2017 Amarnath Yatra attack: ಅಮರನಾಥ ಯಾತ್ರಿಕರ ಮೇಲೆ ದಾಳಿ ನಡೆದು ಇಂದಿಗೆ ಆರು ವರ್ಷ!

ಭಯೋತ್ಪಾದಕರ ದಾಳಿ ಭಾರತದ ಗಡಿ ಭಾಗಗಳಲ್ಲಿ ನಿರಂತವಾಗಿದೆ. ಸ್ಥಳೀಯರನ್ನು ಗುರಿಯಾಗಿಸಿಕೊಂಡು ದಾಳಿ ಮಾಡುವ ಉಗ್ರರು ಆಗಾಗ ಭೀತಿ ಹುಟ್ಟಿಸುತ್ತಲೇ ಇರುತ್ತಾರೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದಕರು ಸೇನೆಯ ಮೇಲೆ ಮಾತ್ರವಲ್ಲದೆ, ಯಾತ್ರಿಗಳ ಮೇಲೂ ದಾಳಿಯ ಸಂಚು ರೂಪಿಸಿದ್ದಾರೆ. ಇಂದು ಬರೋಬ್ಬರಿ ಅಮರನಾಥ ಯಾತ್ರೆ ದಾಳಿಗೆ ಆರು ವರ್ಷ ಪೂರೈಸಿದೆ.

10 ಜುಲೈ 2017 ರಂದು ಶ್ರಾವಣ ಮಾಸದ ಮೊದಲ ಸೋಮವಾರ ಭಾರತದ ಜಮ್ಮು ಮತ್ತು ಕಾಶ್ಮೀರ ರಾಜ್ಯದ ಕಾಶ್ಮೀರ ಕಣಿವೆಯಲ್ಲಿರುವ ಅಮರನಾಥ ದೇವಸ್ಥಾನದ ದಾರಿಯಲ್ಲಿ 8 ಹಿಂದೂ ನಾಗರಿಕ ಯಾತ್ರಿಗಳು ಭಯೋತ್ಪಾದಕ ದಾಳಿಯಲ್ಲಿ ಸಾವನ್ನಪ್ಪಿದರು. ಕನಿಷ್ಠ 18 ಜನರು ಈ ದಾಳಿಯಲ್ಲಿ ಗಾಯಗೊಂಡರು. ಯಾತ್ರಿಕರು ಹೆಚ್ಚಾಗಿ ಭಾರತದ ಗುಜರಾತ್ ರಾಜ್ಯಕ್ಕೆ ಸೇರಿದವರಾಗಿದ್ದರು.

ಹಿಮಾಲಯದ ಹಿಮದಲ್ಲಿ ಅಮರನಾಥ ಯಾತ್ರೆ

48-ದಿನಗಳ ಜುಲೈ-ಆಗಸ್ಟ್ ವಾರ್ಷಿಕ ಹಿಂದೂ ತೀರ್ಥಯಾತ್ರೆಯ ಸಮಯದಲ್ಲಿ 600,000 ಅಥವಾ ಅದಕ್ಕಿಂತ ಹೆಚ್ಚಿನ ಯಾತ್ರಾರ್ಥಿಗಳು 130 ಅಡಿ (40 ಮೀ) ಎತ್ತರದ ಗ್ಲೇಶಿಯಲ್ ಅಮರನಾಥ ಗುಹೆ ದೇಗುಲಕ್ಕೆ ತಲುಪುತ್ತಾರೆ. 12,756 ಅಡಿ (3,888 ಮೀ) ಎತ್ತರದಲ್ಲಿರುವ ಮಂಜುಗಡ್ಡೆಯ ಸ್ಟಾಲಗ್ಮೈಟ್ ಶಿವಲಿಂಗಕ್ಕೆ ಯಾತ್ರೆ ಕೈಗೊಳ್ಳಲಾಗುತ್ತದೆ.

ಅಮರನಾಥ ಯಾತ್ರೆ ಪಹಲ್ಗಾಮ್‌ನಲ್ಲಿರುವ ನುನ್ವಾನ್ ಮತ್ತು ಚಂದನ್ವಾರಿ ಬೇಸ್ ಕ್ಯಾಂಪ್‌ನಿಂದ 43 ಕಿಲೋಮೀಟರ್ (27 ಮೈಲಿ) ಪರ್ವತ ಚಾರಣದೊಂದಿಗೆ ಪ್ರಾರಂಭವಾಗುತ್ತದೆ. ಶೇಷನಾಗ್ ಸರೋವರ ಮತ್ತು ಪಂಚತಾರ್ನಿ ಶಿಬಿರಗಳಲ್ಲಿ ರಾತ್ರಿ ತಂಗುವಿಕೆಯ ನಂತರ ಗುಹೆ-ದೇಗುಲವನ್ನು ತಲುಪಲಾಗುತ್ತದೆ.

ಈ ವೇಳೆ ಭಯೋತ್ಪಾದಕರು ಯಾತ್ರಿಕರ ಮೇಲೆ ದಾಳಿ ಮಾಡಿ ಕೊಂದಿರುವ ಘಟನೆಗಳು ನಡೆದಿವೆ. ಈ ಘಟನೆಗಳ ಬಗ್ಗೆ ನೆನೆಪಿಸುವ ದಿನವಿದು. ಈ ಹಿಂದೆ ಭಯೋತ್ಪಾದಕರು ಅಮರನಾಥ ಯಾತ್ರೆಯ ಮೇಲೆ ಕನಿಷ್ಠ 3 ಬಾರಿ ದಾಳಿ ಮಾಡಿದ್ದಾರೆ. 2000, 2001 ಮತ್ತು 2002 ರಲ್ಲಿ. ಈ ದಾಳಿಯಲ್ಲಿ 54 ಹಿಂದೂ ಯಾತ್ರಾರ್ಥಿಗಳನ್ನು ಭಯೋತ್ಪಾದಕರು ಕೊಂದಿದ್ದಾರೆ. ಕನಿಷ್ಠ 105 ಜನರು ಗಾಯಗೊಂಡಿದ್ದಾರೆ.

ಅಮರನಾಥ ಯಾತ್ರೆಇಕರ ಮೇಲೆ ಭಯೋತ್ಪಾದಕರ ದಾಳಿ

2 ಆಗಸ್ಟ್ 2000 ರಂದು, ಹಿಜ್ಬುಲ್ ಮುಜಾಹಿದ್ದೀನ್ ಭಯೋತ್ಪಾದಕ ಸಂಘಟನೆ 32 ಹಿಂದೂ ಯಾತ್ರಾರ್ಥಿಗಳನ್ನು ಕಗ್ಗೊಲೆ ಮಾಡಿತು. ಅನಂತನಾಗ್ ಜಿಲ್ಲೆಯ ನುನ್ವಾನ್ ಬೇಸ್ ಕ್ಯಾಂಪ್‌ನಲ್ಲಿ ಎರಡು ಗಂಟೆಗಳ ಕಾಲ ನಡೆದ ವಿವೇಚನಾರಹಿತ ಗುಂಡಿನ ದಾಳಿಯಲ್ಲಿ ಕನಿಷ್ಠ 60 ಜನರು ಗಾಯಗೊಂಡರು. ಇದರಲ್ಲಿ 21 ನಿರಾಯುಧ ಹಿಂದೂ ಯಾತ್ರಿಕರು ಮತ್ತು 7 ನಿರಾಯುಧ ಮುಸ್ಲಿಂ ಅಂಗಡಿಕಾರರು ಮತ್ತು 3 ಭದ್ರತಾ ಪಡೆ ಅಧಿಕಾರಿಗಳ ಸಾವನ್ನಪ್ಪಿದರು.

ಇನ್ನೂ 20 ಜುಲೈ 2001 ರಂದು, ಅಮರನಾಥ ದೇಗುಲದ ಮಾರ್ಗದಲ್ಲಿ ಶೇಷನಾಗ್ ಸರೋವರದ ಯಾತ್ರಿಕರ ರಾತ್ರಿ ಶಿಬಿರದ ಮೇಲೆ ಭಯೋತ್ಪಾದಕ ಎರಡು ಗ್ರೆನೇಡ್‌ಗಳನ್ನು ಎಸೆದು ಮನಬಂದಂತೆ ಗುಂಡು ಹಾರಿಸಿದರು. ಈ ದಾಳಿಯಲ್ಲಿ ಕನಿಷ್ಠ 13 ಜನರನ್ನು ಕೊಂದು ಇನ್ನೂ 15 ಜನರನ್ನು ಗಾಯಗೊಂಡರು. ಕೊಲ್ಲಲ್ಪಟ್ಟವರಲ್ಲಿ 5 ನಿರಾಯುಧ ಹಿಂದೂ ಪುರುಷ ಯಾತ್ರಿಗಳು, 3 ನಿರಾಯುಧ ಹಿಂದೂ ಮಹಿಳಾ ಯಾತ್ರಿಗಳು, 3 ನಿರಾಯುಧ ಮುಸ್ಲಿಂ ನಾಗರಿಕರು ಮತ್ತು 2 ಭದ್ರತಾ ಅಧಿಕಾರಿಗಳು ಸೇರಿದ್ದಾರೆ.

ಜೊತೆಗೆ 6 ಆಗಸ್ಟ್ 2002 ರಂದು ನಡೆದ ದಾಳಿ. ಲಷ್ಕರ್-ಎ-ತೈಬಾದ ಮುಂಭಾಗದ ಗುಂಪು ಅಲ್-ಮನ್ಸೂರಿಯನ್‌ನ ಭಯೋತ್ಪಾದಕರು ದಾಳಿ ವೇಳೆ 9 ಯಾತ್ರಿಕರನ್ನು ಕೊಂದರು. 30 ಮಂದಿಯನ್ನು ನುನ್ವಾನ್ ತೀರ್ಥಯಾತ್ರೆ ಬೇಸ್ ಕ್ಯಾಂಪ್ನಲ್ಲಿ ಗಾಯಗೊಳಿಸಲಾಯಿತು.

7 ಜುಲೈ 2017 ರಂದು ನಡೆದ ದಾಳಿ. ಬಲ್ಟಾಲ್-ಜಮ್ಮು ಮಾರ್ಗದಲ್ಲಿ ರಾತ್ರಿ 7 ಗಂಟೆಗೆ ನಾಗರಿಕ ಬಸ್ ಮೇಲೆ ಭಯೋತ್ಪಾದಕರು ದಾಳಿ ಮಾಡಿದರು. ಬಸ್ಸಿನ ಟಯರ್ ಪಂಕ್ಚರ್ ಆಗಿದ್ದು, ದುರಸ್ತಿಗೆ ಎರಡರಿಂದ ಎರಡೂವರೆ ಗಂಟೆ ಬೇಕಾಯಿತು.

2017ರ ದಾಳಿಗೆ ಕಾರಣ

2017 ರ ಆಗಸ್ಟ್‌ನಲ್ಲಿ ಭಯೋತ್ಪಾಕರಿಗೆ ಬೆಂಬಲ ನೀಡಿದ ಶಂಕೆಯಿಂದ ಮೂವರು ಸ್ಥಳೀಯರನ್ನು ಬಂಧಿಸಿದ ನಂತರ ಈ ದಾಳಿ ನಡೆಯಿತು. ಐಜಿಪಿ (ಕಾಶ್ಮೀರ) ಮುನೀರ್ ಖಾನ್, ನಾಲ್ವರು ಲಷ್ಕರ್-ಎ-ತೊಯ್ಬಾ ಉಗ್ರರು ಈ ದಾಳಿಯಲ್ಲಿ ಭಾಗಿಯಾಗಿದ್ದಾರೆ ಎಂದು ಹೇಳಿದ್ದಾರೆ. ಅವರು ಒಂದು ದಿನ ಮುಂಚಿತವಾಗಿ ದಾಳಿ ನಡೆಸಲು ಯೋಜಿಸಿದ್ದರು. ಆದರೆ ಸಿಆರ್‌ಪಿಎಫ್ ಅಥವಾ ಅಮರನಾಥ ಯಾತ್ರಿ ವಾಹನಗಳು ಪ್ರತ್ಯೇಕವಾಗಿ ಚಲಿಸಲಿಲ್ಲ.

ಇದು ಸಂಪೂರ್ಣವಾಗಿ ಭಯವನ್ನು ಹರಡುವ ಉದ್ದೇಶದಿಂದ ನಡೆಸಲಾದ ಭಯೋತ್ಪಾದನೆಯ ಕೃತ್ಯವಾಗಿತ್ತು. ದಾಳಿಯ ದಿನ ಯಾತ್ರಾರ್ಥಿ ವಾಹನವೊಂದು ಅಲ್ಲಿತ್ತು ಹಾಗಾಗಿ ಅದರ ಮೇಲೆ ದಾಳಿ ಮಾಡಿದ್ದಾರೆ, ಅದು ಸಿಆರ್‌ಪಿಎಫ್ ವಾಹನವಾಗಿದ್ದರೆ ಅದರ ಮೇಲೂ ದಾಳಿ ನಡೆಸುತ್ತಿದ್ದರು ಎನ್ನಲಾಗಿದ. ದಾಳಿಯು ಮೊದಲು ಆ ಪ್ರದೇಶದಲ್ಲಿನ ಪೊಲೀಸ್ ಪೋಸ್ಟ್ ಅನ್ನು ಗುರಿಯಾಗಿರಿಸಿಕೊಂಡಿದೆ ಎಂದು ಅವರು ಸ್ಪಷ್ಟಪಡಿಸಿದರು ಆದರೆ ದುರದೃಷ್ಟವಶಾತ್ ಬಸ್ ಕೂಡ ದಾಳಿಗೆ ಒಳಗಾಯಿತು.

ಬಸ್‌ ಮೇಲೆ ಭಯೋತ್ಪಾದಕರ ದಾಳಿ

ಗುಂಡಿನ ದಾಳಿ ನಡೆದ ಬಿಳಿ ಬಣ್ಣದ ಬಸ್ ಸಂಖ್ಯೆ (GJ09Z9979) ಸುಮಾರು 50 ಯಾತ್ರಿಕರನ್ನು ಹೊತ್ತೊಯ್ಯುತ್ತಿತ್ತು. ಖಾನಬಾಲ್ ಸ್ಥಳದಲ್ಲಿ 3-5 ಭಯೋತ್ಪಾದಕರು ದಾಳಿ ನಡೆಸಿದ್ದಾರೆ ಎಂದು ಭಾರತೀಯ ಮಾಧ್ಯಮಗಳು ವರದಿ ಮಾಡಿವೆ. ಬಸ್ಸು 50ಕ್ಕೂ ಹೆಚ್ಚು ಜನರನ್ನು ಹೊಂದಿದ್ದರೂ, "ಸಲೀಮ್ ಮಿರ್ಜಾ" ಎಂಬ ಬಸ್ ಚಾಲಕನ ಸಮಯಪ್ರಜ್ಞೆಯಿಂದಾಗಿ ಹೆಚ್ಚಿನ ಸಂಖ್ಯೆಯ ಸಾವುನೋವುಗಳು ಸಂಭವಿಸಿಲ್ಲ. ಬಸ್‌ನ ಎಲ್ಲಾ ದಿಕ್ಕುಗಳಲ್ಲಿಯೂ ಗುಂಡು ಹಾರಿಸಲಾಗಿತ್ತು. ಬಸ್ ಚಾಲಕನು ಒಂದು ಛೇದಕದಲ್ಲಿ ನಿಲ್ಲಿಸುವ ಮೊದಲು ಸುಮಾರು 1 ಕಿ.ಮೀ ವರೆಗೆ ಶಾಂತ ರೀತಿಯಲ್ಲಿ ಬಸ್ಸನ್ನು ಓಡಿಸುವುದನ್ನು ಮುಂದುವರೆಸಿದನು.

ದಾಳಿಯಲ್ಲಿ ಆರು ಮಹಿಳೆಯರು ಸೇರಿದಂತೆ ಗುಜರಾತ್, ಮಹಾರಾಷ್ಟ್ರ ಮತ್ತು ತೆಲಂಗಾಣದ ಏಳು ಯಾತ್ರಿಗಳು ಸಾವನ್ನಪ್ಪಿದರು. ಜುಲೈ 16 ರಂದು ಮತ್ತೊಬ್ಬ ಯಾತ್ರಿಕ ತನ್ನ ಗಾಯಗಳಿಗೆ ಬಲಿಯಾದಳು.

English summary

On 10 July 2017, on the first Monday of the month of Shravan, 8 Hindu civilian pilgrims were killed in a terrorist attack on their way to the Amarnath temple in the Kashmir valley of the Indian state of Jammu and Kashmir.