ಬಿಹಾರ: ಕಾರು ಚಾಲಕನ ಬೇಜವಾಬ್ದಾರಿಗೆ 9 ಮಕ್ಕಳ ದುರಂತ ಅಂತ್ಯ!

Updated: Wednesday, February 28, 2018, 10:35 [IST]

ಮುಜಾಫರ್ ನಗರ, ಫೆಬ್ರವರಿ 24: ಬಿಹಾರದ ಮುಜಾಫರ್ ನಗರದಲ್ಲಿ ನಡೆದ ದಾರುಣ ಅಪಘಾತದಲ್ಲಿ 9 ಮಕ್ಕಳ ಮೃತರಾದ ದುರ್ಘಟನೆ ಇಂದು(ಫೆ.24) ಮಧ್ಯಾಹ್ನ ನಡೆದಿದೆ.

ಶಾಲೆ ಬಿಟ್ಟು ಮನೆಗೆ ವಾಪಸಾಗುತ್ತಿದ್ದ ಪುಟ್ಟ ಪುಟ್ಟ ಮಕ್ಕಳು ರಸ್ತೆ ದಾಟುತ್ತಿದ್ದ ಸಮಯದಲ್ಲಿ ವೇಗವಾಗಿ ಬರುತ್ತಿದ್ದ ಕಾರೊಂದು ಡಿಕ್ಕಿಹೊಡೆದ ಪರಿಣಾಮ 9 ಮಕ್ಕಳ ಸ್ಥಳದಲ್ಲೇ ಮೃತರಾಗಿದ್ದು, 24 ಮಕ್ಕಳು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಮುಜಾಫರ್ ನಗರದ ಅಹಿಯಾಪುರ ಎಂಬಲ್ಲಿ ಶಾಲೆ ಬಿಡುತ್ತಿದ್ದಂತೇ ಮಕ್ಕಳು ರಸ್ತೆ ದಾಟಲು ಓಡಿದ್ದಾರೆ. ಈ ಸಂದರ್ಭದಲ್ಲಿ ವೇಗವಾಗಿ ಬಂದ ಬುಲೆರೋ ಮಕ್ಕಳಿಗೆ ಬಡಿದ ಪರಿಣಾಮ ಈ ಘಟನೆ ನಡೆದಿದೆ. ಶಾಲೆ ಇರುವ ಸ್ಥಳಗಳಲ್ಲಿ ವಾಹನ ಚಾಲಕರು ನಿಧಾನವಾಗಿ ಚಲಿಸಬೇಕು ಮತ್ತು ಹಾರ್ನ್ ಮಾಡಲೇಬೇಕು ಎಂದು ಎಲ್ಲೆಲ್ಲೂ ಸೈನ್ ಬೋರ್ಡ್ ಗಳನ್ನು ಹಾಕಿದ್ದರೂ, ಮುಗ್ಧ ಮಕ್ಕಳು ಹೀಗೆ ದಾರುಣ ಸಾವು ಕಾಣುವಂತಾಗುತ್ತಿರುವುದು ಖೇದಕರ.