Chandrayaan 3 Landing Live: ಚಂದ್ರಯಾನ-3 ಸಕ್ಸಸ್: ವಿಕ್ರಂನಿಂದ ಮೂರುವರೆ ಗಂಟೆಗಳ ಬಳಿಕ ಪ್ರಗ್ಯಾನ್ ರೋವರ್ ಹೊರಕ್ಕೆ

Updated: Thursday, August 24, 2023, 14:03 [IST]

ಚಂದ್ರನ ಮೇಲೆ ಗಗನ ನೌಕೆಯಿಂದ ಬೇರ್ಪಟ್ಟ ವಿಕ್ರಮ್ ಲ್ಯಾಂಡರ್‌ ಯಶಸ್ವಿಯಾಗಿ ಇಳಿದಿದೆ. ಇಸ್ರೋ ವಿಜ್ಞಾನಿಗಳು ಹಗಲಿರುಳು ಪಟ್ಟ ಶ್ರಮಕ್ಕೆ ತಕ್ಕ ಫಲ ಇಂದು ಸಿಕ್ಕಿದೆ. ಇದರಿಂದಾಗಿ ದೇಶದೆಲ್ಲೆಡೆ ಸಂಭ್ರಮ ಮನೆ ಮಾಡಿದೆ. ಇಸ್ರೋ ವಿಜ್ಞಾನಿಗಳಿಗೆ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ. ದೇಶದ ಸಹಸ್ರ ಜನರ ಪ್ರಾರ್ಥನೆ ಫಲಿಸಿದೆ. ಇನ್ನೂ ಚಂದ್ರಯಾನ-3ರ ವಿಕ್ರಮ್ ಲ್ಯಾಂಡರ್‌ನಿಂದ ಯಶಸ್ವಿಯಾಗಿ ಪ್ರಗ್ಯಾನ್ ರೋವರ್ ಹೊರಬರಬೇಕಿದೆ. ಚಂದ್ರಯಾನ 3 ಲ್ಯಾಂಡಿಂಗ್ ಕುರಿತು ಇತ್ತೀಚಿನ ನವೀಕರಣಗಳಿಗಾಗಿ ಇಲ್ಲಿ ವೀಕ್ಷಿಸಿ.

Aug 24, 2023, 11:09 am IST

ಇಸ್ರೋ ಕೇಂದ್ರಕ್ಕೆ ಭೇಟಿ ನೀಡಿ ವಿಜ್ಞಾನಿಗಳಿಗೆ ಅಭಿನಂದನೆ ಸಲ್ಲಿಸಿದ ಸಿಎಂ ಸಿದ್ದರಾಮಯ್ಯ

Aug 24, 2023, 8:38 am IST

ಚಂದ್ರಯಾನ 3 ಯಶಸ್ವಿ; ಇಸ್ರೋ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ ದ್ರೌಪದಿ ಮುರ್ಮು

ಪ್ರಗ್ಯಾನ್-ರೋವರ್ ಅನ್ನು ಯಶಸ್ವಿಯಾಗಿ ನಿಯೋಜಿಸಿದ್ದಕ್ಕಾಗಿ ನಾನು ಮತ್ತೊಮ್ಮೆ ಇಸ್ರೋ ತಂಡವನ್ನು ಮತ್ತು ಎಲ್ಲಾ ಸಹ ನಾಗರಿಕರನ್ನು ಅಭಿನಂದಿಸುತ್ತೇನೆ ಎಂದು ದ್ರೌಪದಿ ಮುರ್ಮು ಹೇಳಿದ್ದಾರೆ. ವಿಕ್ರಮ್ ಲ್ಯಾಂಡಿಂಗ್ ಆದ ಕೆಲವೇ ಗಂಟೆಗಳ ನಂತರ ಚಂದ್ರಯಾನ 3 ರ ಮತ್ತೊಂದು ಹಂತದ ಯಶಸ್ಸನ್ನು ಗುರುತಿಸಲಾಗಿದೆ.

Aug 24, 2023, 7:55 am IST

ಚಂದ್ರಯಾನ-3: ಭಾರತವನ್ನು ಶ್ಲಾಘಿಸಿದ ಅಮೆರಿಕ

ಅಮೆರಿಕದ ರಾಜಕಾರಣಿಗಳು, ಪತ್ರಿಕೆಗಳು ಮತ್ತು ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಗಳು ಚಂದ್ರಯಾನ-3 ರ ಯಶಸ್ವಿ ಚಂದ್ರನ ಲ್ಯಾಂಡಿಂಗ್‌ನಲ್ಲಿ ಭಾರತವನ್ನು ಬುಧವಾರ ಶ್ಲಾಘಿಸಿದೆ. ಭಾರತವು ಚಂದ್ರನ ದಕ್ಷಿಣ ಧ್ರುವ ಪ್ರದೇಶದಲ್ಲಿ ತನ್ನ ರೋವರ್ ಅನ್ನು ಹೊಂದಿರುವ ಗಣ್ಯ ಗುಂಪಿನಲ್ಲಿ ಮೊದಲ ದೇಶವಾಗಿದೆ.

Aug 24, 2023, 7:55 am IST

ಜೋಹಾನ್ಸ್‌ಬರ್ಗ್‌ನಲ್ಲಿ ಬುಧವಾರ ನಡೆದ ಬ್ರಿಕ್ಸ್ ಶೃಂಗಸಭೆಯ ಸಂದರ್ಭದಲ್ಲಿ ನಡೆದ ಔತಣಕೂಟದಲ್ಲಿ, ಚಂದ್ರಯಾನ-3 ರ ಯಶಸ್ಸಿಗೆ ಬಾಂಗ್ಲಾದೇಶದ ಪ್ರಧಾನಿ ಶೇಖ್ ಹಸೀನಾ ಸೇರಿದಂತೆ ಹಲವಾರು ವಿಶ್ವ ನಾಯಕರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಅಭಿನಂದಿಸಿದರು.

Feeling the fervour all the way from Johannesburg for Chandrayaan-3!

The enthusiasm of our diaspora in South Africa for India's achievements in the space sector is truly gladdening. pic.twitter.com/ApPdiQI9Fd
— Narendra Modi (@narendramodi) August 23, 2023

Aug 24, 2023, 7:54 am IST

ಚಂದ್ರಯಾನ-3 ಅನ್ನು ಚಂದ್ರನ ಮೇಲ್ಮೈಯಲ್ಲಿ ಯಶಸ್ವಿಯಾಗಿ ಇಳಿಸಿದ ನಂತರ ದಕ್ಷಿಣ ಆಫ್ರಿಕಾದ ಜೋಹಾನ್ಸ್‌ಬರ್ಗ್‌ನಲ್ಲಿರುವ ಭಾರತೀಯ ಸಮುದಾಯವು ಪ್ರಧಾನಿ ಮೋದಿಯವರನ್ನು ಸ್ವಾಗತಿಸಿತು.

Aug 23, 2023, 11:15 pm IST

ಇಸ್ರೋಗೆ ಯುಎಸ್‌ ರಾಯಭಾರಿ ಅಭಿನಂದನೆ

ಚಂದ್ರಯಾನ-3 ಯಶಸ್ವಿಯಾಗಿ ಚಂದ್ರನ ಮೇಲೆ ಇಳಿಯುತ್ತಿದ್ದಂತೆ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಮತ್ತು ಮತ್ತು ವಿಜ್ಞಾನಿಗಳ ತಂಡಕ್ಕೆ ಭಾರತದಲ್ಲಿನ ಯುಎಸ್ ರಾಯಭಾರಿ ಎರಿಕ್ ಗಾರ್ಸೆಟ್ಟಿ ಅವರು ಅಭಿನಂದಿಸಿದ್ದಾರೆ. ಸಾಮಾಜಿಕ ಮಾಧ್ಯಮ 'X' ನಲ್ಲಿ ಪೋಸ್ಟ್ ಮಾಡಿ ಶುಭಾಶಯ ಕೋರಿದ್ದಾರೆ. USIndiaSpace ಸಹಯೋಗಕ್ಕಾಗಿ ನಾನು ಮುಂದೆ ರೋಮಾಂಚಕಾರಿ ಅವಕಾಶಗಳನ್ನು ನೋಡಬಹುದು ಎನ್ನುವ ಮೂಲಕ ಭಾರತ ಜೊತೆಗೆ ಯುಎಸ್ ಬಾಹ್ಯಾಕಾಶ ಸಹಯೋಗ ಸಾಧ್ಯತೆಗಳನ್ನು ಅವರು ಬಹಿರಂಗಪಡಿಸಿದ್ದಾರೆ.

US envoy Eric Garcetti congratulates India, ISRO on success of Chandrayaan-3

Read @ANI Story | https://t.co/vom41WTm8y #Chandrayaan3 #ISRO #US pic.twitter.com/4Mo8nCVf5K
— ANI Digital (@ani_digital) August 23, 2023

Aug 23, 2023, 11:02 pm IST

ಲ್ಯಾಂಡರ್‌ನಿಂದ ಹೊರ ಬಂದ ರೋವರ್ ಪ್ರಗ್ಯಾನ್

ಚಂದ್ರಯಾನ 3 ಯಶಸ್ವಿ ಹಂತದ ಕೊನೆಯ ಭಾಗವಾಗಿ ಲ್ಯಾಂಡರ್‌ನಿಂದ ರೋವರ್ ಪ್ರಗ್ಯಾನ್ ಯಶಸ್ವಿಯಾಗಿ ಹೊರ ಬಂದಿದೆ. ಮುಂದಿನ ಭೂಮಿಯ 14 ದಿನ ಹಾಗೂ ಚಂದ್ರ ಒಂದು ದಿನ ಕಾರ್ಯಾಚರಣೆ ಆರಂಭಿಸಲಿದೆ. ಚಂದ್ರನ ಮೇಲ್ಮೈ, ನೀರು, ಕಿರಣಗಳಲ್ಲಿನ ಬದಲಾವಣೆ ಸೇರಿದಂತೆ ಹತ್ತು ಹಲವು ವಿಷಯಗಳ ಮೇಲೆ ಅಧ್ಯಯನ ಮಾಡಲಿದೆ ಎಂದು ತಿಳಿಸಿದೆ. ಈಗಾಗಲೇ ಪ್ರಗ್ಯಾನ್ ಕೆಲವು ಚಿತ್ರಗಳನ್ನು ಇಸ್ರೋಗೆ ಕಳುಹಿಸಿದೆ.

Aug 23, 2023, 10:28 pm IST

ಚಂದ್ರ ಆಯ್ತು ಈಗ ಸೂರ್ಯನತ್ತ ಆದಿತ್ಯ ಎಲ್ 1

ಚಂದ್ರನ ಮೇಲೆ ಕಾಲಿಡುತ್ತಿದ್ದಂತೆ ಸೂರ್ಯನನ್ನು ಅಧ್ಯಯನ ಮಾಡಲು ಆದಿತ್ಯ-ಎಲ್1 ಮಿಷನ್ ಅನ್ನು ಮುಂದಿನ ತಿಂಗಳು ಉಡಾವಣೆ ಮಾಡಲಿದೆ ಎಂದು ಇಸ್ರೋ ಮುಖ್ಯಸ್ಥ ಎಸ್ ಸೋಮನಾಥ್ ತಿಳಿಸಿದ್ದಾರೆ. ವಿಕ್ರಮ್ ಲ್ಯಾಂಡರ್‌ ಲ್ಯಾಂಡ್ ಆಗುತ್ತಿದ್ದಂತೆ ಮಾತನಾಡಿ ಅವರು ಅಧಿಕೃತ ಮಾಹಿತಿ ನೀಡಿದರು.

Aug 23, 2023, 10:17 pm IST

ಚಂದ್ರಯಾನ-3: ಎಂಪಿ ಕಪಿಲ್ ಸಿಬಲ್ ಪ್ರತಿಕ್ರಿಯೆ

ಚಂದ್ರಯಾನ 3 ಯಶಸ್ಸು ಇಸ್ರೋಗೆ ಮಾತ್ರವಲ್ಲ, ಭಾರತದ ಪ್ರತಿಯೊಬ್ಬ ನಾಗರಿಕರಿಗೂ ಐತಿಹಾಸಿಕ ಕ್ಷಣವಾಗಿದೆ. ಇದು ವರ್ಷಗಳು ಮತ್ತು ವರ್ಷಗಳ ಕಾಲ ನೆನಪಿನಲ್ಲಿ ಉಳಿಯುವ ಕ್ಷಣ. ಇದು ಭಾರತದ ವಿಜ್ಞಾನಿಗಳಿಗೆ ಮತ್ತು ಭಾರತದ ಪ್ರತಿಯೊಬ್ಬರಿಗೂ ಇದು ಒಂದು ಹೆಗ್ಗುರುತು ಸಾಧನೆ ಮತ್ತು ಸ್ಫೂರ್ತಿ ಆಗಿದೆ. ಸ್ವಾತಂತ್ರ್ಯದ ನಂತರ ಸ್ಥಾಪಿಸಲಾದ ನಮ್ಮ ಸಂಸ್ಥೆಯು ಈಗ ಇಸ್ರೋವನ್ನು ಪ್ರಮುಖ ಸಂಸ್ಥೆಯಾಗಿ ಗುರುತಿಸುವಷ್ಟು ಅಸಾಧಾರಣ ಎತ್ತರವನ್ನು ತಲುಪಿದೆ ಮತ್ತು ಆದ್ದರಿಂದ ಚಂದ್ರಯಾನ-3 ಚಂದ್ರನ ಮೇಲೆ ಇಳಿದುದಕ್ಕಾಗಿ ನಾನು ಚಂದ್ರನ ಮೇಲೆ ಇದ್ದೇನೆ... ಎಂದು ರಾಜ್ಯಸಭಾ ಸಂಸದ ಕಪಿಲ್ ಸಿಬಲ್ ಹರ್ಷ ವ್ಯಕ್ತಪಡಿಸಿದರು.

#WATCH | Delhi: "It's a historic moment not just for India, ISRO but for every citizen of the country. A moment which will be remembered for years and years to come. It's a landmark achievement and its inspirational for scientists in India and for everybody in India that our… pic.twitter.com/uY2G6V85dP
— ANI (@ANI) August 23, 2023

Aug 23, 2023, 10:10 pm IST

ಲ್ಯಾಂಡರ್‌ನಿಂದ ರೋವರ್ ಹೊರ ಬರುವ ದೃಶ್ಯ

ಚಂದ್ರಯಾನ 3 ವಿಕ್ರಮ ಲ್ಯಾಂಡರ್‌ ಲ್ಯಾಂಡ್ ಆದ ಬಳಿಕ ರಾಂಪ್‌ನಲ್ಲಿ ಲ್ಯಾಂಡರ್‌ನಿಂದ ರೋವರ್ ಹೊರಬರುತ್ತಿರುವ ಮೊದಲ ಫೋಟೋ ಇದಾಗಿದೆ.

First photo of Rover coming out of the lander on the ramp. pic.twitter.com/0ouhMk8MbR
— Pawan K Goenka (@GoenkaPk) August 23, 2023

Aug 23, 2023, 10:06 pm IST

ಚಂದ್ರಯಾನ-3: ಲ್ಯಾಂಡಿಂಗ್ ಬಳಿಕ ಸೆರೆಯಾದ ಮೊದಲ ಚಿತ್ರ

ಚಂದ್ರಯಾನ-3ದ ವಿಕ್ರಮ್ ಲ್ಯಾಂಡರ್ ಸುಸೂತ್ರವಾಗಿ ಲ್ಯಾಂಡಿಂಗ್ ಆದ ಬಳಿಕ ಚಂದ್ರನ ಮೇಲ್ಮೈನ ಮೂಲದ ಫೋಟೊವನ್ನು ಭೂಮಿಗೆ ರವಾನಿಸಿದೆ. ಈ ಫೋಟೊದಲ್ಲಿ ಲ್ಯಾಂಡಿಂಗ್ ಸೈಟ್‌ನ ಒಂದು ಭಾಗವನ್ನು ತೋರಿಸುತ್ತದೆ. ರೋವರ್‌ನ ಒಂದು ಕಾಲು ಮತ್ತು ಅದರ ಜೊತೆಗಿರುವ ನೆರಳು ಕೂಡ ಸಹ ಫೋಟೊದಲ್ಲಿ ಕಾಣಿಸುತ್ತದೆ. ಚಂದ್ರಯಾನ-3 ಚಂದ್ರನ ಮೇಲ್ಮೈಯಲ್ಲಿ ಇಳಿಯಲು ಸಮತಟ್ಟಾದ ಪ್ರದೇಶವನ್ನು ಆಯ್ಕೆ ಮಾಡಿತ್ತು. ಅದರ ಮೊದಲ ಫೋಟೊ ಇದಾಗಿದೆ ಎಂದು ಇಸ್ರೋ ಎಕ್ಸ್‌ನಲ್ಲಿ ಹಂಚಿಕೊಂಡಿದೆ.

Chandrayaan-3 Mission:
The image captured by the
Landing Imager Camera
after the landing.

It shows a portion of Chandrayaan-3's landing site. Seen also is a leg and its accompanying shadow.

Chandrayaan-3 chose a relatively flat region on the lunar surface 🙂… pic.twitter.com/xi7RVz5UvW
— ISRO (@isro) August 23, 2023

Aug 23, 2023, 10:03 pm IST

ವಿಕ್ರಂ ಲ್ಯಾಂಡಿಂಗ್ ವೀಕ್ಷಿಸಿದ ದ್ರೌಪದಿ ಮುರ್ಮು

ಅಧ್ಯಕ್ಷೆ ದ್ರೌಪದಿ ಮುರ್ಮು ಇಸ್ರೋದ ಮೂರನೇ ಚಂದ್ರಯಾನ-3 ರ ಐತಿಹಾಸಿಕ ಲ್ಯಾಂಡಿಂಗ್ ಅನ್ನು ವೀಕ್ಷಿಸಿದರು.

#WATCH | President Droupadi Murmu witnessed the historic landing of ISRO's third lunar mission Chandrayaan-3. pic.twitter.com/CWH0wmrrXM
— ANI (@ANI) August 23, 2023

Aug 23, 2023, 9:30 pm IST

ಇಸ್ರೋ ಮುಖ್ಯಸ್ಥ ಸೋಮನಾಥ್ ಸೇರಿದಂತೆ ವಿಜ್ಞಾನಿಗಳ ಸಂಭ್ರಮ

Dr. S. Somanath & team #isro...

Celebrate and dance your hearts out tonight ❤️❤️🇮🇳🇮🇳🚀🚀🌕🌕

How many ppl in the world have the power & knowledge to make 1.4+bn hearts swell with pride & joy! #Chandrayaan3 #Chandrayaan3Landing #Chandrayaan3Mission #india #space #tech pic.twitter.com/gyIOgZaqbs
— Sidharth.M.P (@sdhrthmp) August 23, 2023

Aug 23, 2023, 9:29 pm IST

ಚಂದ್ರಯಾನ 3 ಯಶಸ್ಸಿಗೆ ನಟ ರಜನಿಕಾಂತ್ ಅಭಿನಂದನೆ

While superpowers like the US, Russia, and China watch in agast amazement, India stuns the world with this humongous achievement.

For the first time ever, our nation stamps it’s proud identity by landing #Chandrayaan3 on the south pole of the moon!

My heartfelt congratulations…
— Rajinikanth (@rajinikanth) August 23, 2023

Aug 23, 2023, 9:11 pm IST

ಚಂದ್ರಯಾನ-3 ಸಕ್ಸಸ್: ಎಸ್ ಸೋಮನಾಥ್‌ಗೆ ಪ್ರಧಾನಿಯಿಂದ ಕರೆ

ಚಂದ್ರಯಾನ-3 ಯಶಸ್ಸಿನ ನಂತರ ದಕ್ಷಿಣ ಆಫ್ರಿಕಾದಿಂದ ಪ್ರಧಾನಿ ನರೇಂದ್ರ ಮೋದಿ ಅವರು ಇಸ್ರೋ ಮುಖ್ಯಸ್ಥ ಎಸ್ ಸೋಮನಾಥ್ ಅವರಿಗೆ ದೂರವಾಣಿ ಕರೆ ಮಾಡಿ ಅಭಿನಂದಿಸಿದರು.

#WATCH | Johannesburg, South Africa | Immediately after the success of Chandrayaan-3, PM Narendra Modi telephoned ISRO chief S Somanath and congratulated him. pic.twitter.com/NZWCuxdiXw
— ANI (@ANI) August 23, 2023

Aug 23, 2023, 8:44 pm IST

ವಿಕ್ರಮ್ ಚಂದ್ರಯಾನ-2 ಗಿಂತ ಎಷ್ಟು ಭಿನ್ನವಾಗಿದೆ?

ಹಿಂದಿನ ತಪ್ಪುಗಳಿಂದ ಪಾಠ ಕಲಿತ ಇಸ್ರೋ ಅದನ್ನು ಮರುಕಳಿಸದಂತೆ ಚಂದ್ರಯಾನ-3 ರಲ್ಲಿ ಹಲವಾರು ಸುಧಾರಣೆಗಳನ್ನು ಜಾರಿಗೆ ತಂದಿದೆ. ವಿಕ್ರಮ್ ಲ್ಯಾಂಡರ್ ಗೆ ಹಿಂದಿಗಿಂತ ಬಲವಾದ ಕಾಲುಗಳನ್ನು ಸಿದ್ದಪಡಿಸಲಾಗಿತ್ತು. ಮಾತ್ರವಲ್ಲದೆ ಇದು ಮೊದಲಿಗಿಂತ ಹೆಚ್ಚಿನ ವೇಗದಲ್ಲಿ ಲ್ಯಾಂಡಿಂಗ್ ಅನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ.

Aug 23, 2023, 8:40 pm IST

ಚಂದ್ರಯಾನ-3 ಲ್ಯಾಂಡ್ ಬಳಿಕ ಮೊದಲ ಚಿತ್ರ ಬಿಡುಗಡೆ

ಚಂದ್ರಯಾನ-3 ಲ್ಯಾಂಡ್ ಬಳಿಕ ಅದರ ಹಾರಿಜಾಂಟಲ್ ವೆಲಾಸಿಟಿ ಕ್ಯಾಮೆರಾದಿಂದ ತೆಗೆದ ಚಂದ್ರನ ಚಿತ್ರಗಳನ್ನು ಇಸ್ರೋ ಬಿಡುಗಡೆ ಮಾಡಿದೆ. CH-3 ಲ್ಯಾಂಡರ್ ಮತ್ತು ಬೆಂಗಳೂರಿನ MOX-ISTRAC ನಡುವೆ ಸಂವಹನ ಸಂಪರ್ಕವನ್ನು ಸ್ಥಾಪಿಸಲಾಗಿದೆ ಎಂದು ಇಸ್ರೋ ಹೇಳಿದೆ.

ISRO releases images of the Moon taken by the Lander Horizontal Velocity Camera of Chandrayaan-3 during the descent

The communication link is established between the Ch-3 Lander and MOX-ISTRAC, Bengaluru, says ISRO. pic.twitter.com/AnbThJk1kq
— ANI (@ANI) August 23, 2023

Aug 23, 2023, 8:33 pm IST

ವಿಕ್ರಮ್‌ನ ಹೊಟ್ಟೆಯಲ್ಲಿ ಪ್ರಗ್ಯಾನ್ ರೋವರ್

ವಿಕ್ರಮ್‌ನ ಹೊಟ್ಟೆಯಲ್ಲಿ ಪ್ರಗ್ಯಾನ್ ರೋವರ್ ಇದೆ. ಚಂದ್ರನ ಮೇಲೆ ಇಳಿದ ನಂತರ ಸ್ವಲ್ಪ ಹೊತ್ತು ಹೆಚ್ಚು ಧೂಳು ಇರುತ್ತದೆ. ಹೀಗಾಗಿ ಪ್ರಗ್ಯಾನ್ ವಿಕ್ರಮ್ ಲ್ಯಾಂಡರ್‌ನಿಂದ ಹೊರಬರುವುದಿಲ್ಲ. ನಾಲ್ಕು ಗಂಟೆಗಳ ನಂತರ ಅದು ಹೊರಬರಲಿದೆ. ಧೂಳು ಕಡಿಮೆಯಾಗುತ್ತಿದ್ದಂತೆ ವಿಕ್ರಂ ಒಳಗಿರುವ ಪ್ರಗ್ಯಾನ್ ರೋವರ್ ಹೊರಬರಲಿದೆ. ಆರು ಚಕ್ರಗಳ ವಾಹನ ಇದಾಗಿದೆ. ರೋವರ್‌ನ ವೇಗವನ್ನು ಸಹ ವಿಕ್ರಮ್ ಮೂಲಕ ನಿಯಂತ್ರಿಸಲಾಗುತ್ತದೆ. ಪ್ರಗ್ಯಾನ್ ಪ್ರತಿ ಸೆಕೆಂಡಿಗೆ 1 ಸೆಂಟಿಮೀಟರ್ ವೇಗದಲ್ಲಿ ಇಳಿಯುತ್ತದೆ ಮತ್ತು ನ್ಯಾವಿಗೇಷನ್ ಕ್ಯಾಮೆರಾದ ಸಹಾಯದಿಂದ ಅದು ಮುಂದಿನ ಪ್ರಯಾಣಕ್ಕೆ ಸ್ಥಳವನ್ನು ಕಂಡುಕೊಳ್ಳುತ್ತದೆ.

Aug 23, 2023, 8:30 pm IST

ರೋವರ್ ಕೆಲಸ ಮಾಡಿದರೆ, ವಿಕ್ರಮ್ ಏನು ಮಾಡುತ್ತದೆ?

ವಾಸ್ತವವಾಗಿ ನಿಜವಾದ ಕೆಲಸವನ್ನು ಲ್ಯಾಂಡರ್ ಮೂಲಕ ಮಾಡಲಾಗುತ್ತದೆ. ಆದರೆ ಲ್ಯಾಂಡರ್ ಲ್ಯಾಂಡಿಂಗ್ ಸ್ಥಳದಿಂದ ಚಲಿಸುವುದಿಲ್ಲ. ರೋವರ್ 'ಪ್ರಗ್ಯಾನ್' ಚಂದ್ರನ ಮೇಲ್ಮೈಯಲ್ಲಿ ಎಲ್ಲಾ ಚಲನೆಯನ್ನು ಮಾಡುತ್ತದೆ ಮತ್ತು ಅದು ಹಾದುಹೋಗುವ ಸ್ಥಳದಿಂದ ಡೇಟಾವನ್ನು ಸಂಗ್ರಹಿಸುತ್ತದೆ. ರೋವರ್ ಈ ಡೇಟಾವನ್ನು ಲ್ಯಾಂಡರ್‌ಗೆ ತಿಳಿಸುತ್ತದೆ, ಲ್ಯಾಂಡರ್‌ ಅದನ್ನು ಭೂಮಿಗೆ ಕಳುಹಿಸುತ್ತದೆ.

Aug 23, 2023, 8:30 pm IST

ಚಂದ್ರಯಾನ-3: ನಿಜವಾದ ಕಾರ್ಯ ಈಗ ಶುರು

ಇಂದು ಚಂದ್ರನ ಮೇಲೆ ಚಂದ್ರಯಾನ-3ರ ವಿಕ್ರಂ ಲ್ಯಾಂಡರ್ ಯಶಸ್ವಿಯಾಗಿ ಇಳಿದಿದೆ. ಹಾಗಂತ ಎಲ್ಲಾ ಕೆಲಸ ಪೂರ್ಣಗೊಂಡಿವೆ ಎಂಬ ಅರ್ಥವಲ್ಲ. ವಿಕ್ರಂ ಲ್ಯಾಂಡರ್ ಒಳಗಿರುವ ಪ್ರಗ್ಯಾನ್ ರೋವರ್ ಅದರಿಂದ ಹೊರಬರಬೇಕಿದೆ. ಈ ಪ್ರಗ್ಯಾನ್ ರೋವರ್ 14 ದಿನಗಳವರೆಗೆ ಚಂದ್ರನ ಮೇಲೆ ಸಂಶೋದನೆ ನಡೆಸಲಿದೆ.

Aug 23, 2023, 8:14 pm IST

ಚಂದ್ರಯಾನ 3 ಯಶಸ್ವಿ; ಇಸ್ರೋ ಸಂಸ್ಥೆಗೆ ಡಿಸಿಎಂ ಡಿ.ಕೆ. ಶಿವಕುಮಾರ್ ಅಭಿನಂದನೆ

"ವಿಕ್ರಂ ಲ್ಯಾಂಡರ್ ಚಂದ್ರನ ಮೇಲೆ ಕಾಲಿಟ್ಟಿದೆ. ಆ ಮೂಲಕ ಚಂದ್ರಗ್ರಹದ ಮೇಲೆ ಭಾರತದ ಹೆಗ್ಗುರುತು ಮೂಡಿದೆ. ಇದಕ್ಕಾಗಿ ಅವಿರತ ಶ್ರಮಿಸಿದ ಇಸ್ರೋ ಸಂಸ್ಥೆಗೆ ಶುಭಾಶಯಗಳು. ಇಸ್ರೋ ಸಂಸ್ಥೆ ಈವರೆಗೂ ಮೂರು ಚಂದ್ರಯಾನ ಯೋಜನೆ ಯಶಸ್ವಿಗೊಳಿಸಿರುವುದು ದೊಡ್ಡ ಸಾಧನೆಯೇ ಸರಿ. ಇಸ್ರೋದ ಮಹತ್ವಾಕಾಂಕ್ಷಿ ಯೋಜನೆ ಚಂದ್ರಯಾನ 3 ಯಶಸ್ವಿಯಾಗಿರುವುದು ಇಡೀ ದೇಶವೇ ಹೆಮ್ಮೆಪಡುವ ವಿಚಾರ. ಈ ಯೋಜನೆ ಯಶಸ್ಸಿನ ಮೂಲಕ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಭಾರತ ಮತ್ತೊಂದು ಮೈಲಿಗಲ್ಲು ಸಾಧಿಸಿದೆ'' ಎಂದು ಶಿವಕುಮಾರ್ ಅವರು ಕೊಂಡಾಡಿದ್ದಾರೆ.

Watching #Chandrayaan3 making a soft but historical landing on moon's South Pole will forever be etched in my memory!

This spectacular achievement has been made possible by the incredible hardwork of our brilliant scientists, engineers and technicians at @ISRO!

Our beloved… pic.twitter.com/VycvttzkeZ
— DK Shivakumar (@DKShivakumar) August 23, 2023

Aug 23, 2023, 7:53 pm IST

'ಇಸ್ರೋಗೆ ಧನ್ಯವಾದಗಳು' ಸಿಎಂ ಸಿದ್ದರಾಮಯ್ಯ ಟ್ವೀಟ್

'ಚಂದ್ರಯಾನ-3ರ ವಿಕ್ರಂ ಲ್ಯಾಂಡರ್ ಚಂದ್ರನ ಮೇಲೆ ಸುರಕ್ಷಿತವಾಗಿ ಇಳಿಯುವ ಐತಿಹಾಸಿಕ ಕ್ಷಣಗಳನ್ನು ಕಣ್ತುಂಬಿಕೊಂಡೆ. ಇಸ್ರೋ ವಿಜ್ಞಾನಿಗಳ ದಶಕಗಳ ಪರಿಶ್ರಮವು ನನ್ನಂತ ಕೋಟ್ಯಂತರ ಭಾರತೀಯರ ಕನಸನ್ನು ನನಸಾಗಿಸಿದೆ. ಚಂದ್ರನ ಮೇಲೆ ಭಾರತದ ಪತಾಕೆ ಹಾರಿಸಿ ದೇಶವಾಸಿಗಳು ಹೆಮ್ಮೆಪಡುವಂತೆ ಮಾಡಿದ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಗೆ ಧನ್ಯವಾದಗಳು' ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಟ್ವೀಟ್ ಮಾಡಿದ್ದಾರೆ.

ಚಂದ್ರಯಾನ-3 ರ ವಿಕ್ರಂ ಲ್ಯಾಂಡರ್ ಚಂದ್ರನ ಮೇಲೆ ಸುರಕ್ಷಿತವಾಗಿ ಇಳಿಯುವ ಐತಿಹಾಸಿಕ ಕ್ಷಣಗಳನ್ನು ಕಣ್ತುಂಬಿಕೊಂಡೆ.@isro ವಿಜ್ಞಾನಿಗಳ ದಶಕಗಳ ಪರಿಶ್ರಮವು ನನ್ನಂತ ಕೋಟ್ಯಂತರ ಭಾರತೀಯರ ಕನಸನ್ನು ನನಸಾಗಿಸಿದೆ.

ಚಂದ್ರನ ಮೇಲೆ ಭಾರತದ ಪತಾಕೆ ಹಾರಿಸಿ ದೇಶವಾಸಿಗಳು ಹೆಮ್ಮೆಪಡುವಂತೆ ಮಾಡಿದ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಗೆ… pic.twitter.com/Gz4EAdUTvS
— Siddaramaiah (@siddaramaiah) August 23, 2023

Aug 23, 2023, 7:35 pm IST

ಭಾರತಕ್ಕೆ ಅಭಿನಂದನೆಗಳು ತಿಳಿಸಿದ ಬಿಲ್ ನೆಲ್ಸನ್

"ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಸ್ರೋದ ಚಂದ್ರಯಾನ-3 ಯಶಸ್ವಿ ಲ್ಯಾಂಡಿಂಗ್‌ಗೆ ಅಭಿನಂದನೆಗಳು ಮತ್ತು ಚಂದ್ರನ ಮೇಲೆ ಬಾಹ್ಯಾಕಾಶ ನೌಕೆಯನ್ನು ಯಶಸ್ವಿಯಾಗಿ ಇಳಿಸಿದ 4 ನೇ ದೇಶವಾಗಿರುವ ಭಾರತಕ್ಕೆ ಅಭಿನಂದನೆಗಳು. ಈ ಕಾರ್ಯಾಚರಣೆಯಲ್ಲಿ ನಿಮ್ಮ ಪಾಲುದಾರರಾಗಲು ನಮಗೆ ಸಂತೋಷವಾಗಿದೆ" ಎಂದು ನಾಸಾ ನಿರ್ವಾಹಕ ಬಿಲ್ ನೆಲ್ಸನ್ ಟ್ವೀಟ್ ಮಾಡಿದ್ದಾರೆ.

"Congratulations ISRO on your successful Chandrayaan-3 lunar South Pole landing and congratulations to India on being the 4th country to successfully soft-land a spacecraft on the Moon. We’re glad to be your partner on this mission", tweets NASA Administrator Bill Nelson pic.twitter.com/wQVQACJN4Y
— ANI (@ANI) August 23, 2023

Aug 23, 2023, 7:28 pm IST

ಚಂದ್ರಯಾನ-3 ಯಶಸ್ವಿ: CRPF ಯೋಧರ ಸಂಭ್ರಮ

J&K: ಇಸ್ರೋದ ಮೂರನೇ ಚಂದ್ರಯಾನ ಚಂದ್ರಯಾನ-3 ಯಶಸ್ವಿಯಾಗಿ ಲ್ಯಾಂಡಿಂಗ್ ಆಗುತ್ತಿದ್ದಂತೆ ಜಮ್ಮುವಿನಲ್ಲಿ CRPF ಯೋಧರು ಸಂಭ್ರಮಿಸಿದರು ಮತ್ತು 'ಭಾರತ್ ಮಾತಾ ಕೀ ಜೈ' ಘೋಷಣೆಗಳನ್ನು ಕೂಗಿದರು.

#WATCH | J&K: CRPF jawans in Jammu celebrate and raise slogans of 'Bharat Mata Ki Jai' as the ISRO's third lunar mission Chandrayaan-3 makes a successful landing. pic.twitter.com/yc05M3EIjr
— ANI (@ANI) August 23, 2023

Aug 23, 2023, 7:28 pm IST

ಚಂದ್ರನ ಮೇಲೆ ವಿಕ್ರಂ ಲ್ಯಾಂಡರ್ ಸೇಫ್ ಆಗಿ ಲ್ಯಾಂಡಿಗ್ ಆಗುತ್ತಿದ್ದಂತೆಯೇ ನಗರದ ಹನುಮಂತಪ್ಪ ವೃತ್ತದಲ್ಲಿ ಬಿಜೆಪಿ ಕಾರ್ಯಕರ್ತರು ರಾಷ್ಟ್ರಧ್ವಜ ಹಿಡಿದು ಸಂಭ್ರಮಾಚರಣೆ ಮಾಡಿದ್ದಾರೆ.

Aug 23, 2023, 7:28 pm IST

ವಿಕ್ರಂನಿಂದ ಮೂರುವರೆ ಗಂಟೆಗಳ ಬಳಿಕ ರೋವರ್ ಹೊರಕ್ಕೆ

ಚಂದ್ರಯಾನ-3ರ ವಿಕ್ರಂ ಲ್ಯಾಂಡರ್‌ ಯಶಸ್ವಿಯಾಗಿ ಚಂದ್ರನ ಮೇಲೆ ಇಳಿದಿದೆ. ಆದರೆ ಅದರೊಳಗೆ ಇರುವ ರೋವರ್ ಹೊರಬರಲು ಕೆಲ ಗಂಟೆಗಳ ಸಮಯ ತೆಗೆದುಕೊಳ್ಳಲಿದೆ. ಮೂರುವರೆ ಗಂಟೆಗಳ ಬಳಿಕ ರೋವರ್ ಹೊರಬರಲಿದೆ. ವಿಕ್ರಂ ಲ್ಯಾಂಡ್‌ನಿಂದಾಗಿ ಚಂದ್ರನ ಮೇಲೆ ಧೂಳು ಹೆಚ್ಚಾಗಿದ್ದು, ಅದು ಕಡಿಮೆ ಆದ ಬಳಿಕ ರೋವರ್ ನೆಲಕ್ಕೆ ಇಳಿಯಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ.

Aug 23, 2023, 7:27 pm IST

ಚಂದ್ರಯಾನ-3: ಕೇಕ್ ಕತ್ತರಿಸಿ ಸಂಭ್ರಮಿಸಿದ ಕೇಂದ್ರ ಸಚಿವ

ಚಂದ್ರಯಾನ-3 ಯಶಸ್ವಿಯಾಗಿ ಚಂದ್ರನ ಮೇಲ್ಮೈಗೆ ಇಳಿಯುತ್ತಿದ್ದಂತೆ ಕೇಂದ್ರ ಸಚಿವ ಹರ್ದೀಪ್ ಸಿಂಗ್ ಪುರಿ ಮತ್ತು ಬಿಜೆಪಿ ಸಂಸದ ಮನೋಜ್ ತಿವಾರಿ ಕೇಕ್ ಕತ್ತರಿಸಿ ಸಂಭ್ರಮಿಸಿದರು.

#WATCH | Union Minister Hardeep Singh Puri and BJP MP Manoj Tiwari cut cakes as Chandrayaan-3 successfully lands on the Lunar Surface pic.twitter.com/OgXqnvORLu
— ANI (@ANI) August 23, 2023

Aug 23, 2023, 7:05 pm IST

ಚಂದಿರನ ಮೇಲೆ ವಿಕ್ರಂ ಲ್ಯಾಂಡಿಂಗ್ ವೀಕ್ಷಿಸಿದ ಸಿಎಂ

Aug 23, 2023, 6:59 pm IST

ಚಂದ್ರಯಾನ ಲ್ಯಾಂಡಿಂಗ್ ವೀಕ್ಷಿಸಿದ ಉತ್ತರಾದಿ ಮಠದ ಶ್ರೀಗಳು

ಹೊಳೆಹೊನ್ನೂರಿನಲ್ಲಿ ಉತ್ತರಾದಿ ಮಠದ ಶ್ರೀಗಳಾದ ಸತ್ಯತ್ಮಾತೀರ್ಥರು ಮತ್ತು ಶಿಷ್ಯವೃಂದದಿಂದ ಚಂದ್ರಯಾನ ಲ್ಯಾಂಡಿಂಗ್ ವೀಕ್ಷಣೆ ಮಾಡಿದರು.

Aug 23, 2023, 6:54 pm IST

ಚಂದ್ರನ ಮೇಲೆ ತಿರಂಗ- ಸಿಎಂ ಮನೋಹರ್ ಲಾಲ್ ಖಟ್ಟರ್

"ಚಂದ್ರನು ನಮಗೆ ಹೆಚ್ಚು ಹತ್ತಿರವಾಗಿದ್ದಾನೆ. ತಿರಂಗ ಚಂದ್ರನ ಮೇಲೆ ಹಾರುವುದು ಸಂತೋಷದ ಕ್ಷಣವಾಗಿದೆ. ಚಂದ್ರನ ಮೇಲೆ ಯಶಸ್ವಿಯಾಗಿ ಇಳಿದ ನಂತರ ಚಂದ್ರಯಾನ-3 ಚಂದ್ರನ ಮೇಲ್ಮೈಯಲ್ಲಿ ಭಾರತದ ಉಪಸ್ಥಿತಿಯನ್ನು ಪ್ರತಿಬಿಂಬಿಸುತ್ತಿದೆ. ಈ ಮಹತ್ತರವಾದ ಸಂದರ್ಭದಲ್ಲಿ ನಾನು ಇಸ್ರೋ ಮತ್ತು ಅದರ ವಿಜ್ಞಾನಿಗಳಿಗೆ ಕೃತಜ್ಞತೆಯನ್ನು ವ್ಯಕ್ತಪಡಿಸುತ್ತೇನೆ. ಏಕೆಂದರೆ ಅವರ ಕೌಶಲ್ಯ, ಧೈರ್ಯ ಮತ್ತು ಪ್ರತಿಭೆಯಿಂದಾಗಿ ನಾವು ಈ ಸಾಧನೆಯನ್ನು ಮಾಡಿದ್ದೇವೆ...," ಎಂದು ಹರಿಯಾಣ ಸಿಎಂ ಮನೋಹರ್ ಲಾಲ್ ಖಟ್ಟರ್ ಹೇಳಿದ್ದಾರೆ.

#WATCH | Chandigarh: "Arey Waah, Maza aa gya! Look, the Moon has came more closer to us. It's a moment of joy as Tiranga gets hoisted on Moon. After landing on the Moon succcessfully Chandrayaan-3 is reflecting India's presence on the Lunar surface. On this great occasion, I… https://t.co/L4Nlf8jZzw pic.twitter.com/pk3kczpUaS
— ANI (@ANI) August 23, 2023

11:08 AM, 21 Aug

ಚಂದ್ರನ ಮೇಲ್ಮೈ ಭಾಗದ ಚಿತ್ರಗಳನ್ನು ಹಂಚಿಕೊಂಡ ಇಸ್ರೋ

ಚಂದ್ರಯಾನ-3ರ ವಿಕ್ರಮ ಲ್ಯಾಂಡರ್ ಚಂದ್ರನ ಮೇಲೆ ಲ್ಯಾಂಡ್ ಆಗಲು ಸಿದ್ಧವಾಗಿದೆ. ಈ ನಡುವೆ ಅವಾಯಿಡೆನ್ಸ್ ಕ್ಯಾಮೆರಾದಿಂದ ಸೆರೆಹಿಡಿಯಲಾದ ಚಂದ್ರನ ದೂರದ ಪ್ರದೇಶದ ಚಿತ್ರಗಳನ್ನು ಇಸ್ರೋ ಹಂಚಿಕೊಂಡಿದೆ. ಇಸ್ರೋ ಹಂಚಿಕೊಂಡ ಚಿತ್ರಗಳು ಹೀಗಿವೆ.

Chandrayaan-3 Mission: Here are the images of the Lunar far side area captured by the Lander Hazard Detection and Avoidance Camera: ISRO

(Pics - ISRO twitter handle) pic.twitter.com/JljEdckh8q
— ANI (@ANI) August 21, 2023

11:08 AM, 21 Aug

ವಿಕ್ರಮ ಲ್ಯಾಂಡರ್ ಸ್ಥಿತಿಗತಿ ಸಾಮಾನ್ಯವಾಗಿದೆ-ಇಸ್ರೋ

ಚಂದ್ರನ ಮೇಲೆ ಲ್ಯಾಂಡ್ ಆಗಲಿರುವ ಚಂದ್ರಯಾನ-3ರ ವಿಕ್ರಮ ಲ್ಯಾಂಡರ್ ಚಲನ ವಲನ ಹಾಗೂ ಅದರ ಸ್ಥಿತಿಗತಿ ಬಗ್ಗೆ ಇಸ್ರೋ ನಿರಂತರ ಮೇಲ್ವಿಚಾರಣೆ ಮಾಡುತ್ತಿದೆ. ವಿಕ್ರಮ್ ಲ್ಯಾಂಡರ್ ನ ಸ್ಥಿತಿಗತಿ ಸಾಮಾನ್ಯವಾಗಿದೆ ಎಂದು ಇಸ್ರೋ ಭಾನುವಾರ ಟ್ವೀಟ್ ಮಾಡಿದೆ.

11:09 AM, 21 Aug

'ಚಂದ್ರಯಾನ-3 ಲ್ಯಾಂಡಿಂಗ್ ನಂತರ ನಿಜವಾದ ಫಲ ಸಿಗಲಿದೆ'

ಚಂದ್ರನ ದಕ್ಷಿಣ ಧ್ರುವದಲ್ಲಿ ಚಂದ್ರಯಾನ-3 ರ ನಿಗದಿತ ಸಾಫ್ಟ್ ಲ್ಯಾಂಡಿಂಗ್‌ಗಾಗಿ ತಾನು ಕುತೂಹಲದಿಂದ ಕಾಯುತ್ತಿದ್ದೇನೆ ಎಂದು ಬಾಹ್ಯಾಕಾಶ ಭೌತಶಾಸ್ತ್ರ ಪ್ರಯೋಗಾಲಯದ ನಿರ್ದೇಶಕ ಕೆ ರಾಜೀವ್ ಹೇಳಿದ್ದಾರೆ. ಚಂದ್ರಯಾನ-3 ಸುರಕ್ಷಿತ ಲ್ಯಾಂಡಿಂಗ್ ನಂತರ ನಿಜವಾದ ಫಲ ಸಿಗಲಿದೆ ಎಂದು ಕೆ ರಾಜೀವ್ ಹೇಳಿದರು.

11:28 AM, 21 Aug

ಆಗಸ್ಟ್ 23ರ ಸಂಜೆ ಸಾಫ್ಟ್ ಲ್ಯಾಂಡಿಂಗ್

11:41 AM, 21 Aug

ಚಂದ್ರಯಾನ - 3 ಬಗ್ಗೆ ನಟ ಪ್ರಕಾಶ್ ರೈ ಲೇವಡಿ

ದಕ್ಷಿಣದ ವಿಜ್ಞಾನಿ ಕೆ ಶಿವನ್ ಅವರು ಲುಂಗಿ ಧರಿಸಿ ಎರಡು ಕೈಯಲ್ಲಿ ಚಹಾ ಲೋಟವನ್ನು ಹಿಡಿದು ಆರಿಸುತ್ತಿರುವ ಚಿತ್ರವನ್ನು ದಕ್ಷಿಣದ ನಟ ಪ್ರಕಾಶ್ ರಾಜ್ ಹಂಚಿಕೊಂಡು ಹಾಸ್ಯ ಮಾಡಿದ್ದಾರೆ. ಇಡೀ ದೇಶವೇ ಚಂದ್ರಯಾನ 3ರ ವಿಕ್ರಮ ಲ್ಯಾಂಡರ್ ಚಂದ್ರನ ಮೇಲೆ ಇಳಿಯುವುದನ್ನು ಎದುರು ನೋಡುತ್ತಿರುವಾಗ ನಟ ಪ್ರಕಾಶ್ ರಾಜ್ ಅವರು ಕೆ ಶಿವನ್ ಅವರ ಫೋಟೋ ಹಂಚಿಕೊಂಡು ಲೇವಾಡಿ ಮಾಡಿದ್ದಾರೆ.

ತಾಜಾ ಸುದ್ದಿ :~

ಚಂದ್ರಯಾನದಿಂದ ಈಗಷ್ಟೇ ಬಂದ ಮೊದಲ ದ್ರಶ್ಯ .. #VikramLander #justasking pic.twitter.com/EWHcQxc1jA
— Prakash Raj (@prakashraaj) August 20, 2023

11:59 AM, 21 Aug

ವಿಕ್ರಮ ಲ್ಯಾಂಡರ್ ಇಳಿಯಲು 15-20 ನಿಮಿಷ

ಚಂದ್ರಯಾನ 3ರ ವಿಕ್ರಮ್ ಲ್ಯಾಂಡರ್ ಚಂದ್ರನ ಮೇಲ್ಮೈಯನ್ನು ತಲುಪಲು ಕೇವಲ 15-20 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಸ್ಪೇಸ್ ಫಿಸಿಕ್ಸ್ ಲ್ಯಾಬ್ ನ ನಿರ್ದೇಶಕ ಕೆ ರಾಜೀವ್, ಲ್ಯಾಂಡಿಂಗ್ ಆಗುವ ಈ ಸಮಯ ಬಹಳ ಮಹತ್ವದ್ದಾಗಿದೆ ಎನ್ನುತ್ತಾರೆ.

12:04 PM, 21 Aug

ಆಗಸ್ಟ್ 5 ರಂದು ಚಂದ್ರನ ಕಕ್ಷೆ ತಲುಪಿದ ವಿಕ್ರಮ್ ಲ್ಯಾಂಡರ್

ಚಂದ್ರಯಾನ 3 ಅನ್ನು ಜುಲೈ 14 ರಂದು ಉಡಾವಣೆ ಮಾಡಲಾಯಿತು. ಆಗಸ್ಟ್ 5 ರಂದು ಚಂದ್ರನ ಕಕ್ಷೆಯನ್ನು ಇದು ಪ್ರವೇಶಿಸಿತು. ಚಂದ್ರಯಾನ 3 ರಿಂದ ಬೇರ್ಪಟ್ಟ ವಿಕ್ರಮ್ ಲ್ಯಾಂಡರ್ ಚಂದ್ರನ ಕಡೆಗೆ ಏಕಾಂಗಿಯಾಗಿ ಚಲಿಸುತ್ತಿದೆ. ಆಗಸ್ಟ್ 23 ರಂದು ಅದು ಚಂದ್ರನ ಮೇಲ್ಮೈಯಲ್ಲಿ ಇಳಿಯಲಿದೆ.

12:38 PM, 21 Aug

ಚಂದ್ರಯಾನ-3 ಮಿಷನ್‌ನ ಉದ್ದೇಶವೇನು?

ಇಸ್ರೋ ಪ್ರಕಾರ, ಚಂದ್ರಯಾನ-3 3 ಉದ್ದೇಶಗಳನ್ನು ಹೊಂದಿದೆ. ಮೊದಲನೆಯದು - ವಿಕ್ರಮ್ ಲ್ಯಾಂಡರ್‌ನ ಲ್ಯಾಂಡಿಂಗ್, ಎರಡನೆಯದು - ಚಂದ್ರನ ಮೇಲೆ ವಿಕ್ರಂ ಲ್ಯಾಂಡರ್ ಇಳಿದ ಮೇಲೆ ಪ್ರಗ್ಯಾನ್ ರೋವರ್ ಹೊರಗೆ ಬರಲಿದೆ. ಇದರ ಜೀವಿತಾವಧಿ 14 ದಿನ ಮಾತ್ರ. ಈ ರೋವರ್ ಒಳಗೆ ಲೇಸರ್ ಸ್ಪೆಕ್ಟ್ರೋ ಮೀಟರ್ ಇರುತ್ತೆ. ಈ ಉಪಕರಣವು ಚಂದ್ರನ ಮೇಲೆ ಇರುವ ಖನಿಜಗಳು ಮತ್ತು ರಾಸಾಯನಿಕ ವಸ್ತುಗಳ ಸಂಯೋಜನೆಗಳನ್ನು ಅಧ್ಯಯನ ಮಾಡಲಿದೆ. ಈ ಮೂಲಕ ಚಂದ್ರನ ಮೇಲ್ಮೈ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಅನುಕೂಲ ಆಗಲಿದೆ. ಮತ್ತು ಮೂರನೆಯದು - ಚಂದ್ರನ ಮೇಲೆ ವೈಜ್ಞಾನಿಕ ಪ್ರಯೋಗಗಳನ್ನು ನಡೆಸುವುದು.

12:39 PM, 21 Aug

ಚಂದ್ರಯಾನ 3 ನೇರ ಪ್ರಸಾರ ವೀಕ್ಷಣೆ ಯಾವಾಗ?

ಸಂಜೆ 5.27ರಿಂದ ಭಾರತದ ಮೂರನೇ ಚಂದ್ರಯಾನ ಯೋಜನೆಯ ನೇರ ಪ್ರಸಾರ ವೀಕ್ಷಿಸಬಹುದು. ಡಿಡಿ ನ್ಯಾಷನಲ್ ಈ ಅಪರೂಪದ ವಿದ್ಯಮಾನದ ನೇರ ಪ್ರಸಾರ ಮಾಡಲಿದೆ. ಇನ್ನು ಖಾಸಗಿ ಸುದ್ದಿ ವಾಹಿನಿಗಳು ಕೂಡ ಲ್ಯಾಂಡಿಂಗ್ ಸಂದರ್ಭವನ್ನು ನೇರ ಪ್ರಸಾರ ಮಾಡಲಿವೆ. https://isro.gov.in ಇಸ್ರೋದ ಅಧಿಕೃತ ವೆಬ್‌ಸೈಟ್, ಯೂಟ್ಯೂಬ್ ಚಾನೆಲ್, ಇಸ್ರೋದ ಅಧಿಕೃತ ಫೇಸ್‌ಬುಕ್ ಚಾನೆಲ್, ಇಸ್ರೋದ ಟ್ವಿಟ್ಟರ್ ಹ್ಯಾಂಡಲ್‌ನಿಂದ ಇದನ್ನು ನೋಡಬಹುದು.

12:53 PM, 21 Aug

ಇಸ್ರೋ ಸಂಸ್ಥೆಯ ಚಂದ್ರಯಾನ-3 ಯಶಸ್ವಿಗಾಗಿ ನಾಗ ಪಂಚಮಿಯ ದಿನವಾದ ಇಂದು ಶ್ರೀ ನಾಗದೇವರಿಗೆ ಹಾಲೆರೆದು ನಾಗ ತಂಬಿಲ (ಕಾರ್ತೀಕ ಪೂಜೆ) ನಡೆಸಿ ಮತ್ತು ಶ್ರೀ ಪುರದೊಡೆಯ ಕುಕ್ಕೆ ಶ್ರೀ ಸುಬ್ರಹ್ಮಣ್ಯನಲ್ಲಿ ಆಡಳಿತ ಮಂಡಳಿ ಮತ್ತು ಊರ ಹಿರಿಯರೊಂದಿಗೆ ಸೇರಿ ಪ್ರಾರ್ಥನೆ ಸಲ್ಲಿಸಲಾಗಿದೆ.

1:00 PM, 21 Aug

ಇಸ್ರೋ ಯಾವ ಉಪಗ್ರಹ ಸಂಚರಣೆ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದೆ?

ಇಸ್ರೋ ಯಾವ ಉಪಗ್ರಹ ಸಂಚರಣೆ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದೆ?#chandryana3 #Chandrayana #ChandrayaanaQuiz #poll #quiz pic.twitter.com/ooKkEtDQN5
— oneindiakannada (@OneindiaKannada) August 21, 2023

1:09 PM, 21 Aug

ಇತಿಹಾಸ ಸೃಷ್ಟಿಸಲಿರುವ ಚಂದ್ರಯಾನ 3 ಯೋಜನೆ

630 ಕೋಟಿ ರೂ. ವೆಚ್ಚದಲ್ಲಿ ಈ ಯೋಜನೆ ಸಿದ್ದವಾಗಿದೆ. ಚಂದ್ರಯಾನ 3 ಯೋಜನೆ ಯಶಸ್ವಿಯಾದರೆ ಚಂದ್ರನ ಮೇಲೆ ನೌಕೆ ಇಳಿಸಿದ 4ನೇ ದೇಶ ಅನ್ನೋ ಹೆಗ್ಗಳಿಕೆ ಭಾರತಕ್ಕೆ ಸಿಗಲಿದೆ. ಇವರೆಗೆ ಅಮೆರಿಕ, ರಷ್ಯಾ ಹಾಗೂ ಚೀನಾ ದೇಶಗಳು ಮಾತ್ರ ಚಂದ್ರನ ಮೇಲೆ ನೌಕೆ ಇಳಿಸಿವೆ. ಇನ್ನು ಈ ಯೋಜನೆ ಯಶಸ್ವಿಯಾದರೆ, ಭಾರತದ ಆಂತರಿಕ್ಷ ವಿಜ್ಞಾನ ವಲಯಕ್ಕೆ ಬೂಸ್ಟ್‌ ಸಿಗುತ್ತದೆ. ಜೊತೆಗೆ ಚಂದ್ರನ ದಕ್ಷಿಣ ಧ್ರುವದಲ್ಲಿ ಲ್ಯಾಂಡರ್ ಅನ್ನು ಇಳಿಸಿದ ಮೊದಲ ದೇಶ ಭಾರತವಾಗಲಿದೆ.

1:21 PM, 21 Aug

ಚಂದ್ರನ ದಕ್ಷಿಣ ಧ್ರುವದಲ್ಲೇ ಲ್ಯಾಂಡರ್‌ ಲ್ಯಾಂಡಿಂಗ್

2019ರಲ್ಲಿ ಚಂದ್ರಯಾನ 2 ಯೋಜನೆ ಸಂದರ್ಭದಲ್ಲೂ ಲ್ಯಾಂಡರ್‌ ಅನ್ನು ಚಂದ್ರನ ದಕ್ಷಿಣ ಧ್ರುವದಲ್ಲೇ ಇಳಿಸಲು ತೀರ್ಮಾನಿಸಲಾಗಿತ್ತು. ಇದೀಗ ಚಂದ್ರಯಾನ 3 ಯೋಜನೆಯಲ್ಲೂ ಲ್ಯಾಂಡರ್ ಅನ್ನು ಚಂದ್ರನ ದಕ್ಷಿಣ ಧ್ರುವದಲ್ಲೇ ಇಳಿಸಲು ತೀರ್ಮಾನಿಸಲಾಗಿದೆ. ಇದಕ್ಕಾಗಿ ಚಂದ್ರನ ಮೇಲೆ ವಿಶಾಲವಾದ ಸ್ಥಳವನ್ನೂ ಗುರ್ತಿಸಲಾಗಿದೆ.

1:25 PM, 21 Aug

ಚಂದ್ರನ ಮೇಲ್ಮೈಯಲ್ಲಿ ನೀರಿನ ಅಣುಗಳನ್ನು ಕಂಡುಹಿಡಿದ ಮಿಷನ್?

ಚಂದ್ರನ ಮೇಲ್ಮೈಯಲ್ಲಿ ನೀರಿನ ಅಣುಗಳನ್ನು ಕಂಡುಹಿಡಿದ ಮಿಷನ್?#chandryana3 #Chandrayana #ChandrayaanaQuiz #poll #quiz pic.twitter.com/7oEQEFRUdO
— oneindiakannada (@OneindiaKannada) August 21, 2023

1:51 PM, 21 Aug

ವಿಜ್ಞಾನಿಗಳಿಗೆ ಕುತೂಹಲ ಕೆರಳಿಸಿದ್ದ ಚಂದ್ರನ ದಕ್ಷಿಣ ಧ್ರುವ

ಚಂದ್ರನ ದಕ್ಷಿಣ ಧ್ರುವ ವಿಜ್ಞಾನಿಗಳಿಗೆ ಬಹಳ ಸಮಯದಿಂದ ಕುತೂಹಲ ಕೆರಳಿಸಿದೆ. ಯಾಕಂದ್ರೆ, ಈ ಭಾಗದಲ್ಲಿ ಉಷ್ಣಾಂಶ ಮೈನಸ್ 230 ಡಿಗ್ರಿಗಿಂತಲೂ ಕಡಿಮೆ ಇದೆ. ಬೆಳಕನ್ನೇ ಕಾಣದ ಎಷ್ಟೊಂದು ಪ್ರದೇಶಗಳು ಇಲ್ಲಿವೆ. ಚಂದ್ರಯಾನ 1 ಯೋಜನೆಯು ಚಂದ್ರನ ಮೇಲೆ ನೀರಿದೆ ಎಂದು ಮೊದಲ ಬಾರಿಗೆ ಕಂಡು ಹಿಡಿದಿತ್ತು. ಈ ಹಿನ್ನೆಲೆಯಲ್ಲಿ ಈ ಭಾಗದಲ್ಲೇ ಅಂದರೆ ದಕ್ಷಿಣ ಧ್ರುವದಲ್ಲೇ ವಿಕ್ರಮ್ ಲ್ಯಾಂಡರ್ ಇಳಿಸಲು ತೀರ್ಮಾನಿಸಲಾಗಿದೆ. ಮತ್ತೆ ಇಲ್ಲಿ ಅಧ್ಯಯನ ನಡೆಸೋದಕ್ಕೆ ಇಸ್ರೋ ಮುಂದಾಗಿದೆ.

2:17 PM, 21 Aug

ಭಾರತದ ಬಾಹ್ಯಾಕಾಶ ನಿಲ್ದಾಣ ಎಲ್ಲಿದೆ?

ಭಾರತದ ಬಾಹ್ಯಾಕಾಶ ನಿಲ್ದಾಣ ಎಲ್ಲಿದೆ?#chandryana3 #Chandrayana #ChandrayaanaQuiz #poll #Quiz pic.twitter.com/nqGCdi4CzV
— oneindiakannada (@OneindiaKannada) August 21, 2023

2:37 PM, 21 Aug

ಇಸ್ರೋದ ಮಾಜಿ ಅಧ್ಯಕ್ಷರು ಚಂದ್ರಯಾನ-3ರ ಬಗ್ಗೆ ಹೇಳಿದ್ದು ಹೀಗೆ

ಇಸ್ರೋ ಮಾಜಿ ನಿರ್ದೇಶಕ ಕೆ ಶಿವನ್ ಅವರು ಚಂದ್ರಯಾನ 3 ಮಿಷನ್‌ ಬಗ್ಗೆ ವಿವರಣೆ ನೀಡಿದರು. "ಚಂದ್ರನ ಮೇಲೆ ಗಗನ ನೌಕೆ ಸುರಕ್ಷಿತವಾಗಿ ಇಳಿಯೋದೇ ದೊಡ್ಡ ಸಾಹಸ. ಅದರಲ್ಲೂ ಚಂದ್ರನ ದಕ್ಷಿಣ ಧ್ರುವದಲ್ಲಿ ನೌಕೆ ಇಳಿಸೋದು ಸವಾಲಾಗಿದೆ. ನಾವು ಮಾಡಿದ ಸುಧಾರಣೆಗಳು ಕೆಲಸ ಮಾಡುತ್ತಿವೆ. ಚಂದ್ರಯಾನ 2 ರಿಂದ ಕಲಿತ ಪಾಠಗಳ ಆಧಾರದ ಮೇಲೆ ವ್ಯವಸ್ಥೆಯು ಹೆಚ್ಚು ದೃಢವಾಗಿ ಮುನ್ನಡೆಯುತ್ತಿದೆ..." ಎಂದು ಅವರು ಹೇಳಿದರು.

3:04 PM, 21 Aug

ಚಂದ್ರಯಾನ-3 ಬಗ್ಗೆ ಬಹಳ ಉತ್ಸುಕರಾದ ವಿಜ್ಞಾನಿಗಳು

ಬೆಂಗಳೂರಿನ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್‌ನ ಏರೋಸ್ಪೇಸ್ ವಿಭಾಗದ ಪ್ರೊಫೆಸರ್ ರಾಧಾಕಾಂತ್ ಪಾಧಿ ಅವರು ಚಂದ್ರಯಾನ 2 ಮತ್ತು ಚಂದ್ರಯಾನ-3 ಎರಡರ ಉಡಾವಣೆಯಲ್ಲಿ ತೊಡಗಿಸಿಕೊಂಡವರು. ಚಂದ್ರಯಾನ-3 ಬಗ್ಗೆ ಮಾತನಾಡಿದ ಅವರು, 'ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋದ ವಿಜ್ಞಾನಿಗಳು ಚಂದ್ರಯಾನ-2 ರ ಬಗ್ಗೆ ಅತಿಯಾದ ವಿಶ್ವಾಸ ಹೊಂದಿದ್ದರು. ಆದರೆ ಅದು ಯಶಸ್ವಿಯಾಗಲಿಲ್ಲ. ಆದ್ದರಿಂದ ಚಂದ್ರಯಾನ -3 ಅನ್ನು ವಿನ್ಯಾಸಗೊಳಿಸಲಾಗಿದ್ದು, ಎಲ್ಲೂ ತಪ್ಪಾಗದೆ ಚಂದ್ರನ ಮೇಲೆ ಸುರಕ್ಷಿತವಾಗಿ ಇಳಿಯಬೇಕು' ಎಂದು ಅವರು ಹೇಳಿದರು.

3:05 PM, 21 Aug

ಪ್ರಗ್ಯಾನ್ ರೋವರ್ ಸುರಕ್ಷಿತ ಲ್ಯಾಂಡ್‌ಗಾಗಿ ಪ್ರಾರ್ಥನೆ

ಚಂದ್ರನ ಮೇಲೆ ಇಳಿಯುವ ಲ್ಯಾಂಡರ್‌ನ ಹೆಸರು ವಿಕ್ರಂ. ಇದು ತನ್ನ ಒಡಲಲ್ಲಿ ಪ್ರಗ್ಯಾನ್ ಎಂಬ ರೋವರ್ ಅನ್ನು ಹೊಂದಿದೆ. ಚಂದ್ರನ ಮೇಲೆ ವಿಕ್ರಂ ಲ್ಯಾಂಡರ್ ಸುರಕ್ಷಿತವಾಗಿ ಇಳಿದ ಬಳಿಕ ಪ್ರಗ್ಯಾನ್ ರೋವರ್ ಇದರಿಂದ ಹೊರ ಬರುತ್ತದೆ. ಇದರಿಂದ ಚಂದ್ರನ ಮೇಲೆ ಏನಿದೆ ಎನ್ನುವುದನ್ನು ಪತ್ತೆ ಹಚ್ಚಲು ಸಾಧ್ಯ. ಹೀಗಾಗಿ ವಿಕ್ರಂ ಲ್ಯಾಂಡರ್ ಲ್ಯಾಂಡ್ ಆಗುವುದರೊಂದಿಗೆ ಅದರಿಂದ ಪ್ರಗ್ಯಾನ್ ರೋವರ್ ಕೂಡ ಸುರಕ್ಷಿತವಾಗಿ ಹೊರಬರಬೇಕಿದೆ.

6:19 PM, 21 Aug

Chandrayaan-3: ಚಂದ್ರಯಾನ-2 & ಚಂದ್ರಯಾನ-3 ಮಿಲನ ಸಕ್ಸಸ್!

ಹೆಜ್ಜೆ ಹೆಜ್ಜೆಗೂ ಯಶಸ್ಸು, ತಡೆಯಲಾಗದ ಕೌತುಕಗಳು. ಹೀಗೆ ಭಾರತದ ಚಂದ್ರಯಾನ-3 ಯಶಸ್ವಿಯಾಗಿ ಸಾಗಿದೆ. ಭಾರತ ತನ್ನ ಎಲ್ಲಾ ಬಾಹ್ಯಾಕಾಶ ಯೋಜನೆಗಳಲ್ಲೂ ಯಶಸ್ಸನ್ನ ಕಾಣುತ್ತಿದ್ದು, ಈಗ ಚಂದ್ರಯಾನ ಕೂಡ ಗೆಲುವಿನ ಹಾದಿ ಹಿಡಿದಿದೆ. ಬೆಳಗ್ಗೆಯಿಂದ ಖುಷಿ ವಿಚಾರವನ್ನೇ ಇಸ್ರೋ ಹಂಚಿಕೊಳ್ಳುತ್ತಿದ್ದು ಈಗ ಮತ್ತೊಂದು ಬ್ರೇಕಿಂಗ್ ನ್ಯೂಸ್ ಕೊಟ್ಟಿದೆ ಇಸ್ರೋ ಸಂಸ್ಥೆ.

7:40 PM, 21 Aug

Please click the link to know more:

As per our (ISRO) official website, we are broadcasting the Live Landing of Chandrayan-3 Mission on August 23, 2023, starting from 17:27 Hrs. IST (5:27 PM). Let's encourage everyone to see the Live Landing, to mark India's Historic Mission to the Moon. 🌖🇮🇳🛰️ Please click the link to know more: https://www.isro.gov.in/Chandrayaan3SoftLandingMessage.html

8:49 PM, 21 Aug

ಚಂದ್ರಯಾನದ ಬೆನ್ನಲ್ಲೇ ಮತ್ತೊಂದು ಸಾಹಸಕ್ಕೆ ಮುಂದಾದ ಇಸ್ರೋ

ಸೂರ್ಯಯಾನದತ್ತ ಇಸ್ರೋದ ಚಿತ್ತ ನೆಟ್ಟಿದೆ. ಇಸ್ರೋ ಅಭಿವೃದ್ಧಿಪಡಿಸಿರುವ ಆದಿತ್ಯ- ಎಲ್‌ 1 ಉಪಗ್ರಹವು ಈಗಾಗಲೇ ಬೆಂಗಳೂರಿನ ಯು.ಆರ್.ರಾವ್ ಸಾಟಿಲೈಟ್ ಸೆಂಟರ್ ನಲ್ಲಿ ಸಿದ್ದವಾಗಿ, ಆಂಧ್ರಪ್ರದೇಶದ ಶ್ರೀಹರಿಕೋಟಾದ ಸತೀಶ್ ಧವನ್ ಸ್ಪೇಸ್ ಸೆಂಟರ್ ಉಡ್ಡಯನ ನೆಲೆಗೆ ತಲುಪಿದೆ. ಸೆಪ್ಟಂಬರ್ ನಲ್ಲಿ ಅಲ್ಲಿಂದಲೇ ಉಡಾವಣೆಯಾಗುವ ಸಾಧ್ಯತೆಯಿದೆ.

9:31 PM, 21 Aug

ನೆಹರೂ ವಿಜ್ಞಾನ ಕೇಂದ್ರದಲ್ಲಿ ವಿಶೇಷ ವ್ಯವಸ್ಥೆ

ಮುಂಬೈನ ನೆಹರೂ ವಿಜ್ಞಾನ ಕೇಂದ್ರದ ಎಲ್ಲಾ ಸಿಬ್ಬಂದಿಗಳು ಚಂದ್ರಯಾನ -3 ಲ್ಯಾಂಡಿಂಗ್ ಬಗ್ಗೆ ಉತ್ಸುಕರಾಗಿದ್ದಾರೆ ಎಂದು ನೆಹರು ವಿಜ್ಞಾನ ಕೇಂದ್ರದ ನಿರ್ದೇಶಕ ಪ್ರಮೋದ್ ಗ್ರೋವರ್ ತಿಳಿಸಿದ್ದಾರೆ. ನೆಹರು ವಿಜ್ಞಾನ ಕೇಂದ್ರಕ್ಕೆ ಬಂದವರಿಗೆ ಲ್ಯಾಂಡಿಂಗ್ ದಿನದಂದು ಕೆಲವು ವಿಶೇಷ ವ್ಯವಸ್ಥೆಗಳನ್ನು ಮಾಡಿದ್ದೇವೆ. ನಾವು ಚಂದ್ರಯಾನ 3 ರ ಕಾಗದದ ಮಾದರಿಯನ್ನು ತಯಾರಿಸುತ್ತೇವೆ ಮತ್ತು ಮಾರ್ಗದರ್ಶನಕ್ಕಾಗಿ ನಾವು ತಜ್ಞರನ್ನು ಕರೆಯುತ್ತೇವೆ. 50 ಶಾಲಾ ವಿದ್ಯಾರ್ಥಿಗಳು ಚಂದ್ರಯಾನ 3 ರ ಕಾಗದದ ಮಾದರಿ ತಯಾರಿಕೆಯಲ್ಲಿ ಭಾಗವಹಿಸುತ್ತಾರೆ. ಲ್ಯಾಂಡಿಂಗ್ ಯಶಸ್ವಿಯಾಗಲಿದೆ ಎಂದು ನಾನು ಭಾವಿಸುತ್ತೇನೆ ಎಂದು ಹೇಳಿದ್ದಾರೆ.

9:42 PM, 21 Aug

ಪ್ರತಿಕೂಲ ಪರಿಸ್ಥಿತಿ ಇದ್ದರೆ ಆಗಸ್ಟ್ 27ಕ್ಕೆ ಲ್ಯಾಂಡಿಂಗ್‌?

ಆಗಸ್ಟ್ 23ರಂದು ಪರಿಸ್ಥಿತಿಗಳು ಅನುಕೂಲವಾಗಿದ್ದರೆ ಮಾತ್ರ ಲ್ಯಾಂಡಿಂಗ್ ಪ್ರಕ್ರಿಯೆ ನಡೆಯಲಿದೆ. ಒಂದು ವೇಳೆ ಪರಿಸ್ಥಿತಿ ಅನುಕೂಲಕರವಾಗಿಲ್ಲದಿದ್ದರೆ, ಆಗಸ್ಟ್ 27ರಂದು ಲ್ಯಾಂಡಿಂಗ್‌ಗೆ ಮತ್ತೆ ಪ್ರಯತ್ನಿಸಲಾಗುವುದು ಎಂದು ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಹಿರಿಯ ವಿಜ್ಞಾನಿ ಹೇಳಿರುವುದಾಗಿ ಎಎನ್‌ಐ ವರದಿ ಮಾಡಿದೆ. ಆದರೂ, ಆಗಸ್ಟ್ 23ರಂದೇ ಲ್ಯಾಂಡಿಂಗ್ ಮಾಡುವ ಬಗ್ಗೆ ಭರವಸೆ ವ್ಯಕ್ತಪಡಿಸಿದ್ದಾರೆ.

6:44 AM, 22 Aug

ಚಂದ್ರಯಾನದ ಯಶಸ್ಸಿನ ಬಗ್ಗೆ ತನಗೆ ವಿಶ್ವಾಸವಿದೆ ಎಂದು ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಜಿತೇಂದ್ರ ಸಿಂಗ್ ಹೇಳಿದ್ದಾರೆ. 2024 ರ ದ್ವಿತೀಯಾರ್ಧದಲ್ಲಿ ನಿರೀಕ್ಷಿತ ಮಾನವಸಹಿತ ಗಗನ್‌ಯಾನ್ ಮಿಷನ್‌ಗೆ ಚಾಲನೆಯಲ್ಲಿ ಭಾರತವು ಈ ವರ್ಷದ ಕೊನೆಯಲ್ಲಿ ತನ್ನ ಮೊದಲ ಪ್ರಾಥಮಿಕ ಕಾರ್ಯಾಚರಣೆಯನ್ನು ಪ್ರಾರಂಭಿಸಲಿದೆ ಎಂದು ಹೇಳಿದರು.

6:50 AM, 22 Aug

ಲ್ಯಾಂಡಿಂಗ್ ಅನ್ನು ಬಹಳ ಸಂಕೀರ್ಣವಾದ ತಂತ್ರ ಎಂದು ಕರೆಯುತ್ತಾರೆ ಇಸ್ರೋ ಮಾಜಿ ಅಧ್ಯಕ್ಷ ಜಿ ಮಾಧವನ್ ನಾಯರ್ ಹೇಳಿದ್ದಾರೆ. ಚಂದ್ರನ ಮೇಲ್ಮೈ ಮೇಲೆ ನಾವು ಚಂದ್ರಯಾನ-2 ಮಿಷನ್‌ನಲ್ಲಿ ಚಂದ್ರನ ಮೇಲೆ ಮೃದುವಾದ ಲ್ಯಾಂಡಿಂಗ್ ಕಳೆದುಕೊಂಡಿದ್ದೇವೆ ಎಂದರು..

6:51 AM, 22 Aug

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಸೋಮವಾರ ಚಂದ್ರಯಾನ-2 ಆರ್ಬಿಟರ್ ಮತ್ತು ಚಂದ್ರಯಾನ-3 ರ ಲ್ಯಾಂಡರ್ ಮಾಡ್ಯೂಲ್ ನಡುವೆ ದ್ವಿಮುಖ ಸಂವಹನವನ್ನು ಸ್ಥಾಪಿಸಲಾಗಿದೆ ಎಂದು ಹೇಳಿದೆ.

7:11 AM, 22 Aug

615 ಕೋಟಿ ರೂಪಾಯಿಗಳಲ್ಲಿ, ಚಂದ್ರಯಾನ-3 ಹೆಚ್ಚು ವೆಚ್ಚ ಮತ್ತುಚ ಪರಿಣಾಮಕಾರಿ ಬಾಹ್ಯಾಕಾಶ ಕಾರ್ಯಾಚರಣೆಯಾಗಿದೆ ಮತ್ತು ಹಲವಾರು ಹಾಲಿವುಡ್ ಚಲನಚಿತ್ರಗಳಿಗಿಂತ ಅಗ್ಗವಾಗಿದೆ .

7:23 AM, 22 Aug

ಚಂದ್ರಯಾನ-3 ರ ಮಿಷನ್ ಉದ್ದೇಶಗಳು ಚಂದ್ರನ ಮೇಲ್ಮೈಯಲ್ಲಿ ಸುರಕ್ಷಿತ ಮತ್ತು ಮೃದುವಾದ ಲ್ಯಾಂಡಿಂಗ್ ಅನ್ನು ಪ್ರದರ್ಶಿಸುವುದು, ಚಂದ್ರನ ಮೇಲೆ ರೋವರ್ ರೋವಿಂಗ್ ಅನ್ನು ಪ್ರದರ್ಶಿಸುವುದು ಮತ್ತು ಸ್ಥಳದಲ್ಲಿ ವೈಜ್ಞಾನಿಕ ಪ್ರಯೋಗಗಳನ್ನು ನಡೆಸುವುದು

7:23 AM, 22 Aug

ಚಂದ್ರಯಾನ-3 ವಿಕ್ರಮ್ ಲ್ಯಾಂಡರ್ ಚಂದ್ರನ ಮೇಲ್ಮೈಯಿಂದ ಕೇವಲ 25 ರಿಂದ 150 ಕಿಲೋಮೀಟರ್ ದೂರದಲ್ಲಿ ಸುತ್ತುತ್ತಿದೆ. ಆಗಸ್ಟ್ 23ರಂದು ಭಾರತವು ಚಂದ್ರನ ಮೇಲ್ಮೈಯಲ್ಲಿ ಮೃದುವಾದ ಲ್ಯಾಂಡಿಂಗ್‌ ಮಾಡಲು ಸಿದ್ಧರಿದ್ದೇವೆ.