ಒಂದು ಜೊತೆ ಕಿತ್ತೋಗಿರೋ ಶೂ ಗೆ 48 ಸಾವಿರ ರೂ. ಬೆಲೆ!

Published: Tuesday, May 10, 2022, 18:52 [IST]

ಪ್ಯಾರಿಸ್‌ ಮೇ 10: ಎಲ್ಲಾದ್ರು ಶಾಪಿಂಗ್ ಹೋದರೆ ಮನಸ್ಸಿಗೆ ಇಷ್ಟವಾಗದ ಶೂ ಖರೀದಿ ಮಾಡಲು ನಾವು ಹಿಂದೇಟು ಹಾಕುತ್ತೇವೆ. ಜೊತೆಗೆ ಅದಕ್ಕೆ 'ಕಿತ್ತೋಗಿರೋ ಶೂ ಯಾವನ್ ತೋಗೋಳ್ತಾನೆ' ಎನ್ನುವ ಬಿಟ್ಟಿ ಕ್ರೆಡಿಟ್ ಬೇರೆ ಕೊಟ್ಟು ಬರುತ್ತೇವೆ. ಕಿತ್ತೋಗಿರೋ ಶೂ ಅಂತ ಹೊಸ ಶೂಗೆ ನಾವು ಬೈದುಕೊಳ್ಳುವ ಕಾಲ ಇದು. ಆದರೆ ಇಲ್ಲೊಂದು ಶಾಪ್‌ನಲ್ಲಿ ಕಿತ್ತೋಗಿರೋ ಶೂಗಳೇ ನಿಮಗೆ ಸಿಗೋದು. ಅವುಗಳ ಬೆಲೆ ಕೇಳಿದ್ರೆ ನೀವು ನಿಜಕ್ಕೂ ಶಾಕ್ ಆಗ್ತೀರಾ. ಈ ಕಿತ್ತೋಗಿರೋ ಒಂದೊಂದು ಶೂಗಳ ಬೆಲೆ ಬರೋಬ್ಬರಿ 48 ಸಾವಿರ ರೂಪಾಯಿ. ಶಾಕ್ ಆದ್ರೂ ಇದು ನಿಜ.

ಈ ವಿಚಾರವಾಗಿ ಐಷಾರಾಮಿ ಫ್ಯಾಷನ್ ಲೇಬಲ್ ಬಲೆನ್ಸಿಯಾಗ ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿಯಲ್ಲಿದೆ. ಆದರೆ ಇದು ಉತ್ತಮ ಫ್ಯಾಷನ್ ಸೆನ್ಸ್ ಅಥವಾ ಯಾವುದೇ ಹೊಸ ಸಂಗ್ರಹದಿಂದಾಗಿ ಅಲ್ಲ. ಬದಲಿಗೆ ಕಿತ್ತೋಗಿರೋ ಹಳೆ ಶೂ ಮಾರಾಟಕ್ಕಾಗಿ ಟ್ರೋಲಿಂಗ್ ಆಗಿದೆ. Balenciaga ಫ್ರಾನ್ಸ್‌ನ ಪ್ಯಾರಿಸ್‌ನಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಕೆರಿಂಗ್ ಗ್ರೂಪ್ (ಮಾಲೀಕತ್ವದ ಗುಸ್ಸಿ, ಬೊಟೆಗಾ ಮತ್ತು ವೈವ್ಸ್ ಸೇಂಟ್ ಲಾರೆಂಟ್) ಒಡೆತನದ ಸ್ಪ್ಯಾನಿಷ್ ಐಷಾರಾಮಿ ಬ್ರಾಂಡ್ ಆಗಿದೆ (ಬ್ರಾಂಡ್ ಅನ್ನು 1972 ರಲ್ಲಿ ಮುಚ್ಚಲಾಯಿತು ಮತ್ತು 1986 ರಲ್ಲಿ ಹೊಸ ಮಾಲೀಕತ್ವದ ಅಡಿಯಲ್ಲಿ ಪುನಃ ತೆರೆಯಲಾಯಿತು). ಬಾಲೆನ್ಸಿಯಾಗ ಕಂಪನಿಯು ತನ್ನ ಇತ್ತೀಚಿನ ಶೂ ಸಂಗ್ರಹವನ್ನು ಬಿಡುಗಡೆ ಮಾಡಿದೆ. ಈ ಸಂಗ್ರಹವನ್ನು ಫ್ಯಾಶನ್ ಬ್ರಾಂಡ್‌ನಿಂದ 'ಪ್ಯಾರಿಸ್ ಸ್ನೀಕರ್' ಎಂದು ಹೆಸರಿಸಲಾಗಿದೆ. ಇದರ ಬೆಲೆ ಸುಮಾರು 48 ಸಾವಿರ ರೂಪಾಯಿ ಆಗಿದೆ.

'ಪ್ಯಾರಿಸ್ ಸ್ನೀಕರ್' ಬ್ರಾಂಡ್

ಐಷಾರಾಮಿ ಫ್ಯಾಷನ್ ಬ್ರ್ಯಾಂಡ್ ಬಾಲೆನ್ಸಿಯಾಗ ಕೇವಲ 100 ಜೋಡಿ 'ಪ್ಯಾರಿಸ್ ಸ್ನೀಕರ್' ಶೂಗಳನ್ನು ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. 100 ಜೋಡಿ ಶೂಗಳು ಸಂಪೂರ್ಣವಾಗಿ ಹಾಳಾಗಿವೆ. ಇವು ಹೈ-ಟಾಪ್ ಸ್ನೀಕರ್‌ ಬ್ರಾಂಡ್ ಹೊಂದಿದ್ದು ನೋಡಲು ಹರಿದ ಹಳೆಯ ಬೂಟುಗಳಂತೆ ಕಾಣುತ್ತದೆ. ಪ್ರಪಂಚದಾದ್ಯಂತ ಇದನ್ನು ಪೂರ್ವ-ಆರ್ಡರ್‌ನಲ್ಲಿ ಮಾತ್ರ ಆನ್‌ಲೈನ್‌ನಲ್ಲಿ ಆರ್ಡರ್ ಮಾಡಬಹುದು ಎನ್ನಲಾಗುತ್ತಿದೆ.

ಬೆಲೆ ಕೇಳಿದ ಜನ ಶಾಕ್

ಅತ್ಯಂತ ಆಶ್ಚರ್ಯಕರ ಸಂಗತಿಯೆಂದರೆ, ಈ ಸವೆದ ಶೂಗಳ ಬೆಲೆ ರೂ 48,279 (USD 625). ಈ ಶೂಗಳ ಬೆಲೆ ತಿಳಿದು ಎಲ್ಲರಿಗೂ ಆಶ್ಚರ್ಯವಾಗಿದೆ. ಹೊಸ ಲೈನ್ ಅನ್ನು ಬಿಡುಗಡೆ ಮಾಡಿದ ನಂತರ ಫ್ಯಾಶನ್ ಹೌಸ್ ಅನ್ನು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ. ಒಬ್ಬ 28 ಸಾವಿರ ಕೊಟ್ಟು ಈ ಬೂಟುಗಳನ್ನು ತೆಗೆದುಕೊಂಡರೆ, ಅವನು ಹುಚ್ಚನಾಗುವುದು ಖಂಡಿತ ಎಂದು ನೆಟ್ಟಿಗರು ಗೇಲಿ ಮಾಡಿದ್ದಾರೆ.

Did Balenciaga literally just take Converse shoes and throw them in a fire?! https://t.co/scZVbqfze8
— 🐱 Illegal Pink Cat 🐱 (@Pinkcatpol1) May 10, 2022

ನೆಟ್ಟಿಗರಿಂದ ಕಾಮೆಂಟ್

ಇಂಟರ್‌ನೆಟ್‌ನಲ್ಲಿ ಈ ಶೂಗಳ ವಿನ್ಯಾಸವನ್ನು ನೋಡಿದ ಜನರು "ಬೂಟುಗಳು ಪುರಾತನ ಸ್ಥಳ ಅಥವಾ ಭೂಕುಸಿತದಿಂದ ಅಗೆದುತಂದಂತೆ ಕಾಣುತ್ತವೆ" ಎಂದು ಹೇಳುತ್ತಿದ್ದಾರೆ. ಇದು ಕೇವಲ ಪ್ರಚಾರಕ್ಕಾಗಿಯೇ ಹೊರತು ಮಾರಾಟಕ್ಕಲ್ಲ, ಆದರೂ ನೆಟ್ಟಿಗರು ಈ ವಿನ್ಯಾಸವನ್ನು ನೋಡಿ ಬೆರಗಾಗಿದ್ದಾರೆ ಎಂದು ಕಂಪನಿಯು ಸ್ನೀಕರ್‌ಗಳ ಡೆಮೊ ಹೇಳಿದೆ.

balenciaga is trolling everyone as a social experiment & you can’t convince me otherwise https://t.co/CGP6XElUjK
— Vials (@vialsss) May 9, 2022

ಗೇಲಿ ಮಾಡಿದ ನೆಟ್ಟಿಗರು

ಒಬ್ಬ ಬಳಕೆದಾರರು ಈ ಶೂ ಕಂಡು, 'ಶ್ರೀಮಂತರು ಬಡವರಾಗಿ ಕಾಣಲು ಇಷ್ಟಪಡುತ್ತಾರೆ ಆದರೆ ಸೌಂದರ್ಯಕ್ಕಾಗಿ ಮಾತ್ರ. ಇನ್ನೊಬ್ಬರು, "ನನ್ನ ಅಜ್ಜಿ ನನ್ನ ಕೊಳಕು ಬೂಟುಗಳ ಬಗ್ಗೆ ದೂರು ನೀಡಿದಾಗಲೆಲ್ಲಾ ನಾನು ಅವಳಿಗೆ ಅದು ಫ್ಯಾಷನ್ ಎಂದು ಹೇಳುತ್ತಿದೆ, ಈಗ ನಾನು ಅದನ್ನು ಖಚಿತಪಡಿಸುತ್ತೇನೆ" ಎಂದು ಬರೆದಿದ್ದಾರೆ. ಫ್ಯಾಶನ್ ವಾಚ್‌ಡಾಗ್ ಡಯಟ್ ಪ್ರಾಡಾ ತನ್ನ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಐಷಾರಾಮಿ ಫ್ಯಾಶನ್ ಹೌಸ್ ಅನ್ನು ಟ್ರೋಲ್ ಮಾಡಿದೆ. "ಈ ಬಾಲೆನ್ಸಿಯಾಗ ಬೂಟುಗಳನ್ನು ನೋಡುವಾಗ ಅದು ಕೆಟ್ಟ ವಾಸನೆಯನ್ನು ನೀಡುತ್ತದೆ" ಎಂದು ಬರೆದಿದೆ.

Balenciaga is releasing a new pair of shoes, and I have to assume they are just trolling people at this point. pic.twitter.com/IsJaBxCvy6
— Joe Pompliano (@JoePompliano) May 9, 2022

ಈ ಶೂ ಮೇ 9 ರಿಂದ ಮಾರುಕಟ್ಟೆಗೆ ಬಿಡುಗಡೆ

Balenciaga ಬ್ರ್ಯಾಂಡ್ ಸ್ನೀಕರ್ಸ್ ಹಿಂದಿನ ಕಲ್ಪನೆಯನ್ನು ವಿವರಿಸುವ ಟಿಪ್ಪಣಿಯೊಂದಿಗೆ ಪೋಸ್ಟ್ ಅನ್ನು ಹಂಚಿಕೊಂಡಿದೆ. 'ಇವು ಮರುಪರಿಶೀಲಿಸಲಾದ ಕ್ಲಾಸಿಕ್ ವಿನ್ಯಾಸವಾಗಿದ್ದು ಅದು ಮಧ್ಯ-ಶತಮಾನದ ಅಥ್ಲೆಟಿಸಮ್ ಮತ್ತು ಟೈಮ್‌ಲೆಸ್ ಕ್ಯಾಶುಯಲ್ ಉಡುಗೆಗಳಿಗೆ ಸೂಟೆಬಲ್ ಆಗಿದೆ ಎಂದು ಬಾಲೆನ್ಸಿಯಾಗ ಹೇಳಿದೆ.

Balenciaga ವೆಬ್‌ಸೈಟ್‌ನಲ್ಲಿ, "ನೀವು ಹಳೆಯ ಮತ್ತು ಹರಿದ ಹಳೆಯ ವಸ್ತುಗಳನ್ನು ಬಯಸಿದರೆ, ಇದು ನಿಮಗೆ ಪರಿಪೂರ್ಣವಾಗಿದೆ. ನೀವು ಅದಕ್ಕೆ ಸಿದ್ಧರಿದ್ದೀರಾ? USD 625 (Rs 48,279) ಪಾವತಿಸುತ್ತೀರಾ? ಎಂದು ಕೇಳಲಾಗಿದೆ. Balenciaga ಬಿಡುಗಡೆಯ ಪ್ರಕಾರ, ಪ್ಯಾರಿಸ್ ಸ್ನೀಕರ್ ಪ್ರಪಂಚದಾದ್ಯಂತ ಅವರ ವೆಬ್‌ಸೈಟ್ ಮೂಲಕ ಲಭ್ಯವಿರುತ್ತದೆ. ಯುರೋಪಿಯನ್ ಮಾರುಕಟ್ಟೆಗಳಲ್ಲಿ, ಇದು ಮೇ 9 ರಂದು ಲಭ್ಯವಿದೆ. ಜೊತೆಗೆ ಇದನ್ನು ಯುನೈಟೆಡ್ ಸ್ಟೇಟ್ಸ್ ಮತ್ತು ಮಧ್ಯಪ್ರಾಚ್ಯದಲ್ಲಿನ ಅಂಗಡಿಗಳಲ್ಲಿ ಮೇ 16 ರಂದು ಬಿಡುಗಡೆ ಮಾಡಲಾಗುವುದು. ಜಪಾನ್‌ನಲ್ಲಿ ಮೇ 23 ರಂದು ಬಿಡುಗಡೆ ಮಾಡಲು Balenciaga ಬಯಸಿದೆ.