ಸಿರಿಯಾದಲ್ಲಿ ಕಾರ್ ಬಾಂಬ್ ಸ್ಫೋಟ : ಕನಿಷ್ಠ 14 ಸಾವು
ಎಜಾಜ್ (ಸಿರಿಯಾ), ಜನವರಿ 07 : ಟರ್ಕಿಯ ಬಳಿ ಮತ್ತೊಂದು ರಕ್ತಪಾತವಾಗಿದೆ. ಟರ್ಕಿ ಗಡಿಯಲ್ಲಿರುವ ಸಿರಿಯಾದ ಎಜಾಜ್ ಪಟ್ಟಣದಲ್ಲಿ ಕಾರ್ ಬಾಂಬ್ ಸ್ಫೋಟ ಸಂಭವಿಸಿದ್ದು, ಕನಿಷ್ಠ 14 ಜನ ಸಾವಿಗೀಡಾಗಿದ್ದಾರೆ.
ಟರ್ಕಿಯ ಗಡಿಯಿಂದ ಕೇವಲ 7 ಕಿ.ಮೀ. ದೂರದಲ್ಲಿ ಕೋರ್ಟ್ ಹೌಸ್ ಹೊರಭಾಗದಲ್ಲಿ ಈ ಸ್ಫೋಟ ಸಂಭವಿಸಿದೆ. ಎಜಾಜ್ ಪಟ್ಟಣ ಇತ್ತೀಚೆಗೆ ಇಸ್ಲಾಮಿಕ್ ಸ್ಟೇಟ್ ಭಯೋತ್ಪಾದಕರಿಂದ ದಾಳಿಗೆ ತುತ್ತಾಗಿತ್ತು. [ಮೈಮರಗಟ್ಟಿಸುವ ಉಗ್ರರ ವಿಡಿಯೋದಲ್ಲಿ ಮೋದಿ ಹೆಸರು]
ಕೆಲವೇ ದಿನಗಳ ಹಿಂದೆ ಇಸ್ತಾನ್ ಬುಲ್ ನಲ್ಲಿನ ನೈಟ್ ಕ್ಲಬ್ ಮೇಲೆ ನಡೆಸಿದ ಗುಂಡಿನ ದಾಳಿಯಲ್ಲಿ 39 ಜನ ಸಾವಿಗೀಡಾಗಿದ್ದರು. ಹೊಸವರ್ಷಾಚರಣೆಯಲ್ಲಿ ತೊಡಗಿದ್ದವರ ಮೇಲೆ ಓರ್ವ ಗುಂಡಿನ ದಾಳಿ ನಡೆಸಿದ್ದ. [ಇಸ್ತಾನ್ಬುಲ್ ನೈಟ್ ಕ್ಲಬ್ ಮೇಲೆ ಉಗ್ರರ ದಾಳಿ, 35 ಜನರ ಹತ್ಯೆ]
ಶನಿವಾರ ಸಂಭವಿಸಿದ ಕಾರ್ ಬಾಂಬ್ ಸ್ಫೋಟದ ಹಿಂದೆ ಯಾವ ಸಂಘಟನೆಯ ಕೈವಾಡವಿದೆ ಎಂಬುದು ಇನ್ನೂ ಖಚಿತವಾಗಿಲ್ಲ. ಆದರೂ ಇಸ್ಲಾಮಿಕ್ ಸ್ಟೇಟ್ ಮೇಲೆಯೇ ಎಲ್ಲರ ತೋರುಬೆರಳು ನೆಟ್ಟಿದೆ. ಒಂದು ವರದಿಯ ಪ್ರಕಾರ, ಈ ಘಟನೆಯಲ್ಲಿ ಕನಿಷ್ಠಪಕ್ಷ 60 ಜನ ಸಾವಗೀಡಾಗಿ, ಅಷ್ಟೇ ಜನ ಗಾಯಗೊಂಡಿದ್ದಾರೆ. [ವಿಶೇಷ ಲೇಖನ: ನೆಮ್ಮದಿಯಾಗಿದ್ದ ಟರ್ಕಿಯಲ್ಲಿ ಗನ್, ಬಾಂಬ್ ಸದ್ದು]