ಕರ್ನಾಟಕ ಕರಾವಳಿಯಲ್ಲಿ 48 ಗಂಟೆಗಳ ಕಾಲ ಭಾರೀ ಮಳೆ ಸಾಧ್ಯತೆ

ಬೆಂಗಳೂರು, ಜೂನ್ 30: ಕಳೆದ ಹಲವು ದಿನಗಳಿಂದ ಕರ್ನಾಟಕದ ಕರಾವಳಿ ಜಿಲ್ಲೆಗಳಲ್ಲಿ ಎಡಬಿಡದೆ ಸುರಿಯುತ್ತಿರುವ ಮಳೆ ಮುಂದಿನ 48 ಗಂಟೆಗಳ ಕಾಲವೂ ಮುಂದುವರಿಯಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ.

ಇದೊಂದೇ ತಿಂಗಳಿನಲ್ಲಿ(ಜೂನ್) ಕರ್ನಾಟಕದ ಕರಾವಳಿ, ಕೊಂಕಣ ಸೀಮೆ, ಗೋವಾ, ಕೇರಳಗಳಲ್ಲಿ ನಿರಂತರ ಮಳೆಯಾಗಿದ್ದು, ಈ ಭಾಗದಲ್ಲಿ ಇದುವರೆಗೆ ಒಟ್ಟು 1000 ಮಿಮೀ ಮಳೆಯಾಗಿದೆ!

ನೈರುತ್ಯ ಮುಂಗು ಅಷ್ಟೇನು ಚುರುಕಾಗದ ಕಾರಣ ದೇಶ ಎಲ್ಲೆಡೆಯೂ ಮಳೆಯಾಗುವ ಸಂಭವ ಕಡಿಮೆ. ಉಳಿದಂತೆ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಕೊಂಚ ಮಳೆಯಾಗಲಿದ್ದು, ರಾಜಧಾನಿ ಬೆಂಗಳೂರಿನಲ್ಲಿ ಮೋಡ ಕವಿದ ವಾತಾವರಣ ಕಂಡುಬರಲಿದೆ.

ಗುಜರಾತ್, ರಾಜಸ್ತಾನಗಳಲ್ಲೂ ಸಾಕಷ್ಟು ಮಳೆ ಬೀಳುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ವರದಿಗಳು ತಿಳಿಸಿವೆ. ಪಶ್ಚಿಮ ಕರಾವಳಿಯಲ್ಲಿ ಈ ವರ್ಷ ಸಾಧಾರಣ ಮಳೆಯಷ್ಟೇ ಕಂಡುಬರಲಿದೆ. ಉತ್ತರ ಬಾರತದ ಹಲವು ರಾಜ್ಯಗಳಲ್ಲಿ ಇಂದು ಮಳೆಯಾಗುವ ಸಂಭವವಿದೆ.

English summary

Monsoon Update: Until the next 48 hours, Coastal Karnataka as well as Kerala are likely to see good rains while rains will increase over the Konkan region July 2 onward, when Mumbai will also see some heavy spells of rains.