'ಪಾಕ್ ನಲ್ಲಿದ್ದ ಲಾಡೆನ್ ನನ್ನು ಅಮೆರಿಕ ಹೊಡೆದಂತೆ ನಾವ್ಯಾಕೆ ದಾಳಿ ಮಾಡಬಾರದು?'
ನವದೆಹಲಿ, ಫೆಬ್ರವರಿ 27: ಪಾಕಿಸ್ತಾನದ ಅಬೋಟಾಬಾದ್ ನಲ್ಲಿ ಅಮೆರಿಕದ ನೌಕಾಸೇನೆಯ ಸೀಲ್ ಒಸಾಮಾ ಬಿನ್ ಲಾಡೆನ್ ನನ್ನು ಮುಗಿಸಿತ್ತು. ಹಾಗಿದ್ದ ಮೇಲೆ ನಾವು ಯಾಕೆ ಅದನ್ನೇ ಮಾಡುವುದಕ್ಕೆ ಆಗಲ್ಲ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಪ್ರಶ್ನೆ ಮಾಡಿದ್ದಾರೆ. ಬುಧವಾರ ಅವರು ಮಾತನಾಡಿದ್ದಾರೆ.
ಒಂದು ವಾರದ ಸಮಯ ಅನ್ನೋದು ಯಾವುದೇ ದೇಶಕ್ಕೆ ಬಹಳ ದೀರ್ಘವಾದದ್ದು. ನೀವು ಕಳೆದ ಇಪ್ಪತ್ನಾಲ್ಕು ಗಂಟೆಗಳನ್ನು ನೋಡಿ, ಒಂದು ವಾರ ಅನ್ನೋದು ದಿನದಂತೆ ಆಗಿದೆ ಎಂದು ಅವರು ಹೇಳಿದ್ದಾರೆ. ಇದನ್ನು ಇಷ್ಟು ಕಾಲ ಕೇವಲ ಕಲ್ಪನೆಯಂತೆ, ಆಸೆಯಂತೆ, ಹತಾಶೆಯಂತೆ, ಬೇಸರದಂತೆ ನೋಡಲಾಗುತ್ತಿತ್ತು. ಆದರೆ ಈ ದಿನ ಅದು ಸಾಧ್ಯವಾಗಿದೆ ಎಂದಿದ್ದಾರೆ.
ಪಾಕಿಸ್ತಾನದ ಗಡಿಯೊಳಗೆ ಭಾರತೀಯ ವಾಯುಸೇನೆ ನುಗ್ಗಿ, ದಾಳಿ ಮಾಡಿ, ಉಗ್ರ ನೆಲೆ ಹಾಗೂ ಉಗ್ರಗಾಮಿಗಳನ್ನು ಕೊಂದಿದ್ದಕ್ಕೆ ಅರುಣ್ ಜೇಟ್ಲಿ ಅವರು ಸಮರ್ಥನೆ ನೀಡಿದ್ದು ಹೀಗೆ.
Click it and Unblock the Notifications
Sign in with Google