ಸಿಮಿ ಸಂಘಟನೆಯ ನಾಯಕ ಹಾಗೂ 10 ಮಂದಿಗೆ ಜೀವಾವಧಿ ಶಿಕ್ಷೆ

2008ರಲ್ಲಿ ಇಂದೋರ್ ನ ಶ್ಯಾಮ್ ನಗರ್ ನಲ್ಲಿರುವ ಕೆಲ ನೆಲೆಗಳ ಮೇಲೆ ಜಂಟಿ ದಾಳಿ ನಡೆಸಿದ್ದ ಇಂದೋರ್ ಹಾಗೂ ಧಾರ್ ಪೊಲೀಸರು ಇವರ ಸುಪರ್ದಿಯಲ್ಲಿದ್ದ ಬಾಂಬ್, ಮದ್ದು ಗುಂಡುಗಳನ್ನು ವಶಪಡಿಸಿಕೊಂಡಿದ್ದರು.

Published: Monday, February 27, 2017, 19:12 [IST]

ಇಂದೋರ್, ಫೆಬ್ರವರಿ 27: ಭಾರತದಲ್ಲಿ ನಿಷೇಧಕ್ಕೊಳಗಾಗಿರುವ ಸ್ಟೂಡೆಂಟ್ಸ್ ಇಸ್ಲಾಮಿಕ್ ಮೂವ್ ಮೆಂಟ್ ಆಫ್ ಇಂಡಿಯಾ (ಸಿಮಿ) ಸಂಘಟನೆಯ ನಾಯಕ ಸಫ್ದಾರ್ ಹುಸೇನ್ ನಗೋರಿ ಹಾಗೂ 10 ಜನರಿಗೆ ಇಲ್ಲಿನ ಸ್ಥಳೀಯ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿದೆ ಎಂದು ಇಂಟರ್ ನ್ಯಾಷನಲ್ ಬ್ಯುಸಿನೆಸ್ ಸ್ಟಾಂಡರ್ಡ್ ವರದಿ ಮಾಡಿದೆ.

2008ರಲ್ಲಿ ಇಂದೋರ್ ನ ಶ್ಯಾಮ್ ನಗರ್ ನಲ್ಲಿರುವ ಕೆಲ ನೆಲೆಗಳ ಮೇಲೆ ಜಂಟಿ ದಾಳಿ ನಡೆಸಿದ್ದ ಇಂದೋರ್ ಹಾಗೂ ಧಾರ್ ಪೊಲೀಸರು ಇವರ ಸುಪರ್ದಿಯಲ್ಲಿದ್ದ ಬಾಂಬ್, ಮದ್ದು ಗುಂಡುಗಳನ್ನು ವಶಪಡಿಸಿಕೊಂಡಿದ್ದರು. ಹಾಗಾಗಿ, ಇವರ ಮೇಲೆ ದೇಶದ್ರೋಹದ ಪ್ರಕರಣ ದಾಖಲಿಸಿಕೊಳ್ಳಲಾಗಿತ್ತು. ಈ ಪ್ರಕರಣದಲ್ಲಿ ಒಟ್ಟು 11 ಮಂದಿ ಬಂಧಿಸಲ್ಪಟ್ಟಿದ್ದರು.