ಫೀಫಾ ವಿಶ್ವಕಪ್ : ಗೋಲ್ಡನ್ ಬೂಟ್ ವಿಜೇತರು

ಬೆಂಗಳೂರು, ಜೂ.5: ವಿಶ್ವಕಪ್ ಟೂರ್ನಿಯಲ್ಲಿ ಅತಿ ಹೆಚ್ಚು ಗೋಲು ಗಳಿಸುವ ಆಟಗಾರನಿಗೆ 'ಗೋಲ್ಡನ್ ಬೂಟ್' ಪುರಸ್ಕಾರ ನೀಡಲಾಗುತ್ತದೆ. 1930ರ ವಿಶ್ವಕಪ್ ಫುಟ್ ಬಾಲ್ ಪಂದ್ಯಾವಳಿಯಿಂದಲೇ ಇದು ಆರಂಭವಾಗಿದೆ.

ವಿಶ್ವಯುದ್ಧದ ಕಾರಣ 1942 ಮತ್ತು 1946 ರಲ್ಲಿ ಈ ಪಂದ್ಯಾವಳಿ ನಡೆದಿರಲಿಲ್ಲ. ಕಳೆದ ಬಾರಿ 2010ರಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ವಿಶ್ವಕಪ್ ಪಂದ್ಯಾವಳಿಗಳು ನಡೆದಿತ್ತು. ಸ್ಪೇನ್ ಶಿಸ್ತಿನ ಆಟವಾಡಿ ಕಪ್ ಗೆದ್ದು ಎಲ್ಲರ ಮನಸೂರೆ ಮಾಡಿತ್ತು.

ವಿಶ್ವಕಪ್ ಟೂರ್ನಿಯ ಅತ್ಯುತ್ತಮ ಆಟಗಾರನಾಗಿ ಉರುಗ್ವೆ ತಂಡದ ಡಿಯಾಗೊ ಫೊರ್ಲಾನ್ ಆಯ್ಕೆಯಾಗಿದ್ದರು. ಫೊರ್ಲಾನ್ ಗೆ ಹಾಲೆಂಡ್ ನ ಸ್ನೈಡರ್ ಹಾಗೂ ಸ್ಪೇನ್ ನ ಡೇವಿಡ್ ವಿಲ್ಲಾ ಭಾರಿ ಪೈಪೋಟಿ ನೀಡಿದ್ದರು.[ವಿಶ್ವಕಪ್ ಚಿನ್ನದ ಬೂಟಿನ ಬೇಟೆ : ಯಾರು ಮುಂದೆ?]

ಫೊರ್ಲಾನ್ ಟೂರ್ನಿಯಲ್ಲಿ 5 ಗೋಲುಗಳನ್ನು ಬಾರಿಸಿದ್ದೆ ಅಲ್ಲದೆ ಟೂರ್ನಿಯಲ್ಲಿ ಉರುಗ್ವೆ ನಾಲ್ಕನೇ ಸ್ಥಾನ ಗಳಿಸಲು ಕಾರಣರಾದರು. ಸಹಜವಾಗಿ ಮಾಧ್ಯಮದವರು ಚಿನ್ನದ ಚೆಂಡು ಪಡೆಯುವ ಅರ್ಹತೆ ಫೊರ್ಲಾನ್ ಗೆ ಮಾತ್ರ ಇದೇ ಎಂದು ಅಭಿಮತ ವ್ಯಕ್ತಪಡಿಸಿದರು.

Image Source : Wikipedia

ಚಿನ್ನದ ಬೂಟು : ಫೈನಲ್ ಪಂದ್ಯಕ್ಕೂ ಮುನ್ನ ಜರ್ಮನಿಯ ಮುಲ್ಲರ್, ಉರುಗ್ವೆಯ ಫೊರ್ಲಾನ್, ಹಾಲೆಂಡ್ ನ ಸ್ನೈಡರ್, ಸ್ಪೇನ್ ನ ಡೇವಿಡ್ ವಿಲ್ಲಾ ಕೂಡಾ ಚಿನ್ನದ ಬೂಟು ಸ್ಪರ್ಧೆಯಲ್ಲಿದ್ದರು. ಆದರೆ, ಮುಲ್ಲರ್ ಉರುಗ್ವೆಯ ವಿರುದ್ಧದ ಪಂದ್ಯದಲ್ಲಿ ಮಹತ್ವದ ಗೋಲು ಗಳಿಸಿದ್ದು ಚಿನ್ನದ ಬೂಟು ಗೆಲ್ಲಲು ಕಾರಣವಾಯಿತು. 1930 ರಿಂದ 2010ರ ತನಕ ಚಿನ್ನದ ಬೂಟು ಧರಿಸಿದ ಆಟಗಾರರು ಹಾಗೂ ಗಳಿಸಿದ ಗೋಲುಗಳ ವಿವರ ಹೀಗಿದೆ:

ಸಂಖ್ಯೆ	ಇಸವಿ	ಆಟಗಾರ	ದೇಶ	ಗಳಿಸಿದ ಗೋಲು
1	1930	ಗುಲ್ಲಿರ್ಮೋ ಸ್ಟಾಬಿಲ್	ಅರ್ಜೆಂಟಿನಾ	8
2	1934	ಒಲ್ದರಿಚ್ ನೆಜೆಡ್ಲೆ	ಚೆಕೊಸ್ಲೋವಾಕಿಯಾ	5
3	1938	ಲಿಯೋನಿಡಾಸ್ ಡ ಸಿಲ್ವಾ	ಬ್ರೆಜಿಲ್	7
4	1950	ಅಡೆಮಿರ್ ಮರ್ಕೂಸ್ ಡಿ ಮೆಂಜಿಸ್	ಬ್ರೆಜಿಲ್	9
5	1954	ಸ್ಯಾ ನ್ಡೊರ್ ಕೊಸಿಸ್	ಹಂಗೇರಿ	11
6	1958	ಜಸ್ಟ್ ಫಾನ್ ಟೆನ್	ಫ್ರಾನ್ಸ್	13
7	1962	ಫ್ಲೋರಿಯನ್ ಆಲ್ಬರ್ಟ್ (ಹಂಗೇರಿ), ವಾಲೆಂಟಿನ್ ಇವನಾವ್ ( ಸೋವಿಯತ್ ಒಕ್ಕೂಟ), ಗರಿಂಚಾ ಮತ್ತು ವಾವಾ ( ಬ್ರೆಜಿಲ್), ಡ್ರೆಜನ್ ಜೆರ್ಕೊವಿಕ್ (ಯುಗೋಸ್ಲಾವಿಯಾ), ಲಿಯೋನೆಲ್ ಸಾಂಚೆಸ್ (ಚಿಲಿ)		ತಲಾ 4
8	1966	ಯೂಸೆಬಿಯೋ ಸಿಲ್ವಾ ಫೆರಿರಾ	ಪೋರ್ಚುಗಲ್	9
9	1970	ಗೆರ್ಡ್ ಮುಲ್ಲರ್	ಜರ್ಮನಿ	10
10	1974	ಗ್ರೆಗೊರ್ಜ್ ಲ್ಯಾಟೋ	ಪೋಲಂಡ್	7
11	1978	ಮಾರಿಯೋ ಕೆಂಪ್ಸ್	ಅರ್ಜೆಂಟಿನಾ	6
12	1982	ಪಾಲೋ ರೋಸಿ	ಇಟಲಿ	6
13	1986	ಗ್ಯಾರಿ ಲಿನೆಕೆರ್	ಇಂಗ್ಲೆಂಡ್	6
14	1990	ಸಾಲ್ವಟಾರ್ ಸ್ಕಿಲಾಚಿ	ಇಟಲಿ	6
15	1994	ಒಲೆಗ್ ಸಲೆಂಕೋ (ರಷ್ಯಾ), ಹ್ರಿಸ್ಟೋ ಸ್ಟಾಚಿಕೊವ್ (ಬಲ್ಗೇರಿಯಾ)		ತಲಾ 6
16	1998	ಡೆವರ್ ಸುಕರ್	ಕ್ರೋಷಿಯಾ	6
17	2002	ರೋನಾಲ್ಡೋ ಡಿ ನಿಮಾ	ಬ್ರೆಜಿಲ್	8
18	2006	ಮಿರೊಸ್ಲಾವ್ ಕ್ಲೋಸ್	ಜರ್ಮನಿ	5
19	2010	ಥಾಮಸ್ ಮುಲ್ಲರ್	ಜರ್ಮನಿ	5

English summary

Oneindia.in takes a look at the footballers who've won the FIFA Golden Boot award for the most goals at a World Cup over the years from 1930-2010.