TIMEನ ಜಗತ್ತಿನ 100 ಅದ್ಭುತ ಸ್ಥಳಗಳಲ್ಲಿ 'ಸರ್ದಾರ್ ಪಟೇಲ್'; ಮೋದಿ ಖುಷ್
ನವದೆಹಲಿ, ಆಗಸ್ಟ್ 28: ಗುಜರಾತ್ ನಲ್ಲಿ ಇರುವ ಸರ್ದಾರ್ ವಲ್ಲಭ ಭಾಯ್ ಪಟೇಲ್ ಅವರ ಏಕತಾ ಪ್ರತಿಮೆಯು TIME ನಿಯತಕಾಲಿಕೆಯ "ಜಗತ್ತಿನ 100 ಅದ್ಭುತ ಸ್ಥಳಗಳು 2019"ರಲ್ಲಿ ಸ್ಥಾನ ಪಡೆದಿದೆ. 182 ಮೀಟರ್ ಎತ್ತರದ ಸರ್ದಾರ್ ಪಟೇಲ್ ರ ಪುತ್ಥಳಿ ಇರುವ ಸ್ಥಳಕ್ಕೆ ಈಚೆಗೆ ಒಂದೇ ದಿನದಲ್ಲಿ 34,000 ಪ್ರವಾಸಿಗರು ಭೇಟಿ ನೀಡಿದ್ದರು.
TIME ನಿಯತಕಾಲಿಕೆ ಪಟ್ಟಿಯಲ್ಲಿ ಈ ಸ್ಥಳ ಕೂಡ ಇರುವುದಕ್ಕೆ ಪ್ರಧಾನಿ ನರೇಂದ್ರ ಮೋದಿ ಬಹಳ ಸಂತೋಷ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಟ್ವೀಟ್ ಕೂಡ ಮಾಡಿದ್ದಾರೆ. ಕಳೆದ ವರ್ಷ ಅಕ್ಟೋಬರ್ 31ರಂದು, ಸರ್ದಾರ್ ವಲ್ಲಭ ಭಾಯ್ ಪಟೇಲ್ ರ ಜನ್ಮದಿನದಂದು ಪುತ್ಥಳಿಯನ್ನು ಪ್ರಧಾನಿ ಮೋದಿ ಉದ್ಘಾಟಿಸಿದ್ದರು.
ಈ ಪುತ್ಥಳಿಯು ನರ್ಮದಾ ಜಿಲ್ಲೆಯಲ್ಲಿದೆ. ಆ ಸ್ಥಳಕ್ಕೆ ಹತ್ತಿರವಾದ ನಗರ ಅಂದರೆ ವಡೋದರಾ. ಅದು ಕೂಡ 100 ಕಿಲೋಮೀಟರ್ ದೂರದಲ್ಲಿದ್ದು, ಅಹ್ಮದಾಬಾದ್ 200 ಕಿಲೋಮೀಟರ್ ಗಿಂತ ಹೆಚ್ಚು ದೂರದಲ್ಲಿದೆ.
ಅಂದಹಾಗೆ, ಈ ಏಕತಾ ವಿಗ್ರಹವು ಅಮೆರಿಕದ ನ್ಯೂಯಾರ್ಕ್ ನಲ್ಲಿ ಇರುವ ಸ್ವಾತಂತ್ರ್ಯ ಪ್ರತಿಮೆಗಿಂತ ಎರಡು ಪಟ್ಟು ಎತ್ತರವಾಗಿದೆ. ಇನ್ನು ಸಾಮಾನ್ಯ ಮನುಷ್ಯನಿಗಿಂತ 100 ಪಟ್ಟು ದೊಡ್ಡದಾಗಿದೆ. ಈ ಪ್ರತಿಮೆಯ ರೂಪು- ರೇಷೆ ನೀಡಿದವರು ಮಹಾರಾಷ್ಟ್ರದ ಹೆಸರಾಂತ ಆರ್ಕಿಟೆಕ್ಟ್ ರಾಮ್ ವಿ. ಸುತರ್.
ಗಂಟೆಗೆ 290 ಕಿ.ಮೀ. ವೇಗದಲ್ಲಿ ಗಾಳಿ ಬೀಸಿದರೂ 6.5 ತೀವ್ರತೆಯ ಭೂಕಂಪ ಸಂಭವಿಸಿದರೂ ಈ ಏಕತಾ ವಿಗ್ರಹಕ್ಕೆ ಯಾವುದೇ ಹಾನಿ ಆಗುವುದಿಲ್ಲ. ಇನ್ನು ಮುಂಬೈನ ಸೋಹೋ ಹೌಸ್ ಕೂಡ ಈ ಪಟ್ಟಿಯಲ್ಲಿ ಸ್ಥಾನ ಪಡೆದ ಭಾರತದಲ್ಲಿನ ಮತ್ತೊಂದು ಸ್ಥಳ.
Click it and Unblock the Notifications
Sign in with Google