ಮೇಘಾಲಯ: ಮತದಾರರ ಮೋಡಿ ಮಾಡಲು ಮೋದಿ 'ಮ್ಯೂಸಿಕ್'

Posted By:
Subscribe to Oneindia Kannada

ಶಿಲ್ಲಾಂಗ್, ಫೆಬ್ರವರಿ 09: ಮೋಡಗಳಿಂದ ಆವರಿಸಿರುವ ಸುಂದರ ಈಶಾನ್ಯ ರಾಜ್ಯ ಮೇಘಾಲಯದಲ್ಲಿ ಈಗ ಚುನಾವಣೆ ಗಾಳಿ ಬೀಸಿದೆ. ಭಾರತದ ಸಂಗೀತದ ಕೇಂದ್ರ ಎನಿಸಿಕೊಂಡಿರುವ ಮೇಘಾಲಯದಲ್ಲಿ ಮತದಾರರನ್ನು ಸೆಳೆಯಲು ಬೇಕು ಮ್ಯೂಸಿಕ್ ಮಂತ್ರ.

ಚುನಾವಣೆ ವೇಳೆಯಲ್ಲಿ ಪಾಶ್ಚಾತ್ಯದಿಂದ ಜಾನಪದ ಗೀತೆ ತನಕ ಎಲ್ಲಾ ಬಗೆಯ ಸಂಗೀತದ ಹೊನಲು ಇಲ್ಲಿ ಹರಿಯುತ್ತದೆ. ಚುನಾವಣಾ ಪ್ರಚಾರದ ವೇಳೆ 'ಮ್ಯೂಸಿಕ್' ಪ್ರಧಾನ ಅಂಶವಾಗಿ ಕಾಣುತ್ತದೆ.

ತ್ರಿಪುರ: ಮಾಣಿಕ್ ಅಧಿಪತ್ಯಕ್ಕೆ ಅಂತ್ಯ ಹಾಡಲು ಮೋದಿ ಕರೆ

ಹೀಗಾಗಿ, ಸ್ಥಳೀಯ ಜಾನಪದ ಗಾಯಕ, ಗಾಯಕಿಯರು ನೃತ್ಯಗಾರರಿಗೆ ಭರಪೂರ ಅವಕಾಶಗಳು ತೆರೆದುಕೊಂಡಿವೆ.ಅಭ್ಯರ್ಥಿಗಳನ್ನು ಹಾಡಿ ಹೊಗಳು ಬಗೆ ಬಗೆಯ ಮ್ಯೂಸಿಕ್ ಆಲ್ಬಂಗಳು ಬರುತ್ತಿವೆ.

Music adds masala to Meghalaya election

ಮೋದಿ ಮ್ಯೂಸಿಕ್ ಮೋಡಿ: 2016ರಲ್ಲಿ ಇಲ್ಲಿನ ಹಳ್ಳಿಯೊಂದಕ್ಕೆ ಭೇಟಿ ನೀಡಿದ್ದ ಪ್ರಧಾನಿ ಮೋದಿ ಅವರು ಸ್ಥಳೀಯ ಜಾನಪದ ವಾದ್ಯವೃಂದದ ಜತೆ ಬೆರೆತು ಖಾಸಿ ಸಾಂಪ್ರದಾಯ ಡ್ರಮ್ ಬಾರಿಸಿದ್ದರು. ಮೋದಿ ಅವರಿಗೂ ಸಂಗೀತವೆಂದರೆ ತುಂಬಾ ಇಷ್ಟ. ಮೇಘಾಲಯಕ್ಕೂ ಸಂಗೀತವೆಂದರೆ ಪ್ರಾಣ. ಹೀಗಾಗಿ, ಮೋದಿ ಅವರು ಈ ಬಾರಿ ಮತ್ತೊಮ್ಮೆ ಸಂಗೀತದ ಮೂಲಕವೇ ನಮ್ಮನ್ನು ತಲುಪಬಹುದಾಗಿದೆ ಎಂದು ಕಾಲೇಜ್ ವಿದ್ಯಾರ್ಥಿ ಡೇವಿಡ್ ಡಾಖರ್.

ಇತ್ತೀಚೆಗೆ ಇಲ್ಲಿಗೆ ಬಂದಿದ್ದ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಕೂಡಾ ತಮ್ಮ ಭಾಷಣದಲ್ಲಿ ಇಲ್ಲಿನ ಜನರ ಸಂಗೀತ ಪ್ರೇಮದ ಬಗ್ಗೆ ಹೆಚ್ಚಿನ ಒತ್ತು ನೀಡಿದ್ದರು.

ಸ್ಥಳೀಯ ರಾಜಕಾರಣಿಗಳ ಪೈಕಿ ಆರ್ ಜಿ ಲಿಂಗ್ಡೋ ಹಾಗೂ ಯುಡಿಪಿಯ ಪಾಲ್ ಲಿಂಗ್ಡೋ ಅವರು ಸಂಗೀತಗಾರರಾಗಿದ್ದಾರೆ, ಮುಖ್ಯಮಂತ್ರಿ ಮುಕುಲ್ ಸಂಗ್ಮಾ ಅವರು ಸ್ವತಃ ಹಾಡುಗಾರರಾಗಿದ್ದಾರೆ.

Music adds masala to Meghalaya election

ಸಾಮಾಜಿಕ ಜಾಲ ತಾಣಗಳಾದ ಫೇಸ್ ಬುಕ್, ಟ್ವಿಟ್ಟರ್, ವಾಟ್ಸಾಪ್ ಮೂಲಕ ಕೂಡಾ ಸಂಗೀತ ಹರಿಯುತ್ತಿದೆ. ಮತದಾರರ ಓಲೈಕೆ ನಡೆಯುತ್ತಿದೆ.

ಫೆಬ್ರವರಿ 27ರಂದು ಮೇಘಾಲಯದ ಜತೆಗೆ ನಾಗಾಲ್ಯಾಂಡ್ ನಲ್ಲೂ ವಿಧಾನಸಭಾ ಚುನಾವಣೆ ನಡೆಯಲಿದೆ. ತ್ರಿಪುರಾದಲ್ಲಿ ಫೆ.18ರಂದು ಮತದಾನ ನಿಗದಿಯಾಗಿದೆ. ಎಲ್ಲಾ ಮೂರು ರಾಜ್ಯಗಳಲ್ಲೂ 60 ವಿಧಾನಸಭಾ ಸ್ಥಾನಗಳಿವೆ. ಈ ಮೂರು ರಾಜ್ಯಗಳ ಚುನಾವಣಾ ಫಲಿತಾಂಶ ಮಾರ್ಚ್ 03ರಂದು ಪ್ರಕಟವಾಗಲಿದೆ. (ಒನ್ಇಂಡಿಯಾ ಸುದ್ದಿ)

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
The abode of clouds, Meghalaya, is also the music hub of India. So, this election season get a toast of best of music Meghalaya has to offer to the world. From western to folk songs, music is ruling the roost during election-related programmes in the state as candidates try to woo voters.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ