ಫಾಸ್ಟ್ ಟ್ಯಾಗ್ ಕಡ್ಡಾಯದ ಗಡುವು ವಿಸ್ತರಿಸಿದ ಕೇಂದ್ರ ಸರ್ಕಾರ
ನವದೆಹಲಿ, ನವೆಂಬರ್ 30: ರಾಷ್ಟ್ರೀಯ ಹೆದ್ದಾರಿಗಳ ಟೋಲ್ ಪ್ಲಾಜಾಗಳಲ್ಲಿ ಫಾಸ್ಟ್ ಟ್ಯಾಗ್ ಕಡ್ಡಾಯದ ದಿನವನ್ನು ಡಿಸೆಂಬರ್ 15ರವರೆಗೆ ವಿಸ್ತರಿಸಲಾಗಿದೆ.
ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಹಿಂದಿನ ಆದೇಶದಂತೆ ಡಿಸೆಂಬರ್ 1ರಿಂದ ಕಡ್ಡಾಯವಾಗಿ ಎಲ್ಲಾ ವಾಹನಗಳು ಫಾಸ್ಟ್ ಟ್ಯಾಗ್ನ್ನು ಹೊಂದಿರಬೇಕಿತ್ತು. ಇಲ್ಲವಾದರೆ ದುಪ್ಪಟ್ಟು ಶುಲ್ಕ ನೀಡಬೇಕಿತ್ತು.
ಆದರೆ ಟೋಲ್ ಪ್ಲಾಜಾಗಳೆಲ್ಲೆಡೆ ಫಾಸ್ಟ್ ಟ್ಯಾಗ್ ರೀಡರ್ ಯಂತ್ರಗಳನ್ನು ಅಳವಡಿಸದೇ ಇರುವುದು ಬೆಳಕಿಗೆ ಬಂದ ಹಿನ್ನೆಲೆಯಲ್ಲಿ ದಿನಾಂಕವನ್ನು ವಿಸ್ತರಿಸಲಾಗಿದೆ.
ದೇಶದ ಸಾಕಷ್ಟು ಟೋಲ್ ಪ್ಲಾಜಾಗಳಲ್ಲಿನ ಎಲ್ಲಾ ಲೇನ್ಗಳಲ್ಲಿ ಫಾಸ್ಟ್ ಟ್ಯಾಗ್ ರೀಡರ್ಗಳು ಇರಲಿಲ್ಲ. ಇದರಿಂದ ಫಾಸ್ಟ್ಯಾಗ್ ಹೊಂದಿದ ವಾಹನಗಳಿಗೂ ಸಮಸ್ಯೆಯಾಗುತ್ತಿತ್ತು.
ಮಾಧ್ಯಮ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ಈ ಬಗ್ಗೆ ಸರ್ಕಾರವನ್ನು ಪ್ರಶ್ನಿಸಲಾಗುತ್ತಿತ್ತು. ಫಾಸ್ಟ್ ಟ್ಯಾಗ್ ಹೊಂದಿರದಿದ್ದರೆ ದುಪ್ಪಟ್ಟು ಶುಲ್ಕವನ್ನು ವಸೂಲಿ ಮಾಡುತ್ತೀರಿ ಇದಕ್ಕೆ ಪೂರಕವಾದ ಮೂಲಸೌಕರ್ಯವಿಲ್ಲದಿದ್ದರೂ ದಂಡ ತೆರಲು ಸರ್ಕಾರ ಸಿದ್ಧವಿದೆಯೇ ಒಂದೊಮ್ಮೆ ಫಾಸ್ಟ್ಯಾಗ್ ರೀಡರ್ಗಳಿಲ್ಲದಿದ್ದರೆ ಶುಲ್ಕ ರಹಿತ ಸೇವೆ ನೀಡಲಾಗುವುದೇ ಎಂದು ಜನರು ಪ್ರಶ್ನಿಸಿದ್ದರು.
ಹೀಗಾಗಿ ಅದಲ್ಲದೇ ಫಾಸ್ಟ್ ಟ್ಯಾಗ್ ಖರೀದಿಯೂ ಕೂಡ ಮುಂದುವರೆದಿತ್ತು. ಎಲ್ಲಾ ಗ್ರಾಹಕರು ಇನ್ನೂ ಫಾಸ್ಟ್ಯಾಗ್ ಖರೀದಿಸಿರಲಿಲ್ಲ ಹೀಗಾಗಿ ಫಾಸ್ಟ್ಯಾಗ್ ಡೆಡ್ಲೈನ್ ಮುಂದೂಡಲಾಗಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.
Click it and Unblock the Notifications
Sign in with Google