ಸೇನೆ ಬತ್ತಳಿಕೆ ಸೇರಿದ ಬಾಲಕೋಟ್ ದಾಳಿಗೆ ಬಳಸಿದ ಆಸ್ತ್ರ ಸ್ಪೈಸ್ ಬಾಂಬ್
ನವದೆಹಲಿ, ಸೆ. 16: ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾದಲ್ಲಿ ಉಗ್ರರ ದಾಳಿಗೆ ಪ್ರತೀಕಾರವಾಗಿ ಬಾಲಕೋಟ್ ಮೇಲೆ ಭಾರತ ಪ್ರತಿ ದಾಳಿ ನಡೆಸಿತ್ತು. ಜೈಷ್ ಎ ಮೊಹಮ್ಮದ್ ಉಗ್ರರನ್ನು ಭಾರತೀಯ ವಾಯುಸೇನೆ ಧ್ವಂಸಗೊಳಿಸಿತ್ತು. ಉಗ್ರರ ದಮನಕ್ಕೆ ಅಂದು ಬಳಸಿದ್ದು ಸ್ಪೈಸ್ ಬಾಂಬ್. ಇಂದು ಇದೇ ಸ್ಪೈಸ್ ಬಾಂಬ್ ಗಳನ್ನು ಇಸ್ರೇಲ್ ದೇಶದಿಂದ ಭಾರತಕ್ಕೆ ಆಮದು ಮಾಡಿಕೊಳ್ಳಲಾಗಿದೆ. ಹೊಸ ಸುಧಾರಿತ ಬಾಂಬ್ ಬಗ್ಗೆ ಮಾಹಿತಿ ಇಲ್ಲಿದೆ...
ಭಾರತೀಯ ಸೇನೆ ತನ್ನ ಬತ್ತಳಿಕೆಯನ್ನು ಇನ್ನಷ್ಟು ಬಲಗೊಳಿಸಿಕೊಳ್ಳಲು ಇಸ್ರೇಲ್ ಜತೆ ಒಪ್ಪಂದ ಮಾಡಿಕೊಂಡಿದ್ದು, 100 ಸ್ಪೈಸ್ ಬಾಂಬ್ ಖರೀದಿಗೆ ಜೂನ್ ತಿಂಗಳಲ್ಲಿ ಮುಂದಾಗಿತ್ತು. ತಿಂಗಳುಗಳ ಸ್ಪೈಸ್ ಬಾಂಬ್ 2000 ಮೊದಲ ಬ್ಯಾಚ್ ಗ್ವಾಲಿಯರ್ ಏರ್ ಬೇಸ್ ತಲುಪಿದೆ. ಫೆಬ್ರವರಿ 26ರಂದು ಪಾಕಿಸ್ತಾನದ ಬಾಲಕೋಟ್ ನಲ್ಲಿದ್ದ ಜೈಷ್ ಎ ಮೊಹಮ್ಮದ್ ಉಗ್ರರ ನೆಲೆ ಮೇಲೆ ಯಶಸ್ವಿ ದಾಳಿಗೆ ಈ ಸುಧಾರಿತ ಬಾಂಬ್ ಸಹಕಾರಿಯಾಗಿತ್ತು,
ಇಸ್ರೇಲ್ ದೇಶದ ರಫೆಲ್ ಅಡ್ವಾನ್ಸ್ಡ್ ಡಿಫೆನ್ಸ್ ಸಿಸ್ಟಮ್ಸ್ ಉತ್ಪಾದಿಸುವ ಈ ಸ್ಪೈಸ್ ಬಾಂಬ್ ಕೃತಕ ಬುದ್ಧಿಮತ್ತೆ(AI) ಹೊಂದಿದ್ದು, ತನ್ನ ಗುರಿಯನ್ನು ಯಾವುದೆ ಪ್ರತಿಕೂಲ ಹವಾಮಾನ ಪರಿಸ್ಥಿತಿಯಲ್ಲೂ ತಲುಪಿ ಧ್ವಂಸಗೊಳಿಸಬಲ್ಲ ಸಾಮರ್ಥ್ಯ ಹೊಂದಿದೆ.
ರಿಯಲ್ ಟೈಮ್ ನಲ್ಲಿ ಎಲೆಕ್ಟ್ರೋ ಆಪ್ಟಿಕಲ್ ಇಮೇಜ್ ನೊಂದಿಗೆ ಹೊಂದಾಣಿಕೆ ನಡೆಸಿ ಸುಮಾರು 60 ಕಿ.ಮೀ ದೂರದ ಗುರಿಯನ್ನು ನಿಖರವಾಗಿ ಧ್ವಂಸಗೊಳಿಸಬಲ್ಲ ಸಾಮರ್ಥ್ಯ ಈ ಸ್ಪೈಸ್ ಬಾಂಬ್ ಗಿದೆ. ಬಾಂಬಿನ ಕಂಪ್ಯೂಟರ್ ಮೆಮೋರಿಯಲ್ಲಿ ಗುರಿ, ಗುರಿ ಸಾಗಬೇಕಾದ ಪಥ ಸೇರಿದಂತೆ ಹಲವು ರಿಫರೆನ್ಸ್ ಮಾಹಿತಿಯನ್ನು ಫೀಡ್ ಮಾಡಲಾಗಿರುತ್ತದೆ. ಗುರಿ ಸಾಗುವ ಹಾದಿಯನ್ನು ಅಗತ್ಯಕ್ಕೆ ತಕ್ಕಂತೆ ಹೊಂದಿಸಿಕೊಳ್ಳಬಲ್ಲ ನಿಪುಣ ಬಾಂಬ್ ಇದಾಗಿದೆ.
ಸ್ಪೈಸ್ ಬಾಂಬ್ ಗಳು ಮೂರು ವಿಧಗಳಲ್ಲಿ ಲಭ್ಯವಿದ್ದು, ಸ್ಪೈಸ್ 2000, ಸ್ಪೈಸ್ 1000 ಹಾಗೂ ಸ್ಪೈಸ್ 250. ಈ ಸ್ಪೈಸ್ 2000 ಬಿಲ್ಡಿಂಘ್ ಬ್ಲಾಸ್ಟರ್ ಬಾಂಬ್ ಗಳಾಗಿದ್ದು, ಒಂದು ದೊಡ್ಡ ಕಟ್ಟಡವನ್ನೇ ಧ್ವಂಸಗೊಳಿಸಬಲ್ಲವು. ಭಾರತೀಯ ವಾಯುಸೇನೆ ಸೇರಿರುವ ಈ ಸ್ಪೈಸ್ ಬಾಂಬ್ ಜೊತೆಗೆ ಎಂಕೆ84, ಬಿಎಲ್ ಯು 109, ಎಪಿಡಬ್ಲ್ಯೂ ಹಾಗೂ ಆರ್ ಎಪಿ2000 ಆಡ್ ಆನ್ ಕಿಟ್ ಇದೆ.
ಐಎಎಫ್ ನ ಯುದ್ಧ ವಿಮಾನ ಮಿರಾಜ್ 2000 ನೊಂದಿಗೆ ಸ್ಪೈಸ್ 2000 ಬಾಂಬ್ ಹೊಂದಿಸಲಾಗಿದೆ. SPICE (smart precise impact and cost-effective) ಅಣ್ವಸ್ತ್ರ ರಹಿತ ಅತ್ಯಂತ ಪ್ರಬಲ ಬಾಂಬ್ ಎಂದು ಪರಿಗಣಿಸಲಾಗಿದೆ.
Click it and Unblock the Notifications
Sign in with Google