ಸರ್ಕಾರದಿಂದ ಸಿಹಿ ಸುದ್ದಿ: ಉದ್ಯೋಗಿಗಳ ಭತ್ಯೆಗೆ ತೆರಿಗೆ ವಿನಾಯಿತಿ!

ನವದೆಹಲಿ, ಜೂನ್ 29: ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಪ್ರಸಕ್ತ ಸಾಲಿನ ಬಜೆಟ್ ನಲ್ಲಿ ಮಂಡಿಸಿದ ಹೊಸ ಆದಾಯ ತೆರಿಗೆ ಅವಧಿಯಲ್ಲಿ ಉದ್ಯೋಗದಾತರಿಂದ ಉದ್ಯೋಗಿಗಳಿಗೆ ಸಿಗುವ ಪ್ರಯಾಣ ಭತ್ಯೆ ಮೇಲೆ ಆದಾಯ ತೆರಿಗೆ ವಿನಾಯತಿ ಪಡೆದುಕೊಳ್ಳಬಹುದು.

ಕೇಂದ್ರೀಯ ನೇರ ತೆರಿಗೆ ಮಂಡಳಿ ( ಸಿಬಿಡಿಟಿ ) ಹೊಸ ಕಡಿಮೆ ತೆರಿಗೆ ದರಗಳ ವ್ಯವಸ್ಥೆಯಲ್ಲಿ ತೆರಿಗೆ ವಿನಾಯಿತಿ ಪಡೆದ ಉದ್ಯೋಗದಾತರಿಗೆ ಹೊಸ ಅಧಿಸೂಚನೆ ಹೊರಡಿಸಿದ್ದು, ಹೊಸ ತೆರಿಗೆ ನಿಯಮವು 2020 ರ ಏಪ್ರಿಲ್ 1 ರಿಂದ 2021 ರ ಮಾರ್ಚ್ 31 ರವರೆಗೆ ಗಳಿಕೆಗೆ ಅನ್ವಯಿಸುತ್ತದೆ. ಹೊಸ ನಿಯಮದ ಪ್ರಕಾರ, ಉದ್ಯೋಗದಾತ(employer)ರಿಂದ ಉದ್ಯೋಗಿ(employee)ಗಳು ಪಡೆಯುವ ಕೆಲವು ಭತ್ಯೆಗಳನ್ನು ತೆರಿಗೆ ವ್ಯಾಪ್ತಿಯಿಂದ ಹೊರಗಿಡಲಾಗುತ್ತದೆ .

ಉದ್ಯೋಗಿಗಳು ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 10 (14) ರ ಅಡಿಯಲ್ಲಿ ಪ್ರವಾಸ ಭತ್ಯೆ ಅಥವಾ ವರ್ಗಾವಣೆ ಭತ್ಯೆಗೆ ಅರ್ಹರಾಗಿದ್ದು, ತೆರಿಗೆ ವಿನಾಯಿತಿ ಪಡೆಯಬಹುದು. ಇದಲ್ಲದೆ, ಪ್ರಯಾಣದ ಸಮಯದಲ್ಲಿ ದಿನಭತ್ಯೆಗೆ ಪ್ರತಿಯಾಗಿ ಕಂಪನಿಯು ಪಡೆಯುವ ಭತ್ಯೆಗಳು ತೆರಿಗೆ ವಿನಾಯಿತಿಯ ವ್ಯಾಪ್ತಿಗೆ ಬರುತ್ತವೆ ಎಂದು ಈ ನಿಯಮ ಹೇಳುತ್ತದೆ.

ಅಂಗವಿಕಲ ಉದ್ಯೋಗಿಗಳಿಗೆ ಕಂಪನಿಯು ನೀಡುವ ಸಾರಿಗೆ ಭತ್ಯೆಯೂ ವಿನಾಯಿತಿ ವ್ಯಾಪ್ತಿಗೆ ಬರುತ್ತದೆ . ಅವರು ತಿಂಗಳಿಗೆ 3,200 ರೂ . ಗಳವರೆಗೆ ರಿಯಾಯಿತಿ ಪಡೆಯಬಹುದು.

ಸಂಸ್ಥೆಯಿಂದ ನೀಡಲಾಗುವ ಉಚಿತ ಆಹಾರ, ಆಲ್ಕೋಹಾಲ್ ರಹಿತ ಪಾನೀಯಗಳ ಮೇಲೆ ವಿನಾಯಿತಿ ಇರುವುದಿಲ್ಲ ಎಂದು ಸಿಬಿಡಿಟಿ ಹೇಳಿದೆ.

English summary

The government has allowed individuals under new lower tax regime to claim I-T exemption on conveyance allowance received from employers.