ನಮಗೆ ಅವರ ಅಗತ್ಯವಿಲ್ಲ! ನಿತೀಶ್ ಕುಮಾರ್ ಬಗ್ಗೆ ರಾಹುಲ್ ಗಾಂಧಿ ಹೇಳಿದ್ದೇನು?
ಬಿಹಾರ ಸಿಎಂ ನಿತೀಶ್ ಕುಮಾರ್ ಇಂಡಿಯಾ ಒಕ್ಕೂಟ ತೊರೆದು ಎನ್ಡಿಎ ಒಕ್ಕೂಟ ಸೇರಿಕೊಂಡಿದ್ದಾರೆ. ನಿತೀಶ್ ಕುಮಾರ್ ಅವರ ಈ ನಡೆಗೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರೇ ಕಾರಣ ಎನ್ನಲಾಗಿದೆ. ಈಗ ರಾಹುಲ್ ಗಾಂಧಿ ಮೊದಲ ಬಾರಿಗೆ ಈ ವಿಚಾರದ ಪ್ರತಿಕ್ರಿಯೆ ನೀಡಿದ್ದಾರೆ.
"ನಮಗೆ ನಿತೀಶ್ ಕುಮಾರ್ ಅವರ ಅಗತ್ಯವಿಲ್ಲ, ಸ್ವಲ್ಪ ಒತ್ತಡ ನೀಡಿದರೂ ಅವರು ಯು-ಟರ್ನ್ ಮಾಡುತ್ತಾರೆ" ಎಂದು ಭಾರತ ಜೋಡೋ ನ್ಯಾಯ ಯಾತ್ರೆಯನ್ನು ಮುನ್ನಡೆಸುತ್ತಿರುವ ರಾಹುಲ್ ಗಾಂಧಿ ಹೇಳಿದ್ದಾರೆ. ಬಿಹಾರದ ಪುರ್ನಿಯಾ ಜಿಲ್ಲೆಯಲ್ಲಿ ಸಾರ್ವಜನಿಕ ಸಭೆಯಲ್ಲಿ ಮಾತನಾಡಿದ ಅವರು ಈ ಹೇಳಿಕೆ ನೀಡಿದರು.
ಜನವರಿ 13 ರಂದು ಪ್ರತಿಪಕ್ಷಗಳ ಸಭೆಯಲ್ಲಿ ರಾಹುಲ್ ಗಾಂಧಿಯವರ ಹೇಳಿಕೆಯ ಬಗ್ಗೆ ಸ್ಪಷ್ಟವಾಗಿ ಕೋಪಗೊಂಡ ನಿತಿಶ್ ಕುಮಾರ್ ಕುಮಾರ್ ವಾರಾಂತ್ಯದಲ್ಲಿ ಬಿಜೆಪಿಯೊಂದಿಗೆ ಕೈಜೋಡಿಸಿದರು.
ಈ ಕಾರಣಕ್ಕೆ ನಿತೀಶ್ಗೆ ಕೋಪ?
ಇಂಡಿಯಾ ಬ್ಲಾಕ್ಗೆ ಸಂಯೋಜಕರನ್ನು ಆಯ್ಕೆ ಮಾಡುವ ವಿಷಯದ ಬಗ್ಗೆ ನಿತೀಶ್ ಕುಮಾರ್ ಒಂದು ಸ್ಥಾನದ ಮೇಲಿ ಕಣ್ಣಿಟ್ಟಿದ್ದರು. ಆದರೆ ರಾಹುಲ್ ಗಾಂಧಿ ಆ ಸ್ಥಾನಕ್ಕೆ ಮಮತಾ ಬ್ಯಾನರ್ಜಿ ಅವರನ್ನು ಸಂಪರ್ಕಿಸುವುದಾಗಿ ಹೇಳಿದರು ಎಂದು ಮೂಲಗಳು ತಿಳಿಸಿವೆ.
ಕಾಂಗ್ರೆಸ್ ನಾಯಕನ ವಿರುದ್ಧ ಕೋಪಗೊಂಡ ನಿತೀಶ್ ಕುಮಾರ್ ಅವರು 10 ನಿಮಿಷಗಳ ಮುಂಚಿತವಾಗಿ ಸಭೆಯನ್ನು ತೊರೆದರು. ಸ್ವಲ್ಪ ಸಮಯದ ನಂತರ ನಾಯಕರು ಅವರನ್ನು ಸಂಚಾಲಕರನ್ನಾಗಿ ಆಯ್ಕೆ ಮಾಡಿದರೂ, ನಿತೀಶ್ ಕುಮಾರ್ ಬಣವನ್ನು ಬದಲಾಯಿಸಲು ಮನಸ್ಸು ಮಾಡಿದ ನಂತರ ಅದನ್ನು ತಿರಸ್ಕರಿಸಿದರು ಎಂದು ಮೂಲಗಳು ತಿಳಿಸಿವೆ.
ಆದರೆ ಇದು ಒಂದು ದಶಕದಲ್ಲಿ ನಿತೀಶ್ ಕುಮಾರ್ ಅವರು ಐದನೇ ಬಾರಿಗೆ ತಮ್ಮ ನಿಷ್ಠೆಯನ್ನು ಬದಲಾವಣೆಯಾಗಿರುವುದರಿಂದ, ವಿರೋಧ ಪಕ್ಷವು ಅವರ ಕಾರಣವಕ್ಕೆ ಮಹತ್ವ ನೀಡಬೇಕಿಲ್ಲ ಎಂದರು.
ಪ್ರಮಾಣ ವಚನ ಸಮಾರಂಭದ ಸ್ವಲ್ಪ ಸಮಯದ ನಂತರ ತಮ್ಮ ಶಾಲನ್ನು ತೆಗೆದುಕೊಳ್ಳಲು ರಾಜಭವನಕ್ಕೆ ಹಿಂತಿರುಗಿದ ನಿತೀಶ್ ಕುಮಾರ್ ಅವರ ಬಗ್ಗೆ ಹಾಸ್ಯವನ್ನು ವಿವರಿಸುತ್ತಾ ರಾಹುಲ್ ಗಾಂಧಿಯವರು ಮುಖ್ಯಮಂತ್ರಿ ನಿತೀಶ್ ಕುಮಾರ್ ಬಗ್ಗೆ ತಮಾಷೆ ಮಾಡಿದರು.
ನಿತೀಶ್ ಕುಮಾರ್ ಏಕೆ ಒತ್ತಡಕ್ಕೆ ಒಳಗಾಗಬೇಕು ಎಂಬುದನ್ನು ವಿವರಿಸುತ್ತಾ, ಅವರು ಸಾಮಾಜಿಕ ನ್ಯಾಯವನ್ನು ಪ್ರಸ್ತಾಪಿಸಿದರು. 'ಮಹಾಘಟಬಂಧನ್' (ಮಹಾಮೈತ್ರಿಕೂಟ) ಬಿಹಾರದಲ್ಲಿ ಸಾಮಾಜಿಕ ನ್ಯಾಯಕ್ಕಾಗಿ ಹೋರಾಡುತ್ತದೆ; ಆ ಉದ್ದೇಶಕ್ಕಾಗಿ ನಮಗೆ ನಿತೀಶ್ ಕುಮಾರ್ ಅಗತ್ಯವಿಲ್ಲ, ನಮಗೆ ಅವರ ಅಗತ್ಯವಿಲ್ಲ" ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಹೇಳಿದರು.
Click it and Unblock the Notifications
Sign in with Google