ಟಾಯ್ಲೆಟ್ ಸೀಟ್ ಕವರ್ ನಲ್ಲಿ ಹಿಂದೂ ದೇವತೆಗಳ ಚಿತ್ರ; #BoycottAmazon ಟ್ವಿಟ್ಟರ್ ನಲ್ಲಿ ಟ್ರೆಂಡ್
ಅಮೆಜಾನ್ ಡಾಟ್ ಕಾಮ್ ವಿರುದ್ಧ ದೇಶದಾದ್ಯಂತ ಭಾರೀ ಆಕ್ರೋಶ ವ್ಯಕ್ತವಾಗುತ್ತಿದೆ. ಸದ್ಯಕ್ಕೆ ಟ್ವಿಟ್ಟರ್ ನಲ್ಲಿ #BoycottAmazon ಎಂಬುದು ಟ್ರೆಂಡಿಂಗ್ ಆಗಿದೆ. ಟಾಯ್ಲೆಟ್ ಸೀಟ್ ಕವರ್ ಹಾಗೂ ಇತರ ವಸ್ತುಗಳ ಮೇಲೆ ಹಿಂದೂ ದೇವತೆಗಳ ಚಿತ್ರ ಇರುವುದು ಅಮೆರಿಕ ಮೂಲದ ಈ ವೆಬ್ ಸೈಟ್ ನಲ್ಲಿ ಕಂಡುಬಂದಿದೆ. ಆದ್ದರಿಂದ ಗುರುವಾರ ಸಾಮಾಜಿಕ ಮಾಧ್ಯಮಗಳಲ್ಲಿ ಸಿಟ್ಟು ವ್ಯಕ್ತವಾಗಿದೆ.
ಅಮೆಜಾನ್ ಅನ್ನು ಬಹಿಷ್ಕರಿಸಬೇಕು ಎಂಬ ಧ್ವನಿಗೆ ಸಾವಿರಾರು ಸಂಖ್ಯೆಯಲ್ಲಿ ಟ್ವಿಟ್ಟರ್ ಬಳಕೆದಾರರು ಬೆಂಬಲ ವ್ಯಕ್ತಪಡಿಸಿದ್ದಾರೆ. ಕೆಲವರು ಈ ವಿಚಾರವನ್ನು ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಗಮನಕ್ಕೂ ತಂದಿದ್ದು, ಜಗತ್ತಿನ ಅತಿ ದೊಡ್ಡ ಆನ್ ಲೈನ್ ರೀಟೇಲರ್ ವಿರುದ್ಧ ಕ್ರಮಕ್ಕೆ ಆಗ್ರಹಿಸಿದ್ದಾರೆ.
ಅಮೆಜಾನ್ ತನ್ನ ಪ್ರತಿಕ್ರಿಯೆಯನ್ನು ನೀಡಿಲ್ಲ. ಎರಡು ವರ್ಷದ ಹಿಂದೆ ಇದೇ ಕಂಪೆನಿಯು ಕೆನಡಾ ವೆಬ್ ಸೈಟ್ ನಲ್ಲಿ ಭಾರತದ ರಾಷ್ಟ್ರ ಧ್ವಜವನ್ನು ಹೋಲುವಂಥದ್ದನ್ನು ಕಾಲೊರೆಸುವ ಡೋರ್ ಮ್ಯಾಟ್ ಗೆ ಬಳಸಿ ಮಾರಾಟ ಮಾಡುತ್ತಿದ್ದುದು ಗಮನಕ್ಕೆ ಬಂದಿತ್ತು. 'ನಿಮ್ಮ ವೆಬ್ ಸೈಟ್ ನಿಂದ ಆ ಡೋರ್ ಮ್ಯಾಟ್ ತೆಗೆಯದಿದ್ದರೆ ಅಮೆಜಾನ್ ಸಿಬ್ಬಂದಿಗೆ ಭಾರತ ವೀಸಾ ಸಿಗುವುದಿಲ್ಲ' ಎಂದು ಬೆದರಿಕೆ ಹಾಕಿದ್ದರು.
There are many more @amazon, @AmazonHelp, Remove this immediately.
— Anshul Saxena (@AskAnshul) 16 May 2019
Here are the links:
1. https://t.co/R0EGoUVEgE
2. https://t.co/PicNkDs1Pz
3. https://t.co/c4pyWKPpx6
4. https://t.co/LYoJnm8jmx pic.twitter.com/H5lEwVOkfI
ಟಾಯ್ಲೆಟ್ ಸೀಟ್ ಕವರ್, ಯೋಗಕ್ಕೆ ಬಳಸುವ ಹಾಸು, ಹೊದಿಕೆ ಮತ್ತಿತರ ವಸ್ತುಗಳ ಮೇಲೆ ಹಿಂದೂ ದೇವತೆಗಳು ಹಾಗೂ ಧಾರ್ಮಿಕ ಸಂಕೇತಗಳನ್ನು ಅಮೆಜಾನ್ ನ ಅಮೆರಿಕ ವೆಬ್ ಸೈಟ್ ನಲ್ಲಿ ಬಳಸಿರುವುದನ್ನು ರಾಯಿಟರ್ಸ್ ಕಂಡುಹಿಡಿದಿತ್ತು. ಸದ್ಯಕ್ಕೆ ಕೆಲ ವಸ್ತುಗಳು ಮಾರಾಟಕ್ಕೆ ಲಭ್ಯವಿಲ್ಲ. ಎರಡು ವರ್ಷದ ಹಿಂದೆ ಹೇಗೆ ಹಿಂಪದೆದಿತ್ತೋ ಅಮೆಜಾನ್ ಈಗಲೂ ಹಾಗೇ ಮಾಡಿದೆ.