಿದ್ದಾರೆ.
12:15 PM, 24 Feb
ಉಕ್ರೇನಿಯನ್ ವಿದೇಶಾಂಗ ಸಚಿವ ಡಿಮಿಟ್ರೋ ಕುಲೆಬಾ ಅವರು ಟ್ವಿಟ್ಟರ್‌ನಲ್ಲಿ ದೇಶದ ನಗರಗಳು ವೈಮಾನಿಕ ದಾಳಿಗೆ ತುತ್ತಾಗುತ್ತಿವೆ ಎಂದು ಹೇಳಿದ್ದಾರೆ. ಯುಎಸ್ ಮತ್ತು ಅದರ ಮಿತ್ರರಾಷ್ಟ್ರಗಳು ರಾಜಧಾನಿ ಕೈವ್ ಸೇರಿದಂತೆ ದಾಳಿಯ ಸಂಭಾವ್ಯತೆಯ ಬಗ್ಗೆ ವಾರಗಳವರೆಗೆ ಎಚ್ಚರಿಕೆ ನೀಡಿವೆ, ಪುಟಿನ್ ಗಡಿಯಲ್ಲಿ 150,000 ಸೈನಿಕರನ್ನು ಒಟ್ಟುಗೂಡಿಸಿದ್ದಾರೆ ಎಂದು ಅಂದಾಜಿಸಲಾಗಿದೆ.
12:24 PM, 24 Feb
ಪೂರ್ವ ಉಕ್ರೇನ್‌ನಲ್ಲಿ 'ಮಿಲಿಟರಿ ಕಾರ್ಯಾಚರಣೆ' ಪ್ರಾರಂಭಿಸುವ ನಿರ್ಧಾರವನ್ನು ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಘೋಷಿಸುತ್ತಿದ್ದಂತೆ ಪರಿಸ್ಥಿತಿ ದೊಡ್ಡ ಬಿಕ್ಕಟ್ಟಿನತ್ತ ತಿರುಗುವತ್ತ ಸಾಧ್ಯತೆಯಿದೆ ಎಂದು ಆತಂಕಪಟ್ಟಿರುವ ಭಾರತ, ರಷ್ಯಾ ಮತ್ತು ಉಕ್ರೇನ್ ನಡುವಣ ಆತಂಕವನ್ನು ಕಡಿಮೆಮಾಡಿಕೊಳ್ಳುವಂತೆ ಕರೆ ನೀಡಿದೆ.
ಪಶ್ಚಿಮ ಉಕ್ರೇನ್‌ನ ಇವಾನೊ-ಫ್ರಾಂಕಿವ್ಸ್ಕ್‌ನಲ್ಲಿರುವ ವಿಮಾನ ನಿಲ್ದಾಣಕ್ಕೆ ಕ್ಷಿಪಣಿ ದಾಳಿಯ ವೀಡಿಯೋ.
12:39 PM, 24 Feb
ಕೀವ್‌ಗೆ ಪ್ರಯಾಣಿಸುವ ಎಲ್ಲರೂ, ವಿಶೇಷವಾಗಿ ಪಶ್ಚಿಮ ಗಡಿ ದೇಶಗಳ ಉದ್ದಕ್ಕೂ ಸುರಕ್ಷಿತ ಸ್ಥಳಗಳ ಕಡೆಗೆ ಪ್ರಯಾಣಿಸುವವರು, ತಮ್ಮ ತಮ್ಮ ನಗರಗಳಿಗೆ ತಾತ್ಕಾಲಿಕವಾಗಿ ಹಿಂತಿರುಗಲು ಸೂಚಿಸಲಾಗಿದೆ ಎಂದು ಉಕ್ರೇನ್‌ನಲ್ಲಿರುವ ಭಾರತದ ರಾಯಭಾರ ಕಚೇರಿ ತಿಳಿಸಿದೆ.
Russia-Ukraine War News Live Updates in Kannada: Russian President Vladimir Putin announced war on Ukraine. Stay tuned for live updates, latest news and highlights in kannada. Read on.
Click it and Unblock the Notifications
ಜ್ಞಾನವಾಪಿ ಪ್ರಕರಣ: ನ್ಯಾ| ಅಜಯ್ ಕೃಷ್ಣ ವಿಶ್ವೇಶ ಅವರ ಬಗ್ಗೆ ತಿಳಿಯಿರಿ 
ಎಸ್ಟಿ ಸಮುದಾಯವನ್ನ ಗುರುತಿಸಿದ್ದು ಬಿಜೆಪಿ ಸರ್ಕಾರ ಮಾತ್ರ: ತಿಪ್ಪರಾಜು ಹವಾಲ್ದಾರ್ 
ಹಾಲಿ ಕಟ್ಟಡದಲ್ಲಿ ಬದಲಾವಣೆ ಮಾಡಿಕೊಂಡರೆ ಅಭಿವೃದ್ಧಿ ಶುಲ್ಕ ವಿಧಿಸುವಂತಿಲ್ಲ- ಹೈಕೋರ್ಟ್ 
ಎದೆ ನೋವಿನಿಂದ ಮೈದಾನದಿಂದ ಹೊರ ನಡೆದ ಸ್ಟಾರ್ ಕ್ರಿಕೆಟಿಗ: ಆಸ್ಪತ್ರೆಗೆ ದಾಖಲು 
ಅಂಧ ವೇಶ್ಯೆ ಪಾತ್ರದಲ್ಲಿ 'ಅಶ್ವಿನಿ ನಕ್ಷತ್ರ' ಬೆಡಗಿ ಮಯೂರಿ! 
ಶುಕ್ರ ಗೋಚಾರ ಫಲ: ಈ 5 ರಾಶಿಯವರಿಗೆ ಲಕ್ಷ್ಮಿ ಕೃಪೆಯಿಂದಾಗಿ ಅದೃಷ್ಟವೇ ಅದೃಷ್ಟ 
ವಾಟ್ಸಾಪ್ನಲ್ಲಿ ಫೋಟೊ ಬ್ಯಾಕ್ಅಪ್ ಮಾಡಲು ಈ ಕ್ರಮ ಅನುಸರಿಸಿ! 
ಬಹುನೀರಿಕ್ಷಿತ 2022ರ ಕೆಟಿಎಂ ಆರ್ಸಿ 390 ಬೈಕ್ ಭಾರತದಲ್ಲಿ ಬಿಡುಗಡೆ 
ನಿರಂತರ ಚಿನ್ನದ ಬೆಲೆ ಏರಿಕೆ: ಸ್ಟಾಕ್, ಚಿನ್ನ ಎಲ್ಲಿ ಹೂಡಿಕೆ? 
Bangalore Rural Zilla Panchayat Recruitment 2022 : 50 ಕರವಸೂಲಿಗಾರ ಮತ್ತು ವಿವಿಧ ಹುದ್ದೆಗಳಿಗೆ ಅರ್ಜಿ ಆಹ್ವಾನ 
ಭಾರತದಲ್ಲಿ ಜೂನ್ 1 ರಿಂದ ಚಲಿಸಲಿರುವ ರೈಲುಗಳ ಸಂಪೂರ್ಣ ಪಟ್ಟಿ 
