ಹಾಸಿಗೆ ಹಂಚಿಕೊಳ್ಳುವ 'ಕೆಟ್ಟ' ನಟಿಯರಿದ್ದಾರೆ : ಸಂಸದ ಕಮ್ ನಟ
ತಿರುವನಂತಪುರಂ, ಜುಲೈ 06: ಮಲಯಾಳಂ ಚಲನಚಿತ್ರ ಕಲಾವಿದರ ಸಂಘದ ಅಧ್ಯಕ್ಷ, ಜನಪ್ರಿಯ ನಟ ಹಾಗೂ ಕೇರಳದ ಸಂಸದ ಇನ್ನೋಸೆಂಟ್ ವರೀದ್ ತೆಕ್ಕತಾಲ ಅವರ ಹೇಳಿಕೆ ವಿವಾದವನ್ನು ಹುಟ್ಟಿ ಹಾಕಿದೆ.
ಮಲಯಾಳಂ ಚಲನಚಿತ್ರೋದ್ಯಮದ ಬಗ್ಗೆ ಮಾತನಾಡುತ್ತ "ಕೆಟ್ಟ ನಟಿಯರು ಹಾಸಿಗೆ ಹಂಚಿಕೊಳ್ಳಲೂ ಸಿದ್ಧ" ಅಂತಾ ಹೇಳಿದ್ದಾರೆ. 2014ರಲ್ಲಿ ಇನ್ನೋಸೆಂಟ್ ವರೀದ್ ಸಂಸದರಾಗಿದ್ದಾರೆ. ಇದರ ಜೊತೆಗೆ Association of Malayalam Movie Artists AMMA ಅಧ್ಯಕ್ಷರಾಗಿದ್ದುಕೊಂಡು ಇಂತಹ ಹೇಳಿಕೆ ನೀಡಿರುವುದನ್ನು ಹಲವಾರು ಮಂದಿ ಟೀಕಿಸಿದ್ದಾರೆ.
ಈ ರೀತಿ ಹಾಸಿಗೆ ಹಂಚಿಕೊಳ್ಳುವ ವ್ಯವಸ್ಥೆ, ನಟಿಯರ ಮೇಲಿನ ದೌರ್ಜನ್ಯದ ಬಗ್ಗೆ ಈ ಹಿಂದೆ ಪಾರ್ವತಿ, ಲಕ್ಷ್ಮಿ ರೈ ಕೂಡಾ ಎಚ್ಚರಿಸಿದ್ದರು. ಆದರೆ, ಇನ್ನೋಸೆಂಟ್ ಅವರ ಹೇಳಿಕೆ ಬಗ್ಗೆ ನಮ್ಮ ಸಮರ್ಥನೆ ಇಲ್ಲ. ಆದರೆ, ಲೈಂಗಿಕ ಕಿರುಕುಳ ಮುಕ್ತ ವಾತಾವರಣ ಇದೆ ಎಂದು ಘೋಷಿಸಲೂ ಸಾಧ್ಯವಾಗುತ್ತಿಲ್ಲ ಎಂದು WCC ತನ್ನ ಫೇಸ್ ಬುಕ್ ಪುಟದಲ್ಲಿ ಪ್ರತಿಕ್ರಿಯಿಸಿದೆ. ಈ ಸಂಸ್ಥೆಗೆ ನಟಿ ಮಂಜು ವಾರಿಯರ್ ಅಧ್ಯಕ್ಷೆಯಾಗಿದ್ದು, ಚಿತ್ರರಂಗದಲ್ಲಿ ಮಹಿಳಾ ನಟಿಯರ ಸುರಕ್ಷತೆ ಬಗ್ಗೆ ಹೋರಾಟ ನಡೆಸುತ್ತಿದೆ.