GST ಜಾರಿಗೆ ಬಂದ ದಿನ ಜನಿಸಿದ ಮಗುವಿಗೆ ಜಿಎಸ್ ಟಿ ಎಂದು ನಾಮಕರಣ

Updated: Sunday, July 2, 2017, 14:51 [IST]

ಜೈಪುರ, ಜುಲೈ 02 : ಅಂದು ಜೂನ್ 30, ಕೇಂದ್ರ ಸರ್ಕಾರ ಏಕಮಾತ್ರ ತೆರಿಗೆ ವ್ಯವಸ್ಥೆಯಾದ ಸರಕು ಮತ್ತು ಸೇವಾ ತೆರಿಗೆ(ಜಿಎಸ್ ಟಿ) ಜಾರಿಗೆ ತಂದಿರುವ ದಿನ. ಈ ಬಗ್ಗೆಯೇ ಎಲ್ಲೆಡೆ ಚರ್ಚೆ ನಡೆದಿತ್ತು. ಇವುಗಳ ಮಧ್ಯೆ ರಾಜಸ್ತಾನದಲ್ಲಿ ತಾಯಿಯೊಬ್ಬರು ಜೂನ್ 30ರಂದು ಜನಿಸಿದ ತಮ್ಮ ಮಗುವಿಗೆ ಜಿಎಸ್ ಟಿ ಎಂದು ಹೆಸರಿಟ್ಟಿದ್ದಾರೆ.

ರಾಜಸ್ತಾನದ ಬಿಇವಾದಲ್ಲಿ ಮೊನ್ನೆ ಜೂನ್ 30 ಮಧ್ಯರಾತ್ರಿ 12 ಗಂಟೆ 2 ನಿಮಿಷಕ್ಕೆ ಗಂಡು ಮಗುವಿನ ಜನನವಾಗಿದೆ. ಜಿಎಸ್ ಟಿ ಜಾರಿಗೆ ಬಂದ ದಿನವೇ ಹುಟ್ಟಿದ ಮಗುವಿಗೆ ಜಿಎಸ್ ಟಿ ಎಂದು ಹೆಸರಿಡಲು ಮಗುವಿನ ತಾಯಿ ನಿರ್ಧರಿಸಿದ್ದಾರೆ. ಈ ಬಗ್ಗೆ ರಾಜಸ್ತಾನದ ಮುಖ್ಯಮಂತ್ರಿ ವಸುಂಧರಾ ರಾಜೆ ಟ್ವೀಟ್ ಮಾಡಿದ್ದಾರೆ.