ನಾಸಾದಲ್ಲಿದೆ ಆರಂಕಿ ಸಂಬಳದ ಆಸಕ್ತಿಕರ ಕೆಲಸ, ಏನದು ಗೊತ್ತಾ?

ವಾಷಿಂಗ್ಟನ್, ಆಗಸ್ಟ್ 3: ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ 'ನಾಸಾ' ಹೊಸ ಕೆಲಸಕ್ಕಾಗಿ ಅರ್ಜಿ ಆಹ್ವಾನಿಸಿದೆ. 'ಪ್ಲಾನೆಟರಿ ಪ್ರೊಟೆಕ್ಷನ್ ಆಫೀಸರ್' ಎಂಬುದು ಹುದ್ದೆಯ ಹೆಸರು. ಅನ್ಯಗ್ರಹ ಕಲ್ಮಶದಿಂದ ಭೂಮಿಯನ್ನು ರಕ್ಷಣೆ ಮಾಡುವುದು, ಜತೆಗೆ ಬೇರೆ ಗ್ರಹಗಳನ್ನು ಭೂಮಿಯಲ್ಲಿ ವಾಸಿಸುವವರಿಂದ ರಕ್ಷಿಸುವುದು ಆ ಅಧಿಕಾರಿಯ ಜವಾಬ್ದಾರಿಯಾಗುತ್ತದೆ.

ಅಮೆರಿಕ ಸರಕಾರದ ಅಧಿಕೃತ ಉದ್ಯೋಗ ವೆಬ್ ಸೈಟ್ ನಲ್ಲಿ ಈ ಬಗ್ಗೆ ಜಾಹೀರಾತು ಕೂಡ ಪ್ರಕಟವಾಗಿದೆ. ಅಮೆರಿಕದ ವಾಸಿಗಳು ಇದಕ್ಕೆ ಅರ್ಜಿ ಹಾಕಿಕೊಳ್ಳಬಹುದು. ಆಗಸ್ಟ್ ಹದಿನಾಲ್ಕನೇ ತಾರೀಕು ಅರ್ಜಿ ಸಲ್ಲಿಸುವುದಕ್ಕೆ ಕೊನೆ ದಿನವಾಗಿದೆ.

ಗ್ರಹದ ರಕ್ಷಣೆ ಅಂದರೆ ಜೈವಿಕ ಮತ್ತಿತರ ಕಲ್ಮಶಗಳಿಂದ ಭೂಮಿಗೆ ಯಾವುದೇ ತೊಂದರೆ ಆಗದಂತೆ ತಡೆಯುವುದು. ಅಂದಹಾಗೆ ಈ ಕೆಲಸಕ್ಕೆ ಆರಂಕಿಯ ಸಂಬಳ ನಿಗದಿ ಮಾಡಲಾಗಿದೆ. ವಾರ್ಷಿಕ 124,406ರಿಂದ 187,000 ಅಮೆರಿಕನ್ ಡಾಲರ್ ನಷ್ಟು ಸಂಬಳ ನಿಗದಿ ಮಾಡಲಾಗಿದೆ.

ಭೂಮಿಯ ಹೊರ ಜಗತ್ತಿನಿಂದ ಎದುರಾಗಬಹುದಾದ ಕಲ್ಮಶ ತಡೆಯುವುದು ಅಥವಾ ಭೂಮಿಯನ್ನು ರಕ್ಷಿಸಿಕೊಳ್ಳುವುದು ಖಂಡಿತಾ ಸವಾಲಿನ ಕೆಲಸ. ಮೂರರಿಂದ ಐದು ವರ್ಷದ ಅವಧಿಗೆ ಈ ಕೆಲಸ ಮಾಡಬೇಕಾಗುತ್ತದೆ. ಅತಿ ಬುದ್ಧಿವಂತರ ಜತೆಗೆ ಸೇರಿ ಕೆಲಸ ನಿರ್ವಹಿಸಬೇಕಾಗುತ್ತದೆ.

English summary

Planetary Protection Officer -A new job offer from America NASA. Good salary for the job. Here is the job details.