ಪಶ್ಚಿಮ ಬಂಗಾಳದಲ್ಲಿ ಅಘಾತಕಾರಿ ಘಟನೆ: ಐಫೋನ್ಗಾಗಿ ಪೋಷಕರಿಂದಲೇ ಮಗು ಮಾರಾಟ!
ಕೋಲ್ಕತ್ತಾ ಜುಲೈ 27: ರೀಲ್ಗಳನ್ನು ತಯಾರಿಸಲು ದುಬಾರಿ ಐಫೋನ್ ಖರೀದಿಸಲು ಪೋಷಕರು ತಮ್ಮ 8 ತಿಂಗಳ ಮಗುವನ್ನು ಮಾರಾಟ ಮಾಡಿದ ಅಘಾತಕಾರಿ ಘಟನೆಯೊಂದು ಪಶ್ಚಿಮ ಬಂಗಾಳದಲ್ಲಿ ನಡೆದಿದೆ.
ಜೀವನ ನಿರ್ವಹಣೆಗೆ ಕಷ್ಟಪಡುತ್ತಿದ್ದ ದಂಪತಿ ಇದ್ದಕ್ಕಿದ್ದಂತೆ ದುಬಾರಿ ಬೆಲೆಯ ಸ್ಮಾರ್ಟ್ಫೋನ್ ಖರೀದಿ ಮಾಡಲು ಆಸೆ ಪಟ್ಟಿದ್ದಾರೆ. ಆದರೆ ತಮ್ಮ ಬಳಿ ಅಷ್ಟು ಹಣ ಇಲ್ಲದಿದ್ದರಿಂದ ಮಗುವನ್ನು ಮಾರಾಟಕ್ಕಿಟ್ಟಿದ್ದಾರೆ. ಮಗುವಿನ ಮಾರಾಟಕ್ಕಾಗಿ ಪಶ್ಚಿಮ ಬಂಗಾಳದ ಹಲವಾರು ಭಾಗಗಳಿಗೆ ದಂಪತಿ ಭೇಟಿ ನೀಡಿರುವುದು ತಿಳಿದು ಬಂದಿದೆ.
ಈ ಬೆಳವಣಿಗೆಯು ದಂಪತಿಯ ನೆರೆಹೊರೆಯವರ ಗಮನವನ್ನು ಸೆಳೆಯಿತು. ಪಾನಿಹತಿ ಗಾಂಧಿನಗರ ಪ್ರದೇಶದಲ್ಲಿ ದಂಪತಿಯ ನೆರೆಹೊರೆಯವರು ತಮ್ಮ 8 ತಿಂಗಳ ಮಗು ಕಾಣೆಯಾದಾಗ ಅವರ ನಡವಳಿಕೆಯಲ್ಲಿನ ಹಠಾತ್ ಬದಲಾವಣೆಯ ಬಗ್ಗೆ ಅನುಮಾನ ವ್ಯಕ್ತಪಡಿಸಿದರು.
ನಂತರ ನೆರೆಹೊರೆಯವರು ದಂಪತಿಯನ್ನು ವಿಚಾರಿಸಿ ತಮ್ಮ ಮಗು ಎಲ್ಲಿದೆ ಎಂದು ಕೇಳಿದ್ದಾರೆ. ಬಳಿಕ ಎಂಟು ತಿಂಗಳ ಮಗುವನ್ನು ಹಣಕ್ಕಾಗಿ ಮತ್ತೊಬ್ಬರಿಗೆ ಮಾರಾಟ ಮಾಡಿದ್ದಾಗಿ ದಂಪತಿ ಒಪ್ಪಿಕೊಂಡಿದ್ದಾರೆ. ಅಷ್ಟರಲ್ಲಿ ಪೊಲೀಸರು ಮಗುವನ್ನು ರಕ್ಷಿಸಿದ್ದಾರೆ. ಮಗುವಿನ ತಾಯಿ ಸತಿಯನ್ನು ಬಂಧಿಸಲಾಗಿದ್ದು, ತಂದೆ ಜಯದೇವ್ ತಲೆಮರೆಸಿಕೊಂಡಿದ್ದಾನೆ.
ತಪ್ಪೊಪ್ಪಿಗೆ ನಂತರ ಪೊಲೀಸರು ಖರ್ದಾ ಪ್ರದೇಶದಲ್ಲಿ ಮಹಿಳೆಯಿಂದ ಮಗುವನ್ನು ರಕ್ಷಿಸಿದ್ದಾರೆ. ಖರ್ದಾ ಪೊಲೀಸ್ ಠಾಣೆಯ ಅಧಿಕಾರಿಗಳು ತನಿಖೆ ಪೂರ್ಣಗೊಳ್ಳುವವರೆಗೆ ಪ್ರಕರಣದ ಬಗ್ಗೆ ಯಾವುದೇ ವಿಷಯವನ್ನು ಬಹಿರಂಗಪಡಿಸದಿರಲು ನಿರಾಕರಿಸಿದ್ದಾರೆ.
ಜಯದೇವ್ ಮತ್ತು ಅವರ ಪತ್ನಿ ಸತಿ ಅವರಿಗೆ 7 ವರ್ಷದ ಮಗಳು ಮತ್ತು 8 ತಿಂಗಳ ಮಗ ಇಬ್ಬರು ಮಕ್ಕಳಿದ್ದಾರೆ. ಶನಿವಾರ ದಂಪತಿಯ ಗಂಡು ಮಗು ಕಾಣೆಯಾಗಿತ್ತು. ಸತಿ ಇದ್ದಕ್ಕಿದ್ದಂತೆ ದುಬಾರಿ ಸ್ಮಾರ್ಟ್ಫೋನ್ ಹೊಂದಿದ್ದರು. ದಂಪತಿಗಳು ಮಾದಕ ದ್ರವ್ಯ ಸೇವನೆಯಲ್ಲೂ ತೊಡಗುತ್ತಾರೆ ಎಂದು ನೆರೆಹೊರೆಯವರು ಆರೋಪಿಸಿದ್ದಾರೆ.
ಸ್ಥಳೀಯ ಕೌನ್ಸಿಲರ್ ತಾರಕ್ ಗುಹಾ, "ಹುಡುಗನನ್ನು ಮಾರಾಟ ಮಾಡಿದ ನಂತರ, ಜಯದೇವ್ ಶನಿವಾರ ಮಧ್ಯರಾತ್ರಿ ಹುಡುಗಿಯನ್ನು ಮಾರಾಟ ಮಾಡಲು ಪ್ರಯತ್ನಿಸಿದನು. ನಮಗೆ ಅರ್ಥವಾದ ತಕ್ಷಣ ಪೊಲೀಸರಿಗೆ ತಿಳಿಸಿದ್ದೇವೆ. ಪೊಲೀಸರು ಜಯದೇವ್ ಅವರನ್ನು ಬಂಧಿಸಿದ್ದಾರೆ''.
ರಾಹ್ರಾ ನಿವಾಸಿ ಪ್ರಿಯಾಂಕಾ ಘೋಷ್ ಮಗುವನ್ನು ಖರೀದಿಸಿದ್ದರು. ಮಗುವನ್ನು ರಕ್ಷಿಸುವ ಜತೆಗೆ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಬಡತನದಿಂದ ಮಗುವನ್ನು ಮಾರಾಟ ಮಾಡಲಾಗಿದೆಯೇ ಅಥವಾ ಇನ್ನಾವುದೇ ಕಾರಣಕ್ಕಾಗಿ ಮಗುವನ್ನು ಮಾರಾಟ ಮಾಡಲಾಗಿದೆಯೇ ಎಂದು ಪೊಲೀಸರು ಪತ್ತೆ ಹಚ್ಚುತ್ತಿದ್ದಾರೆ. ಜಯದೇವ್-ಸತಿ ಅವರನ್ನೂ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.
ಬ್ಯಾರಕ್ಪೋರ್ ಕಮಿಷನರೇಟ್ನ ಪೊಲೀಸ್ ಅಧಿಕಾರಿಯ ಪ್ರಕಾರ, ತನಿಖೆ ನಡೆಯುತ್ತಿದೆ ಮತ್ತು ಪ್ರಕರಣವನ್ನು ಎಲ್ಲಾ ಕೋನಗಳಿಂದ ನೋಡಲಾಗುತ್ತಿದೆ ಎಂದು ತಿಳಿದು ಬಂದಿದೆ.
Click it and Unblock the Notifications
Sign in with Google