Haunted Places: ನೀವು ದೆವ್ವಗಳಿಗೆ ಹೆದರದಿದ್ದರೆ ಮಾತ್ರ ಈ ಸ್ಥಳಗಳಿಗೆ ಭೇಟಿ ನೀಡಿ...

ದೆವ್ವ ನಿಜವಾಗಿಯೂ ಅಸ್ತಿತ್ವದಲ್ಲಿದೆಯೇ? ಇದು ನಮ್ಮ ಮನಸ್ಸಿನಲ್ಲಿ ಬೆಳೆಯುತ್ತಿರುವ ಪ್ರಶ್ನೆ. ಈ ಪ್ರಶ್ನೆಗೆ ಈಗಲೂ ಸರಿಯಾದ ಉತ್ತರ ಸಿಕ್ಕಿಲ್ಲ. ದೆವ್ವಗಳ ಅಸ್ತಿತ್ವವನ್ನು ಸಾಬೀತುಪಡಿಸಲು ಕೆಲ ಪುರಾವೆಗಳಿವೆ. ಇವು ಭಯದ ಭಾವನೆಯನ್ನು ಸೃಷ್ಟಿಸುತ್ತವೆ. 'ಹಾಂಟೆಡ್' ಎಂಬ ಟ್ಯಾಗ್ ಅನ್ನು ಹೊಂದಿರುವ ಕಟ್ಟಡ ಅಥವಾ ಸ್ಥಳಕ್ಕೆ ಭೇಟಿ ನೀಡುವ ಮೂಲಕ ಕೆಲ ಸಾಧನಗಳನ್ನು ಬಳಸಿ ಆ ಸ್ಥಳಗಳಲ್ಲಿ ದೆವ್ವಗಳು ವಾಸವಾಗಿವೆ ಇಲ್ಲವೆ ಎಂದು ಹೇಳಲಾಗುತ್ತದೆ. ಹೀಗಾಗಿ ಅಂತಹ ಸ್ಥಳಗಳಿಗೆ ಹೋಗಲು ಅನೇಕರು ಹೆದರುತ್ತಾರೆ.

ಆದರೆ ಕೆಲವು ಅಡ್ರಿನಾಲಿನ್ ಅನ್ವೇಷಕರು ಈ ಅವಕಾಶವನ್ನು ಕಳೆದುಕೊಳ್ಳುವುದಿಲ್ಲ. ಅಂತವರಿಗಾಗಿ ಭಾರತದಲ್ಲಿ ದೆವ್ವ ಇರುವ ಸ್ಥಳ ಎಂದು ಹೇಳಲಾಗುವ ಸ್ಥಳಗಳ ಪಟ್ಟಿಯನ್ನು ಇಂಡಿಯಾ ಟುಡೆ ಸಂಗ್ರಹಿಸಿದೆ. ಅಡ್ರಿನಾಲಿನ್ ಹುಡುಕುವ ಪ್ರಯತ್ನದಲ್ಲಿರುವವರು ತಮ್ಮ ಸ್ವಂತ ಅಪಾಯದಲ್ಲಿ ಈ ಸ್ಥಳಗಳಿಗೆ ಭೇಟಿ ನೀಡಬಹುದು. ಹಾಗಾದರೆ ಆ ಸ್ಥಳಗಳು ಯಾವವು? ಎಲ್ಲೆವೆ? ಎಂದು ತಿಳಿಯೋಣ.

ಭಂಗರ್ ಕೋಟೆ, ರಾಜಸ್ಥಾನ (Bhangarh Fort, Rajasthan)

ಬಹುಶಃ ಭಾರತದಲ್ಲಿ ಅತಿ ಹೆಚ್ಚು ದೆವ್ವವಿರುವ ಸ್ಥಳಗಳ ಬಗ್ಗೆ ಸಂಶೋಧನೆ ನಡೆಸಿದ ಪ್ರತಿಯೊಬ್ಬರೂ ರಾಜಸ್ಥಾನದ ಅಲ್ವಾರ್ ಪ್ರದೇಶದಲ್ಲಿರುವ ಭಂಗರ್ ಕೋಟೆಯನ್ನು ನೋಡಿರುತ್ತಾರೆ. ಈ ಭಂಗರ್ ಕೋಟೆಯಲ್ಲಿ ದೆವ್ವ ವಾಸವಾಗಿದೆ ಎಂದು ಹೇಳಲಾಗುತ್ತದೆ.

ಒಂದು ದಂತಕಥೆಯ ಪ್ರಕಾರ, ಒಬ್ಬ ಸಾಧು ಕೋಟೆಯ ಪ್ರದೇಶದಲ್ಲಿ ವಾಸಿಸುತ್ತಿದ್ದರು. ಕೋಟೆಯ ಆವರಣದಲ್ಲಿ ನಿರ್ಮಿಸಲಾದ ಯಾವುದೇ ಮನೆಯು ತನ್ನ ಮನೆಗಿಂತ ಎತ್ತರವಾಗಿರಬಾರದು ಅಥವಾ ಅವನ ನಿವಾಸದ ಮೇಲೆ ನೆರಳು ಬೀಳುವಂತಿರಬಾರದು ಎಂಬುದು ಆತನ ಆದೇಶವಾಗಿತ್ತು. ಅಂತಹ ಯಾವುದೇ ಮನೆಯ ನೆರಳು ಅವನ ಮನೆಯ ಮೇಲೆ ಬಿದ್ದರೆ, ಅದನ್ನು ಕೋಟೆ ಆವರಣದಲ್ಲಿ ನಾಶಪಡಿಸಲಾಗುತ್ತಿತ್ತು. ಒಂದು ದಿನ ಸಾಧುವಿನ ಮನೆಯ ಮೇಲೆ ನೆರಳು ನೀಡು ಕಟ್ಟಡ ನಿರ್ಮಾಣವಾಯಿತು. ಇದರ ಪರಿಣಾಮವಾಗಿ ಕೋಟೆ ಮತ್ತು ಸುತ್ತಮುತ್ತಲಿನ ಪಟ್ಟಣಗಳು ನಾಶವಾದವು. ಇಂದು ಒಂದು ಕಥೆಯಾದರೆ, ಮತ್ತೊಂದು ಕಥೆ ಇಲ್ಲಿ ಜೀವಂತವಾಗಿದೆ.

ಚತ್ರನ ಮಗಳಾದ ಸುಂದರ ರಾಜಕುಮಾರಿ ರತ್ನಾವತಿಯನ್ನು ಒಳಗೊಂಡ ಮತ್ತೊಂದು ಕಥೆ ಇಲ್ಲಿ ಕೇಳಿ ಬರುತ್ತದೆ. ನಗರದಲ್ಲಿ ವಾಸವಾಗಿದ್ದ ಮತ್ತು ಮಾಟಮಂತ್ರವನ್ನು ಅಭ್ಯಾಸ ಮಾಡುತ್ತಿದ್ದ ತಂತ್ರಿಯೊಬ್ಬ ರಾಜಕುಮಾರಿ ರತ್ನಾವತಿಯನ್ನು ಪ್ರೀತಿಸುತ್ತಿದ್ದನು. ಆದರೆ ರತ್ನಾವತಿ ಆತನನ್ನು ಎಂದಿಗೂ ಪ್ರೀತಿಸುವುದಿಲ್ಲ ಎಂದು ಅವನಿಗೆ ತಿಳಿದಿತ್ತು. ಆದ್ದರಿಂದ ಅವನು ಅವಳಿಗೆ ಮಾಟ ಮಾಡಿ ಒಲಿಸಿಕೊಳ್ಳಲು ನಿರ್ಧರಿಸಿದನು.

ಒಂದು ದಿನ ಆತ ರಾಜಕುಮಾರಿಯ ಸೇವಕಿಯೊಬ್ಬಳು ಹಳ್ಳಿಯಲ್ಲಿ ರಾಜಕುಮಾರಿಗಾಗಿ ಸುಗಂಧ ದ್ರವ್ಯವನ್ನು ಖರೀದಿಸುವುದನ್ನು ನೋಡಿದನು. ಸೇವಕಿ ಖರೀದಿಸಬೇಕಿದ್ದ ಸುಗಂದ ದ್ರವ್ಯದ ಬದಲಾಗಿ ತನ್ನ ಮಾಟದ ದ್ರವ್ಯವನ್ನು ಇರಿಸಿದನು. ರತ್ನಾವತಿಯು ಅದನ್ನು ಹಚ್ಚಿದ ನಂತರ ಅವನೊಂದಿಗೆ ಪ್ರೀತಿಯಲ್ಲಿ ಬೀಳುವಂತೆ ಅವನು ಅವಳ ಮೇಲೆ ಮಾಟ ಮಾಡಿದನು.

ಆದರೆ ತಂತ್ರಿಯ ದುಷ್ಟ ಉದ್ದೇಶ ರಾಜಕುಮಾರಿಗೆ ತಿಳಿಯಿತು. ಅವಳು ಸುಗಂಧ ದ್ರವ್ಯದ ಬಾಟಲಿಯನ್ನು ಒಂದು ಬಂಡೆಯ ಮೇಲೆ ಎಸೆದಳು. ಆಗ ಆ ಬಂಡೆ ತಂತ್ರಿಯ ಮೇಲೆ ಬಿದ್ದಿತು. ಅವನು ಅದರ ತೂಕದ ಅಡಿಯಲ್ಲಿ ಸಿಕ್ಕಿಕೊಂಡು ಸಾಯುವ ಮೊದಲು ರಾಜಕುಮಾರಿ, ಅವಳ ಕುಟುಂಬ ಮತ್ತು ನಗರವನ್ನು ಶಪಿಸಿದನು. ಹೀಗಾಗಿ ತಂತ್ರಿಯ ಆತ್ಮ ಈ ಕೋಟೆಯ ಸುತ್ತ ಸುತ್ತುತ್ತಿದೆ. ಸುಂದರಿ ರಾಜಕುಮಾರಿಗಾಗಿ ಕಾಯುತ್ತಿದೆ ಎಂದು ಹೇಳಲಾಗುತ್ತದೆ. ಹೀಗಾಗಿ ಇಲ್ಲಿ ನಿಗೂಢ ಘಟನೆಗಳು ಆಗಾಗ ನಡೆಯುತ್ತಿರುತ್ತವೆ. ವಿಚಿತ್ರ ಶಬ್ದಗಳು ಈ ಸ್ಥಳದಲ್ಲಿ ಕೇಳಿ ಬಂದಿವೆ.

ಹೀಗಾಗಿ ಭಾರತೀಯ ಪುರಾತತ್ವ ಇಲಾಖೆಯು ಈ ಸ್ಥಳವನ್ನು ಅಪಾಯಕಾರಿ ಎಂದು ಪರಿಗಣಿಸಿದೆ. ಕತ್ತಲೆಯ ನಂತರ ಕೋಟೆಯ ಆವರಣವನ್ನು ಪ್ರವೇಶಿಸುವುದು ಕಾನೂನುಬಾಹಿರವಾಗಿದೆ.

ಡೌ ಹಿಲ್, ಕುರ್ಸಿಯಾಂಗ್ (Dow Hill, Kurseong)

ಡಾರ್ಜಿಲಿಂಗ್ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಆದರೆ ಕುರ್ಸಿಯೊಂಗ್ ಎಂಬ ಈ ಸಣ್ಣ ಪಟ್ಟಣದ ಅಸ್ತಿತ್ವದ ಬಗ್ಗೆ ನಿಮಗೆ ತಿಳಿದಿದೆಯೇ? ಇದು ಡಾರ್ಜಿಲಿಂಗ್‌ನಿಂದ ಸುಮಾರು 30 ಕಿಮೀ ದೂರದಲ್ಲಿದೆ. ಡೌ ಹಿಲ್ಸ್ ಕುರ್ಸಿಯಾಂಗ್ ಪಟ್ಟಣದ ಮೇಲ್ಭಾಗದಲ್ಲಿದೆ ಮತ್ತು ಈ ಸ್ಥಳಕ್ಕೆ ಸಂಬಂಧಿಸಿದ ಹಲವಾರು ವಿಲಕ್ಷಣ ಕಥೆಗಳಿವೆ.

ಇದು ಸುಂದರವಾದ ಗಿರಿಧಾಮ. ಇಲ್ಲಿ ಕೆಲವು ಭಯಾನಕ ಕಥೆಗಳು ಇವೆ. ಹಲವಾರು ವರ್ಷಗಳಿಂದ ಈ ಕಥೆಗಳಿಗೆ ಹೋಲುವಂತ ಘಟನೆಗಳು ಇಲ್ಲಿ ನಡೆದಿವೆ ಎನ್ನಲಾಗುತ್ತಿದೆ. ಹಗಲು ಅಥವಾ ರಾತ್ರಿ, ಅಸಮಾನ್ಯ ಚಟುವಟಿಕೆಗಳು ಇಲ್ಲಿ ಎಂದಿಗೂ ನಿಲ್ಲುವುದಿಲ್ಲ. ಹೀಗಾಗಿ ಡೌ ಹಿಲ್ ರಸ್ತೆ ಮತ್ತು ಅರಣ್ಯ ಕಚೇರಿ ನಡುವೆ ಇರುವ 'ಡೆತ್ ರೋಡ್' ಅನ್ನು ತಪ್ಪಿಸಲು ಪ್ರವಾಸಿಗರನ್ನು ಕೇಳಲಾಗುತ್ತದೆ. ಸ್ಥಳೀಯ ಮರ ಕಡಿಯುವವರು ಯುವಕನ ತಲೆಯಿಲ್ಲದ ದೆವ್ವವು ಕಾಡಿನಲ್ಲಿ ನಡೆದು ಕಣ್ಮರೆಯಾಗುತ್ತಿರುವುದನ್ನು ನೋಡಿದ್ದಾರೆ. ಜನರು ಅನುಭವಿಸಿದ ಕೆಲ ಘಟನೆಗಳನ್ನು ವರದಿ ಮಾಡಲಾಗಿದೆ. ಈ ಸ್ಥಳವು ಬೂದು ವಸ್ತ್ರವನ್ನು ಧರಿಸಿರುವ ಮಹಿಳೆಯ ಪ್ರೇತದಿಂದ ಕಾಡುತ್ತದೆ ಎಂದು ಹೇಳಲಾಗುತ್ತದೆ.

ಕುಲಧಾರ ಗ್ರಾಮ, ರಾಜಸ್ಥಾನ (Kuldhara Village, Rajasthan)

ಭಂಗರ್ ಕೋಟೆಯ ನಂತರ, ಸ್ಪೂಕಿ ಮತ್ತು ಅಸಮಾನ್ಯ ಚಟುವಟಿಕೆಗಳಿಗೆ ಕುಖ್ಯಾತವಾಗಿರುವ ಒಂದು ಸ್ಥಳವಿದ್ದರೆ, ಅದು ಕುಲಧಾರ ಗ್ರಾಮ. 300 ವರ್ಷಗಳ ಹಿಂದೆ, ಕುಲಧಾರ ಜೈಸಲ್ಮೇರ್ ರಾಜ್ಯದ ಪಾಲಿವಾಲ್ ಬ್ರಾಹ್ಮಣರ ಸಮೃದ್ಧ ಗ್ರಾಮವಾಗಿತ್ತು. ರಾಜ್ಯದ ಪ್ರಬಲ ಮತ್ತು ದಡ್ಡ ಪ್ರಧಾನ ಮಂತ್ರಿ ಸಲೀಂ ಸಿಂಗ್ ಅವರ ದುಷ್ಟ ಕಣ್ಣುಗಳು ಗ್ರಾಮದ ಮುಖ್ಯಸ್ಥನ ಮಗಳ ಮೇಲೆ ಬಿದ್ದಿತು.

ಅವನು ಅವಳನ್ನು ಬಲವಂತವಾಗಿ ಮದುವೆಯಾಗಲು ಬಯಸಿದನು. ತನ್ನ ಆಸೆಯನ್ನು ಈಡೇರಿಸದಿದ್ದರೆ ಗ್ರಾಮಕ್ಕೆ ಭೀಕರ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಬೆದರಿಕೆ ಹಾಕಿದ್ದನು. ಸಲೀಂನ ಆಸೆಗಳಿಗೆ ಬದ್ಧರಾಗುವ ಬದಲು, ಪಲಿವಾಲರು ಸಭೆ ನಡೆಸಿ ಸ್ಥಳವನ್ನು ತ್ಯಜಿಸಲು ನಿರ್ಧರಿಸಿದರು. 85 ಹಳ್ಳಿಗಳ ಜನರು ತಮ್ಮ ಪೂರ್ವಜರ ಮನೆಗಳನ್ನು ತೊರೆದು ಕಣ್ಮರೆಯಾದರು. ಆದರೆ ಊರು ತೊರೆಯುವ ಮೊದಲು ಶಾಪ ಹಾಕಿದರು. ಅವರ ಶಾಪದ ಬಳಿಕ ಗ್ರಾಮದಲ್ಲಿ ಯಾರೂ ಕೂಡ ನೆಲೆಸಲು ಸಾಧ್ಯವಾಗಿಲ್ಲ. ಹೀಗಾಗಿ ಇದು ವರ್ಷಗಳಿಂದ ಖಾಲಿಯಾಗಿದೆ.

ಮಲ್ಚಾ ಮಹಲ್, ದೆಹಲಿ (Malcha Mahal, Delhi)

ಮಲ್ಚಾ ಮಹಲ್ ನವ ದೆಹಲಿಯ ಚಾಣಕ್ಯಪುರಿ ಪ್ರದೇಶದಲ್ಲಿ ತುಘಲಕ್ ಕಾಲದ ಬೇಟೆಯ ವಸತಿಗೃಹವಾಗಿದೆ. ಇದನ್ನು 1325 ರಲ್ಲಿ ದೆಹಲಿಯ ಸುಲ್ತಾನರ ಆಳ್ವಿಕೆ ನಡೆಸಿದ ಫಿರೋಜ್ ಶಾ ತುಘಲಕ್ ನಿರ್ಮಿಸಿದರು. ಅವಧ್‌ನ ಸ್ವಯಂ ಘೋಷಿತ 'ಬೇಗಂ ವಿಲಾಯತ್ ಮಹಲ್' ಈ ಸ್ಥಳದಲ್ಲಿ ವಾಸಿಸಿದ್ದರಿಂದ ಇದನ್ನು ವಿಲಾಯತ್ ಮಹಲ್ (ಮಲ್ಚಾ ಮಹಲ್) ಎಂದು ಕರೆಯಲಾಗುತ್ತದೆ. ಅವಳು ಔಧ್‌ನ ರಾಜಮನೆತನದ ಸದಸ್ಯೆ ಎಂದು ಹೇಳಿಕೊಂಡಿದ್ದರಿಂದ ಮೇ 1985 ರಲ್ಲಿ ಭಾರತ ಸರ್ಕಾರವು ಈ ಸ್ಥಳವನ್ನು ನೀಡಿತು ಎಂದು ವರದಿಯಾಗಿದೆ.

ವಿಲಾಯತ್ 62 ನೇ ವಯಸ್ಸಿನಲ್ಲಿ ಆತ್ಮಹತ್ಯೆ ಮಾಡಿಕೊಂಡರು. ಅವಳ ಮರಣದ ನಂತರ, ಅವಳ ಮಗಳು ಸಕೀನಾ ವಾಸಿಸುತ್ತಿದ್ದರು. ಮಗ ಪ್ರಿನ್ಸ್ ಅಲಿ ರಜಾ ಅವರು 2017 ರಲ್ಲಿ ನಿಧನರಾದರು. ಆದರೆ ಸಕೀನಾ ಅವರ ಸಾವನ್ನು ಖಚಿತಪಡಿಸಲು ಸಾಧ್ಯವಾಗಿಲ್ಲ. ಮಲ್ಚಾ ಮಹಲ್ ಕಾಡಿನ ಮಧ್ಯದಲ್ಲಿದೆ. 'ಹೋಗು' ಎಂಬ ಪದದಿಂದ ವಿಲಕ್ಷಣತೆಯ ಕೂಗು ಇಲ್ಲಿ ಕೇಳಿ ಬರುತ್ತದೆ ಎನ್ನಲಾಗುತ್ತದೆ. ಮೂಲಭೂತ ಸೌಕರ್ಯಗಳಿಲ್ಲದ ಈ ಸ್ಥಳದಲ್ಲಿ ಅವರ ಅಸ್ತಿತ್ವ ಮತ್ತು ಅವರ ಮರಣ ಎರಡೂ ಕೂಡ ಊಹಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಆದರೆ ಇಲ್ಲಿ ಸಾಕಷ್ಟು ಭಯಾನಕ ಘಟನೆಗಳು ನಡೆದಿವೆ.

ಮುಕೇಶ್ ಮಿಲ್ಸ್, ಮುಂಬೈ (Mukesh Mills, Mumbai)

ಮುಂಬೈನ ಕೊಲಾಬಾದ ನೆರೆಹೊರೆಯಲ್ಲಿ 1800 ರ ದಶಕದ ಅಂತ್ಯ ಮತ್ತು 1900 ರ ದಶಕದ ಆರಂಭದ ನಡುವೆ ಮುಖೇಶ್ ಮಿಲ್ಸ್ ಅನ್ನು ಸ್ಥಾಪಿಸಲಾಗಿದೆ ಎಂದು ನಂಬಲಾಗಿದೆ. 1982 ರಲ್ಲಿ ಆಕಸ್ಮಿಕ ವಿನಾಶಕಾರಿ ಬೆಂಕಿ ಮಿಲ್ ಅನ್ನು ಸುಟ್ಟುಹಾಕಿತು. ಕಟ್ಟಡದಲ್ಲಿ ಸಿಕ್ಕಿಬಿದ್ದ ಹಲವು ಗಿರಣಿ ಕಾರ್ಮಿಕರು ಸಾವನ್ನಪ್ಪಿದರು.

ಆ ಸಮಯದಲ್ಲಿ ಹೆಚ್ಚುತ್ತಿರುವ ಕಾರ್ಮಿಕ ಬಿಕ್ಕಟ್ಟು ಮತ್ತು ಶೋಷಣೆಯಿಂದಾಗಿ ಗಿರಣಿ ಕಾರ್ಮಿಕರು ಮತ್ತು ಮಾಲೀಕರ ನಡುವಿನ ಸಂಘರ್ಷ ನಡೆದಿದ್ದವು. 1929 ರ ಬಾಂಬೆ ಮಿಲ್ ವರ್ಕರ್ಸ್ ಸ್ಟ್ರೈಕ್ ಮತ್ತು ವಿಶ್ವ ಸಮರ II ರ ಆರ್ಥಿಕ ಕುಸಿತದ ಪರಿಣಾಮವಾಗಿ, ಗಿರಣಿಗಳು ನಿಧಾನಗತಿಯ ಕುಸಿತಕ್ಕೆ ಒಳಗಾದವು. 2000 ರಲ್ಲಿ ಗಿರಣಿಗಳು ಮುಚ್ಚಲ್ಪಟ್ಟವು. ಬಳಿಕ 1982 ರಲ್ಲಿ ಅಗ್ನಿ ದುರಂತದ ನಂತರ ಮುಕೇಶ್ ಮಿಲ್ಸ್ ನಲ್ಲಿ ದೆವ್ವದ ಘಟನೆಗಳು ನಡೆದಿರುವ ವರದಿಗಳಿವೆ.

English summary

How much do you know about these reputed haunted places in India?