• search

ಯೋಗ-ಯಾಗ: ಮೋದಿ ಸೇರಿದಂತೆ ಗಣ್ಯರ ಯೋಗಾಚರಣೆ ವಿಡಿಯೋ

By Trupti Hegde
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ವದೆಹಲಿ, ಜೂನ್ 21: ಭಾರತವೇ ಜಗತ್ತಿಗೆ ಪರಿಚಯಿಸಿದ ಯೋಗಕ್ಕಾಗಿ ದಿನವೊಂದನ್ನು ಗೊತ್ತುಮಾಡಿ, ಆ ಮೂಲಕ ಯೋಗದ ಮಹತ್ವವನ್ನು ಜಗತ್ತಿಗೆ ಸಾರಿ ಹೇಳುವ ಕೆಲಸ ನಾಲ್ಕು ವರ್ಷದಿಂದ ಔಪಚಾರಿಕವಾಗಿ ನಡೆಯುತ್ತಿದೆ. ಜೂನ್ 21, 2015 ರಿಂದ ಪ್ರತಿವರ್ಷ ಯೋಗದಿನವನ್ನು ಆಚರಿಸಲು ವಿಶ್ವಸಂಸ್ಥೆಯೇ ಸಮ್ಮತಿ ಸೂಚಿಸಿದೆ.

    ಆದ್ದರಿಂದ ಜಗತ್ತಿನಾದ್ಯಂತ ಈ ದಿನವನ್ನು 'ಯೋಗದಿನ'ವನ್ನಾಗಿ ಆಚರಿಸಿ, ದೈಹಿಕ, ಮಾನಸಿಕ ಮತ್ತು ಸಾಮಾಜಿಕ ಆರೋಗ್ಯ ಕಾಪಾಡುವಲ್ಲಿ ಯೋಗದ ಪಾತ್ರವೇನು ಎಂಬುದರ ಕುರಿತು ಅರಿವು ಮೂಡಿಸಲಾಗುತ್ತದೆ.

    ಅಂತಾರಾಷ್ಟ್ರೀಯ ಯೋಗದಿನ: ಪ್ರಧಾನಿ ಮೋದಿ ಭಾಷಣದ ಮುಖ್ಯಾಂಶ

    ಇಂದು ಉತ್ತರಾಖಂಡ್ ನ ಡೆಹ್ರಾಡೂನ್ ನಲ್ಲಿ ಪ್ರಧಾನಿ ನರೇಂದ್ರ ಮೋದಿ 55 ಸಾವಿರಕ್ಕೂ ಹೆಚ್ಚು ಜನರೊಟ್ಟಿಗೆ ಯೋಗ ಮಾಡಿ, ಯೋಗದ ಮಹತ್ವ ತಿಳಿಸಿದರು. ಜಗತ್ತನ್ನು ಒಂದುಗೂಡಿಸುವ ಅತ್ಯುತ್ತಮ ಸಾಧನವಾಗಿ ಯೋಗ ಮಹತ್ವ ಪಡೆದುಕೊಂಡಿದೆ ಎಂದು ಇದೇ ಸಂದರ್ಭದಲ್ಲಿ ಮೋದಿ ಹೇಳಿದರು.

    In Pics: ವಿಶ್ವ ಯೋಗದಿನ: ಶಾಂತಿ-ಆರೋಗ್ಯದತ್ತ ಯೋಗ ಯಾಗ

    ಕರ್ನಾಟಕ ರಾಜ್ಯದಲ್ಲಿ, ದೇಶದಲ್ಲಿ ಜೊತೆಗೆ ವಿಶ್ವದಾದ್ಯಂತ ನಡೆದ ವಿಶ್ವ ಯೋಗದಿನದ ಪ್ರಮುಖ ವಿಡಿಯೋಗಳು ಇಲ್ಲಿವೆ.

    ಪ್ರಧಾನಿ ಮೋದಿ ಯೋಗಾಚರಣೆ ವಿಡಿಯೋ

    ಇಂದಿನ ವೇಗದ ಯುಗದಲ್ಲಿ ಒಬ್ಬ ವ್ಯಕ್ತಿಯ ದೇಹ, ಮನಸ್ಸು ಮತ್ತು ಆತ್ಮವನ್ನು ಬೆಸೆಯಲು ಯೋಗ ಮಹತ್ವದ ಪಾತ್ರ ವಹಿಸಿದೆ. ಇದು ಶಾಂತಿಯತ್ತ ಮನುಷ್ಯನನ್ನು ಕೊಂಡೊಯ್ಯುವ ಮಾರ್ಗವಾಗಿದೆ" ಎಂದ ಪ್ರಧಾನಿ ಮೋದಿ ಡೆಹ್ರಾಡೂನ್ ನ ಫಾರೆಸ್ಟ್ ರೀಸರ್ಚ್ ಇನ್ ಸ್ಟಿಟ್ಯೂಟ್ ನಲ್ಲಿ ವಿಶ್ವ ಯೋಗದಿನ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಈ ಸಂದರ್ಭದಲ್ಲಿ ತಾನೂ ಯೋಗಾಸನ ಮಾಡುವುದರೊಂದಿಗೆ ಆದರ್ಶ ಮೆರೆದರು.

    ಲೇಹ್ ನ ಸ್ಮಾರಕದಲ್ಲಿ ಸದ್ಗುರು ಯೋಗಾಚರಣೆ

    ಅಧ್ಯಾತ್ಮ ಗುರು ಸದ್ಗುರು ಜಗ್ಗಿ ವಾಸುದೇವ ಅವರು ಲೇಹ್ ನ ಹುತಾತ್ಮ ಸೈನಿಕರ ಸ್ಮಾರಕಕ್ಕೆ ನಮನ ಸಲ್ಲಿಸಿ. ಅಲ್ಲಿಯೇ ಯೋಗ ದಿನಾಚರಣೆ ಆಚರಿಸಿದರು. ನಮ್ಮೆಲ್ಲರ ಸಾಧನೆಗಳಿಗಿಂತ ನಮ್ಮ ಸೈನಿಕರ ತ್ಯಾಗ ಮತ್ತು ಸೇವೆ ದೊಡ್ಡದು ಎನ್ನುವ ಮೂಲಕ ಹುತಾತ್ಮ ಯೋಧರಿಗೆ ಸದ್ಗುರು ನಮನ ಸಲ್ಲಿಸಿದರು.

    ಯೋಧರ ಯೋಗದಿನಾಚರಣೆ

    ಭಾರತ-ಟಿಬೆಡ್ ಗಡಿ ಲಡಾಕ್ ನಲ್ಲಿ ಭಾರತೀಯ ಭದ್ರತಾ ಸಿಬ್ಬಂದಿ ಸೂರ್ಯ ನಮಸ್ಕಾರ ಮಾಡುವ ಮೂಲಕ ಯೋಗ ದಿನವನ್ನು ಆಚರಿಸಿದರು. ಮೈಕೊರೆವ ಚಳಿ ಮರೆತು, ವಿಶ್ವಕ್ಕೆ ಭಾರತ ನೀಡಿದ ಯೋಗದ ಮಹತ್ವವನ್ನು ಈ ರೀತಿ ತೋರಿಸಿಕೊಟ್ಟರು.

    ನದಿಯಲ್ಲೇ ಯೋಗದಿನಾಚರಣೆ

    ಅರುಣಾಚಲಪ್ರದೇಶದ ದಿಗಾರು ನದಿಯಲ್ಲಿ ಐಟಿಬಿಪಿ ಯೋಧರು ರಿವರ್ ಯೋಗ ಆಚರಿಸಿದರು. ನದಿಯಲ್ಲೇ ಯೋಗ ಮಾಡುವ ಮೂಲಕ ಯೋಗದಿನಕ್ಕೆ ಶುಭ ಹಾರೈಸಿದರು.

    ಶಾಂತಿ, ಸೌಹಾರ್ದಕ್ಕೆ ಯೋಗ

    ಶಾಂತಿ ಮತ್ತು ಸೌಹಾರ್ದಕ್ಕಾಗಿ ಯೋಗ ಎಂಬ ಘೋಷವಾಕ್ಯದೊಂದಿಗೆ ವಿಶ್ವಯೋಗದಿನಕ್ಕೆ ಶುಭ ಹಾರೈಸಿದ್ದಾರೆ ಖ್ಯಾತ ಮರಳು ಶಿಲ್ಪಿ ಸುದರ್ಶನ್ ಪಟ್ನಾಯಕ್. ಒಡಿಶಾದ ಪುರಿ ಬೀಚ್ ನಲ್ಲಿ ಈ ಸುಂದರ ಮರಳು ಚಿತ್ರವನ್ನು ಚಿತ್ರಿಸಿದ್ದಾರೆ ಪಟ್ನಾಯಕ್.

    ಪಿಯೂಷ್ ಗೋಯಲ್ ಯೋಗಾಚರಣೆ

    ಉತ್ತರ ಪ್ರದೇಶದ ಗ್ರೇಟರ್ ನೋಯ್ಡಾದಲ್ಲಿ ಕೇಂದ್ರ ರೈಲ್ವೇ ಸಚಿವ ಪಿಯೂಷ್ ಗೋಯಲ್ ವಿಶ್ವ ಯೋಗ ದಿನಾಚರಣೆ ಆಚರಿಸಿದ್ದು ಹೀಗೆ.

    ಚಿಕ್ಕಮಗಳೂರಿನಲ್ಲಿ ಯೋಗದಿನಾಚರಣೆ

    ಚಿಕ್ಕಮಗಳೂರಿನಲ್ಲಿ ಬಿಜೆಪಿ ಮುಖಂಡರಾದ ಸಂಸದೆ ಶೋಭಾ ಕರಂದ್ಲಾಜೆ ಮತ್ತು ಶಾಸಕ ಸಿ ಟಿ ರವಿ ಯೋಗ ದಿನ ಆಚರಿಸಿದರು. ದೈಹಿನ, ಮಾನಸಿಕ ಮತ್ತು ಅಧ್ಯಾತ್ಮಿಕ ಆರೋಗ್ಯಕ್ಕಾಗಿ ನಾವೆಲ್ಲ ಪ್ರತಿದಿನ ಯೋಗ ಮಾಡಬೇಕು ಎಂದು ಅವರು ಹೇಳಿದರು.

    ಎಚ್ ಡಿ ದೇವೇಗೌಡರ ಯೋಗಾಸನ

    ಮಾಜಿ ಪ್ರಧಾನಿ ಎಚ್ ಡಿ ದೇವೇಗೌಡ ಅವರು ತಮ್ಮ ಬೆಂಗಳೂರಿನ ನಿವಾಸದಲ್ಲಿ ಯೋಗ ಮಾಡಿದ್ದು ಹೀಗೆ!

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Whole world is celebrating International Yoga Day, today(June 21st). PM Narendra Modi performed Yoga in Dehradun in Uttarakhand. Here are few videos of International Yoga day

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more