ರಾಹುಲ್ ಗಾಂಧಿ ರಾಜಕೀಯ ಅನುತ್ಪಾದಕ: ಸ್ಮೃತಿ ಇರಾನಿ
ನವದೆಹಲಿ,ಜುಲೈ.20: ಸಂಸತ್ತಿನ ಉಭಯ ಸದನಗಳಲ್ಲಿ ವಿರೋಧ ಪಕ್ಷಗಳ ಪ್ರತಿಭಟನೆಯಿಂದ ಮುಂದೂಡುತ್ತಿರುವ ಬಗ್ಗೆ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಬುಧವಾರ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ವಿರುದ್ಧ ವಾಗ್ದಾಳಿ ನಡೆಸಿದರು.
ರಾಜಕೀಯವಾಗಿ ಅನುತ್ಪಾದಕರಾಗಿರುವ ವಯನಾಡ್ ಸಂಸದರು ಈಗ ಲೋಕಸಭೆಯ ಉತ್ಪಾದಕತೆಗೆ ಕಂಟಕವಾಗಿದ್ದಾರೆ. ಇವರು ಸಂಸತ್ತನ್ನು ಅಗೌರವಗೊಳಿಸುತ್ತಿದ್ದಾರೆ. ಇದು ಅದರ ಉತ್ಪಾದಕತೆಯನ್ನು ಕಡಿಮೆ ಮಾಡಿದೆ ಎಂದು ಆರೋಪಿಸಿದರು. ಮುಂಗಾರು ಅಧಿವೇಶನದ ಮೂರನೇ ದಿನ ಬಿಜೆಪಿ ಸಂಸದೆ ಸ್ಮೃತಿ ಇರಾನಿ ಅವರು ಬುಧವಾರ ವಿರೋಧ ಪಕ್ಷಗಳ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು.
ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಇರಾನಿ, "ರಾಹುಲ್ ಗಾಂಧಿ ಅವರು ಎಂದಿಗೂ ಪ್ರಶ್ನೆಯನ್ನು ಕೇಳುವುದಿಲ್ಲ. ಬದಲಾಗಿ ಯಾವಾಗಲೂ ಸಂಸತ್ತಿನ ಕಲಾಪಗಳನ್ನು ಅಗೌರವಿಸುತ್ತಾರೆ. ಅಲ್ಲದೆ ಅವರು ಸಂಸತ್ತಿನಲ್ಲಿ ಶೇಕಡಾ 40ಕ್ಕಿಂತ ಕಡಿಮೆ ಹಾಜರಾತಿ ಹೊಂದಿದ್ದಾರೆ. ಪ್ರತಿಪಕ್ಷಗಳು ಜಿಎಸ್ಟಿ ಬೆಲೆ ಏರಿಕೆ, ಹಣದುಬ್ಬರ ಮತ್ತು ಇತರ ವಿಷಯಗಳ ಕುರಿತು ಸಂಸತ್ತಿನಲ್ಲಿ ಪ್ರತಿಭಟನೆಗಳನ್ನು ನಡೆಸುತ್ತಿವೆ," ಎಂದು ಹೇಳಿದ್ದಾರೆ.
ಅವರ ಹಾಜರಾತಿ ಕೇವಲ ಶೇಕಡಾ 40
"ಸಂಸತ್ನಲ್ಲಿ ಅಗತ್ಯ ಚರ್ಚೆ ನಡೆಯದಂತೆ ನೋಡಿಕೊಳ್ಳಲು ತಮ್ಮ ರಾಜಕೀಯ ಸಹೋದ್ಯೋಗಿಯನ್ನು ಮಾಡಿಕೊಂಡ ಒಬ್ಬ ಮಹನೀಯರು ಈಗ ಸಂಸತ್ತಿನ ಇತಿಹಾಸವಾಗಿದ್ದಾರೆ. ಅಮೇಥಿ ಸಂಸದರಾಗಿ ಅವರು ಒಮ್ಮೆಯೂ ಸಂಸತ್ತಿನಲ್ಲಿ ಯಾವುದೇ ಪ್ರಶ್ನೆಗಳನ್ನು ಕೇಳಲಿಲ್ಲ. ಅವರು ಅಮೇಥಿಯನ್ನು ತ್ಯಜಿಸಿ ವೈನಾಡಿಗೆ ಹೋದಾಗ 2019ರಲ್ಲಿ ಸಂಸತ್ತಿನ ಚಳಿಗಾಲದ ಅಧಿವೇಶನದಲ್ಲಿ ಅವರ ಹಾಜರಾತಿ ಕೇವಲ ಶೇಕಡಾ 40 ಆಗಿತ್ತು," ಎಂದು ರಾಹುಲ್ ಅವರನ್ನು ಇರಾನಿ ಟೀಕಿಸಿದರು.
ಸಗಮ ಲೋಕಸಭೆಯ ಕಲಾಪಕ್ಕೆ ಅಡ್ಡಿ
ಸಂಸತ್ತಿನಲ್ಲಿ ಖಾಸಗಿ ಸದಸ್ಯ ಮಸೂದೆಯನ್ನು ಪ್ರಸ್ತಾಪಿಸದ ಸಜ್ಜನರು ಇಂದು ಮತ್ತೊಮ್ಮೆ ಸಂಸತ್ತಿನಲ್ಲಿ ಆರೋಗ್ಯ, ಉತ್ಪಾದಕ ಚರ್ಚೆ ನಡೆಯದಂತೆ ನೋಡಿಕೊಳ್ಳುತ್ತಿದ್ದಾರೆ. ಇಂದು ಸಗಮ ಲೋಕಸಭೆಯ ಕಲಾಪಕ್ಕೆ ತೊಂದರೆ ಉಂಟು ಮಾಡುತ್ತಿದ್ದಾರೆ. ರಾಹುಲ್ ಗಾಂಧಿಯವರ ಸಂಪೂರ್ಣ ರಾಜಕೀಯ ಇತಿಹಾಸವು ಸಂಸತ್ತಿನ ಕಾರ್ಯವಿಧಾನ ಮತ್ತು ಸಾಂವಿಧಾನಿಕ ವಿಧಾನಗಳಿಗೆ ಅಗೌರವ ತೋರಿಸುವುದರೊಂದಿಗೆ ಕೂಡಿದೆ ಎಂದು ಅವರು ಹೇಳಿದರು.
ಭಾರತದ ಸಂಸತ್ತನ್ನು ಗೌರವಿಸುವ ಅಗತ್ಯವಿದೆ
ಸಂಸದೀಯ ಕಾರ್ಯವಿಧಾನ ಮತ್ತು ಸಾಂವಿಧಾನಿಕ ವಿಧಾನಗಳಿಗೆ ಅಗೌರವ ತೋರಿಸುವುದರೊಂದಿಗೆ ಇಡೀ ರಾಜಕೀಯ ಇತಿಹಾಸವನ್ನು ಹೊಂದಿರುವ ಸಂಭಾವಿತ ವ್ಯಕ್ತಿಯೊಬ್ಬರು ಭಾರತದ ಸಂಸತ್ತನ್ನು ಗೌರವಿಸುವ ಅಗತ್ಯವಿದೆ. ಇದು ಭಾರತದ ಜನರ ನಿರೀಕ್ಷೆಗಳು ಮತ್ತು ಆಕಾಂಕ್ಷೆಗಳನ್ನು ಪ್ರತಿಬಿಂಬಿಸುತ್ತದೆ. ರಾಷ್ಟ್ರದ ಮೇಲೆ ಸಾಮಾಜಿಕ, ರಾಜಕೀಯ ಮತ್ತು ಆರ್ಥಿಕ ಪರಿಣಾಮ ಬೀರುವ ರಾಷ್ಟ್ರೀಯ ಪ್ರಾಮುಖ್ಯತೆಯ ಸಮಸ್ಯೆಗಳನ್ನು ಮುಂದಿಡಲು ಸಂಸತ್ತು ಉತ್ಪಾದಕ ವೇದಿಕೆಯಾಗಿದೆ. ಇದಕ್ಕೆ ಅವರು ಹೊರತಾಗಿದ್ದಾರೆ ಎಂದು ಇರಾನಿ ಹೇಳಿದರು.
ಸಂಸತ್ತಿನ ಗಾಂಧಿ ಪ್ರತಿಮೆ ಎದುರು ಪ್ರತಿಭಟನೆ
ಮುಂಗಾರು ಅಧಿವೇಶನಕ್ಕೂ ಮುನ್ನಾ ರಾಹುಲ್ ಗಾಂಧಿ ಅವರು ಹಣದುಬ್ಬರ ಮತ್ತು ಅಗತ್ಯ ವಸ್ತುಗಳ ಮೇಲಿನ ಶೇಕಡಾ 5 ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ತೆರಿಗೆಯನ್ನು ವಿರೋಧಿಸಿ ಸಂಸತ್ತಿನ ಗಾಂಧಿ ಪ್ರತಿಮೆ ಎದುರು ಪ್ರತಿಪಕ್ಷಗಳ ಜೊತೆ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದರು. ಸಂಸತ್ತಿನ ಆವರಣದಲ್ಲಿರುವ ಮಹಾತ್ಮ ಗಾಂಧೀಜಿಯವರ ಪ್ರತಿಮೆ ಎದುರು ನಿಂತು ಸರ್ಕಾರ ಅಗತ್ಯ ವಸ್ತುಗಳ ಬೆಲೆ ಇಳಿಸಬೇಕು ಎಂದು ಆಗ್ರಹಿಸಿ ಘೋಷಣೆಗಳನ್ನು ಕೂಗಿದರು. ಮುಂಗಾರು ಅಧಿವೇಶನದ ಮೊದಲ ದಿನ ಉಭಯ ಸದನಗಳಲ್ಲಿ ಪ್ರತಿಪಕ್ಷಗಳ ಕೋಲಾಹಲದ ನಡುವೆ ಗದ್ದಲ ಮತ್ತು ಗೊಂದಲ ಉಂಟಾಯಿತು. ಕೆಲವೇ ಗಂಟೆಗಳಲ್ಲಿ ಅದನ್ನು ಮುಂದೂಡಲಾಯಿತು.
ಸಂಸತ್ತಿನ ಮುಂಗಾರು ಅಧಿವೇಶನ ಜುಲೈ 18 ರಂದು ಪ್ರಾರಂಭವಾಯಿತು ಮತ್ತು ಆಗಸ್ಟ್ 12 ರವರೆಗೆ ಮುಂದುವರಿಯುತ್ತದೆ. ಅಧಿವೇಶನದಲ್ಲಿ 18 ಅಧಿವೇಶನಗಳು ನಡೆಯಲಿವೆ.
Click it and Unblock the Notifications
Sign in with Google